大少燒味茶餐廳

营业中

休息中

---位於東涌的「大少」，是間提供家常小菜的餐館，氣氛簡單而親民。最近嘅一次造訪，我尤其欣賞了他們的蒸菜系列——蒸魚、蒸蛋和蒸肉餅。首先，蒸魚令人印象深刻。魚選得新鮮，肉質鮮嫩，配上調味料後，蒸製出的魚肉既保留了海鮮的鮮味，又吸收了豉油和蔥姜的香氣，每一口都是對味道的一次純粹體驗。蒸蛋則是輕盈細滑，傳統的家常味道讓人懷念。蛋汁比例掌握得宜，蒸出來的蛋羹既不會過於堅實，也不會過分水汪，口感剛剛好，是溫馨午餐的理想選擇。至於蒸肉餅，則是另一道令人回味的經典菜。肉餅調味均勻，肉質鮮美不油膩，蒸得時間恰到好處，肉香四溢，配上一點點的醬油或辣椒醬，味道更佳。總結來說，「大少」的家常小菜非常符合對於舒適家常飯菜的期望。這裡沒有過多的裝飾或誇張的色彩，只有質樸無華的好味道。如果你在東涌尋找一個像家一樣的飯館，想要一頓簡單且滿足的飯菜，「大少」絕對值得一訪。---

好耐冇幫襯過呢間茶餐廳，今日心血來潮落樓下食個下午茶。點知成個體驗係超級差。想落單既時候啲阿姐全部扮聽唔到咁。我要某一種粉麵，佢地賣晒係唔會同你講，而係佢地自選一種粉麵黎替補上菜俾你。同佢講既時候就話唔啱食可以轉俾你。邊敢同你講唔啱食啊？你連問聲個客都唔肯就幫個客揀咗啦，同你sayno唔驚你加料咩？我附近幾台客都因為遇到嗰啲問題X晒鬼。呢間嘢永久back list唔會再幫襯。再講下啲食物：下午茶份量少，味道麻麻哋，平平無奇咁。我諗東涌區最差嘅茶餐廳就係呢間。環境方面亦都見到有啲烏蠅飛來飛去。

晏晝去左食午餐叫左咸魚豆卜排骨飯 $50碟野來到啲肉 係粉紅色 食落去熟係熟但一啲味都冇仲要舊舊都係骨 仲要痴住啲肥膏已經唔開胃唯一有幾舊肉仔一夾落去 散晒成碟野勁嘔心 完全食唔落茶記係唔要求得甘多 仲要甘既價錢 但係真係過份左食左好多間茶記 從來未食過一間甘差同行既人叫左炒麵啲野肉凍既好明顯啲肉之前已經整好左 有人叫就求其炒2下 但冇完全整番熱啦呢間野 真係好差 作為一間屋邨茶記價錢唔係特別平 叫做正常 但質素 係差到冇得再差

大少小菜兩人套餐好抵食😋140個套餐，有兩道小菜👌🏻送埋例湯同飲品😁西蘭花肉片👅西蘭花肉片的口感非常豐富。西蘭花烹飪後保持了一定的脆度，而豬肉或牛肉片則鮮嫩多汁。這種組合使得每一口都有不同的口感，令人愉悅，這些調味料與豬肉或牛肉的鮮香相互融合，使得整道菜的味道更加濃郁而美味。咸蛋肉餅👅咸蛋肉餅的口感非常豐富。豬肉末經過炒煮後變得鮮嫩多汁，而咸蛋黃則帶來了獨特的咸味和細膩的口感。這種組合使得咸蛋肉餅在咀嚼時有一種細膩的感覺，非常令人愉悅。三色蒸蛋👅三色蒸水蛋的口感非常柔滑和細膩。蒸煮的過程使得蛋液變得十分嫩滑，入口即化。整體來說，它有一種絲滑的口感，非常令人滿足。沙拉骨👅沙拉肉排的味道豐富而美味。肉排自身帶有肉的鮮美和香氣，通過烹調的過程更加突出。蔬菜的清新和沙拉醬的酸甜或咸香調味，為菜餚提供了一種美味的平衡。

等到老友「洪哥」星期六短週，加上地鐵有半價，所以，兩支公專登入到嚟大嶼山行山，而今次選擇嘅喺由梅窩起步行，經南山古道、南大嶼郊遊徑上到伯公坳，再過對面接地塘仔郊遊徑，然後落返石門甲，再去逸東邨食番個下午茶補一補，行得夠晒皮。因為上年年尾嚟過呢邊住民宿Staycation，所以對「滿東」、「逸東」都有啲認識，而今次所試嘅喺「大少燒味」，因為好似睇見啲食評都唔錯。 一入去，以舊式大排檔嘅鐵皮綠作主色，再加上唔少懷舊元素，尤其喺地下懷舊嘅紙皮石地磚。臨尾跟收銀阿姐傾開，原來租舖時喺應房署要求相配合，跟番整個逸東街市所走嘅懷舊路線，如果有入過逸東街市嘅朋友都知，嗰個室內冷氣街市裝修好特別。下午茶餐有唔少選擇，而平時行完山食下午茶都喺食得輕怡啲，三文治餐呀、菠蘿油餐呀之類，但今次一早入嚟行山，預咗會早少少完，只預咗少少乾量墊墊肚，所以，下午茶兩支公都喺食返碟頭嘢。餐具、餐紙、糖包就照茶記一貫設定，擺晒喺枱側嘅抽櫃裡邊，大大個枱號手寫咗喺枱邊，喺好老派嘅做法，又多添半分懷舊味道。乾炒肉片烏冬 $44雖然話喺下午茶餐，但蛋份量一啲都唔可以少覷，分量非常十足，而且喺即叫即炒，嚟到分外熱焫焫，好有鑊氣咁

今日無人煮飯，就叫屋企人順便去大少買個雙拼外賣，點知返到黎一開個飯盒，冇幾舊係食得，肥肉，同骨。成個飯盒得飯最多，我記得以前叫外賣都唔係咁，仲衰過美心，以後唔幫襯。

同媽媽諗住是但食個飯，去到叫左2個餸，等左20分鐘先出左一個餸，食到個餸就就食完，隔離台遲過我過入黎2台都走埋，第2個餸等左40分鐘都未到，個個客係到叫魚食就係咁出，完全無理過我地，淨係話已經吹左，野已經唔係好食，你話個場滿客人我都無野好講，個場又唔爆，仲要同我講蒸炒係同一個爐，你開餐廳夠膽死話得一個爐開餐廳，唔好玩了你唔好咁大細超了，叫魚食就即出，遲過我地入黎叫魚食都食完走左2台，遲過我地入黎幾台但係叫魚食就上哂菜會唔會過分左

一家三口一齊食下午茶，有說有笑共度一個下午。我們點了~ 燒味單拼粉麵，燒腩仔瀨粉加例湯😋~ 紅豆冰餐，迷你日式海鮮炒烏冬配紅豆冰😋~炸雞髀沙律配凍咖啡😋燒腩仔有八件連少少菜心，燒腩仔肥膏略為多，瀨粉幾大碗唔會碎濕濕，青紅蘿蔔湯幾大碗😋迷你日式海鮮炒烏冬都好大碟，雖然只是日式魚蛋及蟹柳，但烏冬唔會油淋淋，紅豆冰唔係咁甜幾好但紅豆略小，紅豆唔夠淋😋炸雞髀幾大隻唔會太多油，沙律唔夠凍，凍咖啡都幾好飲😋我們歡渡了一個開心的下午。

平時絕對唔會開post寫食評…. 但係今次就算要寫200字都要俾劣評🤬如果唔係OpenRice只可以俾一星我服務會比零分對茶餐廳的服務態度從來都無要求.. 有得食就算但係都唔可以咁無理！今日入去買外賣 收銀處無人淨係企左幾個夥計喺度傾偈⋯⋯我同屋企人企左係戴眼鏡短頭髮嘅女收銀前面 佢一直無視我哋叫左2聲唔該買外賣 肯落單啦想嗌個單拼燒味飯….. 佢用相對差既態度問 飲咩？我哋答佢唔使 就咁飯就ok..佢再用唔耐煩嘅語氣問 飲咩我哋再答唔使 就咁一個飯 佢好唔禮貌咁話 飲乜啊？咁我既理解就係…. 可能無得就咁叫飯 一定要連飲品 咁無所謂啦 本身只係諗住反正買翻屋企食有飲品唔好浪費之後佢再問: 要唔要湯我哋未答。佢就反左個白眼🙄️ 話: 送架！我唔知平時你serve既係咩客定係覺得呢啲細餐廳唔需要有服務但係每個人有唔一樣需要即使我係為左慳錢唔想叫餐 都唔deserve你既白眼..我當下覺得自己係乞衣 要慳幾蚊仲要乞你碗湯餐廳都係服務性行業 客人入嚟係為左醫肚唔係為左受氣非常不友善和失望的體驗.唔會再幫襯！

今天晚上視察完新居之後，我和老公便到逸東邨找餐廳吃晚飯，其實逸東商場都沒有什麼餐廳選擇，所以我們便隨便來到這間茶餐廳吃飯了No.1【椒鹽雞中翼】$60由於雞翼是即叫即炸的關係，所以外皮十分香脆可口，而內裡的肉質則嫩滑可口，鮮美多汁，我們都吃得津津有味，不亦樂乎No.2【芝麻西檸雞】$68雖然西檸雞的味道酸酸甜甜，可惜炸皮比較厚，實際上雞肉只有很少，並不太抵吃，同時白飯的質感比較濕潤一些，我還是喜歡硬一點的白飯No.3【柑桔蜜】$3柑桔蜜的味道咸咸酸酸的，個人並不太喜歡這種味道，我都是喜歡柚子蜜多一些No.4【凍奶茶】$3奶茶充滿著淡淡的茶香之餘，奶味亦相當濃郁，老公很喜歡價錢方面，椒鹽雞中翼 $60，芝麻西檸雞 $68，柑桔蜜 $3，凍奶茶 $3，餐廳不用加一服務費，最後兩人總共 $134總結來說，今次的小菜味道還算可以，大家經過的話都可以一試的

諗住叫下燒鵝食，點知又中伏，燒鵝得骨同皮😓已經唔係第一，最少都三四次 今次唔忍！。又唔俾醬 兩次啦！ ！！真係忍無可忍囉 寫下佢睇下佢會唔會再係咁 用呢d對待我們食客 好心用下心制作

最近成日都去東涌做嘢，lunch時間唔想喺東匯城挨貴飯，就黎到逸東邨搵嘢食，但呢度嘅選擇唔算多，漸漸地，我啲朋友每日一到lunchtime就話要黎呢間大少燒味飯呢度嘅燒味飯普遍都好大份，我每次都食唔曬一睇openrice嘅食評，竟然好多都話唔好食？但我哋每次黎到都大排長龍，超多街坊同熟客。首先介紹，叉燒燒肉飯 (HK$58) 睇吓！啲燒味仲多過飯呀！而且好明顯見到燒肉分成三層：脆皮、肥肉、瘦肉，每塊都好大好豐滿嘅感覺！我覺得就咁食會鹹咗少少，點埋芥末就perfect啦！至於叉燒，如果冇特別要求就要睇師父手神啦，肥叉、半肥瘦 定 瘦叉 呢？每次都係一場賭博叉燒嘅味道都係偏鹹少少，用黎送飯食就啱曬啦～至於叉燒燒鵝米線 (HK$68) 燒味同湯粉會分開上。叉燒依舊好食，但貴$10嘅燒鵝就令我失望了！加咗十蚊食燒鵝，但佢實在太多脂肪太肥，搞到我都唔係好敢食但之後見過朋友食又冇咁肥，睇黎食燒味真係好講運氣呀哈哈，下次再戰！

以前曾經食過大少燒味覺得幾好食，今日懶得煮飯所以買外賣返屋企食。買咗燒味雙拼叉燒及乳豬，但味道大不如前極之難食。叉燒又乾又硬， 極之難以咬開又哽喉，亦好薄。乳豬亦係又瘦又咸，分量極少。雙拼價錢約$60，但質素極差，去街市買好過，冇必要大家都係唔好試呢間燒味。

雖然大少嘅賣點係食燒味，不過亦都有小菜，逸東邨嚟嚟去嗰幾間茶餐廳，間間都不斷退步，雖然叫小菜跟例湯白飯，價錢唔平，但至少你要煮得好食先值回票價既款式係幾多嘅。。。今次叫咗豆豉鯪魚油麥菜:呢條算係唔差，油麥菜依然青脆爽口，豆鼓鯪魚份量十足，不太鹹，但偏油，味道剛好。跟住就係鼓椒炒蜆，圖片賣相幾好嫁，不過好多都唔開口，而且有啲得個殼，扣扣減減可能只係得十幾粒蜆肉仔。。。不過味道係唔錯，成碟入邊得兩三隻死蜆，夠鑊氣！蜆肉滲透着青紅椒嘅味道，洋蔥甜而不辣，不過衰在配菜比主菜還多。跟住就叫咗個魚香茄子煲，呢個咁嘅煲睇相都知咩料啦！魚香茄子最緊要走油，如果唔係出到嚟會變咗一pat野,唔入味之餘，賣相都唔會吸引佢仲夠膽死將啲豬肉碎馺熟咗再撈埋一齊，傻嘅都食得出啲豬肉係馺嫁啦，鞋颯颯白雪雪無味道，要魚香冇魚香！啲茄子仲要係臭嘅！有宿味，同佢講之後佢拎黎聞左下已經知咩料話叫我地換其他餸。比個近鏡睇下，成六十蚊個餸你好意思hea 煮最後換咗中式牛柳，味道係唔差嘅，始終係條配好嘅醬汁，酸酸甜甜幾開胃，牛柳薄切容易咬，不過就炸得太耐，外面皮夠濃，同埋好油

今朝係大少茶餐廳食咗個breakfast，其實主要都係為咗去嘆一嘆我最喜愛嘅絲襪奶茶。可惜今日ge絲襪奶茶有少許失色。今日嘅奶茶飲起上嚟唔夠滑，仲要有少許茶渣。而且茶味有少少偏重左，一向好鍾意飲大少茶餐廳嘅奶茶，所以今日一飲好明顯就分辨到。希望下次再去可以飲得番真正嘅絲襪奶茶，唔駛轉飲茶走。其次嘢食有仿鮑絲火腿通粉，通粉整得都幾爽口，最怕啲通粉整到好淰身。煎蛋同腸仔就冇特別啦，甜餐包算有誠意，應該係有焗返熱嚟，但可惜欠缺左一樣野，牛油啊。