城景閣

营业中

休息中

見網上介紹自助餐優惠，星期一至四惠顧，每位$438，可享「4人同行1人免費」優惠，同時每位客人更免費獲贈原板韓國入口海膽。今次早一個月前book定位，打算同屋企人擦翻餐勁嘅😋。首先介紹下原板海膽，入口即溶，味道鮮甜。大大隻嘅紐西蘭生蠔，淡淡的海水味，質感creamy，好食到呢，爹哋佢自己就掃左一打。鱈場蟹腳味道甘甜，蟹痴嘅我就拆咗20隻蟹腳😍。食海鮮當然唔少得配返杯白酒🥂，餐廳嘅紅白酒雖然係任飲，但質素都唔差，話曬都係酒店級。另外，海鮮仲有布朗蟹、荷蘭藍青口、澳洲凍蝦、藍青口及日式刺身。至於熟食方面，主題美食推介葡萄牙有機香草雞批伴海膽龍蝦汁和海膽蟹子焗大蝦，要食就要快手，食過好食想再攞多d都無😭。最後就係甜品，最有誠意的係Movenpick雪糕🍧，今日有八種口味，仲要係大大個雪糕球，如果好似我咁一次過試曬咁多種口味，真係食雪糕都飽😏。

小妹今日last day　，一行１０人晚上７：００Pm就黎到。坐左１５分鍾左右，佢就按人頭比海膽我地： 8/10 十板海膽何其壯觀呢～之後唔好比佢停，一開始當然拎Ｄ回本之選先啦，估佢唔到竟然有好少見既瀨尿蝦，真心正呀又唔會好’’水’’～唔係ＨＥＡ你仲有，海蝦係彈牙到一個點！！！　另外，毛毛蟹好多膏！今次只係食海鮮都回本啦再者，佢甜品方面用上movenpick忍唔住食多幾球呀！！！總結：９／１０

同屋企人嚟城景閣食過兩次buffet， 呢度嘅自助晚餐真係好抵食， 每位$438起，生日免費或者四人同行一人免費 雖然佢呢度地方唔算太大，但係食物種類都非常之多選擇， 地方雖小五臟俱全！ 仲有啤酒，紅白酒任飲海鮮方面有生蠔，蝦，長腳蟹，麵包蟹，蜆， 青口， 獅奄， 仲試過有海膽同鮑魚！ 還有幾款唔同嘅刺身任揀， 八爪魚，三文魚，吞拿魚，劍魚等等頭盤有煙三文魚，巴馬火腿，芝士，沙律菜等等。熱盤方面就有蒸魚柳，青口，煎羊架，燒牛肉，我仲食咗一碗龍蝦鮑魚喇沙超級正! 甜品區有好多款唔同嘅蛋糕， 朱古力蛋糕，芝士蛋糕，芒果糯米飯， 葡撻，布甸， 真係多不勝數啊！ 最重要係有movenpick任食，400幾蚊一位可以做到movenpick任食，仲有咁多美食選擇，真係buffet抵食之選！

十式蟹宴.海鮮自助晚餐: 8.5分, 在City Cafe, 就能夠吃到十式蟹宴.海鮮自助晚餐, 以蟹作主打的自助晚餐. 平日吃自助餐, 吃蟹, 通常也是吃冰鎮的蟹腳, 或者麵包蟹. 但在City Cafe這個十式蟹宴, 就能夠任食不同處理方法的蟹饌.沖繩岩鹽照燒皇后蟹腳伴日式柚子醋汁: 用上沖繩岩鹽照燒的皇后蟹腳, 帶微微的鹹香, 更能襯托起皇后蟹腳的鮮味. 伴上日式柚子醋汁, 酸酸甜甜的, 不過我就建議大家吃原味了.冬蔭功煮皇后蟹: 至於冬蔭功煮皇后蟹, 冬蔭功帶點酸辣, 相當惹味, 用以煮皇后蟹, 跟沖繩岩鹽照燒, 是不一樣的風味. 吸收了冬蔭功味道的皇后蟹, 很有泰式風味.鮮蟹肉蟹子焗生蠔: 接下來的是鮮蟹肉蟹子焗生蠔, 用上鮮蟹肉及蟹子去焗生蠔, 鮮甜的蟹肉, 遇上肥美的生蠔, 焗得香噴噴, 化學作用不俗.金沙香蒜北海道圓趾蟹: 說到惹味之選, 還數金沙香蒜北海道圓趾蟹. 當然是相當邪惡, 但用鹹蛋黃炒香後, 每口也是精華, 鹹香十足, 記得要連殼吃, 就像吃軟殼蟹一般呢.十式蟹宴.海鮮自助晚餐, 價位如下:星期一至四: $438 (成人) $368 (長者) $288 (小

今年母親節一行5人，其中有兩位母親一同到城景閣食自助晚餐，這間餐廳雖然價錢偏高，但地方寬闊坐得舒適。糸時候出動搵食，這𥚃有美國及紐西蘭生蠔，都算新鮮肥美，供應不絕！至於魚蝦蟹都有，魚生品種算多而且新鲜，給食客的份量不少。尤其是黃金蝦及芝士焗蝦非常好味重有D羊架非常入味，主角就是每位都限定半邊黃金海膽醬焗波士頓龍蝦，熱烘烘正！甜品小不了，款式多到唔知吃哪樣？最令各位母親驚喜的是每位母親都得到一個很大的首飾箱總結來講覺得這間餐廳，可能補充食物很快，所以每次取食物都不用排隊，而且晚餐一個時段6點半食到9點幾，可放心談天説地

城景閣呢度個場唔大，唔大都係好處，冇咁多人，唔洗不斷排隊先有野食，而且都算靜，除左後面有班公司食飯既飲到high high地之外！呢度食物款式都幾多，而且竟然有啤酒及紅白酒任飲，食三個鐘絕對係同朋友吹水勝地，出面一位free-flow都至少百零蚊一位啦佢有好肥美既紐西蘭生蠔，亦有幾款海鮮，蝦，青口，蜆，蟹等等，蠔可能太大隻，老少少，有d咬唔開，不過新鮮既。蝦好爽口，蟹又好多膏頭盤有煙三文魚，巴馬火腿，芝士都有5款咁多。。。全部都係我至愛既cold cut熱盤唔差，燒牛柳，蒸魚柳，炒青口，即煎羊扒等全部好入味甜品方面都多，重點係movenlick雪糕有6款以上大家快去，四位送一位，連加一計落只係344一位

由於好朋友知道媽咪正日生日嗰日我們已經有約，所以提早約咗我們今晚喺較早前一齊食過覺得幾好城景國際嘅「城景閣」食自助晚餐媽咪預祝生日！喺未開始食之前，我們當然要影咗相先！喺影緊相嘅時候，覺得今次嘅款式種類選擇比之前多咗啲！生蠔相當肥美肉厚，味道非常鮮甜，真係超新鮮呀！除咗有生蠔之外，仲有幾款唔同味道嘅焗蠔，當中我們比較欣賞嘅係洋蔥煙肉焗蠔，因味道比較香口惹味！另外最值得讚賞嘅係煙三文魚，不過並唔係因為味道嘅問題，而係負責擺設嘅師傅，因師傅將煙三文魚堆砌成好多朵玫瑰花，真係超級有心思同極之精緻吸引呀！另外每位人客都會奉送一份虎蝦爆珠沙律，虎蝦嘅肉質好爽甜彈牙，而且都幾大隻，而爆珠就係好似加大碼版嘅西米粒咁，但食落嘅感覺都幾特別，夾埋啲沙律菜一齊食，令到口感更加豐富！

老婆大人生日，因佢好鐘意食蟹，見佢地有八蟹盛會咪諗住一試，點知真係一試難忘，差差差差入到場service 所有野都OK ，首先去食D 凍海鮮(生蠔，蟹腳，凍蟹)，凍蟹係有D 過熟，還可以，生蠔同蟹腳係我生平最差既酒店Buffet 既食物，淡而無味，無鮮味，無咸味，最利害係，連soy sauce 都係淡而無味，連機本甜品都無味，整個buffet 係得3樣野食得落口，燒皇帝蟹腳(限量一人2隻)，咖哩蟹，同埋雪糕Movenpick，我生平第一次寫食評，只係希望想book 依間hotel buffet 既朋友三思

很多人一見自助晚餐有蟹供應，就會怦然心動，何況是「八蟹盛會」。這些日子，無論Facebook上或免費報紙內，都不停出現這個廣告。外子終於受不住誘惑，一個星期前訂了昨晚去享受盛宴。所謂希望愈大，失望愈大，八蟹除了限量獲贈的兩件沖繩岩鹽照燒皇后蟹腳有鮮味外，其餘或見蟹或食物中放了蟹，辣的辣，酸的酸，鹹的鹹，就是欠了蟹的鮮甜味。不過，幸好其他食物都不錯，凍蝦彈牙新鮮，燒牛肉多汁有肉味，紐西蘭生蠔清甜，日式刺身種類不多，但也鮮美油潤。四百多元，舒舒服服坐一個晚上，酒飲料及Movenpick雪糕任飲任食，算是不錯了！

生日晚餐在城景閣，記得六、七年前曾在此品嚐過自助晚餐，當年的自助晚餐主打是凍蟹，食品比較一般，價錢就偏貴，連加一服務費都要四百多元。現凡出示城景國際Facebook專頁之自助晚餐優惠，即可享優惠價成人$398。到達城景閣又趁未開始，快拍幾張靚相，眼睛和相機先賭為快，心靈首先品嘗！每位客人更免費獲贈原板（迷你）韓國海膽一客。前：煙肉粒焗蠔，蠔比較瘦小。中：爆膏的布朗蟹蓋吃得很痛快，後：炸蝦和廣島炸豆腐。頗特別的廣島炸豆腐，一片片的薄衣。亞拉斯加三文鰈魚卷海膽黃金燒爆膏的布朗蟹要安哥，缺點是凍冰冰。我喜歡的炆牛孖筋也不賴。白白黃黃顏色是不好吃的亞拉斯加三文鰈魚卷海膽黃金燒。小碗盛載是鹽漬海膽燉蛋白，尚可！舖面的是燕窩碎，芒果和芒果汁，美味！名牌雪糕不容錯過，榛子、奶凍、焦糖甜入心。還吃了一小碟甜品，但忘記拍照.........相對七年前的自助晚餐，食物是進步了！價錢和七年前相若！

一行多人自助餐，由於其它都訂滿，只好訂尼間試下，而見推介OK，最終失望冇下次品種少得來質素又差，熟食少款，味道真一般般。刺身只得两款，見到食物完全吾吸引，相都吾想影。吃過最差一間自助午餐。

同男朋友屋企人親友一行十人，去左城景食自助晚餐。款式唔係特別多，但係四送一既價錢，可以話抵食。最正好食既係生蠔，海膽，蟹腳，魚生，唔使煮，佢好新鮮下。我有狂食蟹腳，回下本。海膽就一人得一板咋。熟食款式都多，我自己唔係特別好熟食。食左咖喱蟹⋯ 就麻麻地。仲有廚師切西冷扒，肉唔係好咬得開，但味道幾好。最伏係叫左半碗，築地水蟹粥，粥得粟米味，無蟹味。有個海膽焗芝士野菌鑲雞翼，無得試，去到就俾人掃晒。我都係七點九度去羅野食者⋯記得羅左先。甜品有燕窩流心芒果布甸，特別正，因為布甸入面都係燕窩。牛奶布甸我係最愛既，呢間就好普通，無咩奶味。雪糕就係MOVE PICK，有最大路果幾種味，六七隻度。甜品選擇唔算好多。另外，仲有waffle，我就無試呢個 驚太飽。湯有中西， 西式湯好似叫鮑魚花膠XXX湯，料好多，偏咸，味道就可以咁。中湯就勁普通，紅蘿白豬肉湯咁。食自助餐最忌飲湯飲飽左，但我係勁鐘意飲湯既人，所以實試。可惜兩個湯都麻麻。環境，地方唔係好大。我地訂位坐走廊位，都算靜既。

跟家人外出吃飯甚少選擇自助餐, 因為他們覺得吃不多不太划算。但今年的母親節, 媽媽被報紙上的廣告吸引, 說想吃自助餐, 二話不說, 立即打電話訂座。「海膽龍蝦海鮮自助晚餐」, 這個主題很吸引我, 地點亦很方便, 油麻地站A2出口直走, 不用5分鐘就能到達。餐廳一如預料中小, 熱葷, 冷盤, 凍海鮮, 壽司刺身和甜品區等區域相距非常近, 每個區域的食品款式亦不是太多。 自助餐開始沒多久, 餐廳就陸續為每位食客送上一客「堂煮碧綠蠔皇鮑魚花膠扣鵝掌」。本來抱有期望, 但吃時食材只是微暖, 芡汁都呈半凝固狀態, 扣分! 鮑魚味道正常, 花膠燜得不夠焾, 而且很薄又不入味鵝掌亦如是, 真的不吃也罷。對送的東西, 是不該有期望的好了, 輪到是次自助餐的主角: 海膽和龍蝦。今次先直接前往熱葷區, 熟食種類不是太多, 所以基本都全部吃過。比較推介的有: 海膽龍蝦流心芝士撻海膽醬烘芝士野菌釀鳳翅牛柳薯蓉(確實名稱忘了)咖哩豬頸肉迷你芝士撻很"芝"味, 味道微甜, 配上鬆化撻皮, 我一人已吃了5件; 雞翼釀有芝士和菌類, 兩者味道雖不能突顯, 但其塗有甜甜蜜糖的微脆外皮, 再加上那脹卜卜富肉汁的雞肉, 口

突然諗四年幾前嚟呢度食自助餐，有蠔，食物款式亦唔少，性價比高嘅自助餐，再睇最近食評評價都唔錯，於是一行五人嚟聚餐。餐廳做緊三送一優惠，五人只需比四人價錢。由於我哋臨時加多一人，所以座位較逼，不過枱同枱之間亦唔算闊落。食物方面有蠔，有蟹腳及麵包蟹，性價比算高。每人送一份嘅小食，賣相幾吸引，不過一啲都唔好食。生蠔大大隻，雖然唔係即開，食落好Creamy，有啲有蠔味，有啲咩味都無，但係refill得快。海鮮吧有蟹腳，麵包蟹，兩款青口，瀨尿蝦，涷蝦，獅蚶。蟹腳味偏淡，麵包蟹有膏但好實，瀨尿蝦幾好味，其他就普普通通。刺身嘅分配嘅份量唔少，切得厚身，三文魚新鮮，甜蝦好快就無晒，亦無再出。上圖芝士汁焗蠔及蒜茸焗蠔麻麻。下面係即焗蠔，焗田螺及即煎羊架，焗蠔可以，田螺牛油味香，羊架普通。各款熟食，比較好嘅黑松茸醬燉蛋白同埋德國豬手拼盤，燉蛋白有淡淡嘅黑松茸醬味，豬手外皮雖然唔脆但係唔韌。其他有西班牙黑毛豬柳伴鮑螺扒北菇，鎮江香醋骨，紅酒燴牛等亦可以。天婦蘿同避風塘蝦唔好食，炸漿較厚而且涷咗會淋身，炸雲吞可以。紫薯軟心薯餅同埋好鹿兒島豆腐好味。麵檔有喇沙及唔辣嘅清湯。忌廉湯及西洋菜湯，忌廉湯唔夠味，中湯過

带媽咪去廣華醫院復診，一如再去食，家陣成人和老人3、4月份都有優惠，佰幾蚊一個人，2人Lunch$377，都尚可以，媽咪食得滿足開心，已經底哂😍😍😍，因位置又近廣華醫院，再做優惠一定再带媽咪去。