大本瀛日式放題

营业中

休息中

難得成班朋友聚會！打算去間日式放題聚一聚！打電話訂座查詢！職員表示可以冇時間限制！而且可以俾個梳化卡位我哋！點知我哋去到！佢哋安排咗中間嘅位俾我哋前面後面側邊都坐左人！非常嘈吵！到我詢問店員！是否有唔限時間！店員並沒有回覆我！到了一個半小時後自動截單，而且食物上菜速度非常慢！嚴重拖單！食物質素普通！刺身是常溫的！🥹🥹而且炸物上枱嘅時候已經林晒！食物並沒有提供相應數量！而且雪糕種類只有雀巢雪糕！呢餐飯並沒有良好嘅體驗！建議聚會，不要去這一間餐廳！

經過今次嘅經歷，應該係我最後一餐會光顧的一間放題，曾經係熟客嘅我，感受到咩叫唔熟唔食🥰第一:價錢調整冇通知我，入座唔講清楚價錢，訂座明明同我說係$268 ，到結帳時才發現係要$350第二:員工衛生情況欠佳，多名員工傷風感冒照返工，又唔戴口罩，我的刺身一件都冇食過就係因為咁嘅原因，對住我盤刺身咳，你哋員工都係人我了解，但是最起碼都帶個口罩掛第三:我坐的位置隔離就是放垃圾的，用餐途中不斷傳來臭味 ，同一個貌似老闆嘅男子開聲話上轉枱，得到嘅回覆係叫我等等，到最後食飽都未轉到枱😓雖然嘢食味道普普通通，又未去到劣食，但衛生情況真係差到一個點，在香港食飯我從未試過這樣。 到最後值得一讚係廚房的姐姐，不停會為我跟進食物

經過兆萬發現呢間人氣好高，所以決定一試，加上樓下派傳單果位哥哥仔，重同我哋講$250有找，見到幾優惠，所以咪試吓佢。上到去發現門口都正正常常裝修都還可以，所以本人對此餐廳都信心滿滿，坐低店員都會為我哋推介佢哋嘅招牌嘢食，同埋都會教我哋落單服務方面幾好，但點知原來係惡夢嘅開始，刺身三文魚係暖嘅，其他正正常常，但係帶子係成粒都係冰黎既，爭啲連隻牙都俾埋佢😮‍💨吉列炸蠔:炸得太燶，燶到食落口都係苦嘅🫠芝麻雞翼:同其他放題嘅味道相差太遠了，完全淡而無味🤮其他都中規中矩，但係佢同事推介俾我嘅羊價，原來係當晚係沽清嘅😡飲品甜品方面，款式不夠多同埋不夠齊到最後埋單都要每個人$330左右同樓下派傳單嗰個哥哥仔講嘅相差太遠了我唔介意俾多少少去食餐放題但我好介意被人欺騙嘅感覺😞到最後因為趕時間我都費事同佢哋去爭論落去😡對呢間餐廳最大嘅懲罰就係以後唔會去幫襯😡希望依篇食評可以警惕下大家🙏

真心覺得服務水準超越5星，絕對唔係打手，仲係工作十分忙碌。都忍唔住要上網讚。食物水準，其實比正常放題高。因為服務態度超曬班，令人覺得食物水準一般1️⃣炸野有諗到係熱辣辣，2️⃣火鍋又會等客人食曬生野先上，夠細心❤️同朋友慶祝生日，如果想開開心心食一餐，絕對唔會令人失望，訂位果個都威🤭🤭

今次係第二次幫襯，食物質素方面不過不失，菜式好多，但款式唔算多。上菜，換碟，收吉碟速度勁快，保證你枱面乾乾淨淨。飲品方面比較小選擇，假日不太需要等位，價錢方面尚算可以接受

講到喺兆萬中心搵食，如果係食日式放題，「大本瀛日式放題」會係比較唔錯嘅選擇，食物款式多，味道都唔錯，服務又好好，上菜前會遞上熱濕紙巾供客人清潔雙手，喺我食雪糕、雪條嘅時候，Staff會連埋熱茶為我送上，而且不論收紙、出餐、收碟嘅速度都係好快，最鍾意餐廳會安排同類型菜式一齊上菜，咁就唔會令菜式口味成日轉變而好混亂。*此餐廳收取加一服務費。20:30入座晚市日式放題套餐（兩人$596），十二款刺身，包括有挪威三文魚、油甘魚、赤蝦、甜蝦、珍寶帶子、北寄貝、馬刀貝、紋甲魷魚、泰式生蝦、日本角螺、希靈魚、鮑片，每一款食落都好新鮮；大本瀛玉子燒味道香甜。手握壽司（跟餐$0），黑松露劍魚腩壽司，劍魚腩肉質肥美，配以黑松露醬食用，食落好香口；黑松露珍寶帶子壽司；蟹膏珍寶赤蝦壽司，表面鋪有蟹籽、蟹膏，赤蝦肉質爽口，食落有鮮味。火炙壽司（跟餐$0），香辣汁燒和牛壽司，和牛肉質嫩滑，配以辣椒絲、香蔥、香辣汁食用，食落好惹味；蒜香牛油三文魚壽司；胡椒岩鹽燒左口魚邊壽司；黑蟹籽吞拿魚壽司。特式卷物•手卷（跟餐$0），黑松露三文魚拖羅蓉卷；黃金肉鬆金龍卷；牛油果軟殼蟹手卷，表面鋪有蟹籽、美乃滋、苦菊，軟殼蟹口感酥

移民朋友忽發奇想話想懷緬下黎兆萬食放題…咁就上網check下。見到大本瀛comment唔錯…擇日不如撞日…即慶下。店員好殷勤安排入座同提議點刺身先…黑為比較快有得食…呢度係用最原始畫紙落單…唔係QR code…係咪好有溫度好多呢？店員非常勤力…一路留意每一位客人舉動…見你邊點…佢邊收單…好有效率刺身黎到放哂煙…望落都幾新鮮…唔錯！除左刺身我地仲點左好多野壽司…串燒…炸物…火鍋等等…樣樣野都ok啦…絕對對得住個價錢但有一樣野一定要讚就係呢度既服務…我會俾⭐⭐⭐⭐⭐滿分。呢度你感受到既服務係好有❤️。地下濕左…你起身見到你會提醒你…佢收你飲完既飲品會攞罐新既俾你…會奉上摵開既濕紙巾俾你攞…確定客人食完會奉上各款雪條雪糕俾你揀好開心見到香港仲有好窩心服務既餐廳

🉐好抵食放題在旺角🍣新鮮厚肉款式多🍜✨賣點: 一開始見到餐廳嘅poster已經被眼花撩亂嘅食材同菜式吸引🤩意想不到嘅係啲圖文又真係一致 - ̗̀( ˶'ᵕ'˶) ̖́-都係包羅萬有 刺身壽司手卷燒烤海鮮鍋物泰食天婦羅甜品等🤤食物仲要係above average 完全係物超所值ദി‪- ·̫ - ̳ 待應好勤力服務周到有禮貌🪑環境 : 少至二人位 多至一大班人都坐到 位置幾闊落 連埋個food baby都坐得舒服☺️ 有個位估唔到係餐廳竟然係每枱之間裝咗隔簾😮 想有多啲私人空間或者靜少少可以拉下👍🏻【食物 】 實在太多 呢度highlight特別印象深刻嘅系列🤣刺身每件都勁厚切又新鮮 擺盤認真有心思呢到嘅壽司有驚喜 款式幾多又配搭美味😋 特別係火灸系列 建議試多啲口味😙黑椒牛柳粒同牛舌都要試！肉腍鬆軟 牛舌嫩滑 可以encore🥰仲有啲芝士焗蠔等海鮮 好多配料好香口壽喜燒一鍋超大勁多料🤩

通常食日式放題都係主攻魚生，因為熟食麻麻哋。但呢間放題嘅魚生新鮮厚切之餘，其他嘢食都好有誠意，絕不馬虎👍🏻👍🏻店員介紹泰式生蝦嘅醬汁係自家配製，真係跟其他餐廳唔同，蒜香味更濃郁，辣得剛剛好👏🏻除此之外，壽司、手卷、其他熟食都好驚喜，特別推介：😋黑松露珍寶帶子壽司濃郁黑松露配厚切帶子，好鮮甜😋黑松露劍魚腩壽司劍魚腩壽司本身已經好味，加上黑松露醬，冇得輸😋芥辣八爪魚軍艦八爪魚Juicy，芥辣味剛好不會標眼水，配脆卜卜新鮮紫菜，口感好爽😋軟殼蟹牛油果手卷，一試難忘，一定要食👍🏻紫菜脆卜卜，牛油果夠熟，大大粒，軟殼蟹炸得剛好，脆而不硬👍🏻👍🏻👍🏻👍🏻仲有其他好味推介：人蔘湯、燒菠蘿、胡椒岩鹽燒左口魚邊壽司、極上龍蝦沙律鐵火卷、天婦羅炸蝦店員服務貼心到位，仲熱心推介好味食物，原來臨走有張特別版點菜紙，係甜品紙，店員介紹大部份甜品自家製，我叫咗一碗紫米露同埋桃膠，好味到飽飽都仲想食🤗🤗

同朋友仔喺兆萬中心地下好多韓粧舖頭㗎嘛，shopping 完之後，梗係上樓食埋嘢啦， 兆萬中心正呀 👍一棟building 一站式服務買完嘢就上去食嘢幾正幾方便 💯 日式放題未試過😍就試佢啦見價錢好抵呀😎😎 由A至K有成13張已經分門別類嘅點餐紙真係“勁‘’多嘢食呀，飲品有飲品櫃任飲架😁啤酒、汽水、果汁、 清涼茶真係包羅萬有呀💯日式放題梗係有刺身、壽司、手捲、軍艦、特色手捲 、火焰壽司、手握壽司.... 真係點都點唔曬呀😋😋 我哋叫咗好多刺身你睇下成個拼盤上呀❤️好大睇呢😁😁 三文魚、赤蝦、甜蝦、帶子、鮑魚片、油甘魚、北寄貝、馬刀魚、希靈魚、文甲魷魚 、日本角螺、泰式生蝦😋真係件件都彈牙同好鮮味一流呀💯💯 黃金肉鬆金龍、牛油果軟殼蟹手捲 、蟹膏珍寶赤蝦壽司、黑松露、珍寶帶子壽司等等，嘩！已經值回票價啦😍😍 熟食時間喇😋😋 清酒煮蜆、枝豆、 鹽燒珍寶大蝦、辣酒煮花螺、招牌炒蜆、秘製香蒜廣島蠔、黃金蝦、燒菠蘿、燒超甜粟米、鐵板牛仔骨、韓式烤腩肉 、七味魷魚、 天婦羅炸蝦、天婦羅南瓜、天婦羅蟹棒、天婦羅茄子、天婦羅秋葵， 真係包羅萬有樣樣都咁好食，就係鍾意佢細細碟可以品嚐到每一款嘅美食仲係碟碟

媽媽生日所以日前book 左大本瀛食晚飯，本身都係隨便搵，點知有意外驚喜。大本瀛應該係我食過性價比最高既放題，無論食物服務環境都係值回票價。食物方面，上菜快靚正又有誠意，刺身相當新鮮，當晚食左三文魚、甜蝦、赤蝦、帶子，每樣都超出期待咁新鮮。三文魚有質感又唔膩，赤蝦大大隻，帶子清甜，甜蝦唔會腥同成pat 漿咁。天婦羅炸漿脆又唔會好油。火鍋壽喜燒湯底真係落足調料。羊架又夠肉地無筋又煎得冧。最後仲有各樣大牌子雪榚雪條送。服務方面真係要比十個like, 侍應勤快熱情，清枱主動，上菜手腳又快，擺盤又靚。最後我帶左個蛋榚慶媽媽生日仲有特別慶生服務，有火花蠟燭助慶。總結一個字：一定會回頭幫趁

我個人好曳，去個個餐廳食一次d野唔得，我會直接判佢死刑，唔使同店家嘈，直接呢一世唔再去，就係對佢地最大既懲罰，放題食物主業黎講係超出水準，講真出得黎旺角食，預左又貴又麻麻地好味，特別係兆萬，但十樓呢間改變左我既有觀念，好耐未試過咁他調，你填完紙其實好快就會有食物為你送上，至少我主觀覺得好食，本人其實只要唔太難食都隊得落口，但十樓呢間搞到我要求變高，先講價錢，我兩條友去食，食700幾800係預左，我地另外仲叫左 $188 一打生蠔，圍到都係 十幾蚊一隻，雖然唔係好肥美，但至少有蠔味，都叫做過左蠔癮，但主業的日式放題，好多鋪頭叫交左功課就算，而佢地feel到用心整，刺身本來就係時令野，我見其他負評文話佢地唔新鮮，咁係咪要成條魚流晒血放入口先叫新鮮？ 都係主觀野啦 成棟兆萬老實講，好多鋪頭都係西口西面，而佢地親切既笑容，滿意既安排，合理既服務，至少令我觀感比較正面，貌似老闆的仁兄，仲會誠心聽取食客既意見，有咁既老闆鋪頭先會有進步 ，就算有幾多負評都好，我都會繼續去呢間食日式放題，直至食到我心中覺得變左為止，如果你地有機會 萬一咁啱係旺角，而又肚仔餓，仲要咁啱有幾舊水，真架，當比我呃一次，不抱

旺角可以選擇既食肆有好多，覺得食完對得起價錢既，真係食過一次就已經知。呢間開左好多年既任食放題，食物質素不錯，職員服務好好，出菜又快！我地晚市食左兩小時放題。餐廳不同時段入座不同收費， 大慨 HK$238~298 另加一，CP 值高一定會再來食😚餐廳係旺區兆萬中心樓上，一出lift 已經見到有好多款甜品🍦，好吸引🤩餐廳仍沿用懷舊寫紙仔落單，要一頁頁不同種類中寫上件數，反而感覺好特別。食物種類好多，刺身，壽司🍣，火煱🍲，炸物🍤，爐端燒，鐵板燒，天婦羅，連泰菜🌿都有！食放題一開始當然先點刺身，出菜速度好快，刺身有驚喜，好新鮮，有點意想不到👍🏻👍🏻熟食都點了不少，芝士焗蠔，醬爆榴槤炸蛋，花蟹🦀粥，招牌炒蜆，仲有巴掌珍寶大蝦🦐都係小妹食過推爆介⭐️值得一讚，職員好友善，由入門口到埋單都好熱情招待，連每張枱點了什麼食物都記得，我仍好忙進食期間，職員都有主動表示有什麼已點菜正準備中，將會上枱，好犀利👍🏻飲品選擇有30多款，又啤酒🍺，又有汽水；加$40 仲可以任飲清酒🍶，梅酒，生啤🍻等。📍大本瀛日式放題 (旺角)旺角西洋菜南街1N號兆萬中心10樓

旺角有好多放題餐廳，呢間係我暫時食過最好的，食材新鮮，點嘅樣樣都好味😋$300左右食到呢個放題個人覺得性價比幾高，種類夠多，刺身、壽司、熱食、小食、天婦羅、串燒、泰菜、甜品等等，應有盡有～另外想講職員們好有禮貌友善，感覺親切👍🏻👍🏻點晒佢嘅各款刺身，推介馬刀貝，好爽口；珍寶帶子大大粒夠鮮味；魷魚有少少黏口，食得出夠新鮮；赤蝦好大隻；三文魚唔會錯～壽司又係有誠意，黑松露劍魚腩壽司、蟹膏珍寶赤蝦壽司、胡椒岩鹽燒左口魚邊壽司都好鐘意；特別嘅壽司如黃金肉鬆金龍卷、壽喜燒牛肉卷、極上龍蝦沙律鐵火卷等等，賣相同味道都唔錯～一品料理推介如黃金蝦、照燒汁炒牛舌、芝士黃金焗帆立貝、秘製香蒜焗廣島蠔；鐵板燒推介燒比目魚、鹽燒牛舌、燒菠蘿、燒羊架👍🏻👍🏻甜品飲品都好多選擇，包有一款啱心水～總結，呢間餐廳有誠意、食物好味，會再嚟！

唔經唔覺都幫襯左8年，每次去到都好似大爺咁，上菜速度又快，我成日同啲員工講今時今日咁既服務態度香港真係好少見！由拍拖食到結婚再帶埋個女去食，都始終係我放題既首選！啲三文魚同啲帶子好軟熟，隻赤蝦都好有驚喜，我蝦頭啲膏都啜埋😆！人參湯我一定飲兩碗，啲泰式野同燒烤野都好正，炒通菜脆卜卜，最讚係唔知點解個脆肉瓜點可以做到一咬落去啲汁會彈出黎，咁既價錢有咁既質素，最尾仲有送特色甜品，忍唔住獻出我第一次寫既食評。