坐忘

营业中

休息中

第二次食呢間餐廳， 印象中個份量都係大大份， 飯， 菜，肉都好足料。 所以， 今次就試下佢地既烏冬， 門口有期間限定既餐牌， 但係始終對佢個豬軟骨念念不忘， 所以叫個豬軟骨七小時煮白芝麻湯烏冬。一上枱個豬肉骨已經見到煮到啲軟骨都變啫喱狀😍就算係烏冬都有跟少量椰菜， 個白芝麻湯就真係無咩特別， 芝麻味唔係好濃。 隻半熟蛋好好食，唔會好流心但一咬落口有少少甜，成個味道好好。烏冬係扁身果種但都有咬口， 食完碗烏冬的確已經飽左， 但慢煮豬軟骨真係好稔好好食。 餐廳平時都好多人排隊， 座位都唔係好多， 所以最好早少少食就唔洗排咁耐😎

️因為身邊好多人推薦，所以book mark咗好耐，今日終於有得試啦！平日大概6:30嚟到即刻入得☺嗌咗豬軟骨七小時煮野菜咖哩飯、忌廉湯烤雞野菌烏冬+溏心蛋，總共$150～等咗大概5-8分鐘已經上菜！好快！✅豬軟骨七小時煮野菜咖哩飯豬軟骨真係煮得好好，入口即溶！好食！但咖哩嘅味同普通咖哩磚差不多，冇太大驚喜✅忌廉湯烤雞野菌烏冬忌廉湯同烏冬都好味，野菌好足料，有好多蘑菇+本菇👍🏻但個烤雞太鞋了！咬得好辛苦，唔夠juicy😣唔推薦

每日要食最少三十種食物，才能達到營養均衡，在這裡食蔬菜咖哩飯，就有十幾種不同顏色的蔬菜，滿足健康要求。今日的蔬菜包括南瓜，紅羅蔔，西芹，蓮藕，薯仔，番茄，椰菜花，翠玉瓜，洋蔥，粟米，西蘭花，豆角，米飯裡有番薯，餐牌寫明十五種蔬菜，好似唔夠哦，係咪要計埋做咖哩的材料，例外黃薑，辣椒等呢？無論如何，想食多些蔬菜，在這裡都得到滿足，前題是不介意這裡非常擠迫，嘈雜，仲有冷漠的服務態度，香港人長壽，因為適應能力強。

慢煮牛肋丼（$88)🥚加醬汁溏心蛋（+$12)奉送啤酒2罐賣相：🐧🐧🐧味道：🐧🐧🐧丼飯用普通膠碗包裝，牛肋、各配菜整齊排列在膠內，份量頗多，絕對飽肚。味道方面，牛肋入口質感一般，不算軟嫩，但又不至於太韌、難以咬開。肉質有一點乾身。調味方面則偏清淡，略嫌無味。溏心蛋蛋心呈半熟狀，調味一般不過不失。配菜種類不多，只有粟米和椰菜，兩者勻頗為新鮮爽甜。外賣等候時間：🐧🐧🐧在平日晚上9點幾下單，約需時40分鐘送達，與預計時間相符。🐧❤️結語：丼飯整體偏清淡，重視健康人士的良選。

正評居然一面倒 ， 我當然要試下啦 。。。。但我相信只要是持平的人或者曾經幫襯過呢間鋪頭嘅， 冇可能會有咁一面倒的結果或食評。 當日趕時間就參考其他人嘅食評意見， 見到咁多人都讚好， 諗住性價比一定很高。 坦白講食物一般， 呢個價錢有呢個出品只算係尚可， 另外除非你係小矮人否則環境真是非常狹窄，侍應態度惡劣， 服務嘆為觀止。 我相信只要曾經出過街食飯嘅人都會有同我一樣嘅意見，今次我真係信錯這兒的食評。一個字劣！ 永遠唔會返轉頭。

星期六下午，同妹妹二人在天后搵食，記得1年前見過呢間店未開門已經有人排隊，OpenRice 食評又好，想試好耐，咁「好彩」見到店內有很多坐位，所以入去一試。店內標榜日式野菜，但又有肉食選擇，非常啱我同妹妹一個愛食菜，一個食肉獸。叫咗豬軟骨蔬菜咖喱飯，同牛筋蔬菜沙律。對於平均$80一個人，其實唔應該抱過高期望，但可能食評和食物賣相，令我對佢過份期待。先講環境：坐位非常擠壓，我同妹妹身型瘦小勉強可以，健碩男子、女士帶大包包則非常唔建議。店員安排我們入口旁邊的位置，店門不停打開，外面馬路的汽車廢氣直接吸晒，仲要熱氣湧晒入黎，唔明白點解唔裝風閘呢？如果想試呢間但唔想沙塵熱氣撈飯，入坐時記得要注意！否則想換枱的話，會令店內員工非常不客氣「2號話要換枱呀」「咁你想坐邊張吖！」，態度認真需要改善。食物：（sorry, 因為換枱過程頂住條氣，無心情影相，所以相片欠奉）但公道講句，食物賣相有70分的，因為蔬菜顏色豐富，茄子紫洋蔥粗切薯仔翠玉瓜椰菜花紅蘿蔔，每樣1-2件，咖喱飯有1/4份係「灼蔬菜」，好過平時食碟頭飯得2件，相比健康好多。我食嘅沙律有半碟沙律菜，但配搭牛筋肉嘅雜野菜原來係「炸」的，咬落去油

今日食豬軟骨咖哩飯，慢煮豬軟骨煮得夠軟入味，配上多種蔬菜咖哩，營養又健康，飯裡加了番薯和粟米，增加纖維及維他命，是很好的組合。價錢方面又不貴，豬軟骨咖哩飯69元，如果對環境及服務沒有要求，這裡是不錯的選擇。環境是非常擠迫，要夾住手㬹食飯，稍有大動作，就會撞到旁邊的人。冷氣安裝不足，要靠風扇狂吹，時常處於大風的狀況。坐在門口位置就是冰火交集，要適應能力很好才支持得住。服務是非常有限，當然是沒有收加一的。😒

剛好在附近上堂記得呢間餐廳有朋友推薦今晚終於可以一試-行到舖面未夠6點等了一陣，店員出來招呼我們😄入到去，店內裝潢係簡單木系雖然舖頭不大，座位與座位間都比較近但呢種日系小店feel 都幾鍾意-我叫咗豬軟骨七小時煮咖哩飯友人叫蕃茄牛肋野菜咖哩飯呢度日式咖哩食落少少甜豬軟骨好軟好滑，而且好多蔬菜感覺好健康的一餐友人的蕃茄咖哩比我的多咗份酸如果鍾意酸甜味的可以試佢果款-呢度價錢適中，食物好味值得再來～😋

豬軟骨好大舊 而且煮到好淋 咬落去充滿膠質 感覺有滿滿的骨膠原 另外仲有好多蔬菜 加埋咖喱很好下飯 另外叫咗個卡邦尼烏冬但冇影到相 烏冬彈牙 但容易越食越滯 所以我就比較推薦個飯啦 不過整體都很滿意 雖然簡單但很好食

一直食開鰂魚涌嘅坐忘，今日同朋友去開天后，佢又未食過，梗係一於帶佢嚟呢間食下啦！之前一直已經介紹過佢，鍾意重口味既大食既人一定要去！ 一入到去唔使講嘢，梗係要叫返個豬軟骨7小時定食，因為朋友鍾意食烏冬，而又對牛肋條吸引，但係餐牌名冇呢個配搭，所以就嘗試問店員可唔可以將黑芝麻牛肋野菜飯轉為烏冬，店員回覆需要加$11，當然冇問題，照去馬！首先嚟嘅係豬軟骨7小時定食，因為定食嘅關係所以會包含湯同埋沙律另外就梗係個重點啦！ 豬軟骨依然軟滑好好食！配埋飯簡直一流！係會令到食多啲飯！因為個醬汁本身比較重口味，但當然難我唔到！太鹹嘅時候就食返啲沙律菜中和返鹹嘅味道！湯就普普通通，不過不失。另外再嚟嘅就梗係黑芝麻牛肋野菜烏冬，本身個人比較鍾意烏冬煙靭一啲，而佢嘅烏冬就正正啱晒我口味，都係比較煙靭滑！ 黑芝麻都好香，包覆晒喺肋同菜入面！都有好多唔同款式嘅菜，好似翠玉瓜，南瓜，西蘭花，椰菜等等！可以扮晒健康咁樣食多啲菜！有益！牛肋條都幾軟冧！不錯！總括依然都係好好食！值得回頭！價錢都公道！推介俾大家！

是日不必排隊，外賣野菜飯作Lunch。開蓋已經好失望⋯有無十五種野菜就唔知喇。但眼見最多係煎薯仔，翠玉瓜同南瓜片。好多油。另有少少沙律菜。成件事俾我既feel就係煎釀三寶。問題就係點解我要用6x去買一份煎釀三寶？溏心蛋就係加既。但似乎menu上就未寫到係半隻溏心蛋。另外之前有食過佢地既豬軟骨沙律，正正常常，三大件幾抵食。但都唔係好味到要排長龍。

➖ 豬軟骨野菜咖喱飯平時我對咖喱飯有一種恐懼，因為食完會好頂胃好辛苦，但又為食所以都會照食。而呢到既咖喱就相當岩我，味道溫和食完一啲都唔辛苦。飯佢係用珍珠米煮到粒粒分明軟硬適中，就咁配埋個汁食唔食餸都可以食哂成碟飯。豬軟骨係慢煮整所以好淋好入味🪧 兩件豬軟骨都好大件加埋啲配菜同飯都好多，最後碟飯我竟然食唔哂

我們一大班人食晏時，安排入座十分混亂，職員十分串咀，無咩禮貌。食物比我們想像中無甘好食。並不值係拿甘多"好評"分數。食過一次，吾會再返轉頭。朋友食的飯比較硬的。

好耐之前，其實試過鰂魚涌店。不過九龍住，比較少係港島食好西。最近朋友話去食天后一間日式咖哩菜飯，去到發現，咦！原來坐忘有分店！😍我揀左蕃茄牛肋野菜咖哩😋野菜非常新鮮，牛肋都好林；由於有蕃茄，為d咖哩加入少少酸酸甜甜既味道，令人更加開胃。依間既咖哩比較稀，食完唔會覺得好膩！🫠朋友揀左黑芝麻牛肋野菜咖哩，比起上面果款，少左蕃茄，多左芝麻，感覺同味道完全唔同曬！佢芝麻係磨碎再攪入咖哩，所以有好香既芝麻味，不過呢款我覺得有少少偏苦，所以不太喜歡。🙊呢間可以提供到一個好多菜、好味既日式料理。又健康，性價比又高！好適合多肉少菜既香港人！🤩

想食得健康又好味？甘一定要黎坐忘。因為佢啲嘢食係無落味精，而且會有好多蔬菜伴碟。呢度主打食日式咖喱飯，而最出名嘅就係豬軟骨7小時煮野菜咖哩飯🍛 豬軟骨7小時煮野菜咖哩飯 $69豬軟骨真係煮得超入味，同埋肉質超冧，而且舊豬軟骨都好大塊。佢啲咖哩比平時啲日式咖喱冇咁杰，味道香濃，feel到用左好多種香料去烹調，撈飯好惹味！仲有好多蔬菜，有翠玉瓜、紅蘿蔔、椰菜花、西蘭花、西芹，鍾意食菜嘅我覺得甘嘅配搭好正，有肉又有菜超健康！蕃茄牛肋野菜咖喱飯 $65蔬菜好大份，有蕃茄、翠玉瓜、紅蘿蔔，牛肋雖然無豬軟骨甘冧，但肉質鮮嫩，都好好味同好入味👍🏽黑芝麻牛肋野菜咖喱飯 $65加左黑芝麻嘅咖喱味道又幾特別，芝麻味好出，但又唔會蓋過咖喱本身嘅味道，配上牛肋同野菜，別有一番風味。忌廉湯烤雞野菌烏冬 $69呢個烏冬都好出色，忌廉湯唔係平時罐頭好杰身果種，但忌廉味都好濃郁。而且超足料，有好多菇同埋舊雞好大舊，有好多塊，雞肉雖然好厚身，但食落一啲都唔硬，仲好juicy! 烏冬軟硬度適中，好好味😋總評分：🌟🌟🌟🌟🌟 (5/5)好味指數：⭐️⭐️⭐️⭐️⭐️ (5/5)環境服務：⭐️⭐️⭐️(3/5)性價比：⭐️⭐️⭐️⭐️⭐️(5/5)