大小姐冰室

营业中

休息中

最近要去北角返工，知道新開左一間「大小姐冰室」，收工就同同事去食夜晚。「暖笠笠煲仔小菜」分別有一人餐$138、二人餐$228和三人餐$338，小菜款式多，多達40款。小編點了一個二人餐$228。⭐️⭐️好欣賞呢碗燉湯😋湯係紅棗蘋果桂圓雞燉測，每一碗都放滿材加一碗水燉，非常入味。啫啫滑雞煲第一次吃「啫啫滑雞煲」是配叉燒，滿特別又新穎。雞和叉燒的分量多，雞件斬得好，沒有碎骨，雞件入味之餘又滑嫩。叉燒肥瘦適中，大大件又多肉。附送油菜(碟）生菜川味水煮牛肉賣相100分！！牛肉的分量算多，配菜有萵筍、紅薯粉和雲耳。䈑筍略為大件，紅薯粉相當有咬口感。華田暴龍脆脆爆多華田脆脆，成座山甘高😂華田味勁濃，值得推介。大小姐紅豆奶茶二人份量剛剛好

今日放假同朋友去北角睇文青嘢，我知道北角有個展覽叫油街實現，細個住過北角，所以就有興趣入去睇吓了解吓北角嘅特色，了解吓北角油街實現係咩嚟，當然行咗成日，梗係好肚餓啦！過條馬路就見到呢間裝修唔錯，燈光光猛嘅冰室叫大小姐冰室， J餐廳出邊有一個寫住Grand opening 既花束💐，我估呢間北角大小姐冰室應該係新開無耐嘅！見入邊坐咗唔少食客，於是就排一排隊試一試！等咗一陣就有位啦我地見到二人餐好抵食$228 可以喺四十款小菜內選擇兩款，我地揀咗椒鹽魷魚和五柳魚塊，仲有兩個燉湯，有一碟油菜仲有兩個白飯和兩杯飲品，凍飲仲唔洗加錢！我地有三個人，再叫多一個蕃茄焗豬扒飯我地好滿意果燉湯，飲得出係真材實料！ 仲有果椒鹽魷魚和五柳魚塊都炸得好好味😋，炸到岩岩好，唔會過油

因為家人認為這家味道煮得比較好，1如以往家人特意前去餐廳買外賣。回家後，在包裝完好及沒有溢出滲漏的情況下，未知是當天生意太好所致湯水準備不足或是其他原因，（*燉湯好喝）可是餐湯的份量真的少得可憐，失望，連半碗都沒有，僅得浸住湯渣的份量(*如圖，湯漬線位）。希望有心店家多注意一下。

今日黎到北角～見到#大小姐冰室 餐廳名字好特別！入面裝修都好大好乾淨！人流都好多！排左一陣隊先入到去食個早餐😜位置夠寬敞舒適！員工都好有善有禮貌👍🏻上餐好快到！🍜馬來沙嗲牛肉麵(牛仔腸,黑松露炒蛋,薯餅)沙嗲牛肉麵基本上係港人必食早餐🥣味道同出面食開有啲唔同，就係個湯底啦，好有馬拉味道！夠晒濃郁～黑松露炒蛋好高質享受😎碎蛋流心蛋治入面醬汁好好味，愈食愈開胃！仲配上流心蛋🫶🏻好滋味呀！真係好食停唔到口！

今日去咗朋友屋企，之後就落咗嚟食呢間大小姐冰室！喺砲台山一出地鐵站就到，裝修都好優美，女仔打卡可以啊，我同老公叫左個二人餐，先200零蚊 ，包左兩個小菜，一個時菜，兩碗飯，仲有燉湯同嘢飲，真係好抵食呀！係3十幾款小菜入面，我地揀左咖哩牛筋腩煲同 豆豉炒鮮魷！！上碟快，店員服務都好！ 全部都好大碟，尤其係牛腩煲，全部都係牛腩嚟，真係好抵食呀！炒鮮魷都好好味，魷魚好新鮮彈牙，而且份量都好多，真係抵食。時菜比左生菜，好嫩，又洗得乾淨，加點蠔油，菜新鮮又靚所以簡簡單單都好好食！原本餐是跟燉湯 ，但已經冇曬，送左例湯，應該係紅蘿蔔豬骨湯，吾咸感覺冇乜味精咁，都吾錯。整體感覺抵食，價錢合理，又好味，會介紹朋友來食！

個日係北角見到佢地先岩岩開張，門口放哂花牌咁💐有別於一般既茶餐廳🍴淨係睇門面仲以為係一間西餐廳，已經好有興趣一試❤️今日終於有機會一試呢間富有西餐風味但茶仔價錢既餐廳。🐒馬來沙嗲砂鍋牛肉麵💰$56👉🏻黑松露炒蛋，牛角包沙嗲牛麵基本上係早餐首選，但呢到既沙嗲牛肉麵係用砂鍋上，冬天食就岩哂🐮夠哂暖笠笠🔥呢個set會包埋黑松露炒蛋同牛角包🥐呢個港西既組合真係好特別，佩服店長會諗到👍🏼。🐒大小姐焗豬扒飯💰$78呢個係店員推薦俾我地，有別於出面茶仔既焗豬🐷食得出佢地個醬汁係自家去調配，而成個既份量都夠一個人食，岩岩好🔥豬扒方面都夠哂軟熟，肥瘦適中。🐒華田暴龍脆脆💰$32🐒西班牙特濃朱古力咖啡💰$32最後緊係要試埋佢地既特飲🍫令我好有驚喜既係華田脆脆一啲都唔會過甜，反而配埋啲脆脆係岩岩好而特濃朱古力咖啡on top既cream岩哂我，十分滿足地一啖食🍦咖啡味道無想像中咁濃☕️所以即使小朋友都可以一試

見門面同menu幾靚，諗住應該嘢食唔會太差，食完後完全中伏。我叫咗兩個餐，乾炒牛河，另一個係常餐乾炒牛河menu到話招牌菜，出到來好失望，第一大錯就係唔係即炒，出到來俾我已經唔熱只係微暖，呢D嘢一凍咗就唔好食，再加上河粉冇煮軟，仲係偏硬，成碟嘢食起上來就係又凍又難以嘴嚼！更加離譜係因為唔係午餐常餐，普通凍飲收$20正價！收正價唔緊要，你個河炒得好，係即叫即炒我都冇咁嬲 依家我俾$68+$20成舊水食低質嘢真係好失望好慶另一個係叫咗個白汁芝士海鮮焗飯，D白汁好似憲汁咁半透明，味道更加唔似係忌廉既白汁，芝士得果少少仲要放落半透明白汁上焗完既效果就係好似漿糊上既黃點，一點都冇金黃烤芝士既效果！食咗咁多年焗飯，邊D好食邊D唔好食真係一食就知，呢個焗飯簡直係垃圾！我地特登散叫就係想叫午餐碟頭飯以外既飯，諗住冇咁例牌，應該質素會好D，冇即叫即炒，焗飯劣質，每杯嘢飲額外加$20蚊一杯真係極度不滿！機會只俾一次，你一流失了街坊客就等執！

要係港島區做飲食從來不易⋯要開一間港式茶餐廳係港島區更加大挑戰。呢間港式茶餐廳個名改得好大牌 「大小姐冰室」個環境當然要有翻咁上下乾淨😬食物方面：無諗過佢嘅雞煲會咁入，🧄味好香口，好啱餸飯食！鮮尤炸得啱啱好，個皮唔會好厚身個餐仲有跟個湯，一飲就知係中藥味，飲完暖粒粒，個餐仲有份菜送～最後叫左兩杯野飲，好特別！茶記會有咁特色嘅飲品係會加分。華田暴龍脆脆。特濃朱古力咖啡餐牌方面：整體價錢都好合理最後值得一讚 個經理好有禮貌會跟住我地差咩未到！好細心

炮台山B出口對面就係大小姐冰室呢間冰室個主廚大有來頭精通中菜、川菜、越南同泰國菜所以餐牌上種類好多 真係選擇困難呀！🙀職員好有禮及親切燉湯🥣💚💚💚💚💚超級足料 有雞腳 龍眼肉 豬肉 紅棗 杞子天氣凍飲岩哂飲完唔口渴 冇味精枱枱都有叫咁濟仙草菠蘿冬瓜茶🧋💚💚💚💚💚三樣mix埋又幾夾仙草都比得好多下又冇珍珠奶茶咁肥 正桂花烏龍茶🫖💚💚💚💚用咗兩個茶包好夠濃好鍾意桂花陣味芋頭滑雞煲🐤💚💚💚💚 💚一上枱超級熱辣辣 熱到好似鐵板燒咁😿芋頭夠晒粉 雞件多同堅滑豉椒炒魷🦑💚💚💚💚 好有鑊氣 夠味加埋三色椒 洋蔥🧅 大大碟 好似食左好多菜咁

今日1125去到 想食早餐 即刻諗好食乜 舉極手冇職員應 再咁啱有人鬧交個個食花生冇人理 終於1131有伙記嚟到 話早餐停左喇叫午餐好唔好唔好囉明明你哋唔睬我就唔俾我叫早餐

行完工展會，當然就喺北角食埋晚飯呀，行到英皇道就見到間應該開張無耐嘅大小姐冰室，裝潢好靚好新淨，入去坐落亦都極之舒服，而香港人最鍾意坐嘅卡位，佢都有好大量供應；咁行工展會行到又肚餓又凍，當然要點返個羊腩煲嚟到暖下個身喇，再加埋呢度出名嘅大小姐豬扒焗飯和燉湯就完美喇；最後加杯勁大杯嘅爆珠薄荷特飲和西班牙咖啡當甜品或者飲品都係極之適合！首先講講個羊腩煲，真係好抵食好多嚿羊腩，好淋好入味就算唔點腐乳醬都夠曬味，仲有一碟生菜可以畀你清清喉嚨，實在係完美嘅組合，個羊腩煲入面啲配菜亦都好豐富，有馬蹄冬菇同埋腐竹，真係可以用淋，滑，香嚟形容；至於個大小姐焗豬扒飯，賣相當然係畀大家樂嘅豬扒飯好好多啦，更加上佢焗到溶和脆嘅芝士都溶曬入豬扒同埋飯入面，食落特別有芝士香味，仲有啲拉絲添，豬扒先炸後焗，表面脆而鎖住肉汁，加上番茄同芝士嘅味道，真係齒頰留香，而服務員既專業服務，令到客人有賓至如歸嘅感覺。

去過無數咁多間茶餐廳同埋冰室，今次試到呢一間<大小姐冰室>，實在令我感到驚喜，不得不為佢寫一篇食評。餐牌上面有勁多唔同種類嘅套餐同埋嘢食選擇，早餐、午餐、下午茶、特餐，乜都有。最特別嘅係佢連一啲東南亞類款式食物都有，例如喇沙湯麵、海南雞飯、泰式金邊粉等等都有，絕對比一般嘅茶餐廳同冰室選擇多。例湯嘅味道非常清甜，餐廳真係用料十足，用上好多湯料嚟煲，有龍眼肉、紅棗、花旗參同豬肉，真材實料，絕對冇味精。<b仔雞煲半隻>由於我哋怕辣，所以叫餐廳嗰個雞煲改咗做唔辣，點知出奇地滋味好食。雞煲嘅份量相當之多，食到有勁多嘅雞肉，而且雞肉嘅肉質非常之嫩滑，一啲都唔鞋口，雞肉亦都非常之新鮮，入口啖啖肉，而且仲有好多嘅支竹同埋其他洋蔥配料等，令到味道非常之濃郁。自家製嘅醬汁味道亦都非常之惹味好食。配埋非常之新鮮翠綠嘅生菜，吸收曬惹味嘅醬汁，香濃好味。<星加坡喇沙雞扒湯麵>另外我哋仲叫咗個星加坡喇沙雞扒湯麵，湯麵非常之大碗，雞扒亦都好大塊，非常足料，而且煎得外面香而入面嘅雞肉亦都非常juicy好食。配上大量嘅芽菜同埋豆卜，材料非常豐富，獨特嘅自家製喇沙湯料，帶有

📍 位於港鐵站炮台山站B出口， 步行兩分鐘便到的大小姐冰室！大小姐冰室~ 餐廳全新裝修，簡單得嚟好舒服！以白色為主色，畀客人一種乾淨樸素嘅感覺！座位好夠闊落，加上職員態度友善，仲主動介紹店鋪嘅食物，令客人覺得額外有親切感！💞💞💞冰室分別有：早餐、午餐、下午茶及晚餐！總有一餐適合你晚餐🐠🍚🥥🐔🥣🥤 $128松子魚＋白飯＋燉椰子雞湯＋$9轉特飲 🐠🍚 松子魚配白飯~新鮮炸出來的松子魚，原條上桌，炸得非常香口不油膩，炸漿厚薄適中，配上酸甜醬汁味道更出色，與白飯最佳拍檔一定走唔甩！🥥🐔🥣 燉椰子雞湯~ 無添加，好有椰子香味！成碗湯十分足料，仲有金華火腿粒添！ 晚餐燉湯也快速售罄！大家可以估到好好飲啦！🥤 特飲：＋$9 大小姐紅豆奶茶紅豆＋奶茶係我第一次飲，非常好味又唔甜仲好有口感，喜歡食紅豆及飲奶茶一定要揀佢！🐓🍚 星馬海南雞 $88海南雞肉質鮮嫩無比，雞皮滑而不厚，雞味濃郁配有黃薑飯，係我至愛！飯粒晶瑩通透，滿有雞嘅油香！味正呀！🧉🍍特飲：仙草菠蘿冬瓜茶 $32冇諗到呢杯特飲仙草滑嘟嘟！好有口感，加上甜菠蘿，整杯特飲非常突出，真心欣賞！🎉🎊🎉🎊🎉🎊🎉🎊餐廳食物質素高！價錢好合理！環境及員工質

今晚同朋友揀左呢間大小姐冰室食晚飯～餐廳環境幾大，裝修好新淨、座位之間都好闊落又光猛，感覺同其他茶餐廳/冰室好唔同！而今次叫左個花膠魚翅撈飯仲有個咕嚕肉😍大小姐花膠魚翅撈飯 $118喺個餐牌見到已經好想試🤣好難得喺冰室見到呢啲菜式～上菜見到花膠好大舊魚翅都足料，好有誠意😋呢個價錢對得住個質素！性價比高又可以品嘗到花膠魚翅～😍口味方面偏清淡，啱晒啲注重健康又養生嘅人試👍不一樣的咕嚕肉 $108 跟白飯同椰子燉雞紅棗湯👍個燉湯打開蓋已經聞到好濃嘅椰子同雞湯味，一望仲見到好足料！又有雞腳同雞髀加椰子熬製而成～ 個湯好濃雞味！仲濃以不膩，好啱最近涼涼地嘅天氣，飲完即刻暖笠笠🥰🥰真係超好飲！咕嚕肉份量都幾多！已經係多於一人嘅份量～味道方面覺得肉幾多汁而且做到好掛汁👍而且好特別嘅係餐廳加咗紫薯黎炒，好特別但又冇任何違和感🤣真係名副其實嘅「不一樣」的咕嚕肉！整體菜式幾有創意🤩下次都會再過嚟試埋其他菜式😋👍！

新開張的餐廳 ，個樣似西餐廳， 原來係冰室 ，裝修同傳統冰室大不同， 似日式西餐廳多啲。😛 日日都好多人幫襯， 高朋滿座， 好不熱鬧。 我和honey也來趁熱鬧， 果然是不一樣的冰室， 菜式媲美大酒樓。🤩🤩咖哩牛腩飯， 用上好食材 ，牛腩炆得又香又淋 ，冇筋冇肥膏， 咖哩汁非常和味， 加埋新鮮嘅三色椒， 有酒店級水準。👍晚飯套餐有多個選擇 ，包埋老火燉湯 ，小菜， 白飯， 仲有飲品。 我們揀了野菌花膠扒豆苗， 小菜份量非常大， 花膠都有六七塊 ，豆苗清香嫩綠 ，成個好似酒樓的酒席菜式 ，樣靚好味 ，難怪咁多人幫襯 。今日的老火湯是椰子煲雞腳瘦肉 ，火候足夠， 湯甜湯渣鮮美， 是真材實料的製作， 碗白飯都是用靚米煮成，粒粒雪白晶瑩，飯香四溢。😋 最後兩杯飲品都不馬虎， 用的是靚檸檬， 清香不苦澀 ， 這一餐非常滿意 ，畀90分 ，下次再嚟食過。🤤