大滿喜日本料理 (已結業)

同朋友係觀塘放工之後想食放題，搵咗搵之後決定試一試呢間。位置係亞太中心，非常方便易搵。一上到去大大個招牌。每台旁邊有多款選擇紙，款式都幾多。每台會先上一輪刺身船，三文魚夠肥美海蝦大隻得嚟亦鮮甜。餐廳熟食以放題來說相當不俗，牛舌惹味之餘不會過硬及過厚。翠肉瓜及煙肉焗蠔，味道處理不錯，我同朋友都有再encore。迷你炸紫薯，中意食紫薯的朋友必試！細細粒亦唔會太飽。芝士年糕，芝士味重，煙煙unun，不過胃口細既人要諗諗會唔會浪漫咗quota。壽喜燒比想像中味道更好，同平時街食的味道相差無幾。餐廳自取區有雪櫃，有多款韓國雪條，我就食咗蜜瓜同士多啤梨味。雪米滋最驚喜係野飲櫃俾我搵到呢款櫻花包裝既韓國啤酒好靚好飲

好耐冇食放題啦，同朋友兩個星期前已經約好今日一齊食，其實每次食放題，目標都都係刺身，皆因我同我朋友都好鍾意食生嘢🤣🤣，約咗七點，其實6:55已經到達，無奈樓下排隊搭lift勁長龍，所以如果想來呢度食，記得預多少少時間，因為我搭lift都搭左10分鐘（連埋等）。因為book咗枱，等都唔駛等，好好彩，一去到就俾咗張四人枱我哋兩位，好欣賞佢哋除咗埋邊梳化位，出面嗰張都係軟櫈， 所以坐入邊同出邊都咁舒服，我發覺佢呢度都幾好，有一條員工通道，可減少與客人碰撞嘅機會。好欣賞佢嘅餐牌，指引好清晰，會寫明每一樣食物嘅份量，例如幾人份或者一份嘅數量等等，方便客人選擇。一坐低， Staff就即刻安排一個刺身拼盤俾我哋，係我哋揀食咩期間，刺身已經到，效率都幾高👍👍，啲刺身睇落去好新鮮，三文魚厚切，而且好肥美。最開心係佢竟然有帶子，都唔細粒架，食落去好鮮甜，Second round 要encore 啊！呢個燒鰻魚，真係不得了，好好味，好林，個鰻魚汁教得好好，甜甜地，但又食到有少少焦香味，一試難忘，又係encore 之選。我見到佢有卜卜蜆揀，梗係唔會放過佢啦，因為卜卜蜆係我最愛食物之一，呢個係蒜蓉辣煮，蒜香味同

今日個friend話做成左單大生意，好開心，話要請食飯，咁我話不如食日本放題呀，佢話都好，好耐冇食日本野啦，咁我當然即刻打去Book枱啦，唔比機會佢改變主意。咁我地放工就即刻過去，因為我地訂左位，去到好快就比我入去坐 。入坐後， waitress很細心問我地有什麼刺身係唔食，我地話冇呀，佢就話咁order一些刺身比我地先，其他等我地自己慢慢揀，我地話好呀，這裡真的抵讚。然後刺身亦都很快上黎，很好。我地叫左個翠肉瓜，很鮮甜，好味。 然後叫左蒜蓉辣味煮蜆，因為我同個friend都好鍾意食蜆，這個蜆真係冇得頂，少少辣加埋入蜆，真係好野味，我地食完唔夠喉，再叫多次。 瑤柱鮮蟹粥，我本身唔係好鍾意食粥，個個friend鍾意，咁佢叫左，我就諗住試少少，點知D粥咁好味，好棉同埋真好鮮味，我地又係食完再叫。榴槤炸彈，佢唔係好重榴槤味，但炸得幾香口，幾好。 蒜片牛柳粒，因為我鍾意食牛，這碟送到黎已經好香，牛又好嫩滑，非常好。最後仲食埋甜品，雪條添。

如果大家有喺觀塘搵開食，都應該知道Ocean Pacific Centre有唔少餐廳，菜式包羅萬有。要食日式又唔想淨係打邊爐，大滿喜會係你嘅首選！驟眼睇下佢嘅單張，原來拎住個傳單就有88折！後面有講到啲午市食品，只要喺午市時點其中一款就可以任飲、任食沙律及小食，真係幾吸引。實際上唔少打工一族喺lunch time去大滿喜食飯，人流都好多（大家要食午餐記得預好時間！）今次就用咗傳單上嘅95折優惠去食午市放題，3個鐘200蚊有找唔係道道有。喺道特別推薦大家食榴連波波，因為佢嘅榴連味十分重，口感非常彈牙😆雖然大家放題主要是和風美食，但係我建議要留肚食佢嘅芝麻雞翼，每件都係熱辣辣新鮮整起，食落唔會咸👍🏻

我係一個魚生控，就算新聞周不時點樣報導食用咩魚生有幾高風險都好，亦唔能夠減低我對魚生既鍾情。所以我好鍾意食放題，因為我可以食到好多好多魚剌身呀。今次唔係第一次食呢間放題。上次黎食係開左冇耐個排，事先睇過電視有節目介紹，講佢既佔地面積好大，野食好多選擇，個時就趁住母親節同屋企人過左黎食。今次重遊舊地，確實比左唔少驚喜我。首先係價錢方面，事隔幾年，冇乜點樣調整過咁。當然無論價錢幾平都好，如果D野食唔好味，選擇少，幾平又點姐。一坐低已經指定動作，搵張剌身紙出黎咩都叫先，交完先慢慢叫其他熟食。黎喇黎喇，大大盤既魚生送左埋黎喇，已經好一段時間冇食放題，任性既內心深處真係好似啲乾冰咁咁滾動呀。第二個驚喜位係我行出去拎野飲既時候，發現有好多開胃菜同中式既熟食，估唔到竟然有我好鍾意食既泰式鳳爪。此外，仲有清酒都係我忍唔到手既野黎。到我最最最最驚喜既地方，係鰻魚呀。佢張紙到鰻魚側邊寫住新品，唔怪得上次黎食冇乜印象啦。係完全冇防備既心態下，大大舊燒好既鰻魚放左上枱，一下子就簡直令到我地心花怒放。順帶一提，我地亦有試到必食既花膠炆鴨掌，係放題既地方出現仲要係講明必食，雖然有趣但一啲都唔欺場，花膠真材實料，食

平時都好少lunch time去食放題，今日難得有時間就去左觀塘大滿喜到食啦！去到時發現餐廳好舒服，同其他放題餐廳唔一樣，唔會燈光好暗，反而好光猛，好鐘意呀！！😍不得不提既當然係魚生😍😍佢擺盆真係好靚！啲食物好新鮮，最正都係帶子同甜蝦！超級鮮甜又爽口喎！真係可以encore幾轉呀🤤🤤燒菠蘿一向係我至愛😍呢間餐廳啲燒菠蘿又甜又juicy，真係超正😍😍海膽同三文魚子軍艦正到不得了😍啲三文魚子完全唔會有腥味，而啲海膽就咁睇相都見到有幾新鮮呀，推薦！😍天婦羅蟹柳超大條！想食蟹柳既一定要嗌！鰻魚唔會腥，一啖放入口超滿足！

因為今日同男朋友有事慶祝，所以就揀咗大滿喜到食放題。我哋兩個好鐘意食野，又唔想選擇酒店，因為價錢偏貴😆又想好好慶祝下，所以就選擇咗係OpenRice排名好高嘅放題餐廳。❤️我哋跟原定嘅時間7:00上去，係我哋一心以為早啲食會少啲人。但係一入到去其實已經差唔多坐滿人🤓我哋都好驚訝，原來有人會咁早食放題，可能人哋有得早收工。好羨慕啊🤡任食兩小時連埋+1都係$250有找係邊度搵😆佢入邊有好多款落單嘅紙，咁我就影嚟比大家參考下。 大家嚟食放題唔使問一定食好多刺身🙆🏻‍♀️我都唔執輸，叫咗一盤好好味又新鮮嘅刺身。完全一啲腥味都冇👍我係十分之鍾意食甜蝦既，我覺得係算係出色，你會食到出鮮甜既感覺 。完全唔似一般放題嘅貨色✋🏻我不得不介紹呢一隻蒲燒鰻魚🙌🏻🙌🏻我就算平時食壽司，我哋一定會帶叫，但係佢價錢真係好貴，平均都要$40左右先有兩件。我今次應該食咗有10幾件🤣我覺得齋食鰻魚已經回咗本🤓佢雖然係放題，但係我覺得佢整得比某大型嘅連鎖店仲要好食。我同我男朋友食到停唔到口🤨👍對呢一個鰻魚真係讚不絕口。大家一定要試我當初選擇呢一間放題既原因都同粥有啲關係。因為我本身係好鍾意有米落肚嗰種感覺嘅人😆唔好以為食放題

有日放工就心血來潮想食放題，眼見依間幾多人，地方又近地鐵站，就二話不説衝咗入去，雖然入去之前都幾淆底，但點知又幾驚喜，真係估佢唔到！放題一開波，就緊係刺身先啦！我就兩個人去，雖然得兩個鐘，但寫幾多黎幾多，唔會好似某某放題，寫十黎一，已經夠哂交代！三文魚？咪三文魚咁既味囉不過不失，對得住價錢，算係咁啦不得不提，佢熟食都做得幾好，真係要熟有熟要生有生，兩樣都得，得咗食咗成晚，個人至愛就係依個蝦啦！蝦蝦蝦野飲種類夠哂多，不過我就一般般，因為黎放題緊係食啦，我要飲野，一箱箱咁買返屋企飲唔好？不過如果鐘意飲多啲種類嘅飲品，依到有保證邊爐料！不過我今次就冇試啦甜品話多唔多，話少唔少，不過隔離個女人，就食得好開心，我估ok掛？

觀塘都幾多放題，最近就去咗大滿喜到試試佢。我地平日去食，都要等5-10分鐘，睇嚟都幾多人食。裝修幾靚，座位都幾大，好適合一班朋友嚟食野傾計。野食選擇好多，一般嘅刺身當然唔少得。三文魚同帶子都好食，同埋擺盤都幾靚🤣可以打下卡。除咗刺身壽司，熟食都有好多。熟食都係水準之上，玉子燒同芝士蝦都好正，d芝士仲會拉絲🤣串燒都好惹味😚不過我最中意嘅熟食係炸物同土匪雞翼。炸物全都熱辣辣，炸蠔好正！！！土匪雞翼又同譚仔嘅幾似喎🤣🤣🤣其實佢仲可以打邊爐，不過我地太飽所以冇試🤣當然唔少得甜品啦♥️食到好飽啊🤣

喺觀塘收工收得夜，真係唔怕冇野食，當晚成8點半先收工，同我同事搵到間食日本放題的，輕鬆一下先！位置好方便就在Apm旁，喺公司行到過黎時間差不多，因為9點開始係宵夜時段，每位都係$178+1，任飲任食，仲有啤酒梅酒選擇，放題黎講，價錢絕對值得吖！食物選擇同一般放題差不多，種類夠多，刺身亦算新鮮，壽司款式都多亦好味，只係怕太飽，所以冇點太多！另外，燒鰻魚同埋炸雞翼係我既心水，好味喔，食完再叫，叫左兩轉🙈整體黎講，價錢經濟，食物選擇夠多，值得再黎👍🏻

已經好耐冇食過放題啦，上星期四見同男友得閒就心思思book枱食放題！7點半前埋單就可享有優惠價，精明嘅我就book5點食✨準時嚟到已有唔少人入座，雖然只有我地二人，但侍應都俾咗卡位我地咗，非常寬躺舒服🤸🏻‍♀️坐低後就梗係即刻嗌嘢食啦！超級多選擇呢到都只係一部份，仲未影晒，第一round我地嗌咗剌身、壽司同幾款炸物🐟🍣🍤上菜超快又唔會漏單，抵讚👍🏻只係影咗部份，男友食好快食晒🤜🏻快得嚟質素都不錯，魚生新鮮，炸物又夠香脆~ 食完出去行咗轉睇下有咩其他好食，原來都唔少！有沙律吧、甜品吧、雪糕櫃、湯類、小炒同飲品吧！然後我又會樣拎咗少少番去試下😋食完後再追咗咗一輪就好飽啦🤰🏻我地全部食物都食晒，冇浪費✌🏻

上星期四同朋友二人去食放題🤤之前食過旺角大滿喜都唔錯，今次就一於試下觀塘呢間。觀塘大滿喜位置非常方便，就係apm隔離棟商廈👍🏻我地大約5點半去到，已經見到唔少客人，應該都好受歡迎下😆😆比起一般嘅放題，呢間嘅環境好寬躺，就算兩位都唔會坐得好逼夾，而係有舒服嘅沙發位🤘🏻一坐低就梗係即刻嗌咗刺身啦！每樣嗌咗4-6件，嚟到就一大盆，仲擺得好靚仔😍當中我最推介嘅係帶子同三文魚剌身，非常新鮮而且係厚切嘅😋😋大啖食好滿足！其他燒物都高質👍🏻特別係羊架，一客兩件，燒得嚟又有肉汁，友人自己一個都食咗三件🤰🏻我地極速成咗兩輪已經飽飽地，之後就慢慢食，落多咗三次order💆🏻‍♀最後，臨走前就食番個甜品先，呢間嘅甜品又好多選擇，而雪糕都有好多款，我都食咗三粒雪糕糯米糍先肯走🤭

因為工作太忙，無時間食午餐，所以要好好慰勞自己，黎到大滿喜食放題。6點到了餐廳，環境寬敞得很，有兩邊場。日式放題，西式設計。食物點選紙整齊排列，種類多達九種:刺身、 壽司 、一品料理🥗、燒焗、炸物🍤、手卷🍣和串燒🍡🍢🍠等等。食物多，飲品都唔少，都係自助形式， 汽水、茶、忌廉奶、韓式飲品、綠茶、烏龍茶，特別既有黑糖薑母茶和椰子水，當然少不了男士鍾意既啤酒🍺🍻個人提議可以品嚐呢度既鮑魚花膠湯，養顏之選味道又好飲沙律和冷盤食物甜品櫃約有10種甜品選擇愛食雪糕既朋友就要黎呢度，椰子，蜜瓜和脆皮雪條坐低一陣，前菜刺身到🤩三文魚，北海道帶子， 油甘魚，吞拿魚，希靈魚， 北奇貝，甜蝦等， 北寄貝好鮮甜彈牙,甜蝦也不遜喔🦐。炸紫薯甜度剛好，皮炸得脆。蝦天父羅肉夠嫩和鮮😋見紫薯好味再食😌 土匪雞翼肉夠嫰滑，孜然粉芫荽粉和五香粉好入味，夠香。😋最後的甜品不錯以2百幾蚊呢個價嚟講，真係好抵食，任食又多野食，食到飽一飽😋大滿足的一餐

今天公司返半日，約同事去吃午市放題，午市放題有個好大嘅好處就係可以食得耐，成三個鐘…慢慢食又可以傾到解，傾到攰又再可以繼續吃下野，所以非常喜歡午市嘅放題。因為方便大家，就選了係公司附近的這間OPC嘅大滿喜，這間放題整層就它一家，環境不錯，去廁所就比較方便，不像有些商場去廁所都要排長龍！我更加喜歡嘅係佢嘅wasabi係包裝嘅，比起其他成樽放係位檯嘅要衛生得多。一坐低左，忍唔住先行去拎d冷盤同飲品，冷盤和甜品、飲品、還有人參雞湯都是自助的，很方便，但我記得之前呢個人參雞湯係要畫單先有㗎，呢次係任你自己去攞，雖然唔知當中嘅料係咪有幾真，但好甘甜，尤其當你食完一些肥膩的食物再飲下呢個人參雞湯絕對達到清洗味蕾及過濾作用！特別一提就是壽司和手卷比較迷你版，個刺身拼盤永遠都有一種騰雲駕霧嘅感覺，迷離得黎又添加幾分嘅“仙味”鹽燒多春魚，賣相雖然唔多好，但係好香口鰻魚同鹽燒海蝦真係放題必點嘅野，非常喜歡鰻魚個種油香又甜甜d，入口即化嘅感覺，海蝦就咸甜肉質又彈牙。總得來說食物種類繁多，飲食時間充足！是蠻舒服的體驗

今天同朋友去觀塘逛街，走累了就又來到這間餐廳吃放題。雖然是第二次來但感覺還是不錯的。這次除了必點的一些刺身，真係好喜歡佢個擺設羊架口感很香嫩，油香味十足，齒頰留香就是這種了這次還專門選了上次沒吃到的食物辣酒煮海螺，味道辣的來又有點海鮮的鮮味，好正吃完辣的再吃這鍋北海道牛乳海鮮鍋可以清洗味蕾，湯底很好喝，粟米還是非常非常甜！黃金燒帆立貝好香濃，整個帆立貝只是周邊燒了下，鎖緊了帆立貝的鮮味。七味牛舌串和海蝦串，這個牛舌串和少少胡椒粉配搭非常好，而海蝦也是，蝦肉新鮮及彈牙我最喜歡的還是浦燒鰻魚，入口即溶，香香甜甜我的最愛還叫了榴蓮炸彈，味道外脆內甜吃飽之後就走去自助拿甜點，試了幾種，甜而不膩吃完甜點再喝杯柑橘茶清清口這次我還發現有些食物上次根本沒看到過的，應該有更新菜式，這樣使第二次來的我更添新鮮感，很不錯的體驗。