大澳餅店

营业中

休息中

📍大澳餅店 (大澳) 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️沙翁 ($14) 冇得去旅行就緊係要喺香港搵多啲地方去下玩啦！😆 黎到大澳，一定要試下呢個咁出名既沙翁！咁啱今次去到仲要新鮮出爐炸起，😍 沙翁超大粒脹卜卜咁，攞上手仲熱辣辣，🧡金黃色既外表為佢加左唔少分！沙翁充滿蛋香味，加埋砂糖令到口感豐富左！佢既外層唔會有過多既砂糖沾住，食落去超級鬆軟，絕對做到外脆內軟，空氣感滿滿！😈 而且雖然係油炸過，但係食落一啲都唔油，令到罪惡感都即刻減輕左~ 黎大澳一定要試呢個呀!! 𝑨𝑫𝑫𝑹𝑬𝑺𝑺:📍大澳吉慶街66號66 Kat Hing Street, Tai O

大澳沙翁聽就聽得多，但今次就第1試。果然名不虛傳。我地一行人大概11點幾12點入到大澳，路經大澳餅店既老闆娘話新鮮出爐，岩岩炸起，我地就被吸引過去。睇住盤沙翁新鮮熱辣老闆係度沾緊砂糖上面，又未有人排隊，我地都即刻買左黎試。13蚊一個，唔算平，但有幾可成日黎大澳，所以值得一試。大小適中，咬開非常鬆脆，有空氣感，雖然油炸但唔會有個陣好油既味，亦唔會成口油，甜甜地唔漏，係輕輕鬆鬆既街頭小甜點。黎大澳必食👍🏻遇到新鮮出爐就更加唔好錯過!

去過大澳 應該都見過呢間長期有人排隊嘅餅舖事關佢每次出爐嘅數量都唔多 買唔買到真係靠下運氣喇🤭 有機會等1-2輪🔖 ᴛᴀɪ ᴏ ᴅᴏɴᴜᴛ標榜「蛋之香、糖之甜、回味無窮」果然名不虛傳 一試難忘(`･ω･´)ゝ大大粒 脹卜卜 沾滿白砂糖 外脆內軟鍾意佢口感軟綿並帶有空氣感 有啲似梳乎厘班㦸而且唔會太甜 不過記得趁熱食費事影響口感～

.2021.05.01.原本以為沙翁賣晒，但返轉頭發現仲有人排隊嘅😯，原來店主意思係因為唔想排隊排到隔離鋪門口，比隔離鋪頭話，所以一直叫諗尾唔好排隊、而龍尾又誤會左賣晒叫人唔好再排🤣～ 各位去食嘅話記得店主呢句係叫你遲少少先再嚟排😋‼️.呢個沙翁都喺等大約半個鐘，每次炸起都喺得幾個沙翁😱，個個都一買就幾件幾件，好彩見大約幾分鐘就炸起一籃，仲要唔太多人～～～只係排左一個灣位，所以半個鐘到就食到啦😎🤫.本來都喺想買一份🤣，不過諗落都係買2個，🥲好彩真係有買2個‼️真係⋯超級好食😆😆😆😍！新鮮炸起唔單止熱辣辣，入面仲要超香蛋味😩，早知再買多一個啦🥲 我哋唔夠食啊😩～ .💰HKD13/個

無錯一d都唔誇張，對我黎講呢個沙翁真係「驚為天人」！可能本身對沙翁無咩期望，覺得可以好食得去邊呢？點知......門面簡簡單單，但keep住人流，大家行過都會買個食下一個沙翁只係$13，CP值相當高每次都只出爐少量，代表住所有沙翁都會係熱辣辣送到客人手上！店家都會keep住出爐，所以每一round都唔會話等好耐~一咬落去，~哇~不得了~好重蛋香味，個口感係類似蛋糕同麵包之間的質感柔軟得黎又有d咬口而且充滿空氣感~成個沙翁其實一d都唔甜淨係靠外面d砂糖帶出甜味所以一d都唔漏好食到我又Encore左一次🥰🥰🥰另外仲有d糯米糍同椰絲撻賣我就無試啦~臨走買左支檸檬薏米水，酸咪咪幾開胃幾好飲~

放假去大澳玩 當喺香港去旅行🤣每個人去大澳都話要試沙翁因為好多人買 沙翁長期新鮮出爐😜表面唔會太多糖 唔會太甜咬入口超強空氣感 非常鬆軟😋路過嘅話不妨買嚟試下 係個唔錯嘅街頭小食😚

網上好多介紹大澳有乜嘢係必食嘅，不過真心覺得好多都唔係我杯茶，但係呢一間真係唔錯，排長龍都係值得嘅。老老實實，沙翁本來就唔係啲乜嘢複雜嘢，不過始終係油炸，所以如果唔係一整好趁新鮮即食，個沙翁嘅口感同味道都會隨住時間急速下降，好多時市區食到嘅都唔好食，大部份都係因為炸完放咗一段時間，搞到個沙翁凍晒兼啲油走晒出嚟油淋淋咁。呢間因為即炸，而且流量快過製作，所以一定新解熱辣辣，味道自然有保證，所以咁多大澳美食之中，我會投佢嘅沙翁神聖一票。

即炸即食沙翁，一炸起熱辣辣好好味。😋剛炸起嘅沙翁醮上沙糖，外面熱辣辣，入面好似梳乎厘咁軟熟，一啲都唔油。但記得絕對要即刻食先會脆口，凍左反而會冧晒仲成口油。必食推介👍🏻

沙翁大個到有啲驚訝仲要新鮮岀焗嫁 每次10個左右啦應該好多人排隊等 但keep住整起都好快既 唔洗等好耐 包你食到最新鮮個個拎到手熱辣辣 咬落去入面軟 外面少少脆 好重蛋香味呀 仲要滿嘴砂糖 好正 好多人買幾個拎返屋企食添呀

幾日假期，雖然無得去旅行🥺但其實香港都有好多值得大家去嘅地方📸！本人就襯長假期嘅最後一日，去左大澳一遊🤣 🥐沙翁 ($13)黎到大澳一定要試佢最出名嘅沙翁🤩岩岩炸起嘅沙翁，內裡又軟又熱辣辣🤤加上外層舖上砂糖，完全做到外脆內軟嘅效果😍真係本人👧🏻食過最好食嘅沙翁👍🏻！大家黎開大澳，真係要試下🥳好食指數︰9.5/10 🌟建議大家最好5點前黎買🥲因為係5點鍾左右，本人就聽到話今日嘅籌派晒，冇得賣🌝順帶一提🤪好食嘅野自然係要等，本人係等候時間就去左隔離嘅貓貓CAFÉ玩左半個鍾🤣最後附上可愛貓咪寫真一張😚

假期千辛萬苦入到大澳🚇🚌，今期必食推介👍係「沙翁」，不停新鮮出爐，即炸即賣🔥，買咗即食😋😋。個個客人都不厭其煩地排隊等出爐，目的只為呢個新鮮熱辣嘅沙翁。估唔到呢款於7⃣️0⃣️、8⃣️0⃣️年代紅極一時嘅小食 ，可以係大澳懷舊一番。只係用麵粉、雞蛋🥚、水💧、砂糖四種簡單材料，就可做出一個金黃香脆、外鬆內軟嘅沙翁。炸嘅時間同技巧亦好講究，呢個沙翁攞上手💁‍♀️💁🏼好輕盈，又完全無油膩感，食咗都唔會有罪惡感😂。

炸得外脆內軟 外層唔會好硬 咬開好有蛋香 當然白沙糖將個口感同味道更加提升 所以第二件我係叫多糖😆平日都好多人幫襯 都要排隊 但要排隊我都好想食多個要排隊都有個好處 會係新鮮炸完攞出嚟賣 熱辣辣正呀13蚊一個 係貴左少少 但山長水遠黎到都會食

好多人入大澳都係食沙翁😍平時好少食 不過見係名物 點都要試吓😌遠遠就已經見到人龍 仲有好多人企喺執邊食緊 真係好誇張🤣.📌沙翁 $13全部都係新鮮出爐熱辣辣 冇限你買幾多個 叫到你籌先買😝所以想食真係要等吓 因為佢每次都淨係出一盤🙈個沙翁即刻炸起 再放落啲糖到碌 真係好治癒 成舊都係糖🤤雖然話即刻食係好啲 但係真係好熱 要小心啲‼️個外皮冇我想像中咁脆 食落有啲似泡芙🤔同之前喺麵包舖食嗰啲唔同 麵包店嗰啲係偏煙韌嘅麵包🥯嚟呢到食應該係正宗啲嘅🤫不過我自己麻麻地 覺得個味好似油炸鬼 好大陣油炸嘅味😢但係個蛋香味係重嘅🥚食幾啖可以 但係食多啲就會好滯😣

好耐無食過沙翁，一來係好少麵包鋪仲有賣，二來係就算有得賣都唔好食，放到凍左d油滲曬出來變得唔脆，真係no good🙈來到大澳，個個都推介呢間嘅沙翁，果然名不虛傳👍🏻👍🏻👍🏻因為真係好多人買，所以keep住都係新鮮出爐。一拎上手熱辣辣，摸落去都算乾爽，當然啦，食得炸嘢就預左係有油，好食就唔好計卡路里住喇😂咬落去非常鬆脆，砂糖份量適中，唔會好甜。最驚喜嘅係蛋香味濃，好好食，忍唔住會想食多個😋

🍩 每次行完山入到大澳都會去排呢間大澳餅店買沙翁😽而每次都會有條人龍排緊隊皆因佢係即叫即炸，熱辣辣，外脆內軟🤩食落好有蛋香味，13蚊大大個❤️行完山係要補充返能量既