大歡喜家鄉盆菜

营业中

休息中

一入口，先係嗰啖豆豉雞🐓，香滑又滋味，真心不錯。跟住試咗魚蛋🐟，啱啱嗲嘅Q彈，煙韌得黎唔會太硬，正！五花腩肥美，入口即溶嘅感覺真係令人心癮難耐～下層嘅蘿蔔同冬菇就吸晒啲汁，食落去香甜又入味，令啲平時唔鍾意食菜嘅朋友都讚口不絕。記得嚟嘅時候，街坊們仲推介咗份脆炸門鱔，即叫即炸，外脆內嫩，師傅真係控制得好好。食完之後，仲有少許油雞，比平時食嘅滑得嚟味道更加鮮美，想不到有咁嘅驚喜！總之，這家店啲盆菜真係做到舊式嘅味道👍傳統與創新結合得宜，非常值得推介給尋求街頭美食嘅你哋！

又係一年一度食盆菜嘅日子，今年我地選擇左訂購大歡喜出品嘅圍村盆菜。佢地係sell正宗圍村盆菜同埋以傳統古法烹制。食落味道唔算濃味，而且有大量我最愛嘅芋頭蘿蔔豬皮魷魚同魚蛋，以$15xx嘅一個大size圍村盆菜黎講，都值得推介俾大家試下。

年年過節家庭聚會會叫盆菜食，之前試過某幾間大集團嘅盆菜，不論味道、材料一般，份量不多。今次經朋友介紹，試下由元朗出品嘅傳統風味盆菜。叫左個中盆來食，話係6-8人份量，但比想像之中多👍🏻料多味道夠入味，尤其炆豬肉較腍😋抵食（中盆-傳统圍村盆菜$880，外賣gogovan送貨$150，星期四落單星期六做到）

農曆年前前後後，身邊總有不少大小的宴會要出席。不過，今年，家有 BB 而且又新工上任，不是很必要出席的活動都一一取消了。但，總有一些會令我想參與一下的，而其中的一個，就是隔離村村長邀請我們參加他們的春茗，近近地，有獎抽，有野食，又可以帶埋仔女去玩，所以我很樂於出席。行到去村公所，可以用很是熱鬧來形容。找到我們的一席後，發現到席上沒有石油氣爐仔。顯然，這不是一個盆菜宴，而是一個到會服務的鄉村式酒席。而提供到會服務的，是元朗的《大歡喜筵席專家》。以前，我所居住的西貢一帶，並未興起搞盆菜宴，小時候接觸的鄉村宴會，都是有一大班廚子，連爐，連料即場在郊外製作的宴席。當時，看見師傅在大廣場內自架爐具，自架炭爐燒乳豬，場面是認為的墟冚。這一次，他們移帥至村公所的廚房內製作，而且是夜晚的宴會，加上我又要照顧小朋友，所以，今次就沒有像小時候般，去人家煮食的地方 "八" 了。宴席在一眾口水歌王的歌聲中開始了。而先來的，相信就是即場燒的乳豬。即燒起，保證有點熱力，也保證到皮脆。脆口肉嫩，好食不用否認，只是食到入心 (內則的肉)，發現有點過咸而已。鄉村的宴會，白灼大蝦絕對是一個既簡單又不會失禮的一道美妙食品。

公司聖誕食盆菜！好特別嘅party😂同事一早order咗幾盆盆菜，啲姐姐會過嚟幫手，好nice好好笑容。好開心同同事坐埋一齊食盆菜，而且盆菜好豐富！大約包括有：燒鵝、油雞、蝦、厚切腩肉、鮑片、魚蛋、鯪魚肉、冬菇、豬皮、蘿蔔、腐竹、魷魚等等。醬汁調得啱啱好，唔會太鹹。我個人喜歡魚蛋，大大粒好彈牙！不過厚切腩肉真係太大舊肥豬膏啦，太肥唔敢食。其他整體不錯！📍大歡喜家鄉盆菜元朗教育路74-76號地下．．食物分數：7.8/10Encore分數：7/10

外賣都會早兩日打電話去落order就OK ,非常方便。唔需要比訂金，呢份信賴 令我作為客人覺得好感動。打過兩次電話去詢問 同落order ,兩位職員態度亦好好。 叫咗一個大盆菜$1080, 再加＄80運費。送貨非常準時，比原先時間做咗15分鐘。盆菜亦都好好味，豬皮腐竹索晒啲汁超正；魚蛋一啲都唔腥；蝦好新鮮，五花腩好鬆化，無渣。仲有雞 /螺片 etc我無食到. 不過係芋頭未炸透。其他真係冇乜挑剔。同事們都表示好滿意。

過年時食了太興和元朗大歡喜盤菜，反映市區和元朗盤菜大相逕庭。太興盤菜標榜鮑魚，花膠，大蝦，大冬菇矜貴食材，價格尚算合理。但這樣會將貨就價，降低了其他食材的質素。其他材料有魚肚，豬手，魚旦，魚餅，蘿蔔，西蘭花，味道一般。燒鴨，油雞，燒肉件數太少。燒味是太興強項，宜增加比例。燒肉宜藏在中層，充當元朗客家炆豬肉的散發香味的角色。魚旦差勁，宜轉換不同品牌的出品。大歡喜的魚旦，炆豬肉十分入味。特別是炆豬肉，肥瘦相間，形似扣肉，味有元朗客家菜風格。魚旦比例宜增加（元朗著名盤菜的魚製品都很出色）。豬皮則太硬。蠔豉，螺片，蝦，冬菇尚算可以。豉油雞，魷魚，支竹，蘿蔔平平無奇。雞比例宜減少。總括而言，大歡喜盆菜較抵買，較有鄉土風味。盆菜原本是農村粗食，後演變成為鄉親聚會美食，還是元朗出品較佳。

新年令人最期待的便是一家人齊齊整整、聚首一堂。食盆菜是一個很好的選擇。近年新年都會食大歡喜的盤菜。呢個盆菜入面有蝦，有雞，有鮑魚片，不過我最鍾意食嘅都就係 炆五花肉, 啲肉超入味，送飯一流。另外，魚蛋、蘿蔔、魷魚、冬菇都好好味。魚蛋爽口、蘿蔔夠淋、魷魚唔 UN ! 正！！有長輩話門鱔乾好食，不過我覺得好多骨，不太喜歡。鮑片亦不太好，有燶味。盆菜分量非常多，我地十個人食到好飽，都剩返好多,估計15個人食都好足夠。

今日提早同班小朋友一齊食盤菜，係大埔鄰舍社區中心一齊同佢地屋企人、友師、同埋其他社工職員一選提早歡度佳節。我地一共延開19席，揀選了「大歡喜筵席盆菜 」，佢地派左人泥全程幫手，仲借左枱布同枱板比我地，食完仲幫手收拾。 至於個盤菜好豐富，由於我地一早開定爐加熱，所以吃上來夠熱辣辣，好正！入面有燒鵝、油雞、蝦、腩肉、鮑片、魚蛋、鯪魚肉、蠔豉、冬菇、豬皮、蘿蔔、腐竹、魷魚等等。 唔知係未太耐無食的關係，覺得樣樣都咁好味，尤其係魚蛋，彈牙可口，冬菇腍滑入味，豬皮爽口得來又吸收曬d汁，食到停唔到口。當日大會仲安排左白飯，我撈左盤菜精華一齊食，實在太好味啦，肥幾磅都抵！ 

之前嚟過幾次，每次必叫咕嚕肉，因為印象深深刻入我心咁滯，原因睇下我下面介紹就知。所以間中都會想專登入元朗食，但成日撞唔啱時間，因為佢某段日子只做盤菜。今日終於可以嚟到喇。大家要嚟的話，記得要喺朗屏站出，否則喺元朗站有排行，要行完整條大馬路先到。環境街坊地茂小菜館格局，有3張大枱、3張細枱，唔好expect坐得舒服。今日打嚟book枱，老闆話唔駛book。佢無錯，我地七點到，無咩人，仲俾我地坐大枱，其他枱都有坐人。有兩部電視，可以邊睇邊食。食物明知呢度份量勁大，所以兩個人只叫咕嚕肉($75)、腐竹炆斑腩($80, 原本想要茄子炆倉魚，但兩種材料都賣完，所以老闆娘提議其他組合，餐牌上無的都得，基本上正常小菜組合就得，例如鯇魚、豆腐)，另叫一碗白飯、汽水。先嚟腐竹炆斑腩。份量好想像中多，斑腩有十件左右，每件大小有1.5隻麻雀咁大，可以叫斑球，啖啖肉，不過咸左啲。腐竹份量都好多。食食下發覺有幾件火腩，哈哈。之後就嚟至愛嘅咕嚕肉，份量好多，堆喺嚟好似一座小山咁，老闆娘話係即叫即炸，所以好新鮮熱辣。印象中每件形狀係大嘅乒乓球，今次食就唔係球狀，係長方體，都大件。有少量青椒、菠蘿、洋蔥伴碟，同咕嚕肉

三人行, 去吃晚飯.蒸元朗烏頭, 鮮甜, 火候剛好.鮻魚生菜湯, 呀媽超鐘意食, 好似新鮮打出來.起碼有20粒, 食極都好似重有.爆中蝦, 抵食兼好味, 只係$58半隻煎鴨, 煎封醬汁, 要趁熱食, skin 脆脆的, 我們吃不完, 打包了一半走.酸甜排骨, 我最喜歡, 排骨漿脆, 熱lala, 好開胃.好飽呀. 打包了煎鴨一半走. 我提醒大家落order, 份量都幾大.

Afternoon Tea過後，晚上回到元朗為朋友慶祝生日，來到大歡喜筵席盆菜吃小菜，份量大，好吃又抵食。當然這裡出名的是盆菜，但五個人吃不下一個盆菜吧。再加上我High Tea過後到晚飯時間仍有點飽，所以吃得不多。五個人點了六個小菜，再加白飯，絕對夠飽。先來粟米斑塊，炸漿夠薄，炸得非常脆口，斑塊肉嫩，粟米汁用來伴飯吃最好，非常好味。滑蛋蝦仁，蛋炒得很滑而帶有蛋汁，蝦仁夾爽口。炸大腸，非常脆口，但是很肥膩，少吃多滋味。涼瓜炆火腩，涼瓜甘口不太苦，沒有吃火腩所以沒有評價。金銀蛋莧菜，離不開每餐必吃的蔬菜，夠咸香，好鐘意食。最後結帳平均每人都是八十元，非常抵食！

大家都可能聽過，大歡喜是吃盆菜的地方，我亦試過其盆菜，水準確是不錯。收到甜魔會長報料，原來這裡的小菜也有一定質素，那就事不宜遲，約好一班食友入元朗一趟。其實小菜款式也不少，大都是六十蚊以下，經濟實惠。這晚，我跟大隊來吃，點菜就交由大家話事，我不諸多事實了。當然，我是很放心，因為在眾多識食之人在，呢餐一定會很豐富。上菜很快，一碟上完接著另一碟，很有效率。爭先上場的是茄子炆倉魚，茄子夠晒入味，但仍不會太過溶溶爛爛，保持一定咬口。至於倉魚，皮脆，同樣夠味，也對辦。經常笑說豆腐火腩飯是地盤工人的主食，但其實我都幾喜歡呢一味。火腩雖是浸稔了，香脆欠奉，然而肉質是更有味道。豆腐是吸味的東西，所有精華都落於豆腐內，肯定好食。龍哥建議叫琵琶豆腐，馬上很多人和議。這味豆腐，做得香脆，口感亦相對煙韌，味道濃郁，的確是好提議。再來的一味是清清地的金銀蛋菠菜，翠綠的菠菜口感實在，味帶清甜，咸蛋和皮蛋均有自身的香味，夾著吃都不會太寡。另一味菜是腐乳通菜，我本人是很喜歡腐乳的咸香，而且通菜根本就是腐乳的元配，味道肯家夾，加之這個菜夠爽脆，我喜歡。吃至此時，已滿桌是餸，就隨心的向著滑蛋牛肉進發。坦白說，牛肉認真麻麻

may 02, 11......唔喺嚟食盆菜,而喺食友推介嘅小菜......12人來dinner,叫咗 : 1) 茄子炆倉魚 (hk$65)-茄子煮得無腍晒,浸喺個汁度,好入味-倉魚我就無食到喇2) 豆腐火腩煲 (hk$48)-食友大力推介個豆腐 3) 金銀蛋菠菜 (hk$45)-很抵食,有菜食吓,中和番之前2味有獻汁的 4) 琵琶豆腐 (hk$48)-好耐都無食過琵琶豆腐,食友點呢個時,我即時和議-炸得不錯,亦好夠味-只是食得太飽了 5) 椒絲腐乳通菜 (hk$38)-咁多人,當然要叫多個菜啦-唔算油膩6) 粟米斑塊 (hk$65)-斑塊都炸得鬆,皮唔厚-送飯1流 7) 滑蛋牛肉 (hk$48)-蛋都炒得ok滑-牛肉嘅質素1般啦 8) 椒鹽雙魷 (hk$58)-因為鮮魷唔夠,所以店員建議雙魷,即白色鮮魷同土魷-椒鹽嘅處理得,但鬆,皮嘅厚度適中,又夠熱辣辣-中間嘅魷魚又有彈性 9) 菠蘿咕嚕肉 (hk$48)-起碼做到掛醬效果-個汁酸酸甜甜,無搶喉 10) 白飯-咁多人,叫咗好似3個白飯* 食友共帶來了3枝酒............其中1枝+有青檸同薄荷,味道好特別 * 這裡好抵食,又

在太古享用完甜品下午茶，夜晚為叔仔慶祝生日，再度折返元朗；始終大家都喜歡留在自己地頭搵食，反正元朗平靜正的選擇很多，如這晚吃的大歡喜小菜，絕對稱得上是好味飽肚又超值!大歡喜向來以盤菜聞名，外賣盤菜也吃過多次了，這晚卻是首次坐下來堂食。店內環境平實沒花巧，要留意是場內座位並不多，同外賣盤菜一樣，要吃一定要訂檯。這裡不收紅酒／白酒開瓶費（啤酒就好像不能外帶），是晚老公就選了支甜酒來助慶；我飲的很少，但覺口味很甜也不錯的。特別要提這裡的小菜定價不高，份量卻是特大，是晚六人只不過是按人頭點了六款小菜，結果卻是飽到傻! 最先上檯是馳名的古法鹽焗雞，為留肚試其他小菜只要了半隻，來到份量也不小，然而看上去又或吃下來，完全感受不到鹽焗風味，反與一般白切雞無分別... 難道真是因為鹽被人盲搶光，店方只能濫竽充數? 這個頭陣，老實講有點失望，幸而之後的小菜水準回穩!接著來到我點的滑蛋牛肉，印象中只是$50左右，但炒蛋堆得滿滿有如小山，身量大得嚇人，保守估計廚房至少用了十隻大蛋來炒!! 除了足量，這蛋也實在炒得夠滑，當中還保持有豐富蛋汁，而中間也夾有十多片幾滑口的牛肉片，吸引我與細妹不斷幫襯，也是致飽的首要