塩玉居酒屋 (已結業)

銅鑼灣出名多高質日本菜，呢間位於永光中心都唔例外。空運刺身盤（七款）會選季節性時令刺身，有拖羅、海膽、 池魚、油金魚、秋刀魚、牡丹蝦、帶子。全部都非常新鮮，最鍾意肥美嘅拖羅，入口油脂慢慢溶化，好滿足！蔥粒吞拿魚腩薄脆吞拿魚蓉份量好多，第一次配薄脆食，口感有啲似米通，呢兩樣野一齊食原來都好夾。串燒 點左燒牛脷、燒雞心、燒雞乾、大蔥雞肉串、燒日本黑豚五花腩、燒京都豆腐。全部都好有喺日本食串燒嘅感覺，部份無加醬汁，有四種日本塩可以自己作調味。紫蘇葉日本海膽和牛燒 和牛入口即溶，油脂豐富。而海膽鮮甜，夾埋紫蘇葉同紫菜一齊食，好正。蛋黃天婦羅好特別，估唔到有意想不到的味道，但要好少心食，因為真係流心。蕨餅黃玉粉好香濃，口感好好。玫瑰梳打特飲+蜜梨梳打特飲

塩玉位於銅鑼灣登龍街商廈，店內座位寬敞，適合同朋友傾計飲酒gathering。蔥吞拿魚腩薄脆 $204/3件一層厚厚嘅呑拿魚腩蓉，店員姐姐提我地唔洗點豉油，因為吞拿魚蓉下面已經塗上明太子沙律醬。底層係飯焦十分鬆脆。有驚喜！必食開胃菜。特上壽司拼盤 $278壽司魚生好新鮮，呑拿魚腩、三文魚腩油脂足，十分甘香，入口溶化。三文魚籽晶盈飽滿。蝦頭有蝦膏，蝦肉細滑彈牙。哩間居酒居叫「塩」玉，果然對鹽特別講究。一碟有三種鹽，有檸檬鹽、wasabi鹽同昆布鹽連同串燒一同上桌，可隨個人喜好加鹽。燒香蔥蒜牛肉 $62 超級推薦！蒜味香，牛肉味濃有肉汁！燒牛脷 $48 厚切牛脷質地稔唔韌，推介！燒日本雞肝 $32 肝味甘香，配上燒汁好惹味。雞胸軟骨 $38 爽脆軟骨，雞肉乾身加點檸檬鹽好清新。燒雞皮 $25 燒到脆卜卜，十分適合佐酒。燒雞心 $32 雞心好爽脆。黑豚露筍卷 $46 露筍吸晒豚肉油脂，甘香。燒京都豆腐 $30 豆腐塗上燒汁，灑上木魚碎，豆味濃郁。蛋黃天婦羅 $114/3件店長推薦！流心蛋黃天婦羅好特別，烹調技術好高超，流心蛋黃使用日本靚蛋，偏橙黃色，有天然甜味好正。南瓜天婦羅 $58 看似普

今次嚟到銅鑼灣一間日式居酒屋🏮，見佢喺網上面嘅評價都幾高，今次咁啱喺銅鑼灣就去試一試！居酒屋🏮設計而木系色調為主，仲要播埋日本嘅節目好似身處日本咁呀。🤣.水果疏打 $32今日大家都唔想飲酒，就叫左個疏打飲下，疏打有分四隻口味蘋果🍎、桃🍑、蜜糖🍯、士多啤梨🍓，今次我地試咗蘋果同桃個味都唔錯，一啲都唔藥水，其餘果兩個味就等你地去試吓再話我聽啦！😄.蔥吞拿魚腩薄脆 $68呢個咁新穎嘅配搭都係第一次，吞拿魚魚腩蓉好鮮甜，內層有特製醬汁，而薄脆口感似米通，諗唔到咁嘅配搭好好食，好有驚喜👍🏻.日本空運直送刺身拼盤 $568拼盤一到服務員即刻好友善咁介紹吓拼盤上嘅食材，再教我地進食嘅次序點先食到最鮮甜嘅魚生，佢話首先要食咗赤背而最尾先食大拖羅！薄切池魚-肉質通透，口感爽脆清甜赤背-爽口大拖羅-超鮮味！！入口即溶，油香味重，讚👍🏻銀雪魚-每年11-1月嘅季節限定，入口嫩得嚟有咬口，油份夠重入口清爽香箱蟹肉-同甲羅燒味道有啲似，但就冇放隻蛋。日本海膽-好新鮮，喺香港成日食到啲好苦嘅海膽，所以放落口時都有啲怕怕，入口竟然比到大驚喜我☺️牡丹蝦-味道鮮甜，肉質夠厚而又爽口！.黑豚露荀卷薄薄嘅黑豚肉包住淨條

今曰一班朋友去左銅鑼灣塩玉居酒屋慶祝生日，一同七人，各有所好，正岩呢間居酒屋咩都有，所以揀左呢間。齊人就問樓面有咩刺身，佢地好好，將介紹嘅魚，一齊攞過黎比我地睇下新唔新鮮，肥唔肥美，最後我朋友唔知揀左條咩魚，同而家好受歡迎嘅秋刀，樓面仲話，條咩魚可以兩食，一半刺身，一半攞去燒，心諗！咁好架咩，正！黎到枱面，食落真係好新鮮，又肥美，燒魚又魚又脆，大滿足！跟住叫左啲串燒，同炸嘢，串燒都好好食，應乾身嘅乾身，味道適中，不過有朋友話啖左少少，不過大家都知佢係重口味😂😂。整體今晚係好滿意，有服務有味道，正！推！

今晚同老公去左銅鑼灣一間上樓嘅居酒屋🏮叫塩玉，上到去感覺幾舒服，暗暗地，傾計飲酒都唔錯。落單時樓面介紹話而家係秋刀魚季節，會係最好食嘅時間，咁我地叫左一條黎食，果然好好食，魚味好重，油份又好高，正！👍🏻老公佢就開左支酒，佢一個飲720岩岩好，我就本來叫青檸梳打，跟住樓面介紹話佢地岩岩出左個新味道，桃味嘅梳打，咁就試下啦，都唔錯，唔太甜，岩我飲。我地都有叫串燒，同其他壽司，不過無影相，都好好食，有串叫紫蘇葉雞皮蝦，超正，雞皮脆，加紫蘇葉嘅配合起黎，好夾，我食完一串，再叫多左串😍😍，整體今晚嘅環境同食物都好好，下次要再黎過。漏左樣嘢添，佢地送左個自家制嘅月餅比我地食，慶祝中秋，細細個，份量岩岩好，同真係好好食，有三種味，我地今次揀左紫薯味，正！加分👍🏻👍🏻

對於有燒物、有牛肉鍋、有刺身的小居酒屋一向充满好感。看到这家评价很高想来试一下，但是试过之后发现比较平庸。烧物里印象比较深刻的是鸡软骨（但是说实话鸡软骨能难吃到哪里去呢）和和牛烧（毕竟是和牛，价格摆在那里，其他 地方也可以做得很好的 ），牛肉锅表现也是平平，三文鱼刺身跟超市里卖的差别也没有说非常大。每一个串烧的分量又太小，吃得不太过瘾。上菜速度也偏慢，感觉有些过誉了。口味：3星环境：3星性价比：3星适合其他地方等位太长，但是又非常想吃居酒屋的夜晚。

這家店已經在我 OpenRice「想去」的名單一段時間，但看到他們的酒牌好像沒有什麼特別，所以一直猶豫。前晚香港實在太亂，昨晚老公跟我想到銅鑼灣走走看看，我就提議來這裡。泊好車我們走去餐廳方向，街上只有「小貓三兩隻」，感覺冷清，從沒見過香港銅鑼灣星期日晚上是這樣的情景。到了餐廳，坐下來，老公靜靜跟我說他看到食評說這裡的服務差，有些人給2/10的分數。我說「今晚就知道...」坐了差不多2分鐘，感覺有點冷，因為冷氣機的風口對著我們的桌子，我問同事可否換一張檯，她笑笑的說「當然可以啊！」就立刻換了位置。非常有禮！對於酒牌，老公說這裡的選擇並不多，要了一瓶2019年5月的赤武720ml。這瓶我們都喝過，記得它的味道，起碼有沒有變壞我們都會知道。不錯哦！我們點了9樣食物，同事介紹我們吃燒魚，那我們就要了一客。以下是進到我們肚子的東西：味道嘛，說真的，對於我來說沒有什麼驚喜，燒魚的話，我會建議去筲箕灣的桻之燒。這裡我比較喜歡的是吞拿魚生蓉配脆脆餅，沒試過這樣的吃法，比較特別。雞肉軟骨棒都OK的，大家可以來試一試的。我嘛，應該會回來試試他們的午餐，看到這裡的lunch menu是頗吸引的，希望不會讓

稍後先寫食評。各位如果你係真係好肚餓，唔好揀呢間 我地19:40落單 上第一道菜已經係8:30 問樓面佢哋話今日多人比較多單 但 佢所謂嘅多人就係得嗰幾張枱😓 到最後到齊係9:30 最後上既係個湯同沙律🙂你冇聽錯係沙律🙂所以如果你真係醫肚的唔好揀呢間 但啱鐘意吹水既朋友 因為同你吹完水都未上齊😂😂食物方面材料頗新鮮 大力推介鵝肝多士，完全不腥 唔食內臟既我都接受到👍🏼👍🏼 結帳2人共800多，味道8分 服務2分

🌟🌟終於都等到人齊啦,補足六月之星嘅生日飯❤️❤️醉翁之意不在酒，其實都係想大家聚在一起食餐飯，問候一下大家嘅近況，食物質素有保證，地方雖小卻不會焗促，做就了就是小朋友可以親近一點🥰6🈷️之⭐️Happy Birthday 🥳

同個好耐無見嘅朋友響銅鑼灣周圍行吹下水，講講下已經夜晚九點幾；又唔係好餓但又想坐低食啲嘢繼續傾下偈，朋友就介紹左永光中心嘅塩玉居酒屋食串燒。我都幾鍾意食串燒，雖然熱氣，久唔久食下都唔錯。哩間塩玉我係第一次去。可能因為係星期日晚九點幾 + 樓上舖，我地上到去唔算多客人，一入就有位，我地要坐吧枱，服務員當然話無問題。食串燒，可以的話梗係坐吧枱，可以望到師傅做嘢，又可以聽到師傅介紹下啲串燒，係完全另一種飲食體驗。先來一杯日本K字頭生啤，行到熱熱地，飲下啤酒即刻涼爽哂。唔係好餓，小試牛刀，先叫左幾款串燒黎試下。雞腎 / 雞軟骨：好食! 燒得啱啱好，外面又香又脆，而且鹽燒，只用鹽輕輕調味，一啲都唔複雜，食到佢個食材味道同爽口嘅質地。燒雞翼: 又係好食，雖然平時我係唔會食雞皮，但哩個都忍唔住偷食左少少 (個三角位)，外皮燒得脆，而入邊啲雞肉仲要燒得啱啱好，仲可以保持又滑又夠肉汁。雞肝: 哩個係汁燒，燒汁味濃，都好食嘅，不過唔係香口嗰啲質感，肝味都好重，但絕無內臟腥味。燒雞心 (食左一粒): 之前去另一間串燒 X亭，成日都想食雞心，但成日都好快賣哂...哩個鹽燒雞心最開心就係食到爽口嘅心肌肉! 食食

今曰去左塩玉居酒屋🏮食lunch，見到個叫贅沢塩玉磯煮鮑魚魚生丼，好似好好食 但唔知個字點讀，咁我照叫侍應過黎落單啦，順口就問下個字點讀，原來讀個「罪」字，侍應話係豪華，奢侈嘅意思，等左陣，送到面前，哇！數數先，原來有11款嘢係到，心諗，多就夠多喇，但有幾豪華奢侈先，再望望，而！吞拿魚腩，磯煮鮑魚，金目鯛，蟹鉗，三文魚籽......仲有好多好多，哇！堅呀，我知點解改個咁嘅名了，我問下待應係咪日日都係咁多，佢話唔係。吓！哦，原來佢話裏面有一兩款係每日最新鮮嘅空運到港嘅食材，咁就真係日日新鮮日日不同，勁

我鐘意食日本菜，昨日就同朋友嚟試嚇這家塩玉居酒屋, 門口有一道祝福墻，挂左好多塊木板，寫滿祝褔慨語句,呢度環境都幾舒服闊落，燈光暗暗，幾有情調。系啲嘢食好快上枱，10幾分鐘左右所有嘢食都已經上齊，真系好有效率。首先頭盤系刺身深海池魚及大拖羅,深海池魚油脂厚，肉質爽脆清甜，富有層次感,大拖羅油份非常足，入口油脂慢慢溶化，好滿足。然後系牛俐,牛肋骨,豬頸肉同五花腩,牛俐好好味,牛肋骨相對普通，太鹹,豬頸肉同五花腩都無太特別,以為會有唔同鹽既配搭，卻只係普通既串燒。最後系豚肉淮山湯,面豉湯加入豚肉同淮山片，好清爽地，飲落可以清走油感，爲晚餐畫上完美句號。下次又可以同朋友再黎試下，睇下有乜新野先！

去銅鑼灣搵食，近期喜歡去登龍街，食店臨立。樓上店向來坐得舒服，食物質素勝價比又高。我最鍾意食小店嘅串燒，夠香脆，肉質又夠嫩滑。清酒款式又多，同朋友暢飲也是不錯。

到了燈籠街就求其上了這間塩玉居酒屋試試，叫了刺身、壽司、及一些和食⋯其中有刺身盛、鰻魚壽司、白鱔及芝士天婦羅、鵝肝小吃、等等⋯ 先講講個刺身盛，賣相不錯但刺身色澤欠佳，暗淡亦不帶光澤、一睇就知唔夠新鮮（其中有兩件肉質好似變了），其他壽司和和食也是一般還可以接受。勝在這個場坐得夠舒服，環境不錯，仲有呢 house sake 又唔差。

銅鑼灣這間居酒屋食材好新鮮😆不時就有好多時令刺身🦐🦞🦑🦀🔸白子$❾❽係鱈魚精🐟入口綿滑😋😋💛💛好似食緊豆腐咁😆😆聽說有美膚之用一試難忘😋😋😋 大家又食過未呢？敢唔敢試呢😆😆👧🏻就好喜歡白子種質感😋😋😋🔸和牛配上鮮甜的海膽😋😋🔸和牛🐮入口即溶化😳油脂豐富❤️可以同朋友靜靜地傾計的居酒屋