大家樂

营业中

休息中

記得小時候每次拜山於我來說就等如登高，因為媽媽從小在村裡長大，那裡的居民過身後也會葬在村的後山，那時的山路超級難行，是踏在泥土上一步一步的慢行上山的，由其是清明節時經常下雨，所穿的球鞋便會滿布泥濘，而且山路濕滑，不太好行的，現在想起當年拜山也挺辛苦的!最近數年村民夾錢建了混凝土路，上山的路沒有那麼迂迴曲折，上山的時間也可推遲到10時多，可以到大家樂吃個豐富早餐才上山~是日假期仍有超值早晨套餐，$20 的早餐包括火腿扭扭粉、腸仔、火腿及厚多士及餐飲，真是超級抵呀!火腿扭扭粉的扭扭粉很煙韌，淥的時間剛好，配上火腿絲，美味又健康; 腸仔是熱辣辣的，不過火腿沒有煎過，凍的火腿不太好吃，至於熱烘烘的多士配上一大舊牛油，那有不好吃的道理呢?至於熱檸茶的茶底也很濃的，加上數片檸檬，味道也佳! 發現這間屋村大家樂的質數比市區的分店來得更好，至少食物熱度很足夠!

本來想去香草屋食TEA，可惜到達時見到內部裝修，暫停營業，唯有去大家樂食個TEA 啦~秦石邨商場本身食肆已經少，現在更得番一間茶餐廳、粉麵店同大家樂，無得揀之下去左大家樂~當日人流頗多，有很多公公婆婆在店內吃下午茶、閒聊，好不熱鬧~我則點了新出的三重芝腿多士、火腿扭紋粉茶餐，只售$21.5~這個套餐的多士是即焗的，等了大約10MINS才有，三重芝腿多士即焗熱辣辣，內裡的芝士可以拉到一絲絲，還有少少火腿及青椒，好似食緊PIZZA咁，無諗過係大家樂都可以食到美味多士~火腿扭紋粉用大湯碗盛載，比起以前用的湯碗大隻了許多，而且內裡有很多扭粉，相比以前抵食得多，而且扭紋粉夠煙韌，沒有淥得過淋的通病，沒想過大家樂認真起上嚟D野食都比得上專業茶餐廳，可以比個讚!跟餐的熱檸水都有四片檸檬，都夠酸味，GOOD~

見到大家樂有新款茶餐，今次叫左日式炒麵、日式墨魚丸及天婦羅蟹柳 配熱檸茶 ($23)個炒麵好似無炒過咁，就咁撈埋，仲要無嚟味道，淡到死，自己煮個麵食無咁嬲日式墨魚丸好似食粉咁，唔覺有墨魚粒喎!個天婦羅蟹柳最差，簡值係食炸粉，要撕開d粉漿先可以放得落口，差差差下次去大家樂都係食番公司三文治有保證d~

是日又OFF，留在家中處理別的工作。難得DAY OFF，又做到頭昏腦脹，還是去嘆個下午茶再繼續。看了附近幾間餐廳的下午茶餐牌，結論是大家樂款式最多，而且價錢（出乎意料地）最相宜。難怪，這裡幾乎坐無虛席，隔鄰茶餐廳卻在拍烏蠅。以前到大家樂下午茶，必定會點吉列豬排下午茶餐。直到去年某一天，老公買了另類的下午茶給我試，從此就愛上了它　－　墨西哥肉醬熱狗！今日難得有機會，決定再點個墨西哥肉醬熱狗餐 ($18.5) 給自己打打氣！熱狗是即叫即造，落了單後等了六分鐘。甫一坐下，已經嗅到陣陣肉醬香味！　這熱狗絕對是貴公司的熱誠之作！熱狗包烘底，有點乾身的麵包不會因為肉醬汁而變淋，而且令熱狗香脆可口！最用心之處，就是熱狗包的內側塗上牛油，牛油在剛烘好的麵包的熱力下溶化，為味覺再添一個元素。但熱狗包不夠熱，還可以再烘久一點。餡料方面，當然少不了熱狗腸。熱狗腸沒犯了熱狗的大忌，就是比熱狗包還要短。熱狗腸長度跟熱狗包長度相若，份量亦充足，不會太幼身。熱狗腸烤得恰到好處，外皮脆而不韌。熱狗上淋了蕃茄肉醬，再灑上青瓜，蕃茄粒和車打芝士粹。肉醬酸酸的很開胃，甫一坐下，已經嗅到陣陣肉醬香，跟熱狗腸很相配！不肉醬過有

今日食飯去左學校附近呢間大家樂食平時如果比較遲放食飯，肉醬意粉會賣哂，難得今日比較早放，當然要食下面層有d芝士溶溶地幾好食，番茄味都算香，而份量都唔算少野飯要左熱啡，當然只係普通大集團出品......

早兩日去咗秦石大家樂買外賣, 見到一個不能接受既行為. 話說, 本人當時正排隊買緊外賣, 個視線正正望到燒味部. 當時個燒味師傳正係度包緊"包雲吞"(戴住手套包), 但佢"包完雲吞"就即刻係個架度拎隻雞落黎斬,完全冇洗手. 可知, 燒味師傳同食物係有直接接觸, 見到呢個場面, 我本來係諗住食叉雞飯, 但最後走咗.

只得一小時的食飯時間,想不到有甚麼選擇。其實撇除新田圍,還有秦石和新翠選擇,今次卻去了秦石。不知為何走進快餐店,連餐牌也像沒看便點了焗豬扒飯+紅豆冰。的確,焗豬扒飯很快便有。一回到座位,就食到唔停口,並非特別好食,而是怕趕唔切。飯像比以前多,炒得乾身香口。配料也多了,有蘑菇、西蘭花、豆、蕃茄、菠蘿,其中蕃茄咬落也算多汁。但豬扒則普普通通,雖清楚看見豬扒有蛋包著,但並不鬆化,且扒身有點「鞋」,另焗豬扒飯的汁不足。至於紅豆冰是送的,紅豆份量偏少,腍而甜度適中,但卻不夠香。食畢,即刻衝上學校。

老豆話大家樂係秦石開左所以係冇飯開既situation底下去食下又無妨新開當然係光猛d而且7點多人已經唔少同老豆搵左位之後就order老豆叫扒餐我叫上海豬菜飯老豆個個好快有而且陣容幾勁下有酥皮湯又薯蓉不過個湯只係個皮好食其他既不提也罷個totato好難食仲要係凍既個塊扒哈哈話過扒王個d好差點知佢仲差老豆話去扒王好過而我個個上海豬菜飯就好好多賣相都靚d啦豬扒味足料夠不過個飯就係焗左太耐d菜黃曬飲品ok啦係食得你好飽個隻嫁唔驚餓親service唔錯~~有禮貌不過就咁既餐黎講位位40就有點兒那個了

呢間大家樂今日新開張,就黎試下好唔好食...可能呢度地方唔就腳,所以人流冇美林果間新開時咁爆棚...座位仍然有剩...自己要左個鮮茄肉碎通粉+南瓜厚多士,鮮奶粟米炒蛋,脆皮腸+奶茶...鮮茄肉碎通粉:茄湯茄味幾好,但自己嫌唔夠濃...蓄茄夠酸,幾開胃...肉碎真係幾碎下,唔"un"...通粉有咬口,ok彈牙...整體唔錯...南瓜厚多士:真係幾厚下,夠脆,但有一件烘燶左少少,同埋冇乜南瓜味...麻麻...鮮奶粟米炒蛋:炒蛋裡面包住d粟米,炒蛋唔係滑蛋,同埋爛左,跌哂d粟米出黎...唔好食...脆皮腸:一般食開果d,皮都夠脆...奶茶:杯奶茶夠滑,但又係果句,奶味較重...不過都唔錯...服務就真係唔錯,店員有禮,清潔的就更加有禮,又勤力做野,不斷拖地,拖得乾乾淨淨,收人地食完的碗碟又快手,又有笑容...至於食物就有待改善...