大記攦粉糕點專門店 (已搬遷) 新店位置

平時搭小巴回家一定會經過此店望見個招牌...又唔識讀...對此店十分好奇晌開飯睇到食評唔錯,有一日放工同老公專程黎試試兩個人叫左一碗雞酒攦粉,一個金茹牛肉卷攦粉(中麻辣湯)+一個海鮮手打烏冬先黎一個金茹牛肉卷攦粉,麻辣湯底夠晒味,好好味(不過唔知係咪放左味精呢)等左一陣再上海鮮手打烏冬,食落個feel好似狗仔粉咁,麵身較厚,個湯有好香既蝦米味,不過唔明點解叫手打烏冬既~最後,黎埋個雞酒攦粉,眼見上面有好多薑片,湯底好清,但雞既酒味不足...如果再酒d就好喇,雞肉較 " 鞋 "不得不提,個攦粉真係好好味...好滑...阿姐話比我地知,攦粉即係新鮮既米線,但麵身比米線粗...本身我好鍾意食湯麵,所以有時間一定會番黎架我!!!

呢個地方o係係太子MTR 旁好易搵去到之後見到佢出面已經有好多人買佢既甜品, 佢唔止大家所講既糕點, 仲有d 中式糖水, 不過未食攦粉, 緊係唔食甜品住啦!大部份攦粉只係$15, 真係抵食, 不過去到想食最hit 既墨魚卷就冇哂喇, 當時係7點幾左右, 佢有d 特別d 既好似炸魚球, 就$18, 有個酸甜排骨 (唔係好記得) 就$25, 如果加料就加$5我就食左個$18有3粒既炸魚球攦粉, 加$5 有豬腩肉, 掂呀! 炸魚球大大粒, 好好食, 有3粒, 佢一碟6粒都收$2x, 而家$18 就有3粒, 我覺得抵不過呢, 佢既份量唔算大, 不過以一般$15既來計, 算好食得過!另外order 可以平價去叫飲野, $5 就有一杯熱/ 冷桂花茶, 正!我太貪心喇, 之後仲order 佢地挂介既餃子, $15好似有8隻, 唔錯, 如果唔夠食既, order 呢度既餃子都係一個好選擇!最後當然外賣$20, 一共6件糕點, 我都忍唔住, 見到佢大大個牌寫住係choi 生推介既糕點, 緊係買左之後即刻試下啦, 同大家所講既都係一樣, 雪耳o個件幾特別, d雪耳整到好碎食入口有d 似食雞軟骨咁既口感,

大記攦粉名食家推介,又是香港首間即做新鮮攦粉,它的粽電視也介紹過,很有來頭。我吃過糖醣排骨、墨魚卷、鯪魚球攦粉,全部的糕點。先說糕點,大部份都是一般的味道,只有桂花糕、馬蹄糕出色,這兩類糕點吃下去,味不太甜,嘴裏有淡淡清香散發,很舒服的感覺。而它的糖醣排骨清湯底攦粉,排骨的肉不是軟軟的,味道一般,湯底方面很差勁！清湯一口喝下去很淡味,只嘗到大量味精的味道,喝下去命都短幾年,only水加味精,很低級的味道。而攦粉的味道很獨特,不是平時食店吃的,好吃,不過質感方面,我覺得太淋沒有彈性。在繁忙時間,大記會先把攦粉煮熟,然後分在碗子裏,直到客人苛打時便再煮,經過兩次的煮沸,過了火,麵身便會軟而不彈。墨魚卷酸辣湯底攦粉,酸辣湯底的味比清湯好得多,天同地的分別。我最喜歡大記放了紫菜下去,紫菜有海洋的味道,就像日本人用昆布原理一樣,讓整碗粉湯添了一個"鮮"字,很聰明的做法。墨魚卷、鯪魚球好吃,可口!可是還是滿足不了我,因兩者都欠了彈性,墨魚卷、鯪魚球咬下去是軟軟,有一種怪怪的感覺，我想魚肉一定拍打時間不足夠,空氣沒打進去,不能起膠,沒有黏黏的質地,因此引致不彈牙。最後說這裏的粽,粽是放在店鋪前,

10 蚊3件糕，好似好好味，加上嫲嫲鐘意食呢啲糕所以我嘅UNCLE 買咗30蚊有椰汁糕，南瓜糕，紅豆糕，綠豆糕﹐芝麻糕﹐馬豆糕，馬蹄糕，蘿蔔糕同芋頭糕椰汁糕: 香，滑，但不夠濃味南瓜糕: 第一次食，感覺唔錯，有南瓜的香，唔太甜紅豆糕: 味道OK，但豆硬綠豆糕:同紅豆糕一樣，豆硬芝麻糕: 我覺得最好味，好似固體版香濃味芝麻糊，軟，滑，甜度剛好馬豆糕:比其他豆類糕好，豆唔算硬，不錯馬蹄糕，蘿蔔糕同芋頭糕: 味道是好，但還是自己工人弄的比較好，不過如果要比較的話，比外面食肆好總結: 好味，各種糕都可以一試!!

見到今期攦粉咁"紅"，去試試先~，星期日晚飯時間七點鬆啲，唔多人。餐牌有唔少選擇，揀咗"墨魚卷攦粉"、"油菜(得生菜啫)"、芝麻糕，好細心墨魚卷同攦粉係分開上枱，唔怕墨魚卷浸咗湯唔脆，墨魚卷炸得好香好脆，墨魚味十足，正! 攦粉就第一次食，好似粗身啲嘅米線咁，又有啲似圓身嘅烏冬，加埋啲配菜同湯底(清湯，仲有酸辣同麻辣揀)，味道十足，有米線feel。芝麻糕作為甜品唔係好甜，但因為份量足有兩件，一個人食都幾多，唔太甜反而合適。芝麻味濃，口感較實，同細個果時食過嘅唔同。

呢日同師兄甲夜晚出太子搵食~ 見到大記一於去試下~店舖唔大~人氣幾夠~心諗都應該可以一試~入左鋪之後就趕緊目測一下其他食客嘅食物一睇~心存戒意~ 個碗攦粉同menu相片差幾遠下!一於按兵不動~讓師兄甲先行上陣殺敵~~佢叫左碗雞攦粉~ 加一個炸墨魚菤~攦粉你可以想像為粗版嘅米線~ 雞:普通到我唔知用咩來形容佢....我就睇定d先~ 叫住件芋頭榚同埋南瓜榚先~自稱是"糕點專門店" , 無特別! 料唔多~ 講完~野飲就要左個兩支唔知咩蜜~ 話係該店推介~講真~ 我又唔覺得有咩咁好飲~唯一幾好嘅就係炸墨魚菤~咁係因為佢幾新鮮~ 唔係因為佢好有墨魚味見到咁嘅勢~即刻鳴金收兵~ 去第二間食過!佢D野OK平~ 不過,一次即可~

行完尖沙咀過左太子果邊!咁難得過到黎!緊係要試下攦粉啦唔難搵但唔近旺區果邊!豬頸肉攦粉(酸辣湯底) $18我食!我以為酸辣湯底真係上海菜果d酸辣湯xd豬頸肉肥左少少!但幾香!攦粉質感幾得意!有飽肚感!仲有少少菜果d雞酒攦粉 $18媽媽食!好好飲個湯!勁香!(我偷食)媽媽成碗清晒!哈哈切雞攦粉(清湯底) $18姨媽食!不過佢食唔晒d粉!我負責清晒佢xd媽媽果個雞酒攦粉好出色!!!又係半價叫飲品!同媽媽各叫左凍檸茶好香茶味!d茶又唔苦!好飲!之後又忍唔住外賣左d糕點!堂食要8蚊2件!所以外賣10蚊3件係平d2件芝麻糕!2件紅豆糕!1件忌廉南瓜鮮奶糕!1件馬蹄糕番屋企諗住切一小角食!結果食下食下食淨少少only xd哈哈真係好好味!芝麻糕勁香芝麻味又唔係太甜紅豆糕既紅豆好淋!忌廉南瓜鮮奶糕好香!又有南瓜粒粒反觀馬蹄糕可以唔買xd因為同我自己整既一樣味道xd我好想試綠豆糕/_______\但賣晒!

叫左墨魚卷攦粉，墨魚卷好好味，好彈牙，好香口，又唔油膩。桂花茶唔會好甜，都係好好味，又香。食飽想試埋好多紅豆既紅豆糕，點知阿姐話賣哂喇！最後食左桂花糕，好清。間舖唔算大，但有好多客，服務都幾好！最後我地先發現原來ｄ糕外賣係十蚊三件，而堂食就四蚊一件。

點了下列菜式﹕切雞攦粉:切雞有四件，幾好味!肥牛攦粉﹕不錯。小食:炸墨魚餅，必吃。南瓜糕:充滿濃濃的奶味和南瓜味!正!芝麻糕:正!馬蹄糕﹕我歡意!十元三件糕點，還有馬豆糕、桂花糕、紅豆糕......唔記得啦!仲有其他!

吃了以下東西桂花茶 ~ 口感幾有花味(煎) 蘿蔔糕 ~ 有蘿蔔味, 係好有果種(凍食) 紅棗雪耳糕 ~ 未試過, 幾清甜(煎) 芋頭糕 ~ 好多芋頭, 好夠香雞酒攦粉 ~ d 雞骨都充滿酒味菱魚球攦粉 ~ 菱魚球好大粒, 好有咬感.價錢加品質, 一定要再來

同大朋友在此店開飯。雞酒攦粉+腩肉：雞好香酒味，雞肉算滑，腩肉好肥，攦粉唔知什麼味道，只知好滑，根本不用咀嚼便流到肚子裡香炸墨魚卷：表皮香脆，墨魚肉彈牙煎蘿白糕：香口，一絲絲的蘿蔔絲，臘肉不多煎芋頭糕：芋頭一粒粒，美味走的時候，在門口看到紅豆糕好多紅豆，下次再來，一定要試下！

17/10 星期六 第一次去呢間舖頭食, 我地叫左個炸雞翼攦粉, 炸菱魚球攦粉, 佢地炸野係會分開上既, 起碼唔會浸到濕晒, 啲炸雞翼炸到好乾身, 咬落脆身但內裡啲肉係唔"鞋"既, 炸菱菱魚都好好味, 至於啲攦粉呢, 望落好似烏東咁, 但佢比烏東軟身啲同食落淋好多, 臨走時必定買既糕點, 真係好抵呀$10有3件, 我地要左桂花糕, 芝麻糕, 椰汁糕, 紅豆粉, 馬碲糕, 馬豆糕, 除左紅豆糕有啲甜之外, 其他糕都唔太甜, 幾好味!

第一次係下午一點幾黎到，兼且係星期六忝~ 估唔到原來真係可以全場滿座 可能我多數係平日既11點半左到，所以就可以揀位忝 不過我今次都算好彩呀，入到去剛剛有張兩人桌食飽走人，所以我同我第一次帶佢黎既朋友先有位而又唔駛搭檯or被搭檯咋~今次我又係食我既至愛「豬腩肉攦粉」，我朋友就...佢見到個餐牌都唔知點揀好...佢話樣樣都好似好吸引，佢唔識揀啦 最後，佢就揀左「扎肉攦粉」。而我為了滿足佢想試哂d野既願望，我就多叫了﹕香茅雞翼、炸墨魚卷及蘿白糕「豬腩肉攦粉」﹕唔駛多講啦，依然係咁好食我估我可以食足一個月都唔嫌悶~「扎肉攦粉」﹕我朋友話d扎肉都ok好味點為知ok好味呢但佢話碗攦粉上的家鄉小炒好好食我同佢既意見都係好食過雲吞麵上既果兩條菜毛~香茅雞翼﹕今次睇個賣相都覺得唔係好掂...炸得耐左啦...過哂火 隻雞翼食落去乾左dd...硬左dd咁啦 呢次有d失手...或者因為人多卦??!!炸墨魚卷﹕好彩呢款人氣食品無失準 依係咁好味、咁彈牙正~蘿白糕﹕又係無失準既美食!! 不過...煎燶多少少就香口d囉臨結賬時有段小插曲啦...話說我朋友去了toliet，佢碗粉食哂架喇，但杯飲品就仲有一大半。有個

昨晚先首次到來，今日午餐又來食我既最愛"豬腩肉"，是次仲帶埋我既好朋友---"肥豬"黎啦~因為午餐較趕時間，起初我都怕"肥豬"行得慢，好彩，佢都唔怕行得遠左dd+行得較急!我地大約上午11點25分到達，應該食得切既。餐牌一來，我睇都無睇就叫我最愛既「豬腩肉攦粉」，而"肥豬"就食得豪d，食「肥牛攦粉」，話佢食得豪d，係因為佢果碗 $ 18，而我的原本價值 $ 15架咋~ 最終我搞到佢變左 $ 25 ...因為我怕唔夠食，所以就加底再加多一份豬腩肉啦~ 我地仲叫左一客「炸墨魚卷」及「煎蘿白糕」，仲有加 $ 6 的凍o6及 $ 5 的凍咖啡，無錯，飲品都真係咁抵，真係平到笑。「炸墨魚卷」最先到，就連"肥豬"試左都話好食~ 佢平日叫我唔好食咁多熱氣野，但佢今次都食左唔少咁就證明呢款小食真係唔錯啦~我碗超級「豬腩肉攦粉」到喇~ 嘩!!!今次既超級份量真係幾好，我好喜歡食落去仲...好食到不得了~ "肥豬"的「肥牛攦粉」都到喇!! 賣相都唔錯，佢話個味都好ok，佢居然揀左 酸辣湯底(佢平時唔係好食辣架!!)，但佢都話碗攦粉好食丫~「煎蘿白糕」最遲來，不過就熱騰騰的，十分「正」~食得出有蘿白絲，有腊

呢度咁多人話攦粉好食，今晚放工後，我就黎「尋舖記」啦~都係自己懵下懵下，行左少少冤枉路，however，最後我都成功到達。原來，間舖頭都唔係好難搵啫~講返野食，當我一打開個餐牌...嘩~ 咁便宜既?? $15至 $18一碗，最貴既都只係 $20!!! 最後，我揀左我愛既腩肉攦粉配酸辣湯。另外，我朋友就揀左墨丸攦粉配麻辣(仲要係大辣)，我地仲叫左蘿白糕及馬蹄糕各一件、炸雞翼同炸墨魚卷。炸雞翼﹕一般啦，起碼都唔係乾柴。蘿白糕及馬蹄糕﹕兩件都係煎既，都算足料，味道唔錯~ 不過，如果可以再熱d既，咁就仲好喇炸墨魚卷﹕呢味真係好熱呀!!真係十分之「正」!!呢款小食真係好彈牙，good~腩肉攦粉配酸辣湯﹕第一啖入口既係腩肉，好味呀!! 厚薄適中，合我心意d腩肉肥肥地，係我既至愛，真係...好味到唔識得形容!!!攦粉內既配菜都好好味，我朋友唔食俾埋我，真係開心~酸辣湯都唔錯，雖然未至於勁辣，但都唔錯既~ 唔係好食得辣既就可以一試!!(食辣既我就要加多幾匙辣椒油啦~)墨丸攦粉配麻辣﹕雖然我個朋友叫左大辣，但勁食得辣既佢就一d都唔覺得辣啦...我覺得佢既味蕾已經死哂... 佢俾左粒墨丸我食，都唔錯既..