大當家粵皇食府 (已結業)

同老公2個人行到倫敦廣埸睇吓有咩好食.係入口處放左好多間餐廳酒樓既招牌.可以睇有咩特價餸菜.見到大當家有一蚊义燒或一蚊炸蠔好似好低食.所以試一下.晚飯時段我以為好多人.但去到加埋我地只係得六檯人食飯.市道真差...嘩...睇完個餐牌嚇左一跳.邊有咁低食.係大菜牌既小菜一律8折.其他特價餸都好低..$1蚊..炸蠔..以為1蚊會比好少同細隻..點知有4隻同埋都幾大隻.食落口唔太油和粉槳好薄.$88蚊.既海鮮雙拼.薑蔥炒蟹+蒜容粉絲蒸聖子..蟹1隻都唔錯.估唔到聖子會咁多隻.好新鮮.$48蚊冬瓜浦..好多什菇.餸飯一流..2個人食剛好飽飽....

今天一家大細(兩大兩細)八點幾去完童軍中心，諗住係八樓金陶軒食晚飯，怎料金陶軒有婚宴而滿座，只好係附近揾野食。行到去莊士東廣場樓下有數個招牌，其中大當家廣告「原隻芝士龍蝦加伊麪底」$78，一試無妨呢。 上到十樓大當家不用等位(星期六晚都係得六成滿，經濟真係差呢!)，店內裝璜不太差，地方不算寛趟。因為人客不太多，所以都坐得幾舒服。待應招呼都唔錯，換碟添茶都好勤快。 今晚我們叫了以下菜單：1.「原隻芝士龍蝦加伊麪底」$78-以咁既價錢都預計唔會用新鮮龍蝦俾你了，上枱後發現都幾大碟，真係原隻龍蝦開邊，無偷工減料，芝士味恰到好處，龍蝦不失鮮味。伊麪份量都多，食完呢一碟都飽了七成了。阿仔話仲好味過上次係稻香食的龍蝦呢!抵食之選2.豉汁蒸帶子$8一隻，要了四隻。食味一般啦，價都算平。3.美極煎海中蝦$68-蝦有成九隻，都算幾好味。4.蒸海斑斤四両$148-蒸得有水準，條魚都幾滑。5.金銀蛋莧菜-莧菜唔夠滑，一般水準以下。6.西湖牛肉羮-份量夠,食味也不差。 埋單五佰五拾多元，一家都食得飽飽。以咁既價錢可以食到幾道海鮮，都算好抵食，下次可以再來呢

今次一行六人晚上去吃火鍋，星期日七點去到不用等位，而且有張大枱。火鍋最重要就係個爐之外，食物選擇要多、料要新鮮，更甚就是有否奇怪食材。這裡奇珍食才就沒有，不過就勝在夠踏實。湯底：甘蔗馬蹄豬排湯，但就來了一條生雞，雖然來錯但我們見隻雞係鮮雞，所以照樣全收，發覺個湯好得好清但不會無味，而且有清熱功效。加上碟雞很足料，肉質可口，好久沒有吃過鮮雞了。火鍋料：墨魚滑：鮮味有少許彈牙，好食鮮手打蝦丸：鮮味有少許彈牙，算係咁西洋菜、西生菜、唐生菜：夠乾淨、新鮮生魚片：新鮮就自然好食生鱔片：麻麻生蠔：有好多隻，有鮮味，$38好抵肥牛、駝鳥肉、三色肉拼盤：好多肉，份量和肉味都不俗另外，我們點了炸蝦腐皮卷，因為幾次傳菜時見到好似好靚，一客有十一條，腐皮本身料靚，有些蝦粒在內，炸到脆卜卜又夠熱，好好食，絕讚。六個人食到好飽好開心，侍應及經理服務不錯，大家也欣賞。有時，食飯就是常簡單、開心。

今天一行幾人去了大當家吃午飯點了很多點心和飯面等等，最好吃的是流沙包，包裡裹著熱得炙舌的餡料，不小心使裡面的餡料流了一些出來，但仍是好吃得叫人回味另外那裡的飯和伊面也值得一試，挻好吃啊

前排同亞豬/台長/仲有亞峰一行四人出0黎食飯飯....今次就去左"大當家"食啦!!因為見到OP個個都勁讚,於是我就決家去一試......點了以下菜式:1>當家醬燒雞~皮脆肉嫩簡直係妹味到無法形容2>當家四小碟(牛展,燻啼,青瓜海蜇,)仲有一樣唔知係咩菜~十開之胃0既餐前小食,而且當中 以青瓜海蜇最為突出好味.3>京蔥爆羊仔片~全晚最失敗之作......因為D肉片真係太SO啦!!4>砂鍋魚雲煲~正!!我地點呢個菜,都係因為比隔離枱上菜D味吸引點0既...CCCC可想而之係幾咁香呢^^5>西蘭花炒雙鮮(桂花蚌,貴妃蚌)~比起出面D中菜,呢到0既小炒水準真係高DD0既."大當家"之所咁多人讚原來真係有佢過人之處!!除0左有好廚師佢地仲有一班好好服務0既樓面(因為我遲左45分鐘先到,攪到台長同亞峰齋坐了半小時以上,枱面只有茶,D侍應同經理都好細心同面帶笑容去招呼佢地).因此我亦都希望在此表揚一下佢地^^下次有機會,我都一定會再去食多一次!!

星期期黎飲下午茶,人唔算多,有吉位,下午茶時段係兩點至四點,我地坐足兩個鐘。值得一讚係店員態度友善,而且有禮,都幾難得!食物方面,算係一般,唔差,但又唔係話好好,OK啦!肉碎薯粉:我未食過薯粉,唔知用咩做,但係透明粗身,好似粗左既粉絲咁,無乜味道,但係碗粉有好多豬粒,仲有冬菇粒,清清地,而且唔細,我覺得好味,幾鐘意!蘿蔔糕:一碟三大件,幾抵食,有蘿蔔味但係煎得唔夠燶,唔油膩,都可以!炸雲吞:竟然隻蝦唔細,又脆口,算係比我想像中好喇!粉果:度既粉果竟然好清,估唔到,肉少菜類多,不過個皮都係好厚,適合愛清淡人士!雞紥:好漏,好油,我唔太喜歡!叉燒膠粉:十分一般,叉份量適中,唔肥唔瘦.無乜意見!香茜牛肉球:呢佪係下午茶時段最抵,竟然只係$3.8,以為佢會少d料,點知又唔係,一碟三球,仲要大大個,又有鮮竹,又真材實料,好味個喎,有肉有香茜有馬蹄粒,真係好抵,必食!

星期六一行12人晚飯, 8時只得7成滿, 所以環境都算舒服, 侍應服務都幾好.我地叫了10樣菜, 2款湯, 平均食物質素都Ok, 燒雞同一般小炒都幾好食.最後叫了4個壽包同4個奶黃流沙包做甜品, 問題就來了. 上枱時個壽包真係好大個, 奶黃包就是黃色的, 見到都幾開心下, 可惜, 蒸得太熟了, 包很實, 內裡全無流沙, 很失敗, 本想退貨的, 但因食飽了就算數, 餘下一大半, 美中不足!埋單每人約$100, 又真係幾抵食的.

上個星期同d朋友一行十三個去咗食埋單竟然每人一百蚊有找咁既地點同環境真係好抵d野都幾好食尤其係個燒雞真係意料之外咁好食雖然係冰鮮雞但d皮好薄, 咬落有聲,d肉都ok滑真係可以話係一大班人的理想飯局地點

有空與家人一起去飲茶，他們多是來此＜大當家＞飲下午茶，因人不太多，又不嘈雜，而且又是舒適，價錢也適宜．當家醬燒雞，皮脆肉滑，又很入味有多肉，另上的醬汁用上豆豉等來做，也很美味，$45半隻又加了時菜一碟及一窩河粉,價錢都很適宜，不過河粉就一般，因他們用了炒河的河粉來作湯用，失了點分．招牌流沙奶黃飽就真的美味，黃危的造型，已是眼前一亮，劈開後，奶黃又流出來，吃落很軟又不太甜，十分好味．其他又叫了，叉燒腸粉，牛肉球，灌湯餃，蝦餃等，真叫真蒸，也是不俗．

沉船版搞團年飯, 友人提議係呢度食~~共7位船長出席, 包括一台灣船長. 另外還有一日本朋友~~(唔通沉船版已跳出香港, 進軍亞洲?!)本來打算叫半席膠朋滿座全包宴, 可惜部長話已取消~~結果叫了一個六人套餐, 加個招牌菜羊腩煲同埋蟹肉扒西籣花.六人套餐有乳豬/蒸班/花膠/魚翅等, 味道都算幾好. 不過一叫可以上菜竟然一次過全部上齊~~搞到我以為去左大陸食飯~~羊腩煲味道好惹味~~不過個煲太細, 想整d生菜係個底都整唔到~~結果好快loan~~不過整體黎講可以話價廉物美~~滿意~~

昨天到這裏食了一個晚飯套餐, 味道麻麻, 個燒味拼盤有幾樣例如牛, 叉燒等都好咸, 個趐d味道好怪, 超甜, d趐唔似趐, 個流沙包至差. 個包好硬內裏凍冰冰, 其他菜水準一般, 講唔出邊樣好食.

上星期六，同朋友無意中去倫敦廣場，随便走進一間酒樓吃晚飯，就係咁幫襯咗大當家。5個人，點咗5款小菜，餐牌上有幾款寫住"必食"嘅小菜，於是叫咗其中兩款"必食"小菜。當晚人流不多，侍應生持招呼周到，服務一流！價錢合理，可借餸菜份量略少。

朋友介紹, 一行8人, 幫襯了第一次, 很滿意，而且都會再去.這店設計很舒適, 但由於有不少大玻璃窗可望出街外（於10樓)，而且座位幾舒適,很好.服務很好，可能人流不多，所以侍應可以照顧到客人即時的需要, 但他們好似有點兒趕時間, 周不時會同你換細碟.食物選擇也有很多，而且超級經濟實惠，這店特價推出的送菜都很夠份量，而且都好有質素. 8個人食一個半圍套餐, 約$588, 要加1.味道好，份量足夠，價錢合理，環境舒適，埋單每人都只須$95！真抵!!!

服務一流, 食物也一流, 炒的夠火喉, 蒸魚洽到好處, 味道好好.值得再去.

當晚三人晚飯時間到, 場內很多空位, 侍應安手排了一張近窗四人桌給我, 但坐了五分鐘, 給隔籬桌的自由行旅客煩到我要轉桌, 叫部長安排另一張桌給我, 他亦照辦, 可見服務還可以.食品味道中等偏低, 蛇湯蛇肉比較少, 而其他料也算足, 味道亦可; 魚香茄子很惹味, 但油太多, 最後幾件給油浸住很難入口; 鮑汁花膠鵝掌味道偏向清淡, 但花膠未夠火候, 吃起來不夠味; 燒bb鴿, 燒起來很香脆, 鴿肉也夠軟, 但沒有"入味"的感覺, 鴿肉像完全沒製過一樣.每樣菜餚個別價錢不算貴, 份量亦夠, 雖然味道略為清淡, 以個合理價錢, 已經算是一間值得介紹的餐館, 經過佐敦又找不到好地方吃飯, 這間也是一個選擇.