壽司郎 (銅鑼灣廣場二期)

营业中

休息中

星期六約咗朋友過嚟銅鑼灣新開嘅壽司郎食下午茶🍣可能係我哋2點幾先到 居然等咗一個鐘都冇就有得食啦😋呢度啲壽司10幾蚊有一碟 食物質素又ok 簡直係性價比之選🤩今次終於試咗好出名嘅卡達拉娜 Creamy嘅口感同表層嘅焦糖脆脆簡直係超級夾！下次嚟一定會再嗌🥰

☘️一直好想試壽司朗，因為身邊朋友個個都話好抵食，但聽倒下下要排成個鐘至有得食就即刻怕怕。前排同朋友放假入咗去坪州一日遊，三點幾回程響船上提起，竟然一呼百應話摘日不如撞日，一於即刻去睇吓非飯點時間會唔會好啲。所以就去銅鑼灣間新開嘅睇吓！☘️可能間店都係新唔係太多人知啩，亦可能係非飯點，我哋去到即刻入坐，店亦冇坐滿。一坐低就嗱嗱臨叫想食嘅，講真刺身嘅質量就唔係頂級，不過勝在新鮮，同埋性價比高！☘️個人覺得最好味嘅係香葱赤蝦，其他的刺身味道都比較淡口，食不出太大嘅香味，尤其係吞拿魚腩同埋蟹羔。不過咁嘅價錢，就沒有太大嘅expectation. 都算係抵食夾大件嗰類😜

大家去壽司郎嗌甜品 除左卡達拉娜 又有新選擇啦！🤩最近壽司郎同西班牙知名麵包店 Mallorca聯乘推出左「究極巴斯克烤芝士蛋糕」一見到就即刻想去試🤩以Mallorca嘅巴斯克烤芝士蛋糕作為基底結合埋壽司郎嘅 「炙燒半溶芝士蛋糕」唔知會有咩驚喜呢？🙈🍰究極巴斯克烤芝士蛋糕 ($27)巴斯克蛋糕芝士味香濃得嚟 又有濃濃奶香🍼蛋糕體綿密又creamy 凍凍地又好似食緊雪糕咁🍦面頭撒上左砂糖炙燒 脆脆焦糖增添不少口感🥰雖然介紹有話蛋糕加入檸檬汁 唔會酸但整體確實冇咁heavy👍🏻🍋一啖一啖接住食 好快就食曬 完全唔夠喉啊😩鍾意食芝士蛋糕嘅朋友一定要去試下🤩

今晚8點幾去到壽司郎，可能已經過左最後入坐時間，冇得拎飛。想搵職員再確認一下係咪真係截左walkin，同拎飛職員講：「唔該，想問下…..」未講完點知個職員掉頭走。之後我再搵另外兩個職員問，講完唔該，職員同我眼神對上，然後冇理我掉頭走咗。去過其他分店，就算冇辦法安排入座，至少都有合理嘅對答。唔好意思，咁好接待嘅餐廳真係冇辦法幫襯。

壽司郎的分店愈開愈多，不過港島區還是寥寥可數。然後終於等到比較方便我的銅鑼灣分店囉！平日下午12點，差不多一點來到竟然不用等位可直接入座。但原來銅鑼灣分店沒有秋天的限定商品 ... 所以如果是為了吃【秋の味巡り】的，就要去其他分店囉卷物看起來賣相不太好，特別是 海鮮紫菜卷 ($12)還沒夾起便散掉 Orz 有三文魚、熟蝦、玉子燒等和沙律醬調味。卷物個人推介一啖一口的鐵火卷 ($12) & 吞拿魚蓉新香卷 ($12)另外鮮蝦牛油果卷 ($22) 是很不錯的組合喔！白鳥貝 ($12) - 口感厚實，不過有少少韌。小肌 ($12) - 肉質頗細嫩。以上這兩款都是第一次吃呢平時多數會點 - 日本產原隻帆立貝 ($22) 夠鮮美 。還有爽脆的海螺雙味 ($22) 和夠嗆鼻的芥末章魚軍艦 ($12)大吞拿魚腩海苔包 ($17) 入口即化的吞拿魚腩，如果多點蔥就更好了！不想只吃壽司的話也有熱食 - 鯛魚湯蜆肉拉麵 ($32) 湯底頗甜，拉麵則偏硬身一點。或許是新開，所以人不多？但沒有限定的很卻步啊 ...