大家樂

营业中

休息中

叫咗凍檸茶走冰少甜，然後俾咗杯用凍飲杯裝住嘅熱檸茶走甜，嘢食質數唔得，叫咗海南雞餐，碗紅米飯入面撈咗啲椰菜咁款嘅物體，可能係椰菜飯同白飯個𢳂冇洗或分開用。上菜嗰邊啲職員黑口黑面，職員間互相傾偈先笑哈哈，個經理又大大聲粗口橫飛，做服務業係咪應該匿埋一二邊先講呢？冷氣好似冇開咁，舖頭入面同出面商場差唔多溫度(商場內本身冇冷氣)，然後間舖入面疑似有雀係天花位置築咗巢，不斷雀聲長鳴，食到食得唔安落。睇番其實間嘢係邨內都臭名遠播，唔用心做不如快手執咗去！

今天晚上一個人晚飯，走到沙田大家樂，是是旦旦食快餐，點選咖喱牛腩饭和冻菜蜜。快餐的特色是快，但沙田这一边真的很多人，等了大约十分钟个牛腩饭才出到来，幸好咖哩味道十分香，几好味道食得好开心

一哥焗豬扒飯向來都是大家樂的招牌菜式，最近推出了素豬扒，在午餐沒有太多選擇嘅情況下，就試一試。大家樂通常只有一款素食餐，現在可算是給素食者多了一個選擇。外觀上跟普通焗豬扒飯沒有太大分別，醬汁及材料都一樣，茄汁及配菜的味道當然亦一模一樣，那素豬扒做得跟真豬扒同樣「厚切」，口感就是慣常的豆類假肉。飯底由炒飯轉了紅米飯，整體油膩感大大減少了，感覺上真的健康了。然而實際上是否真的健康了？本身茄汁糖份都很高，如果我並非茹素，再選擇一次，我會揀價錢平一點但更可口的焗豬來吃。

今日自己一個人去咗大家樂買外賣食，買咗一盒燒鴨飯，我好肯定拎嘅時候，沒有左搖右擺，平平穩穩地送到返屋企。打開盒，見到嗰啲小鴨甩皮甩骨，皮還皮，肉還肉，好明顯係頭頭尾尾。如果我叫四寶飯，我絕對接受，但係冇理由我叫一個餸，都俾埋啲頭頭尾尾，講真見到都唔係好想食，呢度已經冇乜選擇，希望佢真係可以俾心機做。

夜晚想食個快飯就嚟大家樂啦，依家八點幾嘅人流已經好似以前九點幾十點咁樣，人少咗好多，不過可能因為餐廳設座位限制。叫咗個烤雞二人餐，有原隻蜜糖烤雞、肉醬意粉、兩支粟米和兩杯紅豆冰。明明堂食，佢又出錯咗外賣包裝，激死我，想環保啲都唔得。佢隻烤雞係值得一讚嘅，熱辣辣好Juicy，外脆內軟，仲俾埋手套你方便食。個意粉就一般啦，不要期望太大。至於支粟米，就永遠都咁難食，唔知點解完全冇粟米味，呢個已經唔係今日嘅問題。不過紅豆冰都係吸引我嘅，超多豆，加埋椰汁好味呀！不過大家真係要小心啲餐具，今日見到啲餐具好污糟呀。

去咗車公廟酬神。加上是觀音成道日是日想食素。走去大家樂點餐。點咗個咖喱雜菜飯。全素食加杯凍奶茶。埋單都係$51。個咖喱汁好厚好滑。混入白飯帶點微辣。薯仔蕃茄加雜菜，雖然無肉味但一樣咁好食。個熟雞蛋都好大size。杯凍奶茶好滑好飲。

其實一路以來我對呢一類嘅快餐店都沒有什麼期望，但因為佢係我家附近，所以周不時都會去這間快餐店食早餐。今日我叫咗午餐肉加牛扒早餐，先不論價錢值得與否，但係出餐的時候是否可以執定個牌盤呢？拎出嚟嗰時午餐肉同牛扒夾埋一齊毫無美感可言，古語有云色香味俱全，其實味道真係好正常，我對佢冇什麼期望亦沒有失望，但如果將個客牛扒擺靚少少咁客人食嘅時候就會開心好多。例如如果加多少少粟米粒，咁樣嘅話早餐會健康好多，食完呢份早餐迎接新的一天。

大家吃香港食海南雞🐣飯可能食得多，點外賣用$67吃完個超難食嘅海南雞飯。🤮 食物水準每況越下，難以再次吃到一碟熱辣辣嘅海南雞飯。 以集團式連鎖店呢來講，價錢既不大眾化，食物質數一般。🙌，米飯太硬，雞肉肥瘦比例不平衡，油飯吃完一半已經不想吃，太飽，加上雞飯沒有秘製三色醬汁。個餐本來跟碗魚翅🤤 ，完全消失，價錢照收全價，極度無奈🤷🏻‍♂️。所以，溫馨提示！！大家記得要再三檢查外賣是否齊🤤🤤， 再排隊就少不免🤦。

今日去乙明村考試，完試己經三點，本身想去文化博物館，只可惜博物館無下午餐食，於是黎左呢間大家樂。我明白職員難做，顧客想得到應有服務，無奈地雙方傾談方式易生火，無辦法，香港連鎖店為主，平靚正無選擇。餐桌上幾台未執好碗碟，如果香港人有手尾便好了，方便大家進食！我排隊，邊睇客人要求走冰無走到，等叫號碼變相插隊....排隊到我，薯角份量真心少，早知食花生西多幸好雞翼挺大隻，如果有隻雞翼餐便好，細個真係有雙雞翼餐！奶茶...普通普通....

因為工作的原故今天來到秦石邨，工作之後順便在這裏食晚飯，，商場選擇少之又少，除了大家樂外，只有麥當勞，粥麵店和一間細小的茶樓，最後我選擇了大家樂。上幾日去了大快活也食了煲仔飯，所以來到大家樂也叫煲仔飯順便可以比拼一下。我點選的是排骨臘腸煲仔飯，$49。在物價高漲的日子這個價錢可以接受，有我落單到取食物不足5分鐘，可想言之一早整定。打開煲蓋沒有煲仔飯的香味，而且班上的排骨10分少，另加上兩粒小小的冬菇和一條臘腸。味道方面我就覺得似一個普通的碟頭飯，雖然有少少飯焦但食落有一種苦澀的味道，排骨方面很多骨，但是味道還可以，至於臘腸就10分鹹。如果唔係貪方便嘅話，又或者有其他的選擇我應該唔會選擇來大家樂。反之亦然，早兩日去大快活嗰一個煲仔飯用心得多，其實食物好食與否，除咗食材之外，用心烹調也是一個10分重要的因素，今日我點算的排骨臘腸煲仔飯，我就睇唔到有用心。

大家樂其實係我經常幫襯的食店，阿女最愛呢個福建炒飯($35)，所以一有就會叫呢個，今日爸爸無一齊食，所以另外叫多左個豬扒肉燥飯($45)就夠了，肉燥飯就係阿仔的至愛，不過唔知搞咩阿經理比錯個飯我，但我講極佢都唔明我講咩好彩最後得回我的肉燥飯，肉燥算多，豬扒就比較細件同肥同燶。至於福建炒飯，汁都多，比較素，好好味當然唔至於，就是大家樂一般的質素囉！$35個餐包埋餐飲，都唔好太多要求啦！另外嗰個肉燥飯要$45都係包野飲，想食得平平地，大家樂係比較穩陣的選擇，而且大家樂的好處是免費加飯，我地3個人食都加左兩個飯，仲全部食哂！

去開文化博物館，走去附近溱石樓大家樂食下午茶。我點咗個鮮鴨湯瀨粉加紅豆冰。價錢$29。個鴨肉好似燒鵝味。加上個白菜好新鮮。個瀨粉好彈牙。個湯好鮮。個紅豆冰好大杯。好重奶味。好飲。個場好乾淨。推介給大家。

聽講係期間限定 本身以為$27個餐塊雞扒一定好細 點知竟然係早餐既一倍 一啲都吾孤寒超大塊！😱烏冬同早餐冇乜分別 不過呢碗係走左醬(冇咁高鈉)🤣🤔如果可以多返少少菜就perfect 池啦！😎👏🏻

此間＂大家乐＂的＂雞脾上海菜飯＂，菜飯是可以的呀！👍👍👍😀😀可那大大的雞腿，看上去算是挻吸引嘀！😊再嚐，那的味道可不咋好的囉！肉貭可不是那麼樣的美甜的呀！口感真不咋好的呀！套餐上奉送的例湯，還是甜甜的呀！可此店的＂上海排骨菜飯＂👍👍👍👍👍👍👍👍可果真好吃得停不下口來似的呀！😜😀😀😀😀排骨脆丶香丶甜丶嫩丶滑地可口非常的呀！👍👍我認為，此真是大家樂的招牌套餐之一的呀！😀我還特加了份唐生菜的，健康的飲食呀！👍👍👍👍👍套餐上包了杯熱飲料的呀！此大家樂的咖啡也是挻不錯的呀！👍👍👍👍👍香濃濃的咖啡味儿十足的香呀！👏😀😀😀😀

今日得閒，走去秦石搵朋友仔食個午餐，秦石商場食店唔多，仲有點少貴，朋友仔都係建議去大家樂食個快飯，真係總有一間係左近，黎到一如既往，睇水牌、排隊、買票。一睇發現左個勁搞笑既番茄吉列豬扒飯，注明「吉列巨星」，就試下呢。開頭以為只係照片誇張銷售，絕對有心理準備豬扒都係一般尺寸，誰知一拎餐既時候，內心不期然一股震撼，真係好大塊呀！仲要塊豬排可以蓋過白飯，今次估唔到的真材實料喎！肉質好滑，有肉汁唔乾身，岩岩炸起又熱又脆，本身已好夠味，唔會好咸，味道適中，好味到不得了！都係果句:真係好大塊番茄汁甜甜酸酸好開胃，有番茄蓉夠濃味，鐘意番茄既人士，推介！但略嫌汁太少唔夠橯飯。特調他他醬，又係甜甜酸酸有少少芥辣味，幾好！