坐忘

营业中

休息中

講到日本菜 香港真係咩類型都有壽司刺身、拉麵烏冬、居酒屋等等呢間日式餐廳真係我食咁多次都好鍾意❤️主廚喺日本經營咗十多年再將餐廳開到嚟香港❗️先喺鰂魚涌開店 後來再開天后嘅分店兩間店嘅裝修都好日本家庭式感覺🇯🇵店內嘅座位唔算太多每逢食飯時間都總會有食客等候菜式主打無添加、無味精、多蔬菜、少油🌟客氣食得健康食得開心🌈炒15種野菜咖喱飯日式咖喱係餐廳招牌菜🍛眼見大部分人去到都係食咖喱😛好鍾意食豬軟骨嗰款煮得好腍身又帶膠質😻不過呢款野菜咖喱自己都好喜歡🫶🏻有超多款蔬菜一齊煮紅蘿蔔、豆角、南瓜、蓮藕、翠玉瓜、西蘭花、椰菜花、洋蔥、薯仔、燈籠椒、茄子等等雖然一啲肉都冇但依然好好食😻野菜炒過後好夠香同咖喱汁一齊煮索滿咖喱香日式咖喱偏甜口但好香濃個飯亦唔係普通白飯咁簡單加咗粟米同番薯🍠多咗啲啲甜味同口感🤤有時我就會將白飯轉烏冬🍜一樣出色！因為咖喱汁都偏濃稠所以就好似咖喱撈烏冬咁😻烏冬煙煙韌韌 好濃味❗️忌廉烤雞野菜烏冬唔喜歡食咖喱都有其他選擇！呢個忌廉湯烏冬都唔錯😍忌廉湯就偏稀啲但飲落好有奶香🤤又唔會好有膩感🫶🏻湯裡面有超多菇！食極都仲有😹雞肉肉質又唔算話好嫩滑偏嚡啲但都算軟腍唔乾好鍾意佢哋嘅烏冬夠煙韌又

呢間小店真係非介紹不可😍!! 一入到去已經feel到係一間好有心思，好擺足心機落去做嘅小店🥹💛食到最後我直頭感嘆：「佢嘅用心同埋好食，係會絕對唔想浪費任何食物🥹🥹」大大大推介，一定會再返嚟食！一去到餐廳已經見到好多人喺度排隊🙆🏻‍♀️不過攞飛嘅時候店員見我哋兩個人，有咁啱即刻安排到位，可以即刻入坐😍🥳餐廳唔係好大，但係裝修好溫馨，都算坐得舒服☺️🍛椰香烤雞野菜咖喱飯$64咖喱唔算好辣😝仲有好香嘅嘢椰奶味🥥雞嘅份量非常足夠😎最特別係「野菜」！種類非常足夠🥕🥒🫑🌽🥦睇得出蔬菜唔單只係配菜，而係重要元素🤩值得一提係佢嘅飯🍚係舖頭特色嘅番薯粟米飯😋唔單止口感更加豐富，亦都更加有營養😚🍲豬軟骨7小時煮白芝麻烏冬 $69 豬軟骨都煮得非常林同埋個汁都好夠味😋反而白芝麻湯未必好食到有芝麻味，但都係好食嘅。另外烏冬都配有大量嘅椰菜，貫徹店舖以顧客健康為優先嘅原則🤩讚！

對上果次黎食坐忘應該係兩年前了。難得住新界既朋友過黎港島一日遊，我就梗係要帶佢去食港島既美食喇！ 朋友話未過東岸公園，咁我就諗附近有咩好野食 🤔，腦海突然悶過呢間餐廳。見咁雲耐冇去，一於試下質素維唔維持到先！ 去到已經見到外面有幾對情侶排緊隊，入面坐無虛席。等佐大約10分鐘就入得去。餐廳環境係比較狹窄，冇咩空間放自己既袋。呢個係餐廳唯一既缺點。不過要做多啲生意，都明白既 😂。我同朋友叫個兩個餐。一個係慢煮豬軟骨7小時煮咖啡飯。另一個係期間限定青芥豬軟骨定食。（1）慢煮豬軟骨7小時煮咖啡飯 $69豬軟骨雖然只係兩大塊，但歌塊都好大，就算男仔食都絕對夠食。豬軟骨咬落超林，食得出係真係用佐幾個鐘時間整既。最正係秘製咖啡汁，甜甜咸咸，撈埋啲飯一齊食，一真係食到停唔到口！ 最估唔到既係啲菜既份量超多 一啖肉，一啖菜咁食真係爽。（2）青芥豬軟骨定食 $69開頭以為青芥配豬軟骨會怪怪地😂，但食落估唔到青芥味道配上豬軟骨既味道都幾特別，呢個組合幾有風味。唯一可以改善既就係啲菜份量無慢煮咖喱飯咁多，朋人嫌唔夠菜 😂。Btw，呢個set係期間限定，唔係日日都食到架！

跟朋友來到天后，行完東岸公園後想搵個地方食飯，於是就來了坐忘。手畫的Menu好可愛食物的款式都好多，唔怕揀唔到餐廳的佈置亦好舒適作為豬軟骨控的我，一定要試試呢款七小時慢煮豬軟骨!果然無令我失望，豬軟骨偏咸，但肉唔會"鞋"，軟骨亦呈啫喱狀，認真不錯。朋友點了蕃茄牛肋野菜咖喱飯，蕃茄同咖喱味好濃，牛肋肉亦夠稔，可惜的是唔夠入味，但整體算不錯。跟餐+$10點了一杯柚子蜜，比食物遜色得多。整體來說，為了豬軟骨，如果再次來到天后，我一次會再來光顧。

晚飯時間，餐廳都比較多人，所以今晚選擇叫外賣返去食！呢間食評既評價都唔錯，唔係熱氣野，今晚一試～招牌卡豬軟骨野菜咖喱湯烏冬：咖喱湯好濃稠，好香～係日式甜咖喱汁～豬軟骨好大舊，煮得好淋身，好似食緊炆牛腩，咁好多軟骨嘅膠原，超級入味！野菜配料好多。烏冬嘅麵質好好。好滑！好煙韌係高質嘅烏冬，仲好掛湯！醬汁溏心蛋（日本產）：入味，嫩滑軟煮牛肋野菜咖喱飯：打開個飯盒～嘩，啲餸菜仲多過啲飯，牛肋煮得好淋身，夠入味，咖啡味岩岩好，仲有蓮藕片，好好送飯昆布湯：味道剛好，唔咸！

位於天后大排長龍既餐廳，去到都排咗15分鐘先有位，餐廳位置都幾大但係坐嘅位置同隔籬枱比較近。當中佢哋嘅招牌菜係豬軟骨🐷，都係唔錯嘅但係未到好驚喜，質地軟糯，而且都幾大塊，湯底好濃郁，餐牌特別貼心，標明素食同埋無麩質既餐點，備啲特別營養要求既食客參考，亦都可以將餐點改成素食

呢度嘅野菜咖喱飯真係好好味，因為食素關係，如果咁啱響附近都會過嚟食。餐廳無加一，明嘅，唔應該有咩要求，但係最近幾次嚟，次次個女侍應都係黑口黑面，真係唔知佢係老闆定係好唔想做。今日閒日大概2:15到舖，我比朋友先到幾分鐘，係，門口寫明「繁忙時間」要齊人先入得，但明明過咗食飯時間，店內起碼一半吉位，個女侍應一見未齊人即刻嘢都唔講閂返度門淨啲夾到我。我開返門入去，我話咁我一個，佢好大聲同佢另一個同事講「佢話佢一個喎」店家3點落場費時阻人收工，我未坐定都嗱嗱聲幫朋友叫埋，到啲飯嚟，幾乎係成個碟掟落枱「啪啪」兩聲（？）朋友都問我發生咩事。之後仲橋埋手企一邊，成個殺手咁嘅樣到2:30pm左右有一家5人想入坐，人哋已經到咗4個講明有1個泊緊車，又係一見未齊人就喝嗰家人出去等（？）唔係第一次嚟食，但可能係最後一次，呢位侍應嘅態度真係令人嘆為觀止

今日叫左好耐冇食嘅坐忘外賣，估唔到一打開都仲係熱辣辣，值得一讚。今次都係叫番我至愛嘅豬軟骨野菜咖喱烏冬，份量好足，有成隻切開嘅溏心蛋，同埋有8種蔬菜同2舊豬軟骨。豬軟骨炆到好稔，最鍾意係炆到變啫喱狀嘅軟骨，我試過一次過食晒所有豬軟骨，覺得好「漏」，一定要同人share 先得😂 咖喱汁唔係好辣，帶少少甜，但好香咖喱味，落去撈埋啲烏冬一齊食真係好正。蔬菜有翠肉瓜，茄子，蓮藕，甜椒，蘿蔔等等，應該全部都炸過，所以保留到好鮮艷嘅顏色同埋保持到口感，唔會過稔。

區域：天后店名：坐忘 Camper’s選擇：日本菜/烏冬/ 無肉餐單價錢：$51-100 （人均＄62）飲品：不包味道：tasty 菜式》 椰香烤雞野菜咖喱飯份量：飽，大碗環境：餐廳有播我喜歡既劇集ost 歌單》整體印象：good地址：天后電氣道127號地舖 （天后站A2出口行5分鐘）

如果一問起天后有咩好嘢食，相信大份人都聽過坐忘依間日式家庭料理，招牌主打日式咖喱、慢煮豬軟骨、配上多款蔬菜，健康又好食！聽聞長期好受歡迎要排隊，但我平日夜晚去食直入就得！👓豬軟骨野菜咖喱飯 $72豬軟骨不枉係慢煮7小時，非常淋有少少果凍狀態，可以唔使咬直接吞😂有兩大嚿非常多肉，一定夠飽！係日式咖喱比較甜，但覺得似普通咖喱磚味純甜味唔算特別，若果帶少少辣會好一點。個白飯有少少黃色以為係蛋炒飯，但其實加咗少少南瓜蓉，伴碟好多蔬菜營養好均衡好健康同好飽囉😂味道唔錯不過冇網民講得咁誇張，有機會會想試吓其他菜式再驗證下有冇驚喜😂評分：7.5/10👓烤雞野菌忌廉湯烏冬 $78奶白色忌廉湯底，味道偏清澈帶少少忌廉味唔算好漏或油膩。好多菇菌好食，烏冬都唔錯，但敗筆在於烤雞，雞肉好老好鞋，我諗叫返住軟骨烏冬會開心啲。評分：7/10

豬軟骨七小時煮野菜咖哩飯 $69豬軟骨煮得好軟腍，軟骨都已經變成啫喱狀，入口即溶，不過略嫌調味偏鹹；野菜有翠肉瓜、蘿蔔、薯仔、西芹、西蘭花、椰菜花同肉豆，冇調味，只係靠個咖哩汁，而個汁就係普通日式咖哩味，唔會辛口。個飯夾雜咗少少黃色，初時以為係雞蛋，食落應該係南瓜蓉同粟米，甜甜地，幾有心思，但飯嘅質感就麻麻，唔係珍珠米彈牙嘅口感，亦唔係粒粒分明，有少少一舊舊痴實哂咁。生薑燒汁牛肋白芝麻湯烏冬 $69湯底似帶有淡淡芝麻香氣嘅豬骨湯；牛肋肉完全唔韌唔柴，好腍，有牛味，但冇任何調味，生薑只係當配菜咁放上面，略嫌牛肋肉太清淡。烏冬配以大量洋蔥同椰菜，每食一啖都會夾到菜，感覺好健康🤣 烏冬粗幼度適中，滑溜，少少彈牙，唔算好煙韌。〰️〰️〰️〰️〰餐廳性價比高，$69蚊而且冇加一，招牌嘅豬軟骨係好食嘅，值得一試😋 而且飯同烏冬都有好多蔬菜做配菜，營養好均衡，食落唔會太有罪惡感。餐廳英文名係CAMPER’S，所以餐廳放咗啲camping嘅用品；小店座位唔多，枱與枱之間都冇大多空間，基本上隔離枱講咩都一清二楚😅 我哋係星期六14:15左右到，前面有3個party等緊，但好好彩等咗5分鐘左右就順利入座，順帶一提

Intro: 有一日假日就黎到天后搵食，搵到一間賣日式野菜咖喱飯賣到出哂名，價錢只係$65-80內，係港島真係好難得！店內裝修都幾有格調，店舖面積細會比較迫少少，餐單選擇真係多不勝數，而聽講必試嘅係慢煮豬軟骨飯～___________________🍽 豬軟骨七小時煮野菜咖喱飯💰 69（加$5 配細杯燈汁）⭐️ 8.5/10✍🏻 豬軟骨肉炆得好冧，入口即溶嘅感覺✍🏻 肥肉、瘦肉同軟骨嘅比例適中，食落去真係淡淡肉✍🏻 野菜好多種類，有西芹、蘿蔔、豆角、翠肉瓜等等，味道唔會太青✍🏻 有驚喜係飯裡面有南瓜粒，飯粒粒分明✍🏻咖喱好香濃而唔辣，好夾豬軟骨___________________🏠 坐忘📍 鰂魚涌濱海街13號中興大廈地下⭐️ 8.5/10___________________

終於食到bookmark左好耐嘅豬軟骨咖喱飯！ 平日lunch time黎到天后分店，唔洗等好耐就入到。餐廳由日本人開設，標榜無味精、無味精、多菜少油~ 除左招牌咖喱飯，亦有湯烏冬、丼飯、沙律供選擇，連素食人士都岩食！🐷 豬軟骨野菜咖喱飯 $66豬軟骨經七小時慢煮，肉質超軟腍超入味，毫不乾柴。軟骨位入口即化，係滿滿嘅骨膠原呀！日式咖喱甜甜地帶些微辛香，撈飯一流！旁邊仲有好多野菜，野菜唔會煮到腍晒，保留左爽脆嘅口感。連飯都擺左唔少心思，加左南瓜、番薯、粟米一齊煮！🐮泡菜牛肋白芝麻湯烏冬 $66湯底極之濃味，落左好多泡菜，微微地好開胃惹味，加埋煙韌嘅烏冬一齊食，口感幾豐富~ 牛肋骨肉質軟腍，但牛味就唔太重。個人都係鍾意配咖喱飯多啲🥚醬汁溏心蛋 +$6兩碟都加左溏心蛋，生熟度剛好，好入味~

上年到訪過兩次，一直對他們的豬軟骨念念不忘。前幾天下定決心，帶着媽咪越洋過海來到天后的分店，希望她品嘗到當日感動到我的味道☻重遊舊地，小店依然地多人幫襯，店外有條小人龍。乖乖地等了十五分鐘終於可以入坐(⁎⁍̴̛ᴗ⁍̴̛⁎) (其實版主平日極少排隊，除非非吃不可，否則見龍即走)😋餐點1: 15種炒野菜咖哩飯媽咪日盼夜盼終於食到，因為我經已試過一次所以對我來說驚喜不大。媽咪的評語: 「飯有啲唔夠熱，汁有啲唔夠多」但整體而言都算不錯，蔬菜先行炒過所以帶點焦燶感，配上咖哩更有香口的感覺(o^^o)🥰餐點 2:豬軟骨雜菜咖哩烏冬花了5分鐘去糾結是否應該加$10轉烏冬，結果還是決定撒手搏一搏。弱弱一說，其實加錢不是矛盾位，我是怕多付了錢，換來的卻是那種廉價的烏冬，失望的感覺可真難受呀結果，烏冬不負眾望地挺好吃( ̀⌄ ́) 但是豬軟骨好像有點太多肉了，我還是喜歡較多軟骨，會吃得人滿口骨膠原的那種。但味道和上次一樣的好吃，厚厚的肉很入味但沒有過咸(聽人講鰂魚涌嗰間好食啲，搵次去試吓真唔真先）

我認知中的豬軟骨中，處理得好一點的話，軟骨可以咬幾口就能吞掉；而差一點的店，軟骨怎樣咬也是咬不動的，有時候甚至連肉也很硬，不好吞。這間店的豬軟骨，我朋友介紹的。他的豬軟骨令到我對他的認知需要重新去定義。這邊的豬軟骨不用「咬」的，他們做的豬軟骨是果凍狀的。肉也十分軟，非常之好吃。唯一可以說的是他的咖哩汁是偏向日式的，如果偏印度的話會更好吃。我還沒有嚐試過其他的菜式，但如果約一些素食人士吃飯的話，這家也不錯，這家店有一個叫''十五種野菜飯''，真的十分適合素食人士。