大記攦粉糕點專門店 (已搬遷) 新店位置

天氣清涼,帶大人外去遊玩,今次帶她嘗試一下鮮製攦粉。雖然兩次都吃墨魚卷攦粉但製作已有不同,今次的攦粉中加了不少炒雜菜,雜菜的材料有切得幼細的四季豆、甘筍絲、芽菜外還有寥寥的中國芹菜絲,那香氣實在為湯底加分不少! 湯底選了普通的清湯底,味道咸咸的沒有太大特別之處,配合起滑溜的攦粉味道不錯就是了。第一次來吃時,攦粉在鍋上的特別器具即時下鍋煮成,現在已變成一碗碗製成品等候翻熱,在心理上是覺得有點失色,畢竟當時的鮮製真的是賣點來哦,幸好還能保持其滑溜質感。墨魚卷依舊香脆彈牙,味道有點偏咸,浸湯後會較淡口;只是今次晾油功夫不足,碟底油漬多至浸著生菜,而且看到油的顏色頗深,看來店方要更換食油了!! 煎蘿蔔糕水準保持,軟糯的糕身加上香甜的蘿蔔絲仍然味美,那煎得香脆的蝦米更增加不少鮮味,只是又是晾油方面失準,那黃黃的油份再次在碟底中出現。我們分別+$5點了凍熱桂花茶各一,凍的真的原支上桌,比單買來得化算!桂花茶冰涼可口,濃濃的桂花香味令吃罷油膩墨魚卷的月巴人清爽不少!熱飲的桂花茶味道更為突出,大人讚不絕口,推薦!!坐在開放式廚房旁,好處是近廚得食,壞處就是惹來一身油煙味.......

上次一個人,路過,唔知食乜好,見到門口的介紹,又未食過攦粉,就走了入去試下.一個人的關係,只叫了炸鯪魚球攦粉.首先個清湯,好好味,攦粉就冇乜特別,鯪魚球ok.一杯凍飲,20多元,都幾低.調味料有辣椒粉供應,幾好!下次叫埋男友一起去,可以試下蘿蔔糕,桂花糕.

又再一次來到太子的大記攦粉,到今天仍是全港唯一一間,打正旗號賣攦粉的食店.在年前的食評也略略講過,攦粉不同我們香港人吃慣的瀨粉,一百巴仙用米磨出來,絕無半點雜質,所以質感更豐厚,米香濃郁.今次來,要一碗雞酒攦粉,未吃已問到酒香,吃落更感到芳香醇厚,雞件除帶有酒香,更不失其本身的味道.至於攦粉,不用多講.再吃其蘿蔔糕,這次煎過才上.啖啖香甜蘿蔔絲,貨真價實.這店的蘿蔔糕,是全港數一數二.如果下一次路過,買定一底蘿蔔糕回家備用,到半夜肚餓時拿出來煎,比起吃即食麵好不知幾多倍.

這家特色是號稱秘製的攦粉，象是比較粗的米線，口感很好。各種配菜的攦粉很多，點了晚醬醋骨攦粉，味道不錯。第二次去要了上素攦粉，也可以。這裡的糕點種類很多，可以堂點或外賣。要了一份桂花糕，覺不出有甚麼特色。

好上次爸爸經過佢都有介紹呢度佢話幾好食加上中意食粉面所以好想試前幾日終於有機會喇!未夠鐘補習又有d餓所以就單拖尼食勒食左碗墨丸攦粉加檸樂好好食丫其實d墨丸就麻麻不過個攦粉超好食!$21都好抵不過好大碗好似食尼食去都係咁多咁

很久沒來，但偕太座同來還是首次....例牌動作，攦粉加各款糕點....被太座搶先一步叫了墨魚條，無所謂。對着個餐牌望來望去，最後還是叫了自己吃過的豬軟骨....墨魚條即叫即炸，顏色金黃，很"靚仔"。吃落質感彈牙，吃到少量墨魚粒，不錯；反而自己的豬軟骨就有點退步了 --- 不夠淰糯之餘又不太入味，下次可以不叫了....攦粉、蘿蔔及芋頭糕依然是老味道。糕點同樣是很足料，特別是芋頭糕，坊間是甚少店鋪出品還可以吃到真正粒粒芋頭的 (印象上另一間是深水埗的生隆餅家)...水準還是可以保持的....

一開無耐，門外張貼蔡瀾介紹的報章，主力推介它的蘿蔔糕。開左無耐已經忍唔住試勻晒所有糕品。。。感覺如下~蘿蔔糕：在此最有名，是這裡糕品的必吃推介，佢會問你想的是蒸(微波爐叮)定煎~本人覺得各食法皆有其優勝之處，煎就必是最香的，而且可吃到條條蘿蔔頗脆口哦；但蒸也能嗅到那蘿蔔的真味道，既不上火又較為健康。但重要的是糕點的用料和製品，它真的落重料，蘿蔔絲條條、蝦米臘肉粒粒可見，更顯其香味，簡直是蘿蔔飄香~~~正鮮奶南瓜糕：南瓜味超重，鐘意吃南瓜的人要試試，極力推介，仲好滑添！紅豆糕：呢個就唔突出了，紅豆在透明糕身上粒粒清晰可見。芋頭糕：都很美味可口，皆可吃出舊舊芋頭，不惜用料，不錯的！紅棗雪耳糕：呢個幾過癮架，好多切碎的紅棗和雪耳，吃落冰涼透心，雪耳爽有口感桂花糕：清香桂花糕，略嫌桂花味未夠芝麻糕：這個也是，芝麻味不足，深水埗與太子交界個間老字號好d(唔記得叫咩名，有堂食的)馬豆糕：好明顯好多豆架馬蹄糕：一般菜粿：有幾隻唔同既，有中山茶果的豆沙、咸的，都幾好，或許是我愛吃糯米製品煙un的緣故吧總括：所有糕品類糕身較實，不像外面有些煎後又散又全碎般，不惜用料，豆量充足，突顯味道，該滑的滑、該實身

雖然常於太子地鐵站附近進出，亦途經「大記」多次，但從沒有光顧。偶然翻開《蔡瀾常去食肆150間》，內容竟大讚「大記」的蘿蔔糕與桂花糕。於是晚飯後前往「大記」買了書中推介的食品，另加兩款糕點，稍後與家人夜宵。蔡瀾說蘿蔔糕非常美味，我買了$10(三大塊)，夜宵時煎香。母親最愛蘿蔔糕充滿一絲絲的蘿蔔絲，臘肉亦不會太碎，大小適中，甚有頭。我最怕蘿蔔糕製作時落過多粘米粉，欠缺蘿蔔味。但「大記」的蘿蔔糕確實美味。桂花糕則稍為遜色，像甜甜的大菜糕，沒太大桂花味。茶粿有鹹甜兩款，十分煙靭。我買了豆沙餡的，走遲半步被家人全數吃掉，據聞味道不錯。芝麻糕芝麻味很濃，大家也很喜歡，絕對勝過「享譽盛名」的桂花糕!各式糕點與茶粿均為$10三件，下次可再試其他糕店。

攦粉唔似食開GEI瀨粉......有D似烏冬.... 幾特別..... 桂花糕真係幾好食...值得推介....芝麻糕都OK大家話好好GEI.... 蘿蔔糕就真係一般....... 太"lum".......有再去GEI可能...... 因為仲有其他糕想試

路經大記除了門口那糕點櫃吸引外,旁邊的粽子也相當吸引目光,尤其那體積大大和較少見的蘆兜粽,所以就選了一隻嘗試一下。蘆兜粽看似很大,其實已比正宗版本細小,粽葉用上長長的蘆兜葉,大人也想知道如何用一塊長葉包粽子!!粽子用上糯米、紅豆、咸蛋黃和一肥一瘦豬肉,跟平時的相若;整隻粽子味道很濃,不用加任何調味料也很足味,糯米頗為軟熟,只是頭尾部份的糯米及紅豆會較硬,沒那麼柔軟,最特別是那片肥肉,看似很嚇人,但其軟滑及油香,的確令糯米變得好吃一點,這款大粽子一試無妨。看到雪櫃裡有支裝的桂花茶($8)也買了一支,桂花味道頗為濃郁,甜度不太高,喜歡桂花的大人評為很好喝! 要是雪得冰凍,在炎熱的天氣裡來一支,一定超爽!笑臉都是給它的。站在門前賣糕點的年輕男孩態度有禮,忘記給我桂花茶後連忙道歉,有禮的年輕人哦!!

只得蘿蔔糕可以一試...至於招牌菜-->攦粉,唔得,完全唔好食!!!話得係招牌菜,點會唔好食架!!!唔通佢個特別之處就係特別唔好食??成碗攦粉淡茂茂,冇厘味道,就似一碗滾水烚攦粉一樣!!!還要d服務態度超差,落單時,可以全程都唔應你一句,我怕佢落錯單,於是重覆多一次,佢地會即刻咀o貌o貌,一臉不耐煩咁話:我聽到啦!!!仲有冇其他野要呀?我心諗:有冇攪錯??d野已經唔好食架啦,仲要d態度咁差??點推介其他人黎幫襯呀???!!!

個食評係遲左D,希望唔好見怪....我同事話大記D糉唔錯,又平,咸肉糉只係賣$12,所以端午節前去大記買左幾隻糉應吓節.去到發覺端午糉已經加左價,咸肉糉要$18, 除左咸肉糉,另外再買左一隻鹼水糉,一隻龍兜糉.一場去到,梗係順便買埋出晒名既糕啦...外賣蘿蔔糕,芋頭糕各一底(小) ,另外見到食評讚新出既鮮奶南瓜糕得bor,就買件試吓,另加一件桂花糕. 首先講D糉先, 3隻之中我覺得最好食係咸肉糉, 好多綠豆,咸蛋黃有油份,肥豬肉唔太多,剛好有豬油香又不算太肥膩, $18一隻都ok, 份量係可以當一餐既.至於鹼水糉,餡係豆沙,因為我一向唔好,所以唔識評價, 朋友話麻麻地,食到一半已經唔想食.. ($14隻)個蘆兜糉 ($25 - 中size),大記個亞姐話係用蘆兜葉包既,所以叫蘆兜糉. 個包法都幾特別bor,係用一塊好長既蘆兜葉,一路向上兜圈,卷埋成隻糉,餡料係紅豆,豬肉,咸蛋. 呢隻糉係最大隻,一個人應該食唔晒. D紅豆好大粒,但唔夠捻,味道麻麻,食完有D硬胃.講完D糉,輪到D糕, 蘿蔔糕,芋頭糕($18一底 - 細) 好似無過年時咁好味,D芋頭糕仲有D過咸添,唔同呢期掛住包糉,忽略左

粉就不太好食"十分普通但D糕好大件,幾好味芝麻糕好香好滑桂花糕得陣甜味紅豆糕好足料hee"都係芝麻糕好D~~~" >3<

今個星期會係附近返工，經過大記攦粉，記得係openrice都有d名氣..於是一次過試左呢度既芝麻糕，紅豆糕，紅棗雪耳糕同新出品既鮮奶南瓜糕..(每件$4)必推鮮奶南瓜糕同芝麻糕..!鮮奶南瓜糕：第一啖食落有好香奶味.同淡淡既南爪味~　　　　　　雖然有少少感覺南爪味俾奶味蓋過左..　　　　　　但係糕身做得好軟滑.絕對岩晒我口感!　　　　　　食完我仲忍唔住返check多兩件..最後真係飽到我呀~...芝麻糕：食落夠芝麻味，口感又係好軟滑，而且仲冇坤記出品既過份濕同淋，讚　　　　(最重要係平過坤記$2..點都抵食d啦!)紅豆糕：呢個排第三啦，其實都唔錯嫁,只不過係我鍾意上面果兩款多d姐!　　　　食落同坤記-紅豆糕都相差唔幾！紅棗雪耳糕：食落好清新，一d都唔甜，而且仲有真係有大大舊雪耳係入面！　　　　　　不過好似唔多覺有紅棗．口感比較爽身唔太岩我..　　　　　　我自己都係鍾意甜甜地又軟滑既糕點多d

4月11日，20:30中山人南下後到這小店，嚐嚐家鄉風味。見店在推介雞酒攦粉，一試無妨。店員問廚房是否沽清，答案是最後一份。但見廚房員工，竟把碗放進微波爐，叮聲過後，再把配料倒入湯碗混和剛煮好的攦粉。可能是最後一份，賣相雖稍差，但酒香撲鼻。配料有雞雜、腳、翼、胸和厚厚薑片。用上了芝麻雞，細緻和有雞味，平實中帶特色。但個人最不喜歡，食店用微波爐來加工傳統食物。如炒麵、糕點類，但時下很多食店都貪方便。題外話：兒時姨婆，常為母親同毛雞酒煮雞，我亦常偷喝一小口。