堅韓燒 (已結業)

今日去屯門行街，晚上便隨意找地方吃晚飯。上網找到附近有間食韓燒，朋友都話有興趣試試，便走去。人不多，不用等位，還被我看到原來員工上班是用指紋的。枱都幾大張，同隔離枱中間有塊大簾，私隠度同防疫度都幾高。我們點了和牛體驗餐，連服務費約$383/位，價錢中上。點餐紙有四頁，「傳統韓國菜」、「水產／田園」、「頂級牛肉類」及「熟食」，熟食、小食、飯等均齊備。亦設有自助區，可自行取食物，包括已醃好的肉類及蔬菜網上見到評價不太好，我想，環境可以，抽風好，用餐後未有帶走燒肉味，如本著街坊食物，還過得去吧。

一入座個waiter語氣已經唔係咁好，叫野食唔講以為我喺到返工。好，叫野食，寫一佢唔係黎一碟咁簡單，係黎一塊。點啊大佬，四個人啊，係咪要寫寫一百啊。外面冇任何熟食，只有凍到唔敢攞嘅所謂泡菜。油碟=豉油韓式辣醬得兩樣野。都叫有其他肉攞到，不過好濕，我全程用燒烤鉗都成碟水返去，餐牌上面所有野加埋15樣野左右，其中10樣係冇嘅，會出黎叫你轉得個。到野飲，可樂七喜呢啲一定有唔駛講，冇啤酒（額外加錢）。埋單前冇問last order，直接俾我「埋單」咁，埋單之後想清埋野食佢，即刻過黎「唔好意思，你地時間完咗」，如果個場係旺嘅，坐滿，外面至少有一個人等緊位，ok我唔阻街坊食完即刻走，你外面邊有人呀！全場得兩台咋！冇人坐啊！永不錄用

90分鐘叫第一轉，等好耐吹左二次先來！半個中來一轉，第二轉又係成半個中、又係要吹先來。乜料，坐到飽，火都黎埋🤬選擇又少，任食來講！得二張食物紙俾你揀，一張熟食，一張生肉🥲食韓陽苑都冇咁嬲！個塲明明唔多客，員工又唔係少，個個行行企企，我吹單吹到口都攰，唔明點解咁耐，又唔似新鮮即切！從未食過咁嘅、係度呃錢呃鐘！大家心照，黑心d唔開得幾耐，平時食過好差個d，最多第二轉耐少少，d質素差過第一轉！但冇理由第一轉等半個中又唔好食食物貨素又唔好、又唔新鮮，多肥糕d肉

星期六同日屯門市中心一定會人山人海，遲咗收工但又到7點半晚飯黃金時間就梗係度度都排長龍啦本身係大胃工所以多數食放題任食果啲，牛一/牛摩/牛氣果啲全部都已經full哂連隊都冇得排咁就睇吓用apps睇吓邊間會有機會啦⋯⋯就係咁就攞咗呢間堅韓燒，等咗半小時左右，終於有位啦，提提大家如果想要服務好既話，抱歉😂呢度啲職員跟本係差唔多可以做到零接觸😂好啦講返食物方面，我揀咗最平果個餐，雖然係好少野食選擇，但要囋下，雪濃湯幾好飲雖然最cheap 果隻餐但啲牛肉真心唔差，唔介意冇服務既朋友可以試試，佢啲牛對得住佢既價錢

每食一樣都野都同自己講可能係呢樣難食，但每試一樣，就發現真係可以樣樣都咁難食。啲牛勁似茶餐廳沙嗲牛肉既味、連啲醬都係難食都嘔。唯一無問題既就係腸仔，同埋個啲罐裝野飲。呢間野請我都唔會再去食。

星期日入左屯門，朋友遲到有半個鐘唔知點打發，所以晌早餐同午餐之間再食一餐，我咁肥係有原因。。。堅石燒/堅韓燒聞名已久，第一次幫襯佢地早餐，見餐牌係一般港式茶記，無咩特別期望下叫了個雞排辛辣麵餐早餐，凍加啡。座位舒適始終係韓燒餐廳唔會太迫。所以環境舒服價錢唔貴，唔知是否平日都一樣價錢。如果我唔係叫辛辣麵同凍飲，雞排麵餐早餐有牛油多士同飲品只係$35，平過一般茶餐廳。等十分鐘送上碗麵，竟然有d擺盤，吹漲。太陽蛋上面仲有蕃茜碎。雞排皮沉在湯仲有少少脆。味道無伏，正正常常無投訴。杯凍啡我叫了走甜，order完有d後悔，因為一般茶記真係唔可以叫走甜既凍咖啡，大多數唔加糖水會勁苦。但呢杯又正正常常。我唔係話超好飲不過絕對比一般茶記好。總結係抵食好座，下次經過開會再黎。

啱啱經過呢間舖頭 想睇下有啲咩食 向門口店員查詢餐牌嘅時候 佢嘅態度簡直令到我覺得好唔舒服 佢係一個企喺門口帶眼鏡嘅男人 佢帶我睇餐牌 但係嗰個態度真係... 冇尾音咁講完: "餐牌" 呢兩個字之後 即刻擰歪面 佢嘅肢體動作 態度 語氣 實在好冇禮貌 我唔會去食

先講所有自助醬汁已經係好稀，牛韌，豬頸肉靭，全部咬唔開，熟食嘅芝士雞翼叫左兩轉都唔熟，蝦係莓嘅，白湯溝水溝到好稀，紅湯勁鹹且勁酸仲帶小小苦，飲左一啖已叫侍應收走佢，金菇肥牛營養不良，肥牛炒粉絲鼻屎咁大粒肥牛，粉絲冇味，叫嘅所有食物上唔齊，蟹柳仲搞笑，層紙都未拆，食物燒一轉燶一次，90分鐘內換左四次，唯一好食嘅係午餐肉，芝士／廚師腸，熟食餃子，泡菜，任飲嘅汽水同庶汁／菊花茶，兩個人五百幾蚊埋單，真係食得好唔開心，冇下次

食物種類唔多$288一位有安格斯牛扒食，牛扒比我嘅定義係大概1cm至1.5cm厚，但係佢嘅牛扒係薄切大概得2mm至3mm厚, 我四個人每次勾四件但都只會嚟得兩件，所以我要喪勾，海鮮帶子每次勾四粒佢都有比四粒不過係一粒手指公大的一開二的四粒！其實食物方便種類真係好少，唔會值呢個價錢！重點，除咗經理其他員工態度超級差，叫佢哋玩燒烤紙，成日都好耐先換，根本90分鐘唔會夠時間燒，因為佢啲員工嘅效率超級慢！因為有人生日我買咗蛋糕去，到最後我已經比晒錢㗎喇，我叫佢攞返個蛋糕俾我，佢都有啲唔滿意因為嗰陣時得返幾分鐘，到我食緊個蛋糕嘅時候，其中一個員工走埋嚟同我講話我哋已經超左事要盡快離開，出邊好多人排隊，其實如果你上野快，我又點會咁慢，仲要趕人走，呢間野我永遠唔會再食，睇吓佢幾時摺埋，今時今日開餐廳食物環境固然要好，員工服務態度要更加好，客人先會客似雲來！因為我實在唔夠時間食嘢，所以冇影相，只係臨走補左幾張，希望唔好介意，唔信我嘅即管去親身感受下，祝君好運！新手上路，請多包涵！

一入門口嘅男侍應態度已經超差，點解會擺個極度趕客嘅人喺門口！星期六中午時段，248嘅餐，食材都唔新鮮，啲蝦嘅肉好似腐爛咁，最差係牛肉。塊鐵板仲衰，黏底，一個半鐘唔夠，就換三次鐵板！上嘢半個鐘先來，一路換鐵板一路等嘢上，冇晒心情食最後男侍應九哥咁款，扔張單過來，語氣超差咁話「夠鐘，埋單！」，佢係唔係以為自己係大耳窿收數啊！你基本禮貌都冇就算，仲要俾面色食客睇，有啲咁嘅人，間舖都唔方開得耐！睇來冇人去係有原因嘅，服務差，食材差！

係屯市想食燒肉，但牛肉排晒隊，佢無人等位所以就入左去⋯⋯假期入場食爆放題$228一個人再加一送美國安格斯肉眼扒同頂級雪花牛小排簡單黎講 所有肉試過晒都係硬⋯⋯連送既都好硬唯一比較好既係韓式美國短骨牛排🥩算有番啲口感選擇吾太多 佢啲牛油粟米🌽牛油金菇，牛油本菇，全部都係用牛油浸住⋯⋯太多了然後蒜蓉又無乜韓式炸雞🍗啲醬得一啖泡菜餃子🥟凍既海鮮煎餅🥞冧既三個湯試晒，好味既，係重口味左小小除左用紙落單，出面重有自助區，不過fill得好慢502蚊食呢啲，吾抵，無下次

年初四去吃韓燒放題，兩個人414，環境一般，服務態度怎麼樣，有的食物不够新鮮，上半場等待上菜的時間有點久，下半場比較快，但很多點過的菜不知爲何都沒上，總的來説還是比較失忘的。

一坐低就極快放低2碗碗仔翅喂飽我地，上左送既例牌牛扒後送點既肉類都極慢，填紙仔15分鐘都未到，再三催佢先比一碟黎，成個感覺一切好似為左節省食材成本，係度拖時間等你夠鐘到趕你走咁，第一次食放題燒肉係食唔飽既。仲要每件都係一人一件（我地填7份蝦，都係送2隻黎）全程我地一共分3次填左30隻蝦，結果每人埋單都係食到2隻。送既牛扒都係勁薄，好似紙皮咁薄。自助區既嘢食不倫不類，韓式醬雞翼，豬頸肉，雞肉都係同一款醬，燒出黎個味好奇怪，勁難食。其他有茄子，獅子狗，牛丸，冬菇呢d唔適合鐵板燒既嘢食，可見老闆選材方面真係好有問題。絕對唔會再食，比多80蚊食牛角好過，食黎都晒時間

因為疫情開放到10點，我們7個人打算去吃韓燒就去了這家店，一開始進去態度很差，誰沒位置讓我們等，我們等完後，坐下後說他們9:15分結單讓我們快點點餐，我差不多每個肉都點了60份最後就差不多上了15份還有一口牛我點了10份，結果就上了1份，一口牛牛肉塊，我點了25件，結果上了7件，我問店員上齊了嘛，就跟我們說上完了，我們七個人完全沒吃飽，還沒開始吃的感覺。然後我就問，為什麼我點了10份結果就上1份什麼的根本不夠，然後店員還解釋，我們15份結單我們讓你們進來已經是酌情處理了，還有廚房剩最後一點肉也給你們了。？這不是弱智？我們要飯的？我們給你錢，點餐你說酌情處理？你們不賺錢？最後兩碟肉都給我們了，你好好人呀？明知道我們7個人進來，肯定不夠啦，不跟我們說，賺我們一比，第一次遇到這種事情，吃自助餐沒吃飽跟沒吃一樣，開胃菜的份量。一千多我出去買牛肉回家吃都吃死我啦，這一千多讓我塞牙縫咩。你們誰試過吃完自助餐回家還要煮泡麵吃？

又要清假啦，今日係屯門主場食中午的韓燒放題，星期六，日好多人排隊，就想去試下點解咁多人排😊今次我是星期一下午大約2點到，終於唔駛等位了，我選了一個較平的「食爆美牛餐」，其實也是放題的，主要分別係「大過塊面肉眼扒」和「頂級雪花牛小排」限定一份，其他的也是任食的！熟食和燒肉款式有好多，還有韓式前菜，味道也很好！雪花牛小排好有牛味，但大塊過面肉眼扒就比較薄，可能我燒耐左，有少少 「鞋」！雞翼比較難熟，而且食完濃味的牛，比下去，都係專注食牛就好了！這邊有帶子，青口，海蝦等可以燒，真係好多選擇！和牛x一樣，也有牛油金菇，這邊還有粒粒牛油粟米（忘記了牛角有沒有，還有好多不同種類的蔬菜，可以減低罪惡感，而且價錢抵，食左菜都唔會有食左菜，食唔到咁多肉的蝕左的感覺，哈哈！埋單用埋Storellet 會員迎新$10優惠卷，只要$150，呢個價錢和食物質素，絕對超值