大家樂 (已結業)

天冷食lunch 見到咖哩就想食食食不過大家樂呢款新出的咖哩牛腩意想不到係加2蚊的薄餅好味過成碗咖哩薄餅牛油味香噴噴真係想加多幾蚊食多幾件係唯一可以令咖哩配得上的東西~~~大家樂的飯太冇飯味，差左D以為加咖哩會好食D 結果唔係LOR成套咁影，睇，就幾好睇的，但食落咖哩味道好一般想到而家食餐LUNCH閒閒地都要40幾蚊真係..............令人懷念印度的正宗咖哩了~

幾好食個豬扒飯 , 呢間係我食過比較好食既一間 唔錯的我給5個星 而且可以食到咁靚既唔係間間得 因為好多間都係差 同埋呢到D 野食好似新鮮D唔知點解呢希望可以再黎食多次

和朋友相約行山，出發之前齊齊「大家樂見」，先祭五臟廟，然後一起出發。午餐希望食得健康少少，所以選擇蒸飯，比起其他「多汁飯」應該不算太重口味。蒸飯以外賣膠盒送上（已經說明是堂食），兩條焗到發黃的菜不太討好，而且整碗飯只得一隻鳳爪，未免太過小家。幸好排骨份量頗足，而且多肉，補救少少分數。

前陣子往星加坡旅遊，一直還對當地聞名的海南雞飯念念不忘。今晚一家人往附近的大家樂晚餐，看到餐牌上竟然有海南雞飯套餐！價錢合理，餐牌的相片更令我食指大動！想也不想，便點下了。只需三、兩分鐘，整個套餐即預備妥當。雖說是快餐店，但端食物出來的職員還是很細心，拿出給客人前才撒上芝麻，海南手工雞配油飯再另包括老抽、薑茸辣椒醬和薑茸(由左右右)。值得留意的是，薑茸辣椒醬這個醬汁(中間)選材還考慮到不愛吃蒜頭的食客，選擇以薑取代蒜頭。拿到後逼不及待先試了油飯，飯略乾身但油很香，十分滋味。以新鮮的活雞烹調，份外嫩滑，雞的份量亦足料，整體製作上乘入口嫩滑。海南雞飯套餐完全超出我對一般快餐店的期望，大讚！

係大家樂食早餐，叫左個魚柳加炒蛋再加多個雪菜肉絲米既豐富早餐。首先個魚柳真心幾好食，外皮炸得好脆，入面魚肉就好滑好嫩口，一D都唔會老，抵讚！然後個炒滑蛋老左少少，但整體黎講都炒得夠滑夠香。至於個雪菜肉絲米，美中不足就係雪菜肉絲太小，唔可以每啖米粉都有雪菜肉絲。但總括30蚊早餐可以食到捧住個肚走，都係幾抵既！至於服務個D，連鎖快餐店都係無咩特別服務可言。衛生方面，大型既連鎖食店都唔成問題，坐得同食得幾舒服。

食午飯時間。見到個餐牌個名叫迷你黃金魚蛋魚片湯米線。個餐加汽水$26。點咗後等咗3分鐘有得食。個賣相好正。個米線好彈牙。加上有2塊魚片同2粒魚蛋。魚片同魚蛋都好正。杯汽水唔係好多冰塊。好食。抵食。

大家樂雖然是連鎖式快餐店，但都有出名食品，早餐雞扒，炒滑蛋就係，滑蛋牛油味好香 ，蛋又超滑，不會太油，煎雞扒外皮好脆，脂肪少，但只配燒汁，比起以前蜜糖香草失色了一點，餐轉蘿蔔糕，一般般，粉多，蘿蔔少，奶茶也唔錯，幾香濃，服務就自助，冇咩服務，冇人送餐，印象中得天恆邨果間先有送餐

最近成日見到大家樂芝味厚切一哥焗豬扒飯既廣告。咁多年黎大家樂出左好多唔同既茶式，豬扒飯始終都係我既至愛。今次加埋我喜愛既芝士，會擦出咩火花呢，要試下至知啦。原來係平時既豬扒飯面層加左芝士粉去焗，雖然明顯只係普通芝士粉，但芝味十足，焗得幾香。加上一向出色既厚切豬扒，唔錯，簡單方便快捷又平又好食。

There's always a line in front of this place. I've always avoided it because it is just fast food. I don't see the point in waiting in line for fast food. Well, now, I know why. I've finally tried Cafe de Coral. Their beef curry is not the best beef curry in the world (that would be "Islam Food" in Kowloon City), but it is good and it is ridiculously cheap. Their western toast is very creative and has some sweet crunchy peanut sauce inside. It is also ridiculously cheap if ordered as part of an

晚飯之後, 就到甜品的時間, 其實有時大家樂的甜品也有點水準, 一試無妨.雪糕涼粉黑白配: 7分, 雪糕當然是來貨, 但雪得不會太冰, 有奶香, 只是不太滑. 配上涼粉同吃, 實在夠消暑, 在這個炎夏吃這客甜品, 也是相當合適. 面頭還配上花生及朱古力條, 幾有吃新地的感覺.簡簡單單, 但是令人滿意的.

今日天氣寒冷, 最低溫度12度, 又係一個有藉口吾煮飯的日子。週中的晚飯時間, 大家樂已塞滿人, 如今天星期五、六我諗還要加條人龍呢, 天氣一凍啲乜煲物煲都出晒黎, 見到有新口味推出, 身為大家樂之友當然吾會錯過啦！沙爹牛肉金菇煲材料有牛肉、金菇、炸豆腐、紹菜, 將慣常所吃的肥牛改為牛肉, 一來就物價問題, 二來算是吃健康點吧。牛肉經過加工, 不太韌 , 也不至於好腍, 可接受；金菇份量較少, 三梳左右；炸豆腐及紹菜索了沙爹汁, 好好餸飯, 汁帶點沙爹味而不辣, 煲底的紹菜令到材料不容易黏底。臘腸排骨煲仔飯賣相總算像樣, 還加了兩條菜心整色整水。飯量真不少, 約有3碗, 足夠兩個人吃, 飯夠乾身, 吃到底竟然係有飯焦, 絶對不是煲仔蒸飯。排骨偏瘦, 豉汁味較淡, 煲仔飯豉油也不夠色及甜香, 臘腸就偏肥, 咬下去有油咇出黎。天氣凍凍地想食煲仔飯, 無乜要求的, 不用到港島區吃煲仔飯, 樓下應該有間既。

今日很早就去了吃午飯，去到大家樂面前未到十一點半，店員都未換上午餐牌，就只有燒味系列的已換上。不想吃燒味的我，只好耐心等待。終於店員換上了幾個餐牌，雖然選擇不多，連招牌一哥焗豬都未出，卻讓我看上了電視上賣廣告的千層椰香咖哩海鮮飯。大約等了五分鐘，我的千層椰香咖哩海鮮飯就出來了。這個咖哩可以選少辣或激辣，喜愛嘗辣的我當然選激辣。對我來說，這個咖哩汁的辣度適中，還可以再辣一點。海鮮包括了魚柳、蝦、魷魚、蟹柳，還配有幾塊薯仔。魚柳和蝦都是炸過的，蝦非常新鮮，而且都幾多肉。薯仔不會過腍，口感不錯。然而，主角海鮮的分量不足，每種只有一件，以三十一元的價錢有點不值，幸好咖哩汁味道彌補了這不足。

如果想快一點又經濟一點的吃一餐, 大家樂實是我們不少時間的選擇. 一直也沒有興趣在這裡寫編食評, 或者是常吃的關係, 沒有了那份衝動. 但因為心太軟這三個字, 令到我還是要在這裡留下一個記錄.朱古力心太軟蛋糕.雪糕 $7: 5分, 吃完晚餐原切板端燒, 另加$7就有一客朱古力心太軟蛋糕.雪糕, 這個價位, 就算不是全港最平, 也差不多了. 份量當然不會是好大件, 反而雪糕跟蛋糕的比例是接近了一點, 當然還不及會長那個極誇張的比例. 當然不會是即焗, 但也有翻叮, 不過叮得不夠, 只是溫溫吞吞的程度. 一切開, 流的程度是極少. 朱古力不太濃烈, 但最大問題是蛋糕的質感, 實實的, 再想一想, 其實也是對的. 這裡是賣朱古力心太軟蛋糕, 不是賣朱古力心太軟布甸, 越吃越覺得像在吃7仔的朱古力蛋糕, 也是理所當然. 雪糕方面, 反而幾好, 把雪糕跟朱古力蛋糕, 味道會好一點.當然, 是好抵食, 至於是否好好食, 其實不太重要了. $7的心太軟, 又怎能跟六七十元的去比. 不過以小小的價位能試到這個甜品, 怎說也是個美事.

今次又食糯米雞，不過今時唔同往日，依家嘅糯米雞竟然食到我想嘔!!! 點解會咁唔好食呢﹖D汁分佈不平均，有時食啖啖汁，有時要乾哽，玩死 真係好差勁~蕃茄通粉是唯一給我的希望，每次我吃也會加一包蕃茄醬、少許糖和牛油來調味，今次也不例外，照樣加落去，可是今次反而好食了，唔知係咪因為佢俾D醬夠多。大家樂的粥不太好吃，尤其是柴魚花生粥，花生唔夠熟，哽喉，差! 粥唔夠香，不好吃魚柳炸得香，不過粉太多，沒有了魚柳味蘿蔔糕永遠是最好吃的，大家樂的蘿蔔糕非常好吃~

今日午飯時段經過大家樂便進去點了個餐牌上寫住係招牌菜食咗一啖= =’’再食多啖= =’’’’’’再食=口=’’’’’’’’’’’’’’喂~!!雖然我知豬扒正常係比其他扒鞋少少啫都唔駛咁呀~!?佢有兩塊扒兩塊都勁薄好似真係貼紙貼上去咁唔怪得之餐上邊幅相咁令啦仲有d汁唔夠多d汁喺唒塊豬扒上邊食完塊扒=飲哂d汁一哥呀一哥你係咪走咗呀你快d返嚟啦……