塔門仔海膽燒 (已搬遷) 新店位置

收工同同事去食嘢，都係諗住食少少野，我見佢幾特別全部都用海膽，所以決定食呢間，一嚟梗係要叫個海膽刺身食下啦！128有五件，都OK幾鮮甜，同出邊啲價錢差唔多啦，跟住叫咗兩隻生蠔，個侍應話三隻送一隻，當然叫三隻送一隻啦，＄38隻，有兩隻好似營養不良咁囉，唔知係咪因為有一隻唔使錢，味道都OK嘅都新鮮，係瘦咗啲囉，之後叫左個海膽焗多士，唔知係咪食咗個海膽刺身所以覺得個多士冇乜海膽味，另外嗰個翠玉瓜燒都好爽甜，之後當然要叫一個燒生蠔啦，叫咗半打都係108，佢話可以有雙併兩個味，即係三隻煙肉三隻蒜蓉，煙肉味係OK嘅，至於蒜蓉味可能啲蒜蓉太硬有少少怪怪地咁，報告完畢

美食是不能抵擋的，更何況是海鮮美食。以本地塔門紫海膽為主題的塔門仔海膽燒，把燒物都加入紫海膽，單單是賣相都已經很吸引。用上本地塔門紫海膽為主題，皆因老問是塔門人，把新鮮海膽拆肉到餐廳，海膽肉不會留多過兩天，保證新鮮。紫海膽味道偏淡，所以放在燒物之上，再配上其他醬汁食材，又有另一番風味。也因為如此，和家人結伴前來好好享受紫海膽的風味。**************************塔門仔海膽燒就在佐敦寧波街，門外有很大的燈光打亮著招牌，旁邊便是佳佳甜品，也很容易找到的。塔門仔海膽燒以白色裝潢為主，餐廳之內放滿了很多不同款式的食物照片，不知道選擇什麼食物，都可以看看照片以作參考。每天都有不同特價限定之選，所以前來時要看看那天有何特別食物提供。只要在22:00之後前來，啤酒可以買2送1，又幾抵飲。餐單的選擇，包括了特色海膽類、生蠔、海鮮、刺身。除了吉列之選，還有燒物、小食冷盤、飯、甜品和飲品等等。除了生啤，還有手工啤酒提供，餐廳便提供了這2款味道的手工啤酒。啤梨味的手工啤酒 HKD38，清淡的啤梨味道又帶點麥香，啤酒甜甜地又不會有麥的甘味，非常之容易入口，很合適女仕所飲用。蘋果味的手工啤

之前遊過塔門，但因為時間關係所以未嚐到當地美食，聽聞塔門既海膽較有名，同CHICKEN行過佐敦見到依間塔門仔海膽燒，即時醒起生日去塔門慶祝果日乜都冇食，而且大家都中意食燒物，就坐低嘆嘆～大大隻字「塔門仔海膽燒」，店員話所有海鮮都係源至西貢，別有一番本地遊既風味。餐牌當然係海膽小食做主打，最吸引我既係海膽多士、海膽炒飯，不過覺得炒飯偏貴，最後嗌左海膽多士同銀針粉。環境地方唔算大，得買五六張枱，入夜時間如果多人就要等位。海膽焗多士，其實本人好少食海膽（因為怕腥），所以今次都可以話係真真正正第一次食！因為多士係熱食所以比較放心，海膽令成塊多士充滿咸香味，口感鬆脆，濃濃既海膽鮮味充滿口腔，味道一級棒。塔門艇仔銀針粉，銀針粉個湯底好鮮甜，係蝦乾既果種鮮味，配料同狗仔粉既差唔多，但湯底已經更勝一疇，而且銀針粉比狗仔粉彈口～  日本芝士年糕，口感外脆內軟，一咬落去芝士流晒出黎，微溫既芝士味道岩岩好，年糕既黏黏口感食落好過癮，一份兩舊唔算太膩，感覺唔錯～

大家如果平時假日有出開去郊遊的話,相信應該會有去過塔門,而去過塔門既朋友,應該對塔門既海膽唔會陌生啦,如果唔知既話,大家可以睇下小弟對上個一編激烈的海膽食評,好啦,如果大家對塔門既海膽念念不忘又想食多次,但又唔想入塔門的話,今次就同你地分享下呢間位於佐敦既塔門仔海膽燒,無錯,相信應該係住塔門既原居門衢出家園開鋪比大家試下塔門特產啦,當然點會小得小弟既大食王小胖女既同行呢?餐廳係串燒店形式,劃紙仔點餐,我地就叫左4個串燒同一個主食,仲有就係塔門好出名既凍奶茶,首先係燒牛仔骨,份量唔多,但好多肉汁,燒汁都非常好味之後就係原條燒栗米,基本上我地次次叫串燒都會叫既菜式,賣相同味道都非常好,然後就係塔門既特色出場啦,海膽大啡菇同海膽汁焗扇貝,當然唔喜歡食海膽既朋友食落會好猩,但我地又點會錯過呢,大啡菇好多隻,切開後海膽汁芝士會合埋一齊食真係好正,扇貝更加唔洗講野,入口就有好濃既海膽味,扇貝本身都好大粒,再黎我地叫左個海鮮炒烏冬,非常足料,配料有原隻青口X2當然最後唔小得係至出名既凍奶茶啦,入口好滑,同係當日塔門飲既口感一樣,可惜太細支,我地兩位一齊就飲哂想重溫塔門風味的話,黎佐敦就可以搵到啦

今日我同屋企人去華潤買野，咁買完野差唔多都成6點幾，咁諗同屋企人搵地方食野佐敦多野食我諗好多人都知架啦，咁選擇都唔知食咩好，於是上openrice睇附近有咩餐廳啦俾我見到依間以海膽做主題既餐廳，去到間舖就唔係自好大，而且室內都坐滿哂人，所以員工就安排我地坐係出面。大熱天時，緊係要叫返杯凍飲飲下啦，紫貝天葵第一次聽唔知咩黎，聽講係老闆自己親手煲出黎，一於試試佢，飲落有啲似酸梅湯，但係無酸梅湯個種味咁濃烈，就連我對酸梅湯咁抗拒都飲到。話明係海膽做主題，緊係要食返啲海膽式既食物啦，『海膽多士』包面上舖滿一層燒熟左海膽，一開始仲以為係芝士，第一次食熟既海膽唔腥之餘仲保留到原本既鮮味，有啲似食緊餓肝多士，當然無咁溜啦。再黎就係試下佢既招牌海膽炒飯，但係個份量就比想像中細份，而且海膽無多士咁多，不過食落口個層次好分明炒飯既咸味無蓋過海膽既味道，而且海膽味仲更加濃郁，再加上其他既非海膽類既食物質素都好高，如果唔怕食太海膽既話，值得黎試下架。

最近見朋友想食燒野就上網search 下搵到呢間幾特別專食海膽!首先叫左個海膽多士同薯條，多士牛油香又鬆脆加上新鮮甜美既海膽幾match薯條個醬都幾好味但就無咩海膽之後再食個流心海膽菇，d 流心芝士加海膽好邪惡但又真係好好食最後叫左好多人叫既招牌既海膽炒飯，海膽同個炒飯個味好夾，而且個味都調得唔錯好好食，值得推介!

早陣子search開油尖旺區有咩好野食時 發現左有間以"塔門"同"海膽"為名既串燒店 馬上要求小胖男友帶我去試環境比想像中靚同光鮮 格局唔似平日既串燒店 感覺似cafe同restaurant & bar多d 除左環境非一般 連飲品方面都有1664等生啤選擇 但令人更喜出望外既係竟然有塔門出名既冰震奶茶 雖然食串燒係好應該配返杯啤酒 但小妹實在好想再試塔門既味道串燒店除左有塔門最出名既海膽炒飯外 亦有其他好吸引既海膽燒烤由於當日唔係好肚餓 所以打消左食海膽炒飯既念頭海膽汁焗扇貝雖然價錢略貴 但扇貝既新鮮又大隻 仲食得出濃濃既海膽味 馬上令人回憶起塔門既海膽風味流心海膽大啡菇好juicy比平日食到既燒大啡菇更上一層樓 芝士同海膽加埋大啡菇本身既汁好完美燒牛仔骨牛仔骨質素不錯 牛味濃郁 唔會韌海鮮炒烏冬味道不錯 不過份量較小 屬輕食系列燒原條粟米燒粟米係我同小胖男友食燒烤必點既食物呢度既粟米亦無令我地失望 用特色醬油燒 更能突顯粟米既甜味

佐敦好多好嘢食，但海膽燒唔多見。係佐敦一個街口就見到大大招牌，小妹同友人決定入去一試。餐廳裝修清爽簡約，似有海旁的風吹過🐚pic1老闆娘好熱情，人好靚❤一坐低就同我地逐項介紹皇牌菜品。主打各類海膽燒，炒飯、海鮮、翠玉瓜、薯蓉，大啡菇，樣樣都好想試！只可惜得一個肚，諗左好耐，最後叫左海膽炒飯同扇貝除左特式海膽，仲有其他海鮮同串燒，真係好多嘢撿。紫貝天葵-呢支飲品要特別推介。紫色已經好吸引，雖然係涼茶，清熱消暑，但一啲苦味都冇，酸酸甜甜好似酸梅湯。必試！海膽炒飯，一啲都唔腥，海膽的鮮味配上炒飯的甘甜，正！炒飯唔太油，又唔會太乾，每一啖都食到翠玉瓜的清香，火候啱啱好。海膽汁焗扇貝，超好味！扇貝真係巨型，成隻手咁大！小妹仲研究緊點切，原來大廚已幫我地切開左，所以好易食。食一啖，味道好特別，芝士入面好似加左沙律醬，甜中有酸，中和返芝士所以唔會膩，真係好有心思！人均$150，好滿足，一定會再來

叫咗蘑菇 蜆 鮑魚 海膽薯蓉 粉仔 鱔………… 大部份推介嘅嘢都叫咗好可惜 招牌海膽燒所有嘅食物沒有海膽味 啲嘢食又唔似係燒 好似焗爐焗出嚟咁 又唔香口冇特別！ 價錢好貴分量又好少根本係食唔飽！ 所有味道燒出嚟係一樣完全食唔到個分別！

燒蠔……燒得好靚煙肉配燒蠔煙肉的鹹味+蠔的鲜甜(好香口惹味)蒜蓉燒蠔蒜蓉增添蠔滲出的海水味(好鲜味)好靚的扇貝(面上有海膽汁)海膽汁混入了沙律醬，配上扇貝肉食，更加鲜甜，望番雜誌介绍先知，混有蟹醬(所以海膽汁，有鹹蛋的香味)，初時以為唔新鮮變左味woo扇貝肉king size ，好大粒，好鲜甜(爽口)好靚的塔門海膽炒飯飯內滿佈海膽肉，翠肉瓜增添口感，頂上海膽好creamy,金黃色好吸引金黃色海膽入口好creamy,拌勻炒飯食，好重海膽香味，整個炒飯已加海膽肉，炒飯好乾身(唔油膩)韭菜加上蒜，好香口(份量小左d)秋葵面有鹽，木魚(突顯秋葵的鲜甜)冬菇燒得好香口，慘出菇汁(配上面的木魚好惹味)店的小費捐俾SAA 有意義

呢排周圍去，唯獨冇去塔門，因為去親塔門我呢啲新界人來回起碼來回5個鐘 lol 嘴饞既我又想回味下塔門風味既海膽炒飯，之前睇電視介紹佐敦開設塔門仔海膽燒，正正滿足我呢啲偏遠地區想食塔門海膽既人。個個都吹捧日本海膽既美味既時候，本地海膽其實都一啲唔輸蝕，塔門海膽亦充滿海水鮮味，炒飯粒粒分明唔濕軟，炒得唔錯，加上海膽鮮甜，為炒飯加唔少分。有別於塔門既係塔門仔海膽燒除左主打海膽炒飯之外，呢度有塔門既燒物食。人地飲茶一盅兩件，我就「一炒兩燒」。明太子雞翼相當脹卜卜，尤其雞翼被鹹香十足明太子塞滿，一咬之下明太子汁大爆發，雞翼皮燒得香脆，雞肉保持嫩滑。翠綠鮮嫩清爽既蘆筍被薄切脆卜卜豚肉包裹住，淡淡豚肉油香，非常搭配。當然唔少得要飲塔門手打奶茶同紫貝天葵，奶茶茶味濃郁，口感絲滑，紫貝天葵微酸帶甜，解渴之餘亦消除飽脹感。

說到塔門，除了靚風景外，最吸引人的一定是海鮮和海膽了。現在不用去塔門，也能吃到塔門的特色美食，來佐敦的塔門仔海膽燒就可以了，真是很方便。紫貝天葵$28據說是店家自己煲製，味道酸酸甜甜，有點像山渣味，甜度不會太高，前幾天去大澳買只十元，在巿區水漲船高了，物以罕為貴吧，的確在巿區難見到。塔門艇仔銀針粉$32非常有風味的一道菜式，也是在巿區甚至香港也罕有的，先試湯底很鮮甜有肉香，可以喝光事後也不口渴，沒味精，銀針粉滑溜、軟硬適中，瘦肉頗靭，可能熬完湯的緣故吧，配合少少蝦米和蔬菜，口感豐富。海膽汁焗扇貝兩隻$148海膽汁加了沙律醬汁，成了很惹味的醬料，烤得金黃好看，還附了海膽真身，吃到海膽的甘香，帶子軟腍帶鮮味，不會烤焗得過火，剛剛好的，最後要清光醬汁才滿足。

年多前與朋友結伴到塔門郊遊，雖然來回坐車需要用上數小時，不過其美景及離碼頭不遠處的食店炒出的「海膽炒飯」卻令我難忘得很！朋友釀著想試本地海膽的味道，所以是晚來到佐敦，滿足她的海膽心！店舖位置一眼看得完，另設有外邊位置可以感受一下街頭的風味！食物選擇也不少！有刺身、海鮮、流心、海膽、燒物甜品等～一場來到自然要點招牌海膽炒飯啦！炒飯炒得乾身，飯粒質感不硬。加入細碎的翠肉瓜增加口感！本地海膽夠甜之餘亦充斥著鮮味～汁燒豬頸肉 - 肉質回彈，香口而富有油脂！塗在面層的甜醬汁頗惹味！不過豬頸肉燒焦範圍都頗多～明太子雞翼 - 皮層焗得金黃脆卜卜～雞翼已預先去骨，食得啖啖肉之餘亦帶來方便！釀入的明太子不辣，味道帶咸～(左) 手打奶茶 - 奶味重！質地滑溜冰凍。(右) 紫貝天葵 - 不是傳統涼茶的黑色而是紫紅色，飲落酸酸味味，可以提提神，解渴消滯膩！

收工約左朋友食飯，呢位朋友好中意食海膽，於是就決定同區一齊離呢間塔門仔海膽燒度試下。8點去到，等左一陣就有位啦，店內雖然好細，但都幾乾淨企理，坐得都幾舒服。朋友發板，order左招牌海膽炒飯，流心海膽大啡菇，海膽焗多士，辣酒煮凍花螺，鹽燒白鱔，塔門紫貝天葵。辣酒煮凍花螺同凍飲最先到，個花螺好好味，雖然太辣，但因為實在太好味，我同朋友邊食花螺邊飲凍飲，個紫貝天葵都好好飲，酸酸地，幾開胃，雖然係涼茶，但唔苦，好易入口跟住最期待噶流心海膽大啡菇離啦，雖然無點流心，但芝士都可以拉到絲，而且味道濃郁，朋友食左一啖就愛上左，話下次離必點噶一定係呢個菇。海膽焗多士都唔錯，海膽味都幾出下。鹽燒白鱔，自己中意食白鱔，所以點左呢個，好少可以食到甘juicy噶白鱔，連唔太食白鱔噶朋友試左一啖都話唔錯，但覺得份量可以多d，甘就更好啦。最後噶塔門招牌海膽炒飯，個炒飯好飽肚，但有小小過咸，不過都接受到，係好味噶。朋友都好中意，話下次離會再點。呢餐真係好飽好滿足啊。

  - 小店門口 ~無論點樣望，都知道係專食海膽既小店，加上望落去十分整齊，未食而有唔錯既印象門口張貼左好多餐單～　而且標埋價，所以大家可以望清楚先決定入唔入去食～　十分貼心：） - 這是ＭＥＮＵ ;佢類似平時放題或者日式小店既設計～直接ＴＩＣＫ你想要既就可以去馬！　簡單易明，唯一可惜既就係冇圖對照：（ - 塔門手打奶茶 ；外觀已經十分不錯～　份量適中。口感同平時飲開既唔同，佢係比較漿～　唔會覺得好水，味道方面：　佢奶味十分重，茶味比較少，唔算十分甜，但卻十分濃味！由於口感同味道方面都同平時十分唔同，所以一定要試下：） -  海膽炒飯 ( 全照) ;  - 海膽炒飯　（近照）　；首先講講個容器，佢係用個迷利鑊裝住Ｄ炒飯；可以令到個飯更加熱，更加香！同樣賣相已經非常吸引，飯既色澤幾靚，再望望海膽份量都唔少～另外有瓜等等菜類配料～　撈完之後，就可以享受啖啖海膽既鮮味：Ｄ個飯都幾濃味，同海膽都幾ＭＡＴＣＨ，相信係小店既招牌！ - 鹽燒金蚌；  呢隻蚌十分大隻，望到佢係非常多汁，配上莞茜同蒜蓉調味～　相信大家望到圖都好想１啖咬落去！味道：我的確係一啖一隻咁食，夠爽～　入口唔熱，係暖既，超易入口