多彩皇宮

营业中

休息中

對上一次在此間酒楼食羊肉煲時，在菜牌上發現有個川芎百芷燉魚皇湯，相當吸引揾食肥華眼球，12月3O日肥華和靚媽專誠到此酒楼晚饍，主要就係要一試呢個燉湯，講真呢盅燉湯真係貨真價實，用川芎百芷呢啲药材，燉大魚頭，鷄腳，豬，真係絕配，而且份量十足，若六個人嚟食飯，每人都可以飲到一碗靚湯，而此店嘅晚飯小菜亦有俗水準，尤以靚媽至愛生炒排骨都得到靚媽讚許，而今晚條魚亦蒸得時間恰好，冇嘥咗條魚，相比之下個芥蘭炒牛肉就比較失色，不過唔係呢碟小菜差，衹係佢唔夠其他啲餸好啫👍😋👍😋👍😋

其實依家d做樓面的喺咪唔憂做出嚟喺為咗消耗老年時間？舉手叫寫菜明明見到都即刻擰歪面走去第二度，然後5分鍾都唔過嚟，成間酒樓個個都喺咁。過到嚟我都未出聲佢先出聲鬧返你‘等陣啦！咁心急做咩‘。真心唔想做唔想返你咪唔好返囉，出面大把人想返工啦。

1年1度母親生日宴方便長輩共同分享喜悅選了西九龍區 石硤尾一間有啲啲歷史的酒家訂了一房 開兩台麻雀 食個便飯仔點了個 貴貴地的套餐乳豬～ 咬落香脆 唔肥膩 肉帶咸香 經典的乳豬味上湯龍蝦伊麵～口感較軟淋 雖然食落唔似即上水便煮咁新鮮 味道不過不失啦蟹肉羹～濃稠度適中 不會杰如漿 稀如水 還食得出蟹肉鮮味帶子螺片雲耳西蘭花～菜爽 雲耳遍軟淋 帶子鮮味 螺有少少腥 好似未出夠水炸子雞～ 肉遍實正同滑 選了雞胸都唔會乾柴柴 味道我會話食出原味道瑤柱香菇豆苗～香菇有咬口 豆苗原味道 漿汁略咸鵝掌生菜～鵝掌軟淋淋 入口即溶糯米飯～口感煙韌 好好味水餃～皮簿 餡料豐富 足夠的木耳食落爽脆 冇太多肥肉 食落唔會膩 唔錯唔錯壽包～包皮唔算得上簿 入面都有足夠的蓮蓉少許鹹蛋黃 因為係經典味道 甜是不可避免的紫米露～ OMG 一小口已足以甜到其他味也沒有了最後回到家 都冇覺得口渴渴 足以證明佢冇落好多味精

自從老爸過身，都甚少過番嚟石硤尾食飯，最近阿妹生日，費事佢哋專登走嚟走去，所以，就番佢哋索性晒我同老婆過嚟到「多彩皇宮」食餐便飯。呢間嘢真喺屹立咗好多年，都算算哋喺家族飯堂，其實啲嘢無話好好食，純粹地方大，好坐，就腳而已。就算防疫放寬咗，但始終每日確診人數都仲叫好多，所以，唔訂枱都大把位。我哋嚟得早，地下大堂可以任坐呀，上層二樓就唔知多唔多人嘞。就算之後開始有客嚟，成晚計，都喺七、八乘入座率，講緊喺星期日晚市喎，算喺算靜。呢類屋邨酒家，菜式嚟嚟去去都喺嗰啲，但都勝在喺多選擇。而較吸引味咪喺啲乜寶物寶，而呢度有晚飯6寶，問過喇，喺可以同時叫晒，不過，唔喺樣樣都啱食，最後就只揀其中2款。順帶一帶，飲茶就特別多額外小費，餐前啲花生$13兜、茗茶又$12位，最搞嘢，一向10%服務費就預咗，但呢度就喺收12%，唔喺話好多，但俾客觀感唔多好啫。蝦片脆皮燒雞 $68呢個喺6寶之一，睇落色澤炸得金黃，個外皮堅脆，香口而不膩，雞肉亦比預期中嫩滑，的確好食，沾上淮鹽，或點啲喼汁，各有風味，斬得俐落無咬到碎骨。半隻，轉眼就被我哋消滅晒。菠蘿咕嚕肉 $98生炒骨、咕嚕肉喺細妹心水，通常都會叫番碟，加上餸飯就最

一家五口再來多彩，貪佢地方濶落樓底高又多位。今晚試個羊腩煲，羊腩夠多好夠淋又入味，$198超抵價👍🏼。炸子雞皮脆肉滑👍🏼。沙律骨好夠味，又係外脆內軟👍🏼如果稍細件就更好。噴水蟶子王蒜蓉蒸，$120四隻，新鮮味美，無得輸！蒜蓉豆苖味道好，畧嫌非豆杯。甜品叫咗馬拉糕同奶黃千層糕，中規中矩唔高分。整體來講，小菜有90分以上。順帶一提，服務員招呼周到，成晚見佢幾張枱走來走去無停過，值得嘉許👍🏼後記：返到屋企都無口渴。

11月11日光棍節，揾食肥華與幾名眼科前同事，到此店食晚飯，吹水隊酒慶祝佳節，是晚飯局謝绝女仕参與，所以席中各同事，兩杯到肚後便高談濶論大講風流韻事，風花雪月，人生奇遇雖然係瘋言瘋語，但充滿娛樂性，加上今晚此店供應嘅特價羊腩煲，席中各人都話抵食，超值再配合多款水準不俗小菜和侍應們到位的服務，整個晚宴由頭盆食到甜品都充滿笑聲绝無冷場，縱觀此店嘅食品價錢圽是深水埗平民小菜館衔坊價，但環境卻比起呢類食店企理，難怪每晚都高朋滿座，值得一提此店菜單上有註明自來酒水開瓶費每枝$10O，雖然當晚肥華没有被此店徵收此費用，但事先有心理準傋亦好過到時失去預算，總結此店💯👍💯👍

都幾好噃！欖香冰梅骨好好食，冬瓜盅清甜鮮味，材料十足，好有水準。炸子雞個皮都好脆。我哋八點幾先嚟到，西洋菜例湯剛剛賣哂。性價比高。服務人手足夠，招呼唔差。上次試過新鮮炸出來的芋角，超級滿意。下次要晏晝來食海報貼出來的超值點心😋😋p.s. 番到屋企都沒有口渴感覺👍🏼。而且廁所濶落，乾淨，沒有臭味，難得。

🤩 石硤尾｜多彩皇宮 #丁丁香港探店地址：石硤尾南昌街美彩樓地下-来扫荡一下办公室附近的茶楼总体来说是推荐的！美中不足是碗不干净还会回来吃煎饺子和煎肠粉😋-「香煎蝦米腸」煎出来的肠粉很好吃诶肠粉里面的葱和虾米很香！蘸豉油就很好吃了！-「家乡煎饺子」意料之外的好吃！非常juicy很多肉！-「鱼肚灌汤饺」饺子皮有点薄 被泡破了 但味道还不错的！-「金沙奶黄包」金沙奶黄包很好吃咸口的！-「酱皇蒸凤爪」不够软烂但是很入味！

平地一聲雷，香港正苦宣佈全日禁止堂食之後的一天，因為需要來到這區工作，就在這裡外賣了一盒「滑蛋牛肉炒河」（$40/外賣價）回辦公室吃。看著這間酒樓的員工在酒樓外擺開陣勢，售賣各款特價外賣點心和粉麵飯的境況，心中不禁說出一句話：「多謝正苦！」其實，我本來是買「滑蛋牛肉炒河」（$40）的，不過也許是來買外賣的街坊太多吧，這兒的員工可能了單，到我等待良久，催促的時候一時口快竟叫了「滑蛋蝦仁炒河」，就是這樣，我得到了一個意外收穫「滑蛋蝦仁炒河」。始終，「海鮮」一定比牛肉貴，這還不是意外收穫。這意外得來的「滑蛋蝦仁炒河」的清蛋汁茨實在太多，太水汪汪了，教我不知道應該讚它下得慷慨，還是怪它過猶不及。幸好這飯的茨汁多寡雖然有商榷的餘地，味道可還是中規中矩的，賣相也像樣，紅白的蝦仁、黃的蛋、綠的蔥、白色的河粉，顏色悅目，而且蝦仁也著實不少，才四十元一個大大個的飯盒，即買即製，還要有「海鮮」，還不收貨嗎？之不過，我對這正苦不經大腦，朝令夕改，一塌胡塗的「德政」就絕對不敢恭維，絕不收貨了。

昨晚長輩生日怕去旺區，改左去呢到！6:30 去到傾計，有親戚發現有老鼠走過⋯⋯我成晚好似大媽甘晾起隻腳最後去完廁所都係路上見到3隻走過完全係樂園我以後唔會再去有生日酒都扮忙唔出席還有服務阿姐好粗心大意下下撞到人兩個阿姐又互相指罵你唔做又指我做

十月一日假期同老婆去飲茶由深水埗行嚟呢度唔遠十分鐘就到黎到都唔使等位，一嚟就有位坐張櫈都舒服寬闊但係裝修就有點古舊，大陸味好重鹹水角內裏味道一般，而且個皮不脆，好靭潮州粉果係我最愛但係同樣內裏個味道同平時唔似沙葛都唔爽，個皮好奇怪嘅感覺上湯鮮竹卷呢個份量好足夠肉都好大嚿但係唔知點解個湯有啲酸油雞瀨， 冇特別亦冇要求，十零蚊碗牛肉係咁多樣之中最好食，份量足夠粉卷愧粉皮好粉，唔滑埋單117.5真係冇乜投訴味道一啲都唔好食但係咁嘅價錢我又覺得一分錢一分貨 行過路過 又咁啱完全冇要求你又可以食嘅

今晚我地一家人去食晚飯，之後去廁所，嘩嚇到我，啲老鼠四周圍走黎走去。。見到老鼠之後我地屋企打哂冷震。。之後我地話俾一個叫安叔既男人稱廚房有老鼠，竟然呼顯了事。。

今早阿媽話去飲茶，去到揀左位坐低個伙計已經話唔好坐呢度坐第度，好明顯留左位比人啦～好，咁算啦，食到一半，忽然聽到有個女人好勞氣好大聲罵啲伙計，應係啲態度問題啦。食到差唔多，差緊籠潮州粉果未來，好，咁叫啲伙計追啦，叫第一個，應左你就算，無去睇。叫第二個，直頭企係我地張枱度同同枱阿婆吹水，應都唔應，繼續吹水。叫第三個，依然係咁，應左你就算。最後，出左去見到有個伙計係度玩電話行埋去督住佢幫我地追。嘩，我終於明開頭個女人做乜事咁勞氣了。一早食到成肚火，無下次。啲管理層如果睇到既話，唔該你好好正視呢個問題，我唔係成日去你間茶樓飲茶，但之前都有兩次見到食客同啲伙計嘈～

自從上次飲茶中伏之後，都未知個喺呢度飲茶啦！但晚飯小菜呢佢又唔差喎！價錢算平，都大碟，街坊價！清蒸沙巴大龍躉，價錢唔算貴，好大條，火候剛剛好，唔錯！每次你都會帶一個芝士大蝦伊麵，不過今次啲伊面就真係淋左少少，而且冇乜芝士味，差咗啲！脆皮燒雞算唔錯，果皮夠脆。啲肉都好滑，剛剛好，有保證！生炒骨就麻麻啦......酸酸甜甜味道唔錯，但全部得啲骨同埋肥膏。無肉嘅......最正係呢個天麻燉魚頭湯，平時出去飲湯都驚會好鹹好多味精，但呢個真係冇味精，仲好足料添！

呢日來到石硖尾探朋友，咁就來到呢間好多年歷史的酒樓，間酒樓幾大吓，有2層，之前跟D團體聚餐來過。呢日最驚喜係見番都真係幾大個的『大包』，而材料亦足，不是好多地方可以吃到嘅。