地道館車仔麵

营业中

休息中

去新蒲蒲做野，勁肚餓就搵左間車仔麵去食，貪佢夠快夠方便呀😍三餸車仔麵 $37 車仔麵係跟三餸，係佢張menu入面可以見到，普通同比較素的餸係唔洗加錢，另外啲係肉的餸係要加2-3蚊不等😛 飲品就熱飲加5蚊，凍飲加7蚊的😆 我今次就叫左陳皮魚蛋，白蘿蔔，同埋蝦卷的☺️三樣野其實都不太特別令我食完好驚喜同有深刻印象，普普通通不過不失啦😂 白蘿蔔係幾清甜的，而且份量都多，有成4舊，每舊都非常之大👍 湯底我就叫左佢地個秘制辣汁，佢地個汁係偏甜的，而且個辣度都唔係講笑，有啲辣呀，食唔到辣的朋友可能要叫其他湯底啦🤓同埋佢地係用外賣紙碗上餐，呢個好似又差啲，唔係咁好🫠秘製豬手 $33豬手份量有好多，最好就有人一齊去食，方便share，如果一個人食晒成碟會有啲漏呀🙈味道方面佢係偏甜的豉油味😳地道館車仔麵 (新蒲崗)新蒲崗崇齡街42號地舖

和友人星期日看完早場電影後，也差不多是時候要吃午飯。在附近行了數個圈，發現有一間不太起眼，但門面頗有格調的茶餐廳，於是便進去找個位置坐下。看一看餐牌，原來星期日不賣碟頭飯，只賣特餐。為了再三確保這間茶餐廳真的可以有性格到一整天只賣公仔麵、煎蛋、精製肉和蛋撻，我打量著周邊食客的餐盤，還真的只有這幾類食物。食物很快便到，完全刷新我對茶餐廳食物質素的舊有印象：公仔麵介乎在生和熟之間，帶有一點莫名的脆口，是Medium Rare；餐肉只有一個半圓型，而且薄如紙，薄得和公仔麵一樣有點脆口我和友人各叫了一個蛋撻，正常也不會有期望。一咬下去，你的意識開始有點迷糊，因為你難以想像在一個地方同時存在地獄和天堂。那個蛋撻是出乎意料地好食，而且不只是好食，而是好好食，我的味蕾就像在曠野的深端被天使帶到綠洲，或者在屯門公路塞車同時尿急時被隨意門帶到大欖隧道轉車站的廁所一樣，是一種徹底的釋放和拯救。熱奶茶也是非常出色，不過實在難及蛋撻當下給我的感動。如果周星馳要拍新一套《食神》，薛家燕吃這個蛋撻後，必定會淚如泉湧，戲劇效果也必能給予觀眾震撼式體驗。經歷了這個瘋狂的超自然茶餐廳體驗後，還是要回到現實結帳。

話說我幫襯開既之前試過一次ok就會試其他 但我想講佢腩汁要視乎運氣承上 我話過會想試其他嘢 需要喺選擇嘅時候面對好大嘅困難 但佢哋會覺得我揀咁耐係特登玩野 所以佢哋會搵一次報復 特登喺冇乜客果陣無視我 仲要持續幾次都係咁如果你比開小費 你有朝一日唔比 佢哋就會特登落錯單 屈你小費 二餸會落單落三餸 上就照上兩餸 三餸就照上三餸 落就落四落 連野飲就算真係等於市價 但612基金我做左幾多野 解散左基金持續營運我覺得ok既 但我地仲會覺得收益係幫人咩有人情味果d就有緣既 可惜冇喺度做 分明老闆好人有限公司 衰既就…

又嚟買外賣返公司食，平時經過地道館都好多人排隊，精明食家用外賣app，慳返等候時間👍🏻叫左四餸車仔麵，生菜、蘿蔔、牛腩、蟹籽丸、米線，加杯熱朱古力，外賣app總數$50.4🤓 鍾意佢湯同料分開裝，咁就唔駛擔心會稔晒👍🏻 啲湯好熱，係真係好熱，攞出嚟時係會辣手嗰種🔥生菜、蟹籽丸唔講了，同平時都無咩唔同🤣 但蘿蔔，非常出色，真係好甜，而且無渣，蘿蔔都真係試緊伏之選，有時係苦同多渣真係令人心情差，但呢個值得推薦🤤 牛腩有啲un，汁係好食，但質地會令我下次唔揀佢，不過牛腩都真係好足份量，食極都仲有。食完成份真係好飽，極度飽，完全唔會驚唔夠，然後衝在蘿蔔嘅份上，我應該會再次去食😋

今日新蒲江開餐見呢間車仔新開就黎試下呀點左~生菜咖哩尤魚紅腸紫菜米粉辣汁可能本身湯唔算多又加左辣汁同尤魚有咖哩汁搞到個湯杰杰地咁味道都還好既尤魚份量比想像中多~生菜蝦條陳皮魚旦油麵麻辣汁麻辣汁唔太有麻味呀配料全部正常呀蝦條好似淋左少少~炸豬扒(本來想叫炸魚皮架,點知無呀)肉質都OK既唔會炸到好干大大件咁PS 唔知係咪因為疫情餐廳用左即棄碗個SIZE唔算放到好多湯感覺多番少少湯溝稀個醬汁會好DD

從小已愛吃車仔麵，午餐時間一想不到吃什麼，雙腳便會自自然然走向車仔麵店。車仔麵餸菜款式多，多吃也不會生厭。正因這樣，餸菜味道出色才能留住客人。～～～～～～～～～～～～～～～～～～～之前朋友介紹下，試過外賣，覺得味道不錯，這次就選擇堂食。我食量不大，三餸麵已經足夠。🍜豬皮+酸齋+唐生菜+幼麵+辣汁🍲 $40⭐️⭐️⭐️先喝一口湯，正常，沒有所聽說那麼勁！吃車仔麵，豬皮是不二之選。這裏的豬皮是辣的，味道ok，質地比較硬了一點；酸齋質地ok，不會過腍或過硬，但味道麻麻。點餐時忘記加辣汁，店員很好，後加就拿來一小碗，辣汁分量也不少😁辣汁帶甜偏辣，辣度夠，但欠缺香味。麵的質地幾好，不會煑到過腍糊掉。～～～～～～～～～～～～～～～～～～～之前外賣試過鳯爪，覺得很美味！這次點的餸不至於不好吃，而是一般。可能吃了辣汁，過後兩三小時仍感囗渴。～～～～～～～～～～～～～～～～～～～喜歡店內每張枱都貼上勵志語句，邊望著邊吃麵，能令心情平和。

呢一間餐廳車仔麵主打。如果你係喺度成長車仔麵真係童年回憶，但係而家食嘅車仔麵種類繁多，咁呢間車仔麵主打就係佢哋嘅Juicy豬扒啦！今日仲買多咗一個小食韭菜豬紅、同埋Juicy豬扒做晚餐，面就唔食啦，咁個豬扒打開係切到一件件，令人好鬼開心，韭菜豬紅有啲微辣，豬紅好好味，韭菜好清甜，有時加送都可以選擇車仔麵嘅餸㗎 ！

今日下午去咗新蒲崗，地道館麵家食車仔麵。午飯時間都有好多人喺門口等緊，好彩大部份人都係等外賣，我哋等咗一陣就可以入座。睇到菜單，三餸一麵都係$39 ，某啲菜要另外加一蚊，或者兩蚊。車仔麵來講我自己就一定係叫油麵，唔知點解，由細到大，媽媽都係咁教。跟住揀咗腩汁，加咖喱汁👍🏻。餸菜方面，叫咗豬大腸👍🏻，滷水雞翼👍🏻，同埋甜酸齋👍🏻。車仔麵好快就到，一定要試一試佢個湯頭，好鮮甜，有兩條生菜附送，感覺都慷慨嘅。豬大腸味道好好，雞翼亦都好入味，甜酸齋我近期嘅最愛，同車仔麵成個感覺好夾。******************************👍🏻好食 | 👌🏻可以 | 😔 難食評分 : 7/10簡評 : 值得排隊嘅車仔麵

本身星期六係特登黎新蒲崗食第二間同區舊式車仔麵，但唔好彩冇開，所以馬上OpenRice睇下附近有邊間都係食車仔麵。舖面內裹都企理闊落，食得舒服。餸都係普通車仔麵店嘅，冇話太特別🍲油麵加秘製汁 (豬大腸、豬紅、雞中翼) $39★★★☆☆油麵份量足，唔會太林同脤哂，正常OK。秘製汁係辣汁，加埋本身甜甜地既湯底都幾夾，但個辣味比較單一，冇太大驚喜。豬大腸夠味但煮得過淋，變相食落冇哂口感，有D可惜。豬紅好食，佢係辣味嘅，冇腥味同怪味，裹面夠淋同滑，但出面仲保留少少口感。滷水雞中翼D肉整得唔夠滑，個滷水味唔算好出，偏甜似瑞士汁多少少。🍲米線清湯 (薑汁豬潤、蘿蔔、豬皮) $39★★☆☆☆呢間店個清湯底係醬油底，味道偏甜，同本身EXPECT嘅清湯唔同，米線正常但份量偏少比起油麵。薑汁豬潤係厚切大塊嘅，但食唔到有薑汁味道，同埋有幾塊係完全唔熟，入口個質感好生下，真係食唔落口。蘿蔔冇渣，但應該用左糖水去煮，食落得個甜味，蓋過哂蘿蔔本身個清甜味。豬皮幾好食，冇異味，做到爽脆口感。🍲必食豬手 $32★★★★☆小食黎講幾抵食，$32有5-6大舊豬手；炆得淋身同埋入味，但味道都係偏甜，似係用雞中翼一樣嘅汁去煮

💛地道館車仔麵·呢間車仔麵真係超級高質 我地個日叫既所有餸都好好味 我地係食到一半已經決定下次要再黎食😍😍·三餸一麵$39強烈推介大家試下佢辣既秘製汁 佢係超級惹味 我地個日叫左超級掛湯既米粉 食落好正 不過就真係比較辣 一定要叫野飲先得🌶️🤭🤭之後佢個咖哩魷魚入味得黎佢個魷魚係超大條 超爽脆🐙之後佢個蝦條都好新鮮 食落超彈牙🦐佢個墨魚丸又係勁真才實料 佢係超多墨魚塊🦑之後佢個蘿蔔都好甜 好入味 而且完全無渣😌之後雖然佢個滷水雞中翼係偏淋身既 但係都好入味 整體全部餸都好正🤤🤤·juicy豬扒$32之後呢個我地係見openrice好多人推介所以叫既 果然真係好出色😍佢個豬扒肉質好好 好彈牙得黎完全唔會韌 配埋佢個醬汁真係超級惹味😋😋·📍新蒲崗崇齡街42號地舖📍何文田忠孝街60號愛民廣場地下G2號舖

是日晚餐朋友話好耐冇食過車仔麵，於是揾下附近有咩餐廳就揾到呢間。呢間車仔面，座位有卡位，環境似乎比一般車仔面坐得舒服啲。當晚我地都叫左碗幾多餸既車仔面🤣，有蝦條，墨魚條，鳳爪，酸齋同魚腐等等，每樣好足料，亦會附送生菜。我地另外叫左碟腩汁時菜($17)，份量唔少架，蠔油請餐廳另上比我地。飲品方面，餐牌上有一項叫荷蘭谷咕，同行友人好有興趣試下係咩黎🤣，其實係濃啲既朱古力，唔會太甜。大家有興趣都可以試下。

住係附近好耐，睇ig推介先發現呢間高質車仔麵店！！先講門面，新裝修好乾淨 有桌椅有卡位有樣特別就係啲座位附近會痴住啲memo寫啲勵志嘅心靈雞湯句子記得嗰日見到有句盧梭嘅quote望住食嘢有滿滿的正能量hehe講番嘢食我叫咗腩汁油面蝦條豬紅蟹籽丸ig推薦真係冇講錯蝦條要加一蚊 但好值得！好彈牙好爽！豬紅都好實 又入味！蟹籽丸就正常發揮幾嘢配埋腩汁真係好好味！！常規三餸面係$39我叫咗蝦條加$1所以埋單$40非常飽肚又好味！推薦！

經過新蒲崗 又唔係話太肚餓 經過見到有車仔麵食就去試下~D餸既款式都正常 車仔麵來來去去都係果D見到有魚卷同埋水魷 就試下~水魷真係好入味 佢個醬汁真係畫龍點晴 加上個湯底又好濃 越食會越肚餓麵質唔會話煮到好硬/好淋身 軟硬度岩岩好

昨天中午在新蒲崗午飯，看到一家車仔面餐廳，見有位，我們兩夫婦就直入就坐。沒有太大期望，但是又希望只是吃的簡單一點，就簡單點了兩碗面。餐廳不給水也沒有紙巾提供，這一點在疫情下是十分失分的。我向一位貌似主管的阿姐要了一杯熱水，燙一下餐具，阿姐一直很勤快，但是奈何她除了場走動之外，就是那一把高八度的叫聲，十分騷擾食客… 水是有了，問要紙巾，沒有提供… 只能夠買，三元一包 ZENSES 牌子既紙巾… 頓然覺得，做生意賺錢是正常… 但是沒水沒紙巾的預設情況下，收客人一包這樣的紙巾三元… 加上菜單上兩碗面兩杯飲品質素十分有需要改善，本人十分覺得，做生意要「取之有道」，要給回正常一點、有性價比的服務和食物質素就很重要。昨天的體驗，個人認為就十分不平衡… 抱歉，要差評了。

一年幾前嚟呢度食過兩三次，當時覺得味道不過不失，跟住佢裝修咗都未再食過。突然心血來潮見咁耐冇食就想再試吓，新裝修比舊時新淨好多，好多卡位坐得舒服。本身就咁叫兩個麵，加碟菜同豬扒，落單嗰陣侍應好心提醒可以轉二人餐抵好多，我哋本身都冇留意到原來有套餐叫。我哋兩碗加埋有牛腩，冬菇，豬紅，酸齋，豬腸，豬肚，蝦卷。兩碗都要咗秘製辣汁。味道方面，牛腩有啲唔夠淋，不過味道ok，豬腸，豬肚都好食，其實都正常質素，個辣汁係好味，但對我嚟講太辣，下次會要求小辣。反而個豬扒真係好抵，因為有成三大塊又入味又夠淋。整體嚟講質素好坐得舒服又抵食仲要係良心店，會多啲嚟食。