大救駕 (已結業)

27/09 19:00報告今日一行四人再次來到此地再試, 叫了:炸醬湯米線:一碗小小辣的米線, 米線比較粗身但非常彈口, 有少少腐竹及適量的芽菜, 少少油膩, ok架秘制王溪醬醬雞: 唔好比佢幅圖d紅天椒嚇親, 呢碟雞一d都唔辣, 紅天椒要來加d麻辣的麻口感, 醬汁少少甜, 少少咸, 雞非常入味, 四個人叫咗個例牌有d唔夠喉的感覺, 值得推介!!叫了一set 二人套餐:黑石椰子氣窩雞: 加入了龍眼肉, 瘦肉, 切絲椰子, 烏雞一齊燉, 感覺清甜可口, 沒有加入味精, 唯兼椰子太硬, 以至椰子未曾出哂味, 否則會更甜更香一碟炒通菜: 一般啦, 可以熟得來仍很青嫩, 不太咸而腐乳又入味過橋米線: 雖然材料在我們面前才放, 但我個人覺得同自已叫的無咩分別, 材料有腩肉, 腐竹, 冬茹, 白雞肉, 火腿, 芽菜等等, 湯底清甜, 好味蒜香骨(小食): =炸排骨, 一般貨色另外再點了兩個小食: 炸雞翼($14只有3隻), 酥炸香骨(=炸小型肉塊,$17個size重細個個拳頭), 一般貨色飲品方面, 叫了兩個柚子柑桔, 同茶餐廳冇咩分別, 兩個特色飲品, 我覺得同涼粉個d味道差唔多, 不試也沒損

見到呢度有唔少好評﹐夜晚就黎左試. 附近既雲南桂林同譚仔都好多人等位﹐但呢度就唔洗﹐幾好 ^ ^ 入到去先知原來呢度係菜瀾推介黎... 嗌左﹕豆花米線﹕好滑既豆花呀! 有腐皮同酸菜做配料﹐不過覺得炸醬咸左D﹐個人覺得似咸版罐頭五香肉丁既味道... 米線個湯又淡得滯﹐但一試無妨既!炸醬撈米線﹕呢個炸醬係有蒜香既﹐較豆花米線既炸醬好食! 食落D米線酸酸辣辣0甘﹐濃味D﹐開胃又好味! 同男友都幾鍾意呢個﹗^ ^天麻氣鍋雞(細)﹕個湯好清甜﹐味道剛好﹐正﹗我地連湯渣都食埋對比起雲南桂林同埋譚仔﹐呢度既米線好似比較特別﹐有多D另類既選擇﹐味道又幾好﹐遲D再黎試其他野 ^ ^

終於有機會試試這家雲南小館, 以前聽過有什麼特別野, 沒有了. 三個人, 本來想叫個套餐, 但顯然散叫比較容易mix and match. 爸無飯不行, 救此駕需要米飯, 幸好, 有兩個choice, 問題解決. 再點一個米線, 一個小吃, 同個三七氣鍋雞.小吃雞絲粉皮, 芝麻醬好正, 雖不地道但醬夠芝麻味, 香口非常. 醬肉排骨飯, 兩個飯choice中, 叫做有得咬下, 不過排骨好乾, 感覺興肉乾無別.肥牛米線, 米線比較精彩, 肥牛幾滑, 米線湯做得好, 麵條也非常好.主角, 三七氣鍋雞, 用了田七, 雲耳, 雞窩加上藥材, 田七味又不算太濃, 耐冇飲老火藥材湯, 飲落好舒服.題外話, 本來是準備去美而廉, 但發現, 已經不廉.

醬爆排骨米線--- the noodles was too soft, soup was no taste, not spicy at all. Just nothing special. 2/10醬醬雞--- HORRIBLE. The chicken was OVERY cooked. Rough and with lots of refrigerator taste. With dry chilli on top. You have to eat that chilli in order to get the spicy taste. The sause was over sweet. 1/10鹵水牛展--- Too oily. Too salty. Maybe thats the style. With refrigerator taste again. 2/10Mr 蔡's recommendation--- 有保留

叫了中辣的米線. 辣都還可以, 但真係未曾食過這麼淡的米線. 只是有辣的味道, 不麻不香. 唔知點解蔡灡會選這店為他喜歡的食店. 可能老人家喜歡清淡的東西.

吃完串燒，安原定計劃跟食友到大救駕吃宵夜。聞此大名已久，門前播著蔡生的介紹，又看看幾味小品質素如何？遲來了，埋位已擺出幾味小品，分別是拍黃瓜、皮凍、海蜇皮幾味。黃瓜是拍的雖然不夠鬆爽，但配起醋汁吃也不錯；皮凍是豬腳煲出的湯雪成的肉凍，下了粉亦不夠鹹鮮味，感覺好麻麻；海蜇皮夠爽嫩冰涼，配些醋汁確是好吃，絕對是迎合市場小品。又試了三七氣鍋雞，用陶碗盛載的清雞湯，雞件不少件件燉至骨肉分離，亦加了木耳，清澈而喝得鮮甜味，雖然不及彩雲南般濃郁，但同區來說已是高質素之作，這裡做法跟那邊一樣，是大鍋燉好放入陶碗內。以澱粉質作結，分別叫了米絲及年糕，兩者湯底都是雞湯底，奶白色湯底有雞鮮，當然亦下了少量味精，可以接受的了，自己要的是野菌米線，野菌是一些本地雜菇，帶著菇澀味，麻麻，米線滑身卻欠米香，非自己口味，卻比坊間用料高一級，年糕是食友最愛，這裡是粘米造的夠煙韌，不錯。開在旺角區的雲南小店，款式都算多元化，是晚只試上一些商業化下的皮毛小品，事後跟師傅談上半小時，要找個機會來嚐嚐他的真功夫。P.S走前留下了友人送的手信，侍應跑了兩條街追出來，服務滿分！

看到餐牌其實有點失望,因為大部份為小菜類; 自選米線價錢和譚仔一樣,不過並不吸引. 在一系列特式米線之中,最後揀了醬爆排骨米線.味道都不錯,排骨都算入味而又不會太肥. 湯底有些少辣,米線不會過"腍"; 加五元更可配冷熱飲.有趣的是大救駕隔鄰便是譚仔,而對面就是桂林. 看見譚仔日日門口排長龍,大救駕的氣勢看來弱了點. 其實兩間無論食物種類和味道也差不多,但大救駕優勝的地方是坐得比較舒服和有其他小菜或飯類供應(可惜只有兩三款).

食左一次﹐都ok啦﹐o甘o岩老婆唔舒服﹐都食唔到好多野。個收銀嬸嬸好見談。我個飲品﹐木瓜子涼冰﹐飲到一半見到有隻好細的蚊支仔係入面﹐我估佢死左係D Jelly狀物體﹐為免老婆大人食唔落﹐冇出聲﹐不過自己就飽o西﹐ 大家飲個時看清楚。。。。。。

今日特登出去搵野食.....之前見到openrice見呢間都幾多好評....所以就黎下呢間試下啦....入到去...都仲有一,兩張空枱....下午餐時間....都係$18-$22我和友人叫了...豆花米線酸辣腩南米線仲加左$5叫個鹵水鴨腎可惜..過左一陣...個侍應同我講豆花米線賣哂....唉...咁唯有下次先啦...叫左個炸醬排骨米線....炸醬排骨米線d排骨好入味..而且唔鞋口..不過就係太小炸醬..而且唔夠辣而個鹵水鴨腎看似好小....其實食下食下都幾多...而且水準都不錯....友人都覺得個.酸辣腩南米線不俗......下次會再黎試下個豆花米線

每逢星期四,我都會去旺角一行，剛巧有食評人介紹呢間大救駕既米線不錯,既然近旺角,而且我又好鐘意食米線,當然要一試呢間啦!食評人提示要記得print埋個贈送小食水晶皮凍,我當然就照做啦,好彩間餐廳都唔係太難搵,入到去,見到d卡位放有「留座」既指示,於是我就即刻坐左d中間位,不過事彼坐底左,我發覺個留座係冇咩意思既,冇book table既人都可以坐既我一個人叫左豆腐米線同埋凍好立克(只須加5蚊),並且有餐廳送既水晶皮凍首先來左個水晶皮凍 – 因為送既原故,所以冇咩大既期望,只係覺得個皮凍唔夠凍,爭左d豆腐米線 – 豆腐夠滑,但唔夠豆咪,俾d肉醬味蓋左,除左豆腐同肉醬之外,都冇咩主要既材料料,而配料既就有兩片腐皮,同酸菜等,但係個湯就冇咩味道,略淡凍好立克 – 夠大杯,同埋唔會沖到好淡,唔錯！總括黎講,呢間餐廳我只會作一次既新嘗試啦~~

一心諗住試豆花米線...賣晒反正嚟到，試下其他嘢....醬醬雞 --- 好味，唔好俾佢ｄ辣椒嚇親，其實唔辣，甜甜地....正鹵水拼盤 --- 普通啦，鹵水味唔夠羊乳餅 --- 味道好特別，充滿"so"味雞絲粉皮 --- 幾大碟，味道ok記得 print openrice coupon送的水晶皮凍 --- 雖然係送嘅，但辣辣地，凍凍地，好味下次要試番豆花米線先得

米線店香港有好多，每間都說自己才是正宗。此間大救駕是不是最正宗不好說，但吃得最賞心的可排十大之列。店子小小，但擁殷勤有禮的店員和潔淨乾爽的鋪面，未吃已先加分。點了個豆花米線及汽鍋雞。豆花米線的豆花好滑，感覺鮮，問題是以炸醬同放一碗，若把炸醬混在一起，豆花的味道就給蓋掉。如果可以，建議可改良一下，讓客人選擇是否加入炸醬。汽鍋雞還不錯，如藥材味更濃一點更佳。餐牌中好些特飲都好有興趣，但當天胃口欠佳，留待下次再試。飽餐一頓離開，吃鄰店譚仔人龍過十，倒覺得此兩店質素同樣高，何不給大救駕一次機會？

好久無黎，又黎食個lunch先。要了豆花米線. + $8 木瓜籽凍飲。豆花米線上有炸醬，仲有酸菜、腐皮、菜。有好多酸菜，搞到個湯勁酸。炸醬夠辣，肥肉不多，炒得香，又不會太肥膩。豆花好滑，也有豆味，夾埋炸醬會好些，因為豆花係比較淡口。米線粗幼適中，有嚼頭，不會碎濕濕。木瓜籽凍飲好清涼解渴，口感唔錯，好似食緊jelly咁。又沒有冰，不會把飲料溝淡。

之前都說過，自己是不太愛吃雲南米線的，所以若一個人揾嘢食，小弟大多不會走進米線店。同樣地，對雲南菜也是沒有太大喜好，所以就從來都沒有來過這薄有名聲的雲南小店...太座下午不太愛吃米飯，反而喜吃麵類。想一想，天氣熱得很，也是道理。路過此地，心想走進來試試也好....簡簡單單一人一碗麵及米線。見有蒜泥白肉，這是小弟每逢光顧小麵館必叫的小吃，即叫一客。太座除愛吃米線外，還愛喝湯，就叫一小盅田七鍋雞湯....蒜泥白肉片得薄薄的，肥瘦相間，肥肉部份夠爽口，瘦的部份有鹹香，肉是水準以上了，但蒜並不算太"泥"，應稱之為蒜粒才對，份量也是太吝嗇，蒜泥應多至吃到攻鼻才算合格。吃過云云店中，還是從前觀塘輔仁街內的小店最像樣...當然這裏也不算很差....豆花米線是這裏的招牌，當然要叫。豆花很滑，但豆味欠奉；肉醬頗惹味，米線帶點煙韌，是好品質的象徵。當然，還要掌勺人不要將之淥得太淰才對...太座極愛吃自己選擇的肉碎乾撈麵，麵條極煙韌。我試了一口，深有同感，果然不錯....大熱天時，怎能喝田七雞湯此類燥熱之物 ? 太座卻極愛喝，照樣將之喝清光。我勉強也試了一口，藥材味濃，但又頗鮮甜。不過小弟本身屬燥底，還是少

好耐未同大學的朋友聚過約了係QP苦海浮沉的頹文同埋cliff和石頭食過便飯因為頹文想食中國菜, 之前睇完蔡瀾, 所以就想來啦行來依度實會經過譚仔, 真係唔明白有咩好食, 除了平幾蚊外, 又要同人逼入到來這裡又有plasma又坐得舒服, 可能打工仔先會明白上次來依度係和親愛的來, 試過豆花米線叫了氣鍋雞, 過橋米線, 蒜泥白肉, 炸醬排骨米線, 鹵水鴨腎和送的水晶皮凍上次食氣鍋雞可能要鷜到八九年前細個係雲南食了八寶七星氣鍋雞無哂, 亂點了個海底椰烏雞來到幾失望, 因為真係好細個, 入面的海底椰太硬食唔到不過個湯係幾好味的, 但是還是喜歡正宗有少少藥材味的過橋米線: 有普通和優質揀, 要了普通, 有侍應幫你過橋待一會就食得, 個米線口感很好, 因為淋的米線很惹人反感個滑清得來幾有雞味, 如果料多一點就好了炸醬排骨米線: 好微的辣, 這樣湯底有兩個選擇! 最緊要湯底!蒜泥白肉: $20都有幾多塊, 酸酸地辣辣地,幾惹味的!水晶皮凍: OR送的, 賣相和以前唔同左, 成半球狀?! 幾得意的小品鹵水鴨腎也不錯, 鹵得還算入味, 腎片都爽口木瓜籽水: 口感好像比上次差了點, 試過無咩驚喜, 仲有好