均香餅家

营业中

休息中

No need to queue for pistachio mochi anymore! This mochi is better! Maybe this is the best pistachio dessert in Hong Kong with reasonable price. The pistachio filling is made of American pistachio crunch and Japanese pistachio paste, is so Crunchy and nutty, though the mochi dough is a bit too watery and sticky.Recommended to eat immediately as it will easily be squeezed into mash 🤣

重點：- 好：餡料味道幾好（開心果、豆沙）- 壞：外皮超級無敵厚，要即食，keep唔耐總結：- 未試過開心果糯米糍可以體驗下- 但唔好要求高質素，唔好有期望行開深水埗，醒起社交平台睇到一間唔使排隊嘅開心果糯米糍，就諗住去試下，去到真係一個人都無，即刻可以買。各款糯米糍可以單買，價錢如下：芋泥、花生、豆沙：$6開心果：$12買咗2個開心果+1個豆沙，隔咗3個鐘，返到去打開啲皮淋晒….. 痴實晒個膠盒… 三粒糯米糍已經痴實咗分唔開，一pat嘢咁諗住剪開佢照食，見到個皮厚到，尤其係個底（綠色餡下面嗰度），真係大概1cm咁厚😂 而且勁痴手…但老實講餡料味道真係幾好味，唔算太甜。最後撩晒啲餡出嚟食，皮就真係太多食唔到了。平時亞玉豆腐花嗰啲花生糍粑擺過夜都仲係乾身同軟熟，唔知點解呢個咁易變形，直頭溶咗咁🫠

大家都講緊嘅開心果糯米糍🌰，唔使排隊都食到✌🏻！喺開心果關注組見到📱，另一間深水埗嘅街坊餅店都有賣開心果糯米糍，而且評價都好似幾好👍🏻 下晝嚟到完全唔使排隊！舖頭亦都有其他傳統餡料嘅糯米糍，例如紅豆、芝麻😝，亦有其他糕餅。.💚開心果糯米糍($12/個)糯米糍裏外都有開心果碎，食落有好濃郁嘅開心果味👅不過餡料係偏濕潤，鍾唔鍾意就見仁見智啦。不過唔使排隊，就即刻有得食，呢一樣就好加分啦。

因為將近端午節，連餅舖都賣埋粽，但可惜我興趣不大。見到呢期好紅嘅開心果糯米糍（$12@），雖然櫥窗無哂貨，但問問店員，竟然入面仲有，要咗兩個。糯米糍份量偏大，糯米粉皮軟糯，可以食到少少拉絲效果。開心果餡料足，食到粒粒開心果碎，味道亦夠，因為加入咗砂糖，所以稍稍偏甜。

開心果熱潮仲未減退，早前荃灣某粉麵廠推出開心果糯米糍之後人龍一直未有減退過，不過要排隊嘅我多數都唔參與，太浪費時間----------最近喺網上得知深水埗均香餅家都跟「豐」推出開心果糯米糍，拜托住附近嘅朋友幫我買，到第二朝先食，有出油偏濕情況，但食落都仲係唔錯----------佢個皮唔係好薄嘅一種，有一定厚度，反而係我鍾意嘅，因為糯米皮太薄反而冇咩口感；個皮唔係超軟熟同綿，反而係偏實淨同挺身，食落幾煙韌仲有拉絲效果；開心果除左裡面之外，仲有層鋪面，夠哂足料，開心果香比預期濃郁，食到粒粒香脆開心果碎，有驚喜！如果可以減甜嘅我會更鍾意，但係整體都係好滿意，12蚊粒值得試，重點係暫時仲未要排隊，加分！

今年新年前瘋傳好好味嘅開心果角仔。。。專登行去買嚟試試。。。🤣🤣🤣人氣店舖當然要排隊啦！我見人龍也不算太長。。。便趁趁熱鬧。。。但都要等30 mins至45mins...😑😑😑它有各式各樣嘅角仔和賀年食品。。。但我當然主打開心果角仔啦！開心果角仔1磅$190。。。半磅$100角仔原來有分脆角和酥角的。。。開心果角仔是酥角來的。。。新鮮第一日食都鬆脆，開心果味都算濃。。。但略甜。。。過咗幾日食。。。就淋咗。。。唔鬆脆了。。。邪惡的又貴的東西都係一試就好了！🤣🤣🤣

特登早上十一點去排隊買人氣開心果角仔排到嘅時候店家話只係得返好少開心果角仔因為店家稱師傅做通宵，賣晒需要休息，下午先會再做好彩都買到2磅返去，仲滿心歡喜返到去食嘅時候發現溝左唔少原味，差唔多得一半開心果，一半原味角仔…但係開心果角仔每磅比原味角仔貴50蚊…而我地買左2磅係比2磅開心果角仔嘅價錢如果係冇貨賣嘅，可以照直同顧客講，而唔應該用咁嘅手法去欺騙顧客…咁樣做生意嘅舖頭真係唔會再回頭，非常非常失望錢嘅問題都唔係最大，但今次亦好都令屋企人好失望…😕

我之前喺「均香餅家」訂咗三款口味嘅酥角，尋日終於收到，嬲到爆🤬我之前喺早鳥優惠嘅時候買咗三款口味，純正花生、紫菜肉鬆同埋三重芝士肉鬆。純正花生口味酥角 - 話說我𡚒年中秋節嘅時候去攞月餅見到佢有酥角賣，我就買咗兩磅嚟試吓，當其時係每磅$100，覺得都OK喎，咁啱今年見到佢又早鳥優惠，仲可以寄埋唔使特登去深水埗買，所以我就訂，花生口味原價每磅$140，早鳥優惠每磅$120，咦？！唔係優惠咩？我就問佢，佢就回覆我：「旺季會貴啲，門市賣緊$140。」其實我都冇所謂，最緊要係好食，我就訂咗兩磅。琴日收到，即刻打開開嚟食，每包酥角都幾碎下，而且唔係好脆，食第一舊嘅時候個心情已經開始有啲down down 地，因為同我之前去舖頭買嘅差好遠，點解會咁㗎？不過花生口味都未算最差，嚟緊講嗰兩隻真係要X出嚟!!!!!🤬紫菜肉鬆口味酥角 - 原價每磅$150，早鳥優惠每磅$130，我買咗一磅，呢個口味比起花生口味仲淋啲，食唔出有紫菜味，肉鬆亦都好少，食呢個口味食到自己好唔知食乜，不過都仲未到終極打大佬，下一個口味就係🌚⋯⋯三重芝士肉鬆口味酥角 - 原價每磅$170，早鳥優惠每磅$150，呢個真係超級大魔王😈

始創於1979年的老餅店均香餅家有著傳統的餅食，又能加入新元素，昨天去了排隊個多小時就是為了他們的新出品。隊伍唔係太長，但係要等酥角和開心果角出油鑊，其他的食品可以免排隊。今年賀年食品出了新口味角仔 - 開心果角仔，外層是酥皮，個餡係用開心果經烤焗磨成細粒，加上砂糖、芝麻、開心果醬，滿滿的一隻，味道幾特別，因為加咗其他材料，所以開心果的味道唔係太出，要食落才感受到。又買了傳統的酥角，個皮好酥脆，真材實料。

爆涵薄酥皮開心果角仔朋友老婆係girlfoodies睇到，哩間老餅店今年爆涵薄酥皮開心果角仔好出晒位，咪去幫襯下，唔系第日又話比業主加租交唔起貴租被逼遷咁慘。2點幾食完tea去，一睇條龍尾都嚇親啊！最後排左一個多小時至到門口，亦睇到鋪頭真係現場包現場炸，雖然每人限購2磅，都哩份心又真系值得支持。但每磅190蚊值唔值得就唔覺得值得因為以前無乜買外面角仔，只能比較祖母的出品。角仔外型不平滑，角仔邊接得好唔平均，唔合格一咬覺得皮厚同唔酥，比較硬，尤其是接邊要比較用力咬，通常角仔一係好似豆沙角咁軟得來癡口，一係就要鬆脆，所以覺得哩個皮唔合格。咬開睇到飽滿綠色開心果，真材實料，個人對開心果沒有偏好，食乾果味道就好吸引，但之前係太子試過開心果糖水同哩度一樣，無晒果實的味道。

深水埗是平民區，更是美食天堂。我愛吃包，更愛吃菠蘿包，路經傳統老字號的餅店，必選剛出爐的包點。見有菠蘿包出爐，單買一個$5.5，買三個可獲特價$13。當然一口氣入了三個熱騰騰又香噴噴的菠蘿包回家嘆。

早排（忘記中秋節或農曆新年左右）睇電視介紹呢間餅店傳統食品。我就即上黎睇吓大家的食評是否相符，見多人推介雞仔餅。我晚上7:30左右買，仲係微暖，忍唔住即食一件，超正，果然真係好、好、好食，外脆內軟，煙韌，有咬口，喊甜適中。好彩我買咗一磅，可以慢慢嘆😋 難得來到，買埋叉燒酥和蛋散。但最愛都係雞仔餅🤤🤤🤤 隔咗一日食，都仲外脆內煙韌相中雞仔餅已食咗2日才記得影相分享，蛋散就未開。一定會再去買來食成為我去深水埗必去店之一！雞仔餅一磅$50叉燒酥$20/4件蛋散$30包

餅店由第一代負責人吳生於1979年創立，而均香之名則是取自吳生名字中的其中一個字。均香餅家曾於2021暫停營業，於2022年5月才正式回歸，並搬到舊舖旁邊位置。這裏主要販賣舊式唐餅及糕點，包括：雞仔餅、合桃酥、光酥餅、蝦子花生、杏仁酥、梳打餅、馬仔、南乳牛耳、炒米餅、嚒囉酥、豆沙燒餅、咸燒餅、皮蛋酥、蛋撻、椰撻、三文治及麵包，而每年農曆新年才推出的花生角仔、肉鬆角仔和榛子朱古力角仔，更是要預先預訂才可購得。每一樣食物也保持當年的口味，想找回記憶中的味道，就不要錯過這間小店了！😋#舊式唐餅及糕點#當年的口味#記憶中的味道#均香餅家地址: 深水埗北河街203號地舖電話: 27770719

💡係深水埗無人唔識既均香以雞仔餅、皮蛋酥、老婆餅、糯米糍、港式包點等馳名。大時大節仲會賣南乳角仔、月餅、糉之類，一直深受街坊歡迎🫶🏻其實我極少食「老餅野」今次原意純粹買黎想孝敬阿娘，點知自己食最多🤣🤣🙌🏻⍥ 雞仔餅雞仔餅分別有半磅同一磅賣，摸上手係熱熱地，好新鮮😳！忍唔住係街到啪，痴線！完全驚艷到我🤩🤩🤩食落係外脆內軟，煙煙韌韌，好香口超好味！！！我欣賞佢甜度好適中，又散發陣陣南乳香，即使隔左兩日食都依然係正🤤呢種好味一直令我念念不忘💓⍥ 糯米糍只有花生餡及豆沙餡🤤兩款都買黎試試。拎起上黎幾重手，糯米糍質地煙韌綿糯，但面皮ok厚，唔似我haha😯花生餡都偏大粒，存在感好高，唔會太甜，幾有鹹香感。而豆沙我一向唔好😂餡料偏埋晒一邊，對我地黎講甜左少少，兩款都表現一般喇～⍥ 皮蛋酥子薑皮蛋酥🤣超巨型，比平時既大多三分二！酥皮好多層食落係粉粉地，唔會太乾！好多蓮蓉包住皮蛋，慢慢㗳會㗳到淡淡子薑香，唔係我喜歡既野食🤪試過就算，始終我最愛依然係雞！仔！餅😈😈😈😈

建議：如果買到新鮮出爐既雞仔餅，記得等無甘熱先封袋，避免唔夠脆口🤤如果講#深水埗 #石硤尾 附近既老字號港式餅店🇭🇰 除左有#生隆餅家 仲有幾間#老字號 都係各有特色🤤 作為超過4️⃣0️⃣年既港式餅店#均香餅家 😋佢地既雞仔餅同雞蛋餅，係真心必食❤️今次試左：▫️雞蛋餅▪️雞仔餅▫️馬仔雞仔餅應該係衆多選擇入面，Encore 得最多次既Item (雖然仲有好多未試過)😂 差唔多每一次去開都會補番少少倉。整體唔算甜，而且外脆內軟👍🏻雞蛋餅既蛋香夠好脆，不過食多幾塊就真係有啲過甜，如果可以減番少少甜會更加好🙈 另外，均香既馬仔夠乾身食落脆口，而且甜度適中，拎上手又唔會油淋淋👍🏻 價錢亦唔算貴，HK$5蚊一舊❤️