大記攦粉糕點專門店 (已搬遷) 新店位置

呢度既蘿蔔糕好足料，有蝦米同臘肉，仲見到一條條蘿蔔絲，正明唔係落太多粉，足料！仲有呢度既瀨粉都好好食，值得一試！

睇左蔡瀾介紹, 特登走黎試下!老公叫左個醬醋骨撈攦粉, $25, 個粉幾特別, 第一次見人係咁整既, 門口有得睇! 個撈粉一黎到, 賣相麻麻, 骨有腍, 有"鞋", 個粉係白色既, 粗過米線, ok la! 我都係鍾意食上海麵多! 然後再叫灼生菜, $8! 我再叫多四件糕, 蘿蔔糕及芋頭糕(叮熱), $8, 前者好多蘿蔔絲, 後者既芋頭唔太鬆化, 再叫埋桂花糕及馬蹄糕, $8, 凍食, 煙煙"un""un", 清清甜甜, 唔錯! 臨走時, 老公話要買蘿蔔糕, 買了一底, $20! 位置都近地鐵站, 不過黎既時候要查下地圖先!

果到果ｄ瀨粉好好味，好大碗．好抵食！！！一家大細去食都幾好！！特別ｄ牛腩超正！！有機會一定再去吃！！

醬醋骨攦粉$23餐牌上寫:攦粉=即造瀨粉, 其實睇完都唔明, 食落就有瀨粉質地, 但又唔係透明, 同埋無咁爽口, 都幾得意. 味道就ok 啦. 碗粉都幾大碗, 仲有菜同菇, 幾足料.醬醋骨, 有d薑醋隻醋味, 幾入味, 好淋, 好味! 仲有青瓜做伴菜tim.所有糕點$4/件. 大大件. 雖然賣相一般, 但味道好好wo! 尤其是蘿蔔糕同芋頭糕呀!蘿蔔糕好淋, 好重蘿蔔味, 一絲絲蘿蔔, 配料又足, 蒸, 好正!芋頭糕自己本身好鍾意食芋頭, 芋頭糕比較硬身, 入面有好多一粒粒好大粒芋頭, 粉唔多, 芋頭味好濃, 好好味!馬蹄糕唔係透明, 好似大菜糕咁, 好膠身. 但馬碲粒好大粒, 味好重. 我唔係咁鍾意呢種味.桂花糕又係大菜糕咁, 面頭有好多桂花, 都食到桂花味, 但加埋d大菜糕味就有d怪lor.仲有紅豆糕同眉豆糕, 太飽啦, 試唔到lu! 不過都見到好足料lor.

這裡見到一間用攦不用瀨的食店,感覺有趣新鮮便去一試. 坐下來遇上相信是老闆的男士,推介了一碗燒鴨攦及一碟墨魚燒卷. 初頭眼見一碗烏冬端上來, 還以為忙中有錯, 一問之下, 那位男士才細說一番那就是瀨粉的始祖-攦粉.吃了一口, 感覺跟烏冬沒有兩樣, 既然要給成廿個大洋去吃, 當然要品嚐清楚,才發覺別有一番風味, 好重的米香, 老闆說是加了粘米之固. 如果有幼條選擇可能會更好.說回那三條墨魚燒卷, 啖啖墨魚香, 是愛吃墨魚的我少吃到如此美味的小食!在我回味那墨魚卷的同時,老闆又走來串門了一會. 既然聽又唔使比錢, 便洗耳恭聽了一會, 才知道原來老闆是中山(忘了是否叫作三鄉的地方) 人士, 在中山溫泉附近還有家族經營的大記酒家, 由數十年前自家製攦粉起家, 除了攦粉還有蘿蔔糕. 最初還以為佢想'坤' 我再消費, 打算聽多陣就結帳打道回府, 準備起身之際, 實在枱枱都有碟蘿蔔糕, 最後神推鬼擁, 我就來了一客蘿蔔糕.蘿蔔糕嘛, 實在令我了解回頭是岸的道理, 好彩我沒有就這樣結帳, 這裡的蘿蔔糕比'尾心' 仲好味, 十足有料不欺場!!最後我仲買了一底, 三十幾個大洋看似貴過人, 但係我覺得

姍姍來遲,永合隆準備打烊,隔離的大記瀨粉仍然繼續營業.此"攦"粉不同彼瀨粉.大家雖然份屬近親,這種攦粉無論質感,口感,味道,也同瀨粉有所分別.沒有瀨粉的滑溜,質感同烏冬或魚麵一樣的粗.可能加了粘米粉之關係,米香亦更重.這個燒鴨攦粉,燒鴨另碟上.個人喜愛放湯上會好一點.其豬骨湯底味道略淡,如果一早放燒鴨在粉上面.鴨油滲進湯底,連攦粉一併"索"入口.簡直人間美味.可惜這個燒鴨比較乾巴巴,鴨油亦唔多.或者下午前來會好一點.再來個蘿蔔糕,材料足,面頭蝦米臘肉滿佈,吃落真的啖啖蘿蔔絲.質感相對地淋,蒸好過煎.如果在隔離永合隆,打包乳豬同叉燒,來到只叫碗淨粉,會是甚麼樣子?

07.01.20 大記攦粉@太子兩個月前來吃，一直忘了給食評點了招牌燒鴨攦粉配料及麵條是分開上桌的才可以嚐到清清的湯頭麵條還會送上幾片灼菜及草菇，很健康攦粉，是瀨粉的變種比較粗糙，更有米香，而且不會像傳統的瀨粉用筷子永遠夾不穩燒鴨很香，皮還有點脆脆的最喜歡沾酸梅醬，更能突現燒鴨的香味！另外試了該店的中山茶果（紅豆）茶果端上來還是暖暖的皮很有黏性，QQ的紅豆餡很幼滑，又不會過甜本來巳經很飽的我，還是忍不住把整個吃光終於，找到一家比大澳阿婆更好吃的茶果！http://www.wretch.cc/blog/foodiebarbie&article_id=6299358

16/2(五) 6pm年廿九,處處提早收爐,公司早收一句鐘,總好過無.於太子會合男友打算吃個簡單晚餐便悠逛花壚.男友提議到此攦粉店試試.乍見店內堆積如山的賀年糕點,原欲試之,卻早已一件不留的售罄了.最後只點了墨魚卷攦粉$23作淺嚐.先說攦粉,湯底平平無奇,攦粉也如事,口感及外型跟米線大相逕庭,亦談不上極佳口感.相比之下3條外型粗大的墨魚卷彈牙爽口鮮味具備,內含墨魚粒及馬碲粒豐富口感,屬優質貨色!蜻蜓點水的試食體驗,一次已夠!

睇左飲食x女見佢個"胡頭高"好正...又唔係好遠,只係係太子咁咪去睇下6點鐘去到同呵姐話要..呵姐話咩高都賣哂左...好多客人都幾躁.一聽到話無就走左...我就呢到睇下果到睇下.比我睇到呵姐有塊毛巾蓋著幾底.問呵姐:靚女,呢到唔係有咩?呵姐:呢d留比熟客嫁.(我就用我楚楚可憐的眼神,望著佢):靚女,我好慘嫁咁遠黎到你唔賣比我..(哈哈!咁都比我電到佢!)呵姐:見你咁靚仔,比你啦!買左:胡頭高,羅白高,馬蹄高各一底返到屋企仲熱..先就咁食羅白高,見到一條條羅白絲...真係正到爆!好有羅白味,不過未食主菜,胡頭高!胡頭,馬蹄放入雪櫃過幾日再煎黎食!!好正但係好貴,38蚊一底,平時30蚊一底姐.乘機加價,真係唔係咁好!

I Think 都好味* 不過係又係好快冷!$23都合理呀!!因為個師父由開張到E加都未放過假播!不過D糕點真係好好味呀!!!如果出去第2到食,,好似蘿蔔糕會冇咁好味LOR*D馬蹄糕都清爽*不過好唔多中意...仲有最重要ga係佢唔落防X劑sin好呀ma*好似e+出左好多new ga糕點*我都食過,,好似椰汁糕咁..好正嫁!不過係係中山ga家鄉流傳落黎,,and個d唔係米線=-="係唔+澄麵而用軟ga糯米粉團好辛苦咁做出g嫁!!

究竟乜嘢叫驪粉?入到去先知道係佢哋號稱來自三鄉嘅正统瀨粉...咁就要試試嘞...有米香，比較鞋身，有咬勁，跟普通瀨粉果然有所不同...但未致於一試難忘嘅....配角嘅牛腩反而有少少驚喜--- 淡淡嘅五香味，炆得幾腍，不俗...得閒行過試埋自製蘿蔔糕先(因今次太飽食唔落la)..

見佢新開張就試吓啦！叫咗個醬爆丸瀨粉。我覺得唔係好好食囉！因為D瀨粉似米線多D囉，一D瀨粉ge感覺都無。D粉一D咬口都無，份量又係小得過分，食幾啖就無晒喇！D丸都係無特別。湯底又唔香，好似味精水。反而D蘿蔔糕网芋頭糕就唔錯，不過都唔平，四蚊一件，唔係好大件gar jar！我覺得大部分人都係試一次gar jar，隔離有間食10面，份量比呢間多，質素又差唔多，無必要俾貴咁多囉！

其實所謂既攦粉都冇咩特別,只係粗d既瀨粉,而且一d都唔滑,仲有d粉添,個湯一d味道都冇,個樣同滾水一樣,d餸就一般,唔難食,不過$23一碗冇味既麵就一d都唔值囉,最離譜係飲品,我叫左一柸$16既熱柚子茶,個柸細到兩啖就飲晒,仲貴過仙跡岩,而且又唔夠甜,完全覺得比人搵笨,籮白糕亦都唔好味,好硬,而且唔夠熱,我同個阿姐講唔熱, 佢就幫我用微波爐叮番熱佢,唯一我覺得食得入口既係用微波爐叮熱既馬蹄糕囉,以今餐咁既價錢,係隔離可以食到4碗好味既麵啦,所以我以後都唔會再去呢間野

第一次去, 叫左醬醋骨攦粉, 味道唔錯, 不過醋味淡左d, 唔夠香, 而且上枱只係暖暖地, 好快就凍另外試左蘿蔔糕併芋頭糕, 糕身比較硬, 材料幾多, 有好多蘿蔔同芋頭, 可惜係蒸糕, 無煎香, 比較遜色

12月01日21:00因太座已有約，下直巴後不需趕回家。見蠔仔粥店和蛇店都滿座，便一試這新店。要了柱候牛腩攦粉，牛腩和攦粉分開上，賣相不錯。攦粉：即製攦粉(瀨粉)，白滑而有口感，不像一般半透明而硬硬的瀨粉。配料有清甜西生菜、鮮甜草菇、惹味充菜、竹笙和肉碎。牛腩：淋而入味，個人感覺味稍濃，配上爽口的涼拌青瓜。整體物有所值，這店還供應各種中山糕點：粉果、茶果、蘿蔔糕、馬碲糕等。題外話：現時食店流行食物上前叮一叮，個人覺得怪怪的，為可不用其他傳統方法保溫？