大勝燒鵝

营业中

休息中

街坊價的燒味店🌸肥叉燒飯唔算太肥，叉燒蜜汁味道剛好，拌埋薑蔥零舍好味🌸乳豬燒鵝咸蛋飯乳豬唔會太肥太漏，味道不錯，燒鵝去骨斬件上，燒鵝皮夠香，掂埋酸甜醬就可以解解油膩，加$8配埋咸蛋，口感味道非常豐富。🌸油菜（菜心）大大碟油菜，菜心帶點甜🌸泰式豬頸肉在燒味店食既泰式豬頸肉比平時吃的不同，油脂豐富，有叉燒汁味道。🌸豬仔骨滿滿一碟，連骨頭都入晒味，鐘意吮骨既你就會鐘意架啦！🌸手拍青瓜酸酸地特別開胃🌸凍檸茶🌸凍檸蜜======詳情======大勝燒鵝 (黃大仙)黃大仙鳳德道29號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #黃大仙美食 #黃大仙好去處 #香港美食探店 #香港探店 #我是吃貨 #打卡熱點 #打卡美食 #著數報料 #消防局對面 #黃大仙廟附近美食 #燒味店 #叉燒 #燒鵝 #乳豬 #鳳德道 #大勝燒鵝

6月29日揾食肥華諗住帶靚媽，食番餐好味嘅，燒臘飯午餐就去咗呢間，在鳳凰村開業不久嘅，燒臘飯店開餐，可惜事與願違，此店嘅食物質素及進食環境都，強差人意，令人失望到極點，連靚媽都俾個劣評佢！先講食物質素，今日肥華所點嘅，兩碟燒味飯，所食到嘅燒味，义燒喺柴嘅，豉油雞冇雞味，燒鵝，皮唔脆，骨多過肉，叫做食得吓嘅就喺個幾塊，紅腸及半隻咸旦，和被肥華，加咗大量䓤油嘅白飯，而個兩碗跟餐例湯和奉客清茶，都喺有朕清潔劑味，加上此店啲員工，會用嗌交嘅音量來隔空交談，刺耳嘅聲音，極影響食客情緒，總之以後有人請食飯，肥華和靚媽都唔會，選擇此間燒臘飯店🙅‍♂️🙅‍♀️🙅‍♂️🙅‍♀️‼️

黎到黃大仙探朋友，唔知食咩好。見到呢間燒味舖頭新開張，二話不說即刻入去試一試。一入到去到好多隻燒鵝並排住，十分新鮮。粟米豬肉南北行冬瓜湯鵝脾雙拼飯 拼燻蹄 $102燒鵝髀新鮮，鵝皮熱辣辣，非常薄皮，燒鵝肥瘦適中，有鵝油香，肉味濃尚算嫩滑。燻蹄爽口 肉質好柔軟 腍滑，點埋蒜醋汁，無得彈啊！鵝脾雙拼飯 拼叉燒 $102白飯🍚的分量大，一個女仔會食唔哂。瘦叉燒肉質不會硬身，配埋叉燒汁同薑蓉一大樂也！凍檸茶，酸甜解渴凍奶茶，奶味較濃推介指數：⭐️⭐️⭐️⭐️🌟

今日去黃大仙友誠買完野之後附近搵食，見到呢間燒臘店又幾唔錯😛價錢相宜又大大份。。晚餐有$78 套餐 ，包左燒味飯+湯+小食/菜 。燒鵝飯幾唔錯！燒鵝皮燒得酥脆，色澤金黃，每一啖都帶有脆皮嘅香氣同鵝肉嘅鮮美。。燒味雙拼 ($138) 叉燒拼燒腩仔：呢個燒味雙拼真心幾抵！又正！叉燒燒得色澤紅亮，肉質鮮嫩多汁；燒腩仔則係肥瘦相間，燒得恰到好處，肉質軟嫩多汁，令人嘴齒留香。兩樣都出色。。西班牙一字骨瀨粉 ($78)：西班牙一字骨即係燒排骨，平時好少有燒排骨食，呢度用左西班牙一字骨整既燒排骨真係好掂！肉質鮮嫩多汁，入口即化，配瀨粉好爽好好味。。

.#foodie #hk #hkfoodie #HTB美食推介【黃大仙即燒燒鵝｜升級燒味頹飯🆙乳豬當晏就】🐨乳豬燒腩仔燒味飯 $78推薦度：⭐️⭐️⭐️⭐有冇諗過食燒味飯，竟然可以食到乳豬呢？本身諗住過嚟試佢哋嘅燒鵝，但係聽到乳豬新鮮出爐，梗係試吓啦！！！乳豬燒到乾身有少量油脂，保持到皮脆肉嫩效果，最底嘅肉位仲有少少焦香，絕對高質過平時去飲食嗰啲～ 燒腩仔同樣都係好脆，脂肪同燒肉肥瘦相間，唔會太乾，一啖一口岩岩好！.🐨手拍青瓜 $35 跟餐$16推薦度：⭐️⭐️⭐️⭐️小食份量非常之大，兩個人share食都唔過份！除咗有青瓜酸汁之外，仲加咗蒜頭、芫荽、蔥，所以好惹味，最重要係保持到青瓜嘅爽口，一嚿接一嚿好快就食晒！.🐨是日靚湯 $8推薦度：⭐️⭐️⭐️⭐️是日靚湯喺青紅蘿蔔煲瘦肉，好少何出街食啲湯會咁足料，有好幾嚿大大塊煮到好腍嘅瘦肉同大量紅蘿蔔😍 最緊要係冇味精，飲晒成碗清涼解渴有屋企煲湯嘅感覺～.如果住附近嘅朋友，買嚟斬料加餸或者外賣返屋企當晚餐，一樣掂！——☼——☼——☼——☼——☼——大勝燒鵝📍地址：黃大仙鳳德道29號地舖🐨推薦度：😋😋😋😋/5 💰人均價格：$50-100🪸環境：👾👾👾👾🗣️服務：👍🏻

位於黃大仙呢間新開冇耐嘅❣︎大勝燒鵝❣︎裝修簡約舒適，價錢大眾化，我見不停有食客買外賣斬料加餸👍🏻學生飯盒單拼都係$30，穿著校服仲送無味精湯😋店主真係好有良心🫶🏻❣︎大勝燒鵝例牌❣︎$138🌟必食推介😋呢到嘅燒鵝係用蘋果木煙燻過，入口淡淡燻香🤤好獨特，皮脆肉嫩啖啖肉，超正👍🏻❣︎瑤柱貴妃雞❣︎(半隻）$75用瑤柱浸出嚟嘅雞，味道鮮香，雞肉又嫩又滑，皮薄好有雞味。❣︎例湯❣︎$8呢到嘅例湯每日新鮮煲，絕冇味精🙅🏻‍♀️保證有益。❣︎ 油菜❣︎$18油菜份量多👍🏻菜心新鮮，食燒味一定要叫碟菜，減低油膩感。

📍大勝燒鵝（黃大仙）屋企人推薦我去依間新開燒味舖，環境乾淨，坐得好舒適🥰 店員服務好好，細心友善～晚市人流多，好受街坊歡迎🫶🏻我哋叫咗兩份全日供應嘅一人套餐（配小食） $78，勁抵食！！份量十足，包湯有小食有飲品，好飽肚試咗四款燒味，大勝燒鵝、叉燒、燒鴨、切雞，款款都好高質，必食招牌燒鵝 皮脆肉嫩🤤 肥瘦叉燒都好推薦，口感一流完全唔會柴👍仲有兩份清爽小食，油菜（細）同爽脆海蜇，特別推薦海蜇爽口彈牙，好好味！脆皮燒腩仔$108/例仲額外加咗份燒腩仔，賣相好吸引，食落都好高質！肥瘦均勻，皮脆肉嫩好正👍

快靚正嘅燒味飯就啱晒我收工收得夜及唔少上班一族嘅午餐選擇！原來屋企附近有間新開嘅餐廳「大勝燒鵝」都冇留意，鄰居已經幫襯過好多次，聽聞係一間自己有爐有工場每日新鮮製造，絕對唔係外面來貨！大勝燒鵝脾飯+咸蛋 $92+$8蜜汁叉燒飯 $48燒骨腩 $128/例燒鵝髀好大隻，放滿晒成半隻碟，真係非常吸引，呢個燒鵝髀嘅質素非常高，外皮香脆，肉質嫩滑，充滿油香味，原全唔覺油膩；咸蛋黃仲流晒油，一齊享受食得更滋味；蜜汁叉燒，半肥瘦之餘，光澤柔潤，但內裡仍然能保持水分，以抗通脹價來說$48正過好多連鎖快餐店，高質又抵食呀；燒骨腩係厚身dd嘅燒豬骨腩，肥瘦分明，每件豬皮都真係超級脆。

(*˘︶˘*).。.:大勝燒鵝.*♡超喜歡屋企附近新開的燒鵝小店大勝燒鵝，沒有名過其實的名聲，食落啖啖卻是即燒燒鵝的味道。怪不得我老豆一星期總去兩、三次。-小店主打燒鵝，每天新鮮在店內廚房燒製。燒鵝皮脆肉嫩，油脂分布均勻，入口即化，撈飯超！好！食！-除了燒鵝之外，店裡的其他燒味也都很不錯，乳豬豉油雞飯乳豬皮脆肉香，豉油雞也非常入味。雞肉鮮嫩多汁，豉油的鹹香味道也剛剛好。叉燒肥瘦相宜，肉質軟嫩，甜度也適中。-蜜汁味道真的很香，大推！啊對了！下次再來食燒鵝脾飯我一定會叫原隻免斬！大勝燒鵝竹園鳯德道29號消防局對面#大勝燒鵝 #黃大仙 #燒鵝 #乳豬 #豉油雞 #叉燒 #香港美食 #新店推薦 #黃大仙美食

放假嚟黃大仙搵食，喺鳳德道見到有間新開燒臘店～～櫥窗掛滿了各式各樣燒味，有燒鵝、叉燒、油雞同乳鴿等，燒鵝大隻肥美、而油雞亦飽滿富光澤，令人食指大動，一於坐低試下。店舖地方不大，但裝修得頗骨子，環境乾淨企理，而且入面更設有卡位，所以坐得都幾舒服。餐廳自設燒爐，燒味全部每日新鮮燒製。點咗燒鵝髀瀨 ($92)、玫瑰油雞拼瑤柱貴妃雞飯 ($52) 同 一碟蜜汁叉燒皇 ($98/例陴)。隨餐附送是日靚湯，配熱飲+$3、凍飲+$8。今日嘅例湯係青紅蘿蔔豬骨湯，湯水味道好清甜，飲落完全無味精。燒鵝髀賣相好靚，大大隻，外皮酥香鬆化，鵝肉夠嫩，沒有鵝膻味，一咬就有鵝汁標出，用嚟配滑嘟嘟嘅瀨粉食，啖啖滋味。至於另一碟油雞拼貴妃雞飯，味道亦唔錯，油雞皮滑肉嫩，入口帶玫瑰露酒香；貴妃雞結實入味，點少少薑蔥蓉吃，錦上添花。叉燒燒得非常香口，半肥瘦，肉嫩鬆化，有燶邊，入口帶蜜甜之餘，亦不失豬肉應有嘅肉香。加點咗碟油菜 (+$18) 是日為菜心，價錢合理，份量十足，食咗咁多肉，吃點菜平衡一下！

叫咗個燒鵝叉燒飯。送到過嚟成塊皮冇咗。只係剩低腳上小小的皮。打返過去，佢話堅持餸嘅時候係有皮嘅。佢望住師父整出嚟。我唔覺得外賣員會就咁食咗塊皮。都幾肯定係餐廳冇俾1份正常嘅餐我。同埋食物好唔新鮮。好似放咗幾日嘅肉咁。啲叉燒霉霉地。鵝肉係黑色嘅。真係唔建議大家食。

黃大仙鳳德道最近新開了一家燒味餐廳「大勝燒鵝」，款式豐富而定價親民，今天晚上到訪一試味道-下午茶：切雞瀨粉 $33奉送熱飲及牛油多士切雞約十件，皮爽肉滑，加上蔥油更能提鮮；瀨粉湯底清甜不膩，附上數條油菜；多士香脆富牛油香，$33非常超值-大勝燒鵝 (例) $138鵝皮燒得香脆富鵝油香，鵝肉厚身緊實，細緻入味，果然為招牌燒鵝，蘸上酸甜醬汁是絕配！-蜜汁叉燒皇 (例) $98負責人推介半肥瘦叉燒份量十足，上色均勻；蜜汁香甜不膩，肉質細嫩軟滑，肥瘦適中，個人非常喜歡！-油菜 $18

屋企附近開了這間大勝燒鵝，堂食有數十個座位。餐廳提供多款不同的燒味，即場燒製，價錢親民。當中一人套餐最為抵食，$78 有大勝燒鵝飯，又可以跟其他燒味作雙併，最後揀選了燒鵝及白切雞雙併，套餐奉送例湯及熱飲，另配上小食/油菜一碟。燒鵝夠晒熱，燒鵝皮色澤夠光澤，皮香肉嫩。白切雞瘦而不柴，肉質嫩滑，要讚一下他們的薑蓉味道都不錯。另外燒味四寶飯$55, 有叉燒，油雞，紅腸及咸蛋。叉燒肥瘦適中，夠淋身。油雞爽滑。咸蛋最好送飯。

大勝燒鵝 (黃大仙)黃大仙鳳德道29號地下味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：大勝燒鵝脾雙併飯 $102，指定油雞脾 +$10，咸蛋 +$8，油菜 +$18，例湯 +$8，凍鴛鴦 +$8燒鵝脾：非常巨大的一隻燒鵝脾，非常好肉，肉質豐潤多汁，鵝味濃郁，切功精細，外皮酥脆，口感絕佳！😄😄😄油雞脾：又大又肥美的油雞脾，煮至剛剛熟，雞肉非常嫩滑，雞皮鮮亮誘人，醬油味香濃，味道豐滿，令人垂涎欲滴！👍👍👍咸蛋：不會過分咸的鹹蛋，裡面的蛋黃橙黃亮麗，咸蛋味香濃，有起沙感覺，和絲滑的質感，口感極佳！😍😍😍油菜：剛煮熟的菜心，保持了蔬菜的鮮嫩，擁有微妙的甜味，數量不少，健康又美味！😋😋😋例湯：是紅蘿蔔菜湯，多菜又多肉，煮成啡黃色，味道清甜可口！❤️❤️❤️凍鴛鴦：大大杯冷飲，冰量足，口感清涼爽快，兼具咖啡的香濃滋味和奶茶的香滑口感，喝起來非常解渴！👏🏻👏🏻👏🏻

同朋友一齊嚟咗呢間餐廳食個 early dinner 🤣朋友超級鍾意食雞🐓，於是就叫咗 $140「瑤柱貴妃雞 壹隻」：「貴妃雞🐓」真係幾大隻，煮得啱啱熟，唔同部位有唔同口感，但係總括嚟講都夠滑😋，而且幾好雞味👍餐廳叫「大勝燒鵝」咁梗係要食燒鵝啦，仲想食乳豬喎，於是就叫咗 $88「乳豬燒鵝飯」：燒鵝皮脆肉滑，好好鵝味👍；乳豬皮都係燒到脆卜卜，乳豬肉油脂充足，所以非常甘香，整體燒得好香口😋$18「油菜」：係菜心，菜心新鮮，簡單好食👍$8「無糖可樂」：凍冰冰，夠晒解渴🤣