大婆牛肉麵 (已結業)

今日出開灣仔,諗起久違了的大婆,於是去咗搵佢...因為下午茶時間,無咩人,任揀位坐...坐定定,望 menu...嘩...tea set 嘅大婆牛肉麵都要 $36?!最後,男友照舊要牛肉麵,我就試咗担担麵... 牛肉麵...比起當初識"大婆"...牛"月展"愈來愈少同埋細了... 担担麵...還算可以,不過唔太辣亦唔太麻... 酥炸排骨...唔錯...不過一食過鹽酥雞再食佢,就會變得無晒味... 鹽酥雞...新鮮炸起,唔錯...但第一啖...雞軟骨嚟嘅?!!之後食咗最少三,四舊都係雞軟骨...係廚房搞錯定點呢?我哋要鹽酥雞喎!!以前啖啖肉架喎!!定係宜家鹽酥雞會加埋少少雞軟骨入去呢??總結...愈出名愈多人食咪愈貴囉...價錢升,質素卻跌...P.S.返到屋企同屋企人講返...佢哋早兩個星期去九龍城嗰間食過 tea...話價錢一定無灣仔咁貴... 雖然唔肯定係咪真,但各位食家可以再參考多啲評語睇吓係咪真係兩間嘅價錢唔同...

這一天真值得紀念，我晚上要飛上海送世博車尾，同事也要到澳門曲線支持格蘭披治，正是各自各精彩，食飽好上路。本想吃華星，奈何人龍太長，同事提議去搵大婆，可能是想上機前作最後溫存吧。之前幫襯過大婆，其實，真的沒有特別，甚至有點覺得是不入流，希望今次會更好吧。中午時間，等位不算很耐，如果兩個人會更快，問題是，真的值得等嗎？我點了一客午市套餐，大婆牛肉麵餐配羅漢果蜜，我地另外再加幾碟小食。大婆牛肉麵和之前一樣，湯很多，份量其實也不少，如果這碗是細，真不知大會是有幾大。牛肉是牛展位，而且有配牛筋，兩者都炆得很腍；湯底很大碗，喝一口，是有點辣，再喝一口，有點口乾想喝水，但老實說不覺得有味精，應該是其招牌煮法，湯是很濃，但結局我是覺得跟「好味」兩字聯不起關係；也因為這個湯偏辣，其實牛肉味都被掩蓋了。小食點了涼拌青瓜和皮蛋肉鬆豆腐，有特價，看來是午市才如此。涼拌青瓜不算細碟，其實呢間鋪所有食物都份量十足。青瓜終對是台式煮法，醃過的青瓜酸酸辣辣，終對是幫助開胃的。皮蛋肉鬆豆腐，意料之內三者都是現成貨，豆腐應係百福，皮蛋當然不會是糖心，肉鬆很台式，帶點甜味的肉鬆，也應該是我在任何台灣美食展可以買到的貨色。還

夜晚去左食二人餐$140 二人餐! 包2碗麵 2個小食 1碟油菜 2杯野飲!!其實都幾抵食!涼伴黃瓜幾好食!!! 醉香一字骨普普通通!!油菜唔太油! 幾好!! 清清地牛肉麵份量好夠!! 牛肉幾好味!!不過食完幾口乾! 可能味精好重!

叫咗下午茶大婆牛肉麵, 湯底淡而無味, 牛筋好硬而且冇味, 牛肉夠林但冇牛肉味. 食一次都嫌多 . 下午茶時段價錢亦貴：細牛肉麵 + 酸菜連外賣盒盛惠 $39.如此價錢如此味道, 唔會再食!!!!!

一兩年前食過幾次 幾次都好好味最近走左去食 味道不及當年d湯唔夠辣 唔夠味 d湯入到口 只有微微既酸同辣冇以前咁正 咁開胃 牛肉既份量同以前差唔多 冇減到料 但係d 牛肉冇咩味 再多都冇用....以前真係好中意食大婆 大婆不嬲都貴 五十幾蚊碗 而家質素差左 真係唔知仲去黎做乜...

本是偶然发现这家在湾仔也有分店，更意外发现恶评颇多。今天中午正好来到附近，当然要来一试。两人都点了牛肉面，一小一大。我们都对饮品更感兴趣，朋友转士多啤梨乳酸，我则是红豆奶茶，因为不想要半杯冰块的饮品。虽然端上来才发现这个是逃避不了的，下次要少冰好了...后又追加一份盐酥鸡。先点评下牛肉面：小（42）大（49）点单时说汤底有些辣，端上来果然汤上都漂着油星点点；试后发现与“辣”绝对不沾边，但汤有些油腻。牛肉炖得够火，是我最钟意的口感；但牛筋不吃，都给了朋友，应该味道都不差。面则比较失望，不够弹身，对于牛肉面的面条来说这点比较致命。但总的来说味道都不算差的，至少与我先前在九龙城家店食过的没甚分别。盐酥鸡：（23），这一味算出色，不会油腻，盐落得稍多，但都算与其名相符。饮品：士多啤梨乳酸（跟餐＋7），据朋友说味道过甜。 红豆奶茶（跟餐＋10），半杯冰块，红豆全都被压在底下；奶茶很快饮完，红豆有些过甜，但口感都不错。总的来说味道还是不过不失，不明白为什么有这么多恶评。个人认为牛肉面其实做难吃不易，想好吃却也需要下点工夫。就牛肉本身来说是够诚意的，那么又何必苛责。

細大婆牛肉麵…邊度有講到咁好食呀…麵係粗麵，都唔係好入味個湯有d似牛腩湯既味，但好淡好稀咯（樓下N層話係味精黎，唔怪得），好渣又無乜特別，淨係得牛肉同蔥仲賣成三十六蚊tim…orz紅豆攪滑冰，軟d既沙冰

我地一行六人去完漫畫展，去到克街諗住諗住搵個下午茶食啦，跟住見到呢間鋪頭鬼咁大張ｐｏｓｔｅｒ係寫下午茶，咁見佢裡面無乜人咪諗住試下囉。點知入左去先知原來星期日係無下午茶的，但係佢老年咁大響門口的ｐｏｓｔｅｒ完全無講過。咁我地都坐低左兼入埋人地杯水，咪照叫囉。咁諗住試試佢個迷你麵，都成＄１７／碗，！出到來的時候個個都大嚇一驚！呢個世界上竟然有麵係可以咁精緻！係平時食飯碗咁上下大的碗，仲要係得半碗麵。食左好似無食咁。跟住叫佢沖水，竟然係無室溫水供應，都唔係叫佢俾凍水，只有熱辣辣的滾水。間餐廳又無乜人，有張長枱又唔俾我地坐，要我地六個人，一袋二袋咁迫埋一齊！真係辛苦過乜！Ｄ服務態度又差過乜！我勸大家寧願行遠Ｄ都唔好貼錢買難受呀！

晚上在灣仔，一連幾天吃了西餐，轉轉口味，來了這裡吃過牛肉麵也好。兩個人，要了個二人餐，兩碗麵加兩個餸。我要的係牛肉麵，先試過湯，熱d更好，湯的牛肉味淡淡的，微微微辣，如果硬要跟台灣那些重口味湯比併，當然有距離，這裡淡的，也有淡的好。牛展腍了點，牛筋軟滑，麵條食落爽身，整碗麵還可以的。餸要的係鹽酥雞，炸得熱辣辣，夠可口，值得一試的，另一樣係春卷，反而無咩特別。餐跟豆漿，有渣的，救命，飲檸茶好過二人餐，一百三十蚊，抵吃的。

一個月前!!去完臺灣!!試完永康牛肉面!!返到香港都狼d懷懷不忘!!!見到九龍城間大婆都好評如潮!!哩間應該都唔會差啦!!!而且仲見到有食評話係食家李純恩開的話!更加有信心!!叫左個大牛肉面!!兩個食!!因為諗住一陣仲要食幾間野!!所以淺嘗先!!!點知就比個呀姐問::::一個面呀???我答佢::係!!!!!佢再話:::兩個人一個面呀??我都再答佢!!係呀!!無錯!!!原來香港宜家食野唔可以兩個人食一碗野咖咩!!!我知你要做生意!!但係其實一個面都要49元啦!!覺得對客態度要改!!!牛肉面到!!!牛肉太林!!好似煲左好耐湯咁!!!而且鬥渣滓!!味道無臺灣的好食!!湯:::不夠濃!!臺灣食的像有十隻牛煲的湯!!這裹!就應該只狼1/4隻!!!就是差這麼遠!!!總括!!可能係因為岩岩去完臺灣食到永康牛肉面!!!所以覺得哩唔好食!!!如果這店係李純恩開的!!!!我對李純恩都有d失望!!

昨晚同老公落灣仔做野,做完野就揾地方食野,之前黎過哩間食野都覺得OK，見佢食飯時間又唔太多人唔洗等....就响哩到食啦!一坐低老公選左牛肉麵,我就選左肉碎飯,兩個都係餐有野飲送,點餐後先發覺佢有小食同細飯同細麵,加$5都有野飲....我就立刻叫服務生過黎改單!但個服務生一過到黎知道要改野就唔多高興,我從覆左兩次要改啲咩野,佢好似聽唔明噤,仲話再唔改啲晚餐就做好,後咪又叫個等2個服務生過黎落單,哩個服務生啲態度都係好差......之後我黑面佢啲語氣先好反啲.......下次我地唔會再黎食,

早已想試試大婆蝦麵 $38呢日特意去試下湯底用咗蕃茄但酸咗啲啲材料有 3 隻蝦、半隻蛋、芫荽、筍筍嘅比例較多蝦又不太爽口麵又唔够爽滑唔試冇損失(侍應生會另上一隻碟仔放蝦殼)另點一杯百香果蜂蜜果汁特飲 $13可能我光顧下午茶時段, 部份職員 , 3-4 位員工坐在角落頭睡覺. 雖然該時段食客不多.但有礙觀瞻.

努力搵緊一碗正宗 ge 台灣牛肉面可惜唔係呢度!!!我絕對係為左搵牛肉面而黎 ge, 但可惜我覺得賣相唔得,唔知係 d 湯太多, 但一話 d 牛肉太少,個碗一上枱, 我硬係覺得怪怪咁湯係濃, 但可惜唔香, 一 d 好香, 好吸引 ge 牛肉味都聞唔到!!最重點 ge 係, 個碗唔熱,湯唔熱, 面唔熱, 連 d 牛肉都唔熱,係就係有煙出, 但食落去唔係熱 ge,我個人就接受唔到唔熱 ge 面,所以, 好失望!!另外仲點左一個鹽酥雞,呢個較為像樣, 起碼好食過 "易 x 炒 x"但不過抽於我 ge 目的係牛肉面,其他配角再好食都係無用,sorry!!!

聽講這裡出名。黎到呢度試牛肉麵，要了碗細的，跟餐有豆漿，呢度豆漿幾好飲喎。牛肉夠淋，但得兩塊其他都係筋....不過麵係夠爽有 d 嚼頭。另外，小食有叫水餃同滷豆腐，無乜特別。呢度都 ok 既，價錢會比其他牛肉麵店貴。

由於經過克街的緣故，所以不期然想到來吃一碗大婆牛肉麵；之前曾在其他食物店吃過臺灣牛肉麵總是覺得沒有什麽大不了，不過今次發現新大陸一樣的感覺，總之有一種想再去吃多一碗的感覺。難得有一個近落地玻璃窗的座位，可以看見外面人來人往的灣仔區，餐牌沒有太大花巧，只是平平實實的分大和小的大婆牛肉麵套餐，此外更有不小16元一碟的冷盤供選擇，就是每天來吃也要吃兩個星期才可以試盡所有冷盤菜式。今天沒有選冷盤，只是一心試吃大婆牛肉麵，儘管不理會是否大婆的牛肉麵跟阿二的湯是否需要比拼也好，一碗小的牛肉麵已經可以令我們吃個不亦樂乎。首先，湯底只是小許油，但是味道鮮美，一啖湯一口麵條，再一口牛肉，的確跟以往那些臺灣牛肉麵比了下去；另外一個也是牛肉麵，只不過採用雞湯底，相對比較清，適合怕肥膩的客人。主角牛肉是牛展，厚身，而且非常入味，您會發現牙齒可以把牛肉內的肉汁和湯一起刺激您的舌頭味蕾，相信是湯底內的麻辣成份作怪吧，怪不得令您想再吃的緣故就是因此！明顯地老闆坐鎮，對食物和服務質素有一定的監控。此條克街之食物店已經非常多，但是要說得上是好吃的我會選此間。下一次一定要留肚子吃吃冷盤才可以！