地道館車仔麵

营业中

休息中

新蒲崗呢間車仔麵幾抵食，$40有三餸😋一碗叫左咖喱汁米線，餸分別係咖喱魷魚、蝦條、酸齋，不過呢幾款餸每款要再加$2-$3，但咖喱魷魚🦑真係幾正，爽口彈牙，唔會覺得韌，口感唔錯😍，咖喱汁辣得黎幾惹味，同魷魚好夾🤩蝦條就好香口，平時都比較少食到😝另一碗要左腩汁河粉，酸齋、魚腐、腩肉，腩肉半肥瘦，炆煮到又腍又入味😋魚腐就比較薄身，似魚片，但都有魚香味😗我地仲叫左份瑞士雞翼，估唔到有成5隻，仲要幾大隻，雞翼用瑞士汁煮到超入味🤩甜甜地幾好食👍🏻👍🏻

San Po Kong Authentic HongKongese Cart Noodle soup新蒲崗好味車仔麵.My friend and I went to a restaurant called "Local House" located in G/F, 42 Shung Ling Street, San Po Kong新蒲崗崇齡街42號地舖this restaurant offers Authentic HongKongese Cart Noodle soup,rice and snack...etc.the Authentic HongKongese Cart Noodle soup only costs HKD$40 with 3 toppings (三餸車仔麵HKD$40）！！There are around 40 toppings to choose from5 different flavors of the soup bases I.e. secret sauce,curry,spicy, eel brisket sauce and original flavo

難得星期日，又唔想去咁遠就喺屋企附近搵咗間車仔麵嚟食呢間車仔麵成日都見到佢坐滿左人，就算係三四點呢個時間，都差唔多坐滿晒人👍🏻佢嘅價錢都算幾抵，三餸都只係$40，而佢嘅款式都相當之多，最緊要就係是佢嘅秘製辣汁，次次食都食得好過癮😋我今次就叫咗豬紅、豬腸同埋陳皮魚蛋，食車仔麵梗係要食油麵啦，佢嘅豬腸相當入味，有佢豬紅口感都好唔錯，我食埋佢嘅秘製辣汁，味道相當出色😆朋友就叫咗蘿蔔、薑汁豬潤同蝦條，佢就揀咗咖喱汁，朋友都讚豬潤相當爽口，仲話咖喱汁啱晒佢口味🥴呢間小店性價比相當唔錯😍

香港探店｜新蒲崗｜車仔麵｜ 地道館車仔麵經常在新蒲崗流連的我，其實很喜歡吃車仔麵。這一間地道館車仔麵，一直是我的To-go-list 的首位。同事經常誇他們家的辣汁非常吸引，這次終於能夠一試他的廬山真面目。我朋友一行三人已下午茶的時間到了地道館，試一試他們的車仔麵。我們一致認定：豬腸、蘿蔔、豬扒、辣汁、辣汁魷魚都是他們家必點的名物！豬腸非常好吃，用心的店家已經將裏面全部洗好了，沒有異味和肥膏，吃得痛快！蘿蔔浸過了腩汁，非常入味，而且滿滿都是纖維，感覺消除了些許的罪惡感。他們家的豬扒怎樣也要點！因為經過烤製，配上秘製醃製，感覺與車仔麵非常配搭！還有還有，辣汁魷魚很不錯，爽口彈牙，沾上了辣汁，就更加惹味！而且我，他們還有香港很少見的唂咕——是一種比巧克力更加苦的朱古力飲料，真是覺得是一間有心思的小店。而且這樣吃了這麼多款餸，我們買單才$140有找，你叫我怎麼能夠不回頭呢？——————為食分界線——————📍 地道館車仔麵 (新蒲崗)新蒲崗崇齡街42號地舖人均消費： $40

🤨 五一做完嘢之後，行咗去新蒲崗食晏。由於唔係好肚餓，但都要補充energy，所以揀咗間車仔麵店。🍜 豬大腸、蝦卷、陳皮魚蛋、幼麵餅 (加腩汁) 車仔麵 😋😋😋😋去到新試嘅車仔麵舖，通常都會揀佢哋嘅推介車仔餸菜，🤔 最後揀咗三餸豬大腸、蝦卷同陳皮魚蛋，配幼麵餅加腩汁。豬大腸清潔得唔錯，冇乜豬騷味，咬落煙煙韌韌；蝦卷有一條半，蝦肉內有三色豆，肉質扎實唔會霉；陳皮魚蛋有五粒，陳皮味同魚味都好出 👍🏻幼麵軟硬適中，湯底少少腩汁味，如果可以再濃啲就更好！ 每碗麵仲配有少量生菜 🥬午餐 💵 約港幣$50/人💁🏻‍♀️ 依間車仔麵店目測可容納十幾人，座位空間較為狹窄，但都吸引唔少區內市民嚟幫襯，價錢相宜，車仔麵三餸$40起！喺附近返工嘅打工仔，不妨去試下！不過留意返，佢哋只收現金～最後，喜歡嘅話，歡迎follow @foodirectory.hk！

三餸一麵$40車仔麵，性價比十分高，平時吃肉類的餸，至少$12起跳一份，現在平均都係$10一份👍👍重要份量好足最重要是車仔麵居然有擺盤🫶🏻細緻位做足👏🏿食之前朋友有介紹必食秘製辣汁及蘿蔔，不愧是秘製辣汁，香辣香辣口感，為湯底及食物增添生命，蘿蔔亦是必定推介項目，清甜通透爽口另外點上我最愛的豬大腸，八爪魚條及紫菜，特別是豬大腸，應該是用了秘製的醬汁炆煮，口感另類不一老公最喜歡的是豬皮，他用「爽滑」來形容，吸收了湯汁，更惹味

又到左lunch唔知食乜好，經過呢間車仔麵好多次都未試過，就入去試吓啦💕車仔麵既鋪頭多數好迫，食完想你快啲走，但係呢度就喺卡位，坐得比較舒服😌價錢都唔算好貴,三餸都係大約40蚊。 特別餸就加多兩三蚊👍🏻👍🏻👍🏻我叫左冬菇、紫菜、豬潤、魚片頭、柱候牛腩，腩汁米線🍜另外仲嗌咗佢地個Juicy豬扒😍，配凍檸茶😋見佢哋個湯底都幾多選擇，可以揀咖喱汁同埋秘製辣汁，因為我皮膚敏感暫時唔敢食太辣，淨係叫店員俾咗少少我試吓，秘製辣汁真係幾辣幾惹味，咖喱汁就配魷魚正👍🏻👍🏻👍🏻下次會帶男朋友黎試🥰

每次經過見到呢間街坊車仔麵店都坐滿人，今晚決定去試吓。鋪頭入面有幾張卡位，其他位就係長枱，今次幸運坐到卡位。佢價錢幾抵，三餸都係大約40蚊，不過有某啲餸要另外加錢。我地嗌咗兩碗車仔麵，啲餸分別有陳皮魚蛋、魚腐、牛腩、蝦條、八爪魚條、豬皮，另外仲嗌咗個小食豬手。首先個豬手幾抵食，三十幾蚊有五嚿，味道唔錯，鹵得幾入味。之後到車仔麵，河粉同米線係正常質素，湯底冇咩特別，不過勝在夠濃味，而個魚蛋就好驚喜，陳皮味好濃，蝦條同魚腐都好香口，食得出係炸過嚟，唔係雪藏嘢軟淋淋，至於豬皮、牛腩同八爪魚條就一般。提返，雖然open rice資料寫住佢收支付寶，但其實鋪頭只收現金，大家記住帶定現金去食。

中午唔知食咩好，又唔係好想食飯咁飽, 所以食呢間車仔麵，其實佢比一般車仔麵無咁油，味道都較濃。今次叫左水魷，蘿白，陳皮魚蛋同生菜，陳皮魚蛋好有陳皮既味道，同埋肉質都夠實正，蘿白都好入味！

車仔麵三餸一麵。$39 ➕湯底：咖喱汁 ➕陳皮魚蛋 ➕魚腐 ➕紅腸 ➕油麵 🔎陳皮魚蛋味道尚可，魚腐好失望，咖哩湯有點辣，但還可以接受。車仔麵三餸一麵。$39 ➕湯底：腩汁 ➕蘿白 ➕豬紅 ➕柱侯牛楠。$3 ➕油麵 ➕熱奶茶。$5 🔎蘿蔔未夠入味，牛楠夠淋，腩汁尚可。

今日嚟呢頭做啲嘢，做嘢之前已下肚先！兩點食過遲來的午餐，見到呢間幾多人幫襯而且有啲想食車仔麵所以就去試吓價錢唔算平， $39.3餸，可以要求菜底但係其實淨係比幾條山菜我，反而另外朋友嗌嘅正常米線唔會有山菜比，抵食啲！如果唔係就應該揀韭菜或者其他豬紅五粒，冬菇四粒大腸就似小腸多啲，朋友覺得泰林，我就覺得冇咁油膩幾好味！整體調味唔錯，不過份量好少，就算你正常要米線都係得唔多蘿蔔好甜好好味！牛柏葉爽口，好似有四條豬膶好好味！不過得四舊完全唔夠喉，而且有一舊係超細粒如圖所見呢度環境唔錯有卡位，而且有獨立廁所，不過廁所入面唔算太乾淨同埋冇廁紙呢度只收現金

新蒲崗的確係一個臥虎藏龍的地方，無論你係咩口味, 都唔難去搵到啱自己口味的食物.今次有啲趕時間，於是試吓呢間經過好多次但未試過嘅車仔麵 - 地道館.食材都係一般車仔麵食物，冇乜特別,唯一就係要試吓佢哋個秘製湯底同辣汁喇.因為同行者唔食辣，所以叫左腩汁。味道唔錯，幾清甜食完唔會口渴,但就唔係好濃味，不過不失啦.我自己就叫左辣汁湯底要小辣，但就越食越辣，下次再試,真係要改叫小小辣. 雖然係辣,但又辣得好惹味，係會令你越食越想食,咁當然咁濃味嘅湯底亦都會令你好口渴，叫咗杯凍檸茶，味道一般冇乜特別，不過飲完成杯仍然好口渴.....總括嚟講味道還可以，係趕時間平靚正之選

💛地道館車仔麵·呢間我哋之前已經食過㗎喇 今次再食佢啲餸都一樣咁好食 唯一係今次我個米線偏淋 口感麻麻 大家可能嗌翻油麵或者米粉好啲🤣🤣·三餸一麵$39我自己覺得佢個秘製汁好食過佢個個咖喱汁 佢呢個食落惹味啲 而且好有層次 不過就比較辣😂😂之後佢今次個蘿蔔同埋冬菇都係好入味 好甜 而且完全無渣🤤個咖哩魷魚都係超大條 食落口感好好🦑之後佢個八爪魚又係勁真才實料 入面超多八爪魚 食落口感好好🐙😌·#rbyeat#rby港式 #rby車仔麵#rby💛#rby新蒲崗 #rby何文田·📍新蒲崗崇齡街42號地舖📍何文田忠孝街60號愛民廣場地下G2號舖

Intro: 新蒲崗真係有好多野食！而呢次就揀左食車仔麵，呢一間就叫地道館，而佢地全港都係幾間分店，記得幾年前食過，印象中佢地嘅咖喱汁好出色，唔知仲可唔可以保持到水準呢？___________________🍽 三餸車仔麵（咖喱汁米線、蘿蔔、水魷魚+$3、靚靚腩肉+$3、凍檸茶+$7）💰 39+3+3+7=52 ⭐️ 8/10✍🏻 呢碗車仔麵賣相好豐富，餸嘅份量都好多，叫三餸仲送左少少生菜！✍🏻 蘿蔔無渣，但就食到少少蘿蔔原有嘅青味，可能個人更喜愛入味嘅蘿蔔✍🏻 水魷魚好出色，晶瑩通透外仲好彈牙，份量好足，有幾條仲好厚肉！✍🏻 腩肉肥肉偏多，但好入味✍🏻 咖哩汁真係幾辣好香濃，但呢到嘅米線太冧，建議大家都係試第種湯底✍🏻 個人認為以前嘅質素更高，但其實都係一碗唔錯嘅車仔麵！___________________🏠 地道館車仔麵📍 新蒲崗崇齡街42號地舖⭐️ 8/10___________________

去新蒲蒲做野，勁肚餓就搵左間車仔麵去食，貪佢夠快夠方便呀😍三餸車仔麵 $37 車仔麵係跟三餸，係佢張menu入面可以見到，普通同比較素的餸係唔洗加錢，另外啲係肉的餸係要加2-3蚊不等😛 飲品就熱飲加5蚊，凍飲加7蚊的😆 我今次就叫左陳皮魚蛋，白蘿蔔，同埋蝦卷的☺️三樣野其實都不太特別令我食完好驚喜同有深刻印象，普普通通不過不失啦😂 白蘿蔔係幾清甜的，而且份量都多，有成4舊，每舊都非常之大👍 湯底我就叫左佢地個秘制辣汁，佢地個汁係偏甜的，而且個辣度都唔係講笑，有啲辣呀，食唔到辣的朋友可能要叫其他湯底啦🤓同埋佢地係用外賣紙碗上餐，呢個好似又差啲，唔係咁好🫠秘製豬手 $33豬手份量有好多，最好就有人一齊去食，方便share，如果一個人食晒成碟會有啲漏呀🙈味道方面佢係偏甜的豉油味😳地道館車仔麵 (新蒲崗)新蒲崗崇齡街42號地舖