塩玉居酒屋 (已結業)

朋友生日當然要去一間有VIP房坐嘅餐廳啦，因為我哋實在太嘈🤣可能我哋人少少哋12個，但間房坐得非常舒服。招呼一流，侍應好勤力幫我地清潔枱面。食物就更加唔使講，因提早預訂，魚生超新鮮，非常抵食。深海池魚薄切好大碟都係$180，新鮮帆立貝，食落去係爽口，仲食到一絲絲嘅感覺，都係$62。我真係冇睇錯㗎，雖然飲到醉醉地，但係價錢非常合理，值得推介

琴晚再次開開心心同朋友去塩玉居酒屋🏮傾下計，比我發現原來有隻咁嘅杯，經理話叫公道杯，好正，我地成班朋友鐘意一路飲一路傾，今次無人有得飲少了，我地用左一杯三次，都唔知叫左幾多round了。都第一次見到居酒屋有咁得意嘅嘢，上得黎次次都開心，又好食。不過順帶一提，經理一開頭認識佢都覺得串串地，但識落其實佢想帶氣氛比我地，同佢玩下串下，都幾過穩架😂😂😂仲有啲師傅，做嘢就個個埋頭苦幹，原來一做完嘢，個個都係酒仙黎😂

由於上次收到佢地的傳單見佢做緊優惠，3人以上同行有8折，免收加一我呢d精明的消費者緊係要比機會呢間舖頭啦因為人多的關係，我已經預先預約用餐期間，都唔太覺d生客入來坐得都算舒服今次我點左滑蛋黑豚丼呢個set包左前菜，沙律和甜品食落d材料好新鮮真係幾好食💓💓性價比高的餐份量係飽肚的我的同事太多叫刺生丼但我的飯比佢地更早到但佢地的刺生丼飯較少所以建議食刺生丼的叫加飯總括而言，呢間餐廳絕對值得take 2的我飽到連下午茶都食唔落😂

首先，係朋友帶我黎既！員工好好！不過坐位好差！食物又吾好味！雖然我知道我一定信佢都好俾心機！但係一啲都唔好味！成個食食物質素好hea！好簡單嘅蟹肉壽司，都可以吾好食！唉， 不過唯一係服務態度好，環境乾淨！但真係唔會再去！

串燒比較有特色，特別想寫一下當中的煙肉卷芝士年糕和燒雞皮餃子。煙肉咸味適中，沒有燒得乾噌噌的，跟燒芝士年糕一起吃，味道上頗為合拍。不過，只說燒芝士年糕的話，這個不太合我口味：我喜歡外脆內軟的燒年糕，但這年糕實在是太腍了，太概是吸了煙肉的油吧。可惜。至於燒雞皮餃子，莫說雞皮，用任何東西包著餃子燒還真是第一次見。雞皮香脆，包在餃子上好像成了一層薄薄的皮。餃子沒有燒得又乾又硬，但是味道一般，餡料有點鬆散。非常熱愛餃子的我覺得有點失望，要再說一次可惜。兩個串燒都是卷，都是不錯的配答，都是「外面的比裏面的好吃」。食物不是便宜，所以暫不特別作推薦，有機會再去一次才下定論。

直接講投訴單野先。友人order左一樽日本清酒🍶，menu內分別有700ml 或300ml. 友人因為一個人飲所以order 300ml. 食飯接近尾聲，友人擰起樽酒睇，發現樽酒只得200ml, 事源友人有飲酒習慣，佢發覺點解會咁快飲完300ml 呢！平日佢自己知道300ml淸洒對於佢自己會多左d，未咁快可以一個人飲唒！當我地埋單時問及店員點解menu內係300ml, 但實際樽酒只得200ml. 店員直答：係呀！我哋知道唔同㗎，因為本menu印錯左同埋唔係佢地餐廳印㗎。我地問：咁點解落order冇同客人講？佢只答我地下次會留意返。佢完全覺得問題唔關餐廳自己事咁。但友人覚得明碼實價印左價錢及份量，佢覚得餐廳應該adjust返個價錢比佢，於是要求店員跟比例改返個價錢才合理。店員無出聲一手搶返張單，態度極差。👎👎👎有收據相：取消左300ml樽酒$168， 之後改為水吧手寫收返$120

樓上居酒屋 午餐Lunch好有質素雞肉烏冬 雞肉皮燒到好脆身 肉質鮮味湯底好味 烏冬好煙靭 另外再叫串燒小食 好出色 加入左雞軟骨增加口感同出面食到既好唔同呢！ 套餐仲附有一碗細沙律

銅鑼灣樓上日本料理店比比皆是，今晚嚟到呢間主打＂鹽＂ＧＥ居酒屋。整親飯老闆都會熱情推介不同的酒與食物，但＂鹽＂ＧＥ介紹就冇乜 (X.X!!)　餐廳環境一般，燈光比較暗，餐碟同水杯亦以黑色為主，感覺有啲過沉～刺身係新鮮，特別係ＴＯＲＯ同牡丹蝦，真係值得食。海胆一般有少少腥，叫刺身併盤抵過叫一板（一板要近＄６００）。食完原條魚刺身，用咗個頭做咗個ＭＩＳＯ　ＳＯＵＰ，裡面有好多菜同豆腐，好鮮甜軟殼蟹沙律亦做得到位～串燒方面整體不過不失，叫幾款佐酒無妨，但食完你唔會有記憶。老闆誠意推介的炸蛋天婦羅ＧＩＭＭＩＣＫ十足，外面係脆皮裡面係流心蛋黃，可惜今晚敗筆在於灑鹽不均最後每人一個鮮果雪芭，除咗椰子食到較近原物的味道外其他都只有糖水味，唔推薦！

原本今晚想在這裏吃飯。有友人要上課，所以想揀一間開得比較晚的餐廳。 根據openrice 的資料，這裏 12時才關門，所以挑了這間。誰知在 9:45 pm，有員工告訴我他們十點半 last order，今晚 11時就關門。但我朋友十時才可以到，有點失預算。 幸好附近還有其他居酒屋 ...也許這不是餐廳的問題，不過也覺得蠻失望的 ... 😐

經常會去一些日式居酒屋我，因為食物的類別選擇較多，不會侷限於某一類。銅鑼灣一帶蠻多居酒屋，今日再試一下這間。生蠔和北寄貝刺身很新鮮，味道鮮甜，絕對值得推薦。天婦羅不功不過，都算蠻好吃最最好吃的要算這個吞拿魚薄脆，真是滿滿的剁碎的吞拿魚腩（toro），搭住似鍋巴一樣的脆脆的薄脆，真是好幸福 另一個值得推薦的菜便是炸星鰻，也一樣是其他日料餐廳較少吃到。

勁鍾意食日本嘢嘅我之前都聽過好多人推介呢間餐廳因為有海膽杯都幾出色。今次就試吓佢其他餐牌上面嘅嘢。我哋由餐廳發板叫咗啲嘢食，嚟咗個前菜都幾開胃而且唔係就咁一啲普通嘅沙律。見到仲會有蠔嘅優惠係$9.1隻仲要係日本好真係好抵。之後食咗啲刺身例如牡丹蝦左口魚，池魚吞拿魚刺身都非常新鮮。呢度嘅壽司我覺得非常唔錯嚟到一定就是食佢啲壽司下次都一定再食，款式都幾多見佢原來有好多唔同嘅安排我特別鍾意食左口魚因為入口即溶。另外呢個雞皮包下嘅串燒又係我嘅最愛，勁想同身邊個人分享因為想自己食晒佢。另外仲會有天婦羅上面會有紫蘇葉同一個超大隻嘅蝦、平時食天婦羅都係細細隻但係呢隻有手掌咁長，旁邊仲會陪埋一啲鹽，有時拎嚟掉下味都幾好。仲會有雞翼，同埋蝦湯，同埋甜品一齊都好滿足。

其實成日都要揾地方食飯，次次都係食完就走，快黎快去，無咩值得坐耐啲，但今次去到塩玉居酒屋，上到去環境暗暗地，幾舒服咁，坐低同平時一樣叫嘢食，待應過到黎，向我推薦佢地嘅食物，介紹得好吸引，咁就跟左佢所講嘅嘢叫，食物黎到，真的有驚喜，好好味，又新鮮又正，我地叫左清酒，又有另一男待應過黎，一路同我地開玩笑，一邊同我地飲酒，成晚過程好開心，坐左兩個鐘，真係好難攪到一間鋪可以值得坐咁耐，加油呀你地，我會一直支持你地架

竹节虾太好吃了，从没见过这么大的虾，非常鲜美有弹性，当然价格不便宜。感觉一个下去比吃一个梭子蟹还满足。面积不大，环境一般。港式大排档的特色。海鲜种类很丰富，海鲜池现点，直接报桌号就可以。

朋友話聖誕要食餐好🎅🏻✨我地咁鐘情日本菜🇯🇵 她就帶我去人來人往的旺區 - 銅鑼灣，位於登龍街的永光中心「塩玉居酒屋」，地方方便就腳快到聖誕節，有不少聖誕裝飾，節日氣氛濃厚🎄塩 即「鹽」也，是烹調中不可缺少之一的調味料，鹽發揮著重大的作用，不同味道的鹽與食物只要作出得宜的搭配就可以把味道昇華，這間居酒屋的老闆兼大廚本著這理念，親身飛去鹽之國-日本🇯🇵挑選多種鹽回來，並開左這間以「塩」作主軸的居酒屋🏮令人不禁產生好奇繼而光顧探探究竟～～～居酒屋氣氛挺好，我們七點多到來，人不算滿，但坐著坐著，很快就滿座，我留意到不少客人都是知己良朋聚餐，帶埋酒來🍾聊聊天小酌一下入番正題先～～～ 「塩玉」做緊兩個大優惠💰 Like & Share 其FB/IG 即可以用優惠價$128食到海膽富士山🗻 或者用價惠價$9 買到原價$48隻由日本🇯🇵直送的原隻兵庫縣赤穗蠔，兩個優惠都超吸引❤️ 我心動地左想右想，考慮良久最後我們選左海膽富士山🗻 我十分十分十分推介(重要的要說三次）用上原板海膽一層一層咁堆砌成富士山🗻 我倆海膽控超級滿足，啖啖海膽，無論鮮甜度跟Creamy的質感都是一級棒👍🏻多麼吸引的海膽🤤🤤🤤 旁

店算多人, 呢間係cwb黎講算係比較出名.座位坐得比較舒服.廚師發板已經唔係d咩好陌生既詞黎嫁啦,入面有白子吞拿魚葉血引赤貝深海池魚牡丹蝦赤穗蠔鰤魚拖羅真鯛白子未必係個個識既野, 所以我介紹下 佢係指鱼的精巢一般食前最好唔好知住好d, 食完之後你會覺得味道口感都好好食,但講左先就未必個個接受到.拖羅黎講呢到算係比較新鮮, 有小小肉汁味, 口感半肥有小小似和牛感深海池魚既魚味比較重, 帶有好小好小既金屬味, 處理上都係見到比較新鮮, 魚味濃度最重味我覺得係佢鴨胸肉, 見到帶小小紅, 就大約估到係慢煮系列, 慢煮通常比較低溫,食物係熟嫁啦, 但可能會帶有小小紅, 呢到大家唔洗太擔心, 同埋呢間餐廳處理上應該係信得過, 呢個作為前菜, 其實係比較好食既野份量2人食算比較多, 我覺得味道相當唔錯本身鴨肉都有味, 但配埋黑松露味道更濃,但又唔會互相擋到對方既味道~ 口感爽口, 唔太熱的食物, 最好快d食左佢.五花腩, 唔算太油, 去油ok , 味道口感算係傳統正純, 都係一層肉一層脂肪比例岩岩好,唔洗調味, 味道正常, 要重味既人可以加d 串燒粉.甜品係雪葩 比雪糕健康d