大戶屋

营业中

休息中

二月二十五日 (星期四)首先謝過OR,看畢大兵小將,成龍的戲果然有保證...不錯呀!原想到九龍灣覓的,但我很肚餓,所以叫老公仔在太古吃,最後決定吃同樣有保証的大戶屋!照舊,我點了炸雞餐,配凍烏冬很大的木盒盛著烏冬!加上蔥絲,薑絲,汁,吃起來,烏冬彈牙,十分有質感!果然是至愛雞扒炸得香脆而又不覺油膩,配上燒汁,一流!珍珠米亦一絕,是我最喜愛的,而且無限量refill!另因為我實在很餓,所以追加一碟薯仔沙律同樣好吃,薯仔撈得均勻,很鮮甜清香!而老公仔看到隔離桌的黑醋雞不錯決定點這個一試真的不錯呀...不是想像般那麼濃味雖然是炸,但仍能保持雞肉鮮嫩加幾塊茄子和薯仔,很怡人!大戶屋有份入圍我最喜愛食肆,我們的一票,投它!

今天到太古城購物，約在下午二時開始感到饑腸轆轆，很想快點找個好地方坐下來歎一個美味的午餐。上次已試過吉之島的山頭火，其他選擇包括: 大戶屋、麻布茶房和板長壽司。後兩家食店出品的質素不太合筆者的心意，所以看見大戶屋店前沒有人龍就入內歇一會。「大戶屋」在日本有50年歷史，是當地最大的定食連鎖店，擁有205間分店，主打「安全、安心、味美」的家庭式料理。約在年多前進駐康怡吉之島，自此店前就人龍不絕。據了解，此店的食物之所以這麼美味，是因為用料經過細心挑選，而且烹調方法都嚴格依從總店的傳統做法，連食水也使用來自日本的過濾水，真正做到「原汁原味」。餐廳內供應一系列的定食選擇，如: 燒魚、炸雞、炸蠔、炸豬扒、漢堡之類的，也有豆乳煮雞肉雜菜等清怡之選。其實，要我在餐牌眾多選擇中選其一，是蠻難作的決定，只因天性喜歡「多樣化」。感冒還未痊癒，但又不想太清淡，所以今餐點了在日本最熱賣的黑酢雞野菜定食，白飯卻換了小魚飯，不但添了更多鈣質，也添了一點新意。嘻嘻!!!除了主食黑酢雞野菜外，還有味噌湯、青瓜前菜等。最吸引的當然是那個黑酢雞野菜啦!有五大塊炸至香口，但仍能保持肉質嫩滑鮮美的雞塊。野菜方面，就有經過泡油

心思思想吃日式吉列，目標亦鎖定是平版「大戶屋」的吉列炸雞蓋飯，約在六時半左右入坐，十分鐘內門外已經出現排隊的人龍。除了目標外，再點了一客花魚定食($80.00)，由於據以往經驗發生過兩次出錯，所以在下單前向店員再次確定一次，我指著吉列豬的照片向店員要求「吉列炸雞蓋飯」，她馬上回答「係！係！即係炸雞扒再切開！」，於是我便放心下單。在店員及後放下的單中才發現，原來我所點的是「滑蛋雞肉飯」($72.00)，但由於已下了單一段時間，已沒打更改，還是算吧。滑蛋雞肉飯是偏濕的飯款，雞肉雖滑但味道不夠突出，此店的滑蛋亦不是自己最喜歡的那種味道，整上水準一般，再加上「落錯單」的關係，令自己的心情再差一點。上兩次其實是自己看錯餐牌而出事，所以今次已十分醒目地向店員確實一次，怎料仍然出事。花魚定食是連魚皮一起燒熟，魚味不太濃，魚肉尚算嫩滑，邊位夠香脆，但以味道而論，還是秋刀魚野味一點。環境與服務合格，只是服務員的語文水平一般，始終此店是主打正宗地道日式食物，總會有大量在港日本人光顧，就算不懂日文也需要懂得基本的英語，但最後要我幫一把服務員才知道客人需要甚麼，再加上因溝通而引發「再點錯食物事件」，心中著實不

看完戲，為免晚了吃飯要和別人爭位子，我們就來個early dinner。被安排到餐廳最入的一張卡位，才知道裡面還有一間vip房。我們三人分別點選了自己喜歡的食物。我的是帶子蒸籠飯($42)和炸薯餅($20)︰帶子蒸籠飯賣相精緻，味道也一流。帶子一點都不乾，味道濃厚。飯也很好味，超讚。炸薯餅︰炸得脆脆的，薯蓉混入了牛肉，口感豐富。蘸上特別的醬汁，更添滋味。男友的是吉列雞扒飯配喬麥麵︰吉列雞扒也是炸得出色，雞肉不是特別滑，但也算美味。喬麥麵有十分，爽口彈牙，味道主要來自醬汁。朋友的花魚定食($80)︰賣相超吸引的，大大的一條魚，光吃牠都夠的了。魚燒得頗香口，味道中上。朋友加錢轉了山竽蓉飯，聽說味道一般而已，可能不是人人都吃得慣吧。服務是不錯，至少水杯常處於滿滿的狀態。在聖誕到處都要吃貴餐的時候，這裡是一個好選擇呀。

從未吃過咁難吃的食物!!!我叫了個炸雞扒飯, 但一d雞扒味都無,反而味精超濃, 一d都唔好味,屋企煮d公仔麵仲好食過佢!!!而炸雞很乾也很硬, 而我bf點了雞扒炒蛋飯, 個樣看落幾好味,但一咬,原來雞排就好難才咬開,仲要係唔平! 怪唔知得無人排隊啦! 千祈唔好去食!!!可能不是很多人,所以環境還可以,但服務就一般.

12月15日 和老婆女兒放學後來吃晚飯其實都來了幾次, 都覺得能保持水準.我點了炸雞扒飯連冷烏冬set, 老婆點了滑蛋雞飯set.女兒就點了湯烏冬配烤雞飯set.本人覺得這兒雞比豬扒好食, 純粹個人喜好. 雞無論炸或焗或煎,都不會太乾, 入口好嫩滑. 其他如烏冬, 好爽好煙un及滑,整個set每樣由配菜到主菜都有心機同埋嚴緊.個人覺得以食物質素及價錢, 這間餐廳是值得推介的

近來轉了午飯時間, 來大户屋吃飯便有著數了, 因為下午 2:30 - 5:30 有定食供應, 即是點餐牌裡的定食的話, 送飲品和雪糕。通常這些時間, 是沒有多少人的, 最常見的都是日本媽媽帶她們的小朋友來吃飯, 所以位是可以任坐的。雖知大户屋以炸物馳名, 但畢竟年紀漸長, 腸胃對煎炸食物的耐受力也開始下降。所以以下介紹的, 全都不是炸的。車麩鍋配九穀飯 ($78) 是沒有肉的, 車麩是一種類似麵筋的東西, 吸滿鮮味的上湯, 配以日本蕃薯、西蘭花、椰菜和菇類, 小鍋上桌, 很有家庭風味。在蒸籠裡另上的九穀飯, 軟腍得來有少少嚼頭, 好吃, 當然自己比較喜愛家裡弄的較硬身的「多穀版」十穀飯。九穀米雞肉豆乳雜炊 ($75) , 將九穀米加雞肉和野菜一同熬煮, 最後加入豆乳, 就成了一鍋奶白色的湯飯了。裡面有雞肉、本菇、昆布、紅蘿蔔、洋蔥等, 味道鮮甜, 營養豐富; 而且九穀米煮成湯飯之後, 已經腍了, 容易入口。有得飲又有得食, 冬天吃這一味, 真是暖身又暖心的。不過, 這天得到的前菜, 竟然是冬瓜, 真詭異。日本愛知縣產鰻魚蒸籠飯 + 山芋蓉稻庭風凍烏冬定食 ($105) 是較新的出品,

呀仔今日生日諗住試下佢d招牌嘢,因見有好多好好嘅食評門口位小姐禮貌都ok,安排我哋5個人坐右邊房仔................但空調欠奉,覺得抖唔到氣咁果個女樓面(大陸呀姐)有禮貌個成曰做錯嘢,成日話要收我抬面d嘢.........都唔知佢想點.........sorry....sorry.......sorry.........阻住食嘢同傾計講到食物真係麻麻..........豬扒比較硬,無乜肉汁......10分滿分~~我比5分la係個炸蠔我覺得 ok非常失望........................所以無心机影相

我仲記得, 頭幾次嚟試的時候, 這裡的水準真的有時會麻麻地好食的. 我那兩次食評也有這樣寫! 印象心刻的: 包括那尚未烤到香口的凍魚, 那細細Rice Grain 又煲到濕笠笠的米飯, 炸豬扒比起炸雞扒, 永遠都是乾巴巴的! 那黑酢豬肉是油淋淋又調味得超濃, 唔太好食...! 但這不代表, 我就此就 Blacklist 了它的... 凡事, 都會有轉機的?定還是我一廂情願...後來見到咁多好嘅食評, 我又還來了多過八至十次都唔止呢! 就像我對'添好運點心'一樣 - 有時. 它都可以好差的!! 但我也會耐不耐也幫親下它. 理由簡單不過...... 做人太 Extreme, 永遠一定要自己100% 叻晒, 但永遠唔比人Ever Correct 或什止乎要明屈人地, 切人生豬肉才能有勝算, 其實唔代表你係最勁的: 剛剛好就是相反, 世界是公平的: 這只會可能代表你係 Self Esteem 低? 你是'對'與'否', 是否真的完全有料到或只是 Ego-Testicles 一位, 喺網上扮晒專家但實掣上只有七八成正確但其他的是錯漏百出充生晒地扮出

十一月二十日 (星期五)記得和老公仔到歐洲前都要到大戶屋一次才心息的,回來,也對此念念不忘今日剛巧在鰂魚涌做gym,老公仔事前已選定此為我們晚餐的地方太古店本是大戶屋在香間的發跡地,後來進駐銅鑼灣,尖沙咀也將開業,很期待!六時許已開始要等位了,天寒地凍,大戶屋很細心的派人送上熱茶給在門外等候的我們,真是暖心!等了約二十分鐘,有位了!這裡一定要點的當然是炸雞扒拼凍鳥冬凍烏冬,加上附上的烏冬汁,味美非常!雞扒炸得香脆,而且不覺太油膩,配上燒汁,簡直一流飯亦是一絕,是我最喜愛的珠珍米,而且是無限量refill的!我們還點了雞扒炒蛋飯除了炸,燒的雞扒也同樣美味,可見這裡的雞是很新鮮的我們很開心的很快的吃完了!原想再吃薯仔沙律的,但因為要留肚吃mado,唯有等待下一次...下一次,會很快來歐的,我們期待尖沙咀分店的開幕!

星期五，公事繁忙嘅一天。太座忘記了帶鎖匙，有家歸不得，滯留在外家裡。將近八時半，已餓得發瘋了。太座想起了「大戶屋」，平時人山人海，呢個時段應該少人些。嚟到門口，人龍未散，但已經唔係好長，花一點時間輪候，再吃一點乾糧充飢。等咗冇耐，店員捧住一杯杯嘅熱茶，給每一位輪候嘅人客飲用。此事輕而易舉，但唔係每一間食店都咁細心做得到，難能可貴。終於在九時入席。餐牌菜色豐富，看得花光眼亂。太座是散叫昆布豬扒飯($78)，其實即是卡通片「伙頭智多星」中主角味吉陽一令味皇一試難忘嘅豬扒飯。炸豬扒嘅炸粉厚薄平均，豬扒夠厚，兼且保留肉汁，入口甘香鮮嫩，加上面頭嘅滑蛋，特別美味。底下嘅飯是用了日本米，吸收了豬扒嘅甘香及滑蛋，食落令人有幸福嘅感覺。可惜的是部份滑蛋呈現老化跡象，對於頗講究煮蛋嘅大和民族嚟講，實是未如理想。食畢全碗飯後，見碗底有汁剩下來，最好的豬扒飯應該剛好收乾水份，不應有上述情況發生。所以，此豬扒飯做得其實唔錯，但冇一種令人動容嘅衝動。筆者點的是車麩鍋配九穀飯($78)，是一點肉也沒有的定食。車麩貌似肥豬肉，口感與打邊爐嘅麵根相似，吸滿高湯，吃起來相當滋味。除了車麩，還有蕃薯、西蘭花、草菇、胡蘿蔔

Quarry bay is full of places for lunch, but this is one of the notables.I had the Fried Pork Chop with Cabbage Salad. around $90 for lunch1 Piece of Pork Chop, 1/4 Cabbage, Soup, Rice, PicklesThe pork chop was well fried. Golden brown but not burned. The pork chop itself is juicy. It has some tendons, but was tender and moist.The dressing for the cabbage made it a refreshing complement to the fried prok chop, making it less greasy.Probabaly costs a lot more elsewhere for this quality.

兩個人8點幾去到都要等10幾張檯~安排左我地坐系門口右手面一個房仔~張檯好大~環境同出D面既檯唔同~靜好多~叫左﹕吉烈雞扒飯with冷喬麥麵﹕個冷麵因為唔想痴埋就放系好大個盤~個汁調教淂唔錯~唔太鹹~麵都幾有咬口~~~個雞凍左就唔太好吃~~吉烈豬扒鍋定食﹕係我喜歡的汁~甜甜地~配上D未熟既蛋~真係好正~豬扒肉地鬆軟~D炸粉系D汁裡面太耐都唔會話好林~~仲保持到個脆~~~好食~吉烈蠔﹕呢個炸得好好~唔乾~入面好juicy~熟既程度剛剛好~味道又唔腥~overall~環境服務各樣都滿意~~

除非你會黃昏6點半前去食晚飯，如果唔係通常都會等平個鐘以上先可以喺呢度食倒飯 ; 加上LAST ORDER 係9點半，成日會覺得食得好趕咁，所以諗番對上一次食都好似係今年年頭。今日既然等0既人唔算太多，一於食下啦。呢度定食0既數量都唔少，而且定期都會轉下款，所以從選擇性黎講都算唔錯。定食平均每個80左右，價錢亦都算相宜，而是日同老婆叫左個涼拌菠菜、吉列豬扒定食同藍鰭吞拿魚定食。率先抵埗就係涼拌菠菜 - 其實佢菠菜又唔係真係話好多，不過配以乾魷魚片以及白飯魚，呢個配搭食起上黎既新鮮又香口 (因為落左魷魚片)，個人認為10蚊一碗仔都算係好抵食。不過，頭先個服務員放低個菠菜0既同時，好似冇留意我地係冇食具... ... 主角藍再遇藍鰭吞拿魚終於黎喇 - 隨定食附上漬物同埋麵豉湯。初頭諗住拿拿臨食左個漬物同麵鼓湯，因為心諗快D食個吞拿魚飯嘛，但係飲落個湯又覺得佢帶有適量0既麵鼓味之餘，又唔會點咸 (心諗比起最近去嗰間西灣河拉麵舖嗰個真係蚊比同牛比)。所以我飲左一啖之後就收左油，慢慢品嘗個麵豉湯先。終於都到主角喇! 吞拿魚飯配以紫菜、熟旦絲及青瓜絲。印象當中之前食好似冇放咁多配菜，不過都係一個新

由於工作關係, 今日lunch去咗吉之島康怡的大戶屋食, 去到大約1:30pm, 都要等咗一陣 。 之前已經食過好幾次, 都覺得幾ok。一個人, 食我至愛的凍烏冬&雞扒飯set。今次d烏冬真係少得可憐, 好彩都仲係好彈牙。而雞扒飯居然無汁, 要我主動問侍應攞囉。雞扒都炸得乾身, 味道都幾好。Service就好好, 不停refill茶。