大記攦粉糕點專門店 (已搬遷) 新店位置

這次終於可以在現場試真D叫了碗牛腩攦粉&墨魚卷攦粉very good!!!牛腩又軟又入味加點辣椒醬好味極了墨魚卷又脆又Q裡面還包了大大隻的蝦實在是太正點啦~還打包了我最愛的蘿蔔糕(1底)去的太晚很多糕點都賣完了要買要趁早啊~~~

旺角好吃的東西不多找了半天資料發現這家店大獲好評決定試他一試買了外賣回家湯湯水水的不是太方便叫了撈醬醋骨攦粉大大份只要$25蘿蔔糕芝麻糕桂花糕茶果一件$4好吃到不行下次要多買一些!

數月間來這裡已記不清多少次了，某種原因，總是提不起勁留下筆跡。是晚收工後，若有所思的，不想吃更不想諗吃什麼，不其然的走到小店打個招呼，寒暄一番。小店依舊的客人不少，「大俠」每朝五點幾工作至此，漸露疲態，也不好打擾，閒談兩句後，買了些手信回家D．I．Y，說是買。其實是半買半送的，這裡從來都充滿著家鄉的人情，走前又熱情的道下次路過來吃碗麗粉啦，不知怎的突然感觸萬分．．．這道蘿蔔糕，蘿蔔絲、臘味、梗米及水的比例恰如其分，煎後不會散修修的，味道如材料般紮實，每次想吃蘿蔔糕，也會來這裡幫襯的。

為老闆宴會前整理一下儀容,今次選擇這間頗有特色的攦粉來試。店子不算太大,但每張桌子都有客人,最後找了一張坐了一位女士的桌子搭檯好了,快速地向阿姐點了墨魚卷攦粉配凍檸檬茶,另加一件蘿蔔糕。阿姐首先送來凍檸茶和"芝麻糕"?!明明點菜時還問蘿蔔糕是否有蒸的,阿姐還答我"就咁就食得"莫非她聽錯我要芝麻糕??幸好她都願意幫我換,但後來又拿著一件蘿蔔糕問我:要唔要煎???(如果可以就咁食,唔駛煎都得!)阿姐又講:呢件未煎架喎,要煎架(聽到這裡自己都已經滴汗了!!)幾經轉折,煎香了的蘿蔔糕和攦粉都送到。蘿蔔糕表面有不少肉粒、蝦米,糕身的確頗軟,蘿蔔絲又真的不少,煎香了的蘿蔔糕相當香口,咸味也適中,吃著吃著覺得一片都不太足夠,下次要吃夠2件!!攦粉似乎像米線多一點,質感軟滑中帶煙靱,感覺不錯;湯底清清淡淡,但加上榨菜絲和紫菜之後,又多一點香氣,還有幾條生菜作伴,要不是選了炸墨魚卷,這碗攦粉可以當作減肥餐吃。炸墨魚卷應由腐皮捲著墨魚膠而成,墨魚膠很彈牙,口感一流,加上熱辣香脆,三條好像不太足夠,推介!!凍檸茶不過不失,吃完熱麵之後來一杯凍飲,不二之選!這店應有翻炒機會,因為還有其他食物想試,看到其炸鯪魚

星期日帶狗仔黎附近打針唔想食大家樂同茶餐廳就又黎翻炒叫左香茅雞翼攦粉($20),醬醋骨攦粉($20),凍檸茶x2(+$10)同煎蘿蔔糕($4)唔係blog友推介必食蘿蔔糕都唔會明知一碗粉夠飽但仍然叫黎試本來餐牌只係寫住$8兩件但厚住面皮問阿姐要一件佢話無問題價錢照計唔知係咪好多人問過有冇煎蘿蔔糕所以今次幫襯時新加左蘿蔔糕啖啖都好多蘿蔔絲雖然配料唔算多但都幾好味煎得微脆但較油攦粉味道似係米線同瀨粉既混合版加埋清清地既湯底越食越好味比起上次食更吸引我配料今次唔同左係用生菜,炸菜同草菇有新鮮感幾好香茅雞翼好香脆又入味唔食皮既我淨食肉都覺得幾得手醬醋骨炆得好淋又入味但如果醬醋骨都可以另上會更好因為浸耐左o係湯度味道會淡好多服務唔錯

好小坐得有咁闊落既茶餐廳lu...去呢間餐廳係我朋友之前介紹既...話d欐粉好特別..話一齊去食...咁就去下啦..咁我朋友就叫左碗炸墨魚卷欐粉..我就香茅雞亦欐粉..我都奇怪..我朋友好怕熱氣..好小有會食炸野既..但佢話好好食..唔理咁多喇...於是我食一條..唔係講笑..真係好好食..好脆..好彈牙...但又唔覺得好熱氣喎...d欐粉初初仲以為係落單錯左..比錯左碗上海麵我添..因為唔係透明既..真係第一次見...食落d口感好正...好食過透明果d好多...朋友又話試下蘿蔔糕...咁叫左碟..嚇死..咁大件..因為食到尾已經問始飽飽地..心諗咁大件唔方好食...估唔到又係好好味喎..真材實料...口感豐富...真係估唔到外表平凡既茶餐廳有咁既水準...值得一試...期望可以o係大埔開分店...咁可以將咁好食既食物帶到新界區呀...

琴日朝早o係旺角搞完私事後join埋朋友仔行黎試試左招牌菜既墨魚卷攦粉+燒鴨攦粉湯底幾清有生菜同紫菜一齊上抵讚攦粉似係滑淋版既瀨粉唔算好出色反而墨魚卷幾好(雖然好油)彈牙又有粒粒蝦肉增加口感燒鴨又啖啖肉以20蚊一大碗黎計係抵食檸茶茶味唔夠服務幾好

今次係專誠嚟食佢哋嘅蘿蔔糕ge...夠足料，食到一絲絲蘿蔔，有米香，已係坊間少有...當然亦有叫碗驪粉，但今次只是陪襯...

星期日下午茶時間,看見它的招牌寫了"攦粉"唔會係平時食燒鵝"瀨"個D瀨粉...於是入去試下裝修都係同一般食米線既地方差不多,D枱呀醬油呀筷子個D都幾乾淨,呀姐都OK有禮貌拾枱都算乾淨大多數麵都係20蚊,有湯有撈,跟野飲加2蚊仲有幾款糕點,可叫一件5蚊,下午茶連野飲先20蚊!!叫左個柱候牛腩湯攦,凍檸茶,一件蘿蔔糕上枱睇落份量十足,麵除左牛腩外仲有生菜,草菇,青瓜,榨菜做配料,湯算清淡,牛腩炆得夠軟,配料一般,除左榨菜有渣,睇佢介紹話係100%米漿做的攦粉,我食唔出係唔係100%,但條條比米線粗D仲幾彈牙,的確不錯!!!看見別人要墨魚卷攦粉,即炸既墨魚卷似乎更好味...蘿蔔糕上枱唔算好熱,5蚊件的蘿蔔糕你唔好期望佢有好多蝦米呀冬菇呀個D...但佢糕底,即係蘿蔔--係幾好味道!!會見到一條一條蘿蔔絲,食落好有口感!!呀姐自動奉上辣椒醬,加分!!凍檸茶檸檬夠多,沒有苦澀,合格!

首次嘗試到的攦粉，來到附近只會幫襯隔離的永合隆和錫記麵家，自從永合隆把枮板面的垃圾燒肉給我之後便己絶足不去．當天晚上有飲宴，四時多還未吃午餐，要順道來打底，以為食物的份量不會太多，原來不是．普通的是廿元一碗，撈攦是廿五元，下午優惠有十五元一碗．叫了牛腩攦粉，十分鐘便到，當時只有兩三枱客．哂士相當大，牛腩中有幾件筋，是用醬料炆的，很淋和入味，但不似大路的味道，不好也不壞，不算喜歡．主角的攦粉和瀨粉不同，不知製法如何，厡料肯定是米．但據我所知，傳統的瀨粉是用米飯製成的，煮好飯，再磨糼，經過一個有許多小孔的容器再瀨落滾水中，再放涼，流清水份，便成瀨粉．因性質爽滑，所以不能輕易用筷子夾起．正確的吃法是用筷子把端起在口邊的碗連湯連粉撥進口內，而不是用筷子夾起來吃的．所以傳統的瀨粉都不會大碗，是為了方便吃的人．這裡的攦粉是比較粗，淋，軟，像米線多些，米味很濃．湯底不錯，味精不多．但是失敗在四不像，因太大碗，湯太熱，不能整碗端起來吃．只能夾起放在匙更上把攦粉送進口裏．吃得太飽了，不能再試其他的食物，但想試的衝動也不大．

今天找來太子4人來個lunch,決定來這裡試吓:1)醬醋骨攦粉-醋骨都淋,離晒骨,肉唔會"鞋"或實-對攦粉無嘜特別意見因對這類型的粗米線1般,但份量頗多,食唔晒-跟埋d鮮草菇,生菜片作配菜,帶小辣汁-不俗2)炸鯪魚球攦粉X 3-鯪魚球(4粒)同攦粉分開上,附蜆蚧,聞說唔太鹹。試了友人共2粒,大size,足料,彈口,好唔錯3)炸墨魚卷-有4條,仍熱,彈口亦有口感因咬到墨魚肉,好有墨魚味,証明足料,must eat4)蘿蔔糕-叫了2件-見到大大條的蘿蔔絲,未食已知足料,面頭舖有蝦米臘肉,粉不多,雖然無落到豉油,但估唔到咁夠味喎-那個時候雖好飽吓,但都好食到半件-亦是要試5)飲品X 4-跟攦粉+$5,就有杯飲品6)紅豆糕(外賣)-是透明jelly狀base(估是用黃糖/蔗糖煮)再加紅豆粒,多豆-是4種糕點中最普通的因還是喜歡紅豆連同米漿煮成的-但勝在唔甜7)眉豆糕(外賣)-最清淡,亦是透明jelly狀base加眉豆粒-好足料,食到豆蓉質感,唔錯可能個人偏好眉豆啦8)芝麻糕(外賣)-重芝麻味,清甜,幾好9)豆沙茶果(外賣)-用葉包住,呈圓筒形,同平時食的葉放在底外形有分別-個皮軟薄,滑,豆沙餡

先唔講攦粉，淨係這裡的蘿蔔糕已經十分之得妥，不是油煎上檯只是蒸制較為健康的已經鍾情，況且蘿蔔絲是整條大大條的，沾米粉不多，味道夠濃；八元二大大件絕對超值。點的醬醋骨攦粉，醬醋骨酥軟味濃，配上淡淡的攦粉是不錯的配搭，但先前的蘿蔔糕已撐了大半胃納了。大熱天時這裡的空調都相當夠凍，好在有件外套擋一擋；價錢相宜，經濟抵食，下次過來可一試其他甜點。

先從雜誌上看到，又要到太子食飯，不其然想到此試試。同太太倆個，分別叫鯪魚球攦粉加凍檸茶、炸墨魚卷攦粉加凍奶茶、再加兩件蘿蔔糕。呢道o既攦粉比較粗身而且較實淨，有口感之餘，又保持到煙韌。值得一讚！鯪魚球夠味，又唔會太油膩，唔錯o既選擇。但原來係鎮店之寶之一...炸墨魚卷好好味，爽口彈牙，不過唔係幾適合做，送唔到粉，做小食可能好o的！？蘿蔔糕出色，味道濃郁而且餡料豐富，同一般食到o既蘿蔔糕唔同，佢o既蘿蔔絲比較多，真正帶出蘿蔔o既味道，而唔係一味食粉！最最最可惜，唔夠熱...飲品不過不失，合格。份量唔少，$20 蚊算抵食，飲品加$5 凍熱同價喎。

看了好些食評,知道大部份食友都不懂得食瀨粉.首先瀨粉如何叫做瀨粉呢?它是先用米加水磨做成米漿,再用一個穿了很多細孔的容器架在一大鍋滾水上面，把米漿經過有孔的容器，落到滾水給煮熟再撈起攤涼，便成一條條的瀨粉．高質的瀨粉，潔白爽口，滑溜非常，筷子不容易夾起，所以食瀨粉要有技巧，就是把碗用手拿起來，端到口邊，用筷子把粉連湯推進口內，這才是正確的方法．

醬醋骨攦粉，廿蚊。都要等一陣，賣相唔係特別吸引，起筷，食過至真。成世人其實最怕食瀨粉，因為筷子夾唔穩，彈濕自己塊面最多用紙巾，彈到隔離人家就好無癮，所以次次食瀨粉，食食下都用匙羮，食到全枱轉晒人，我都仲食緊。攦粉就唔會咁，幾有米味，彈牙無過腍。骨有四舊，舊舊都瘦，你可以話佢略韌，又可以話佢有口感（我話：瘦呢，就係咁。）。味道冇咩驚喜，稍甜而略欠醋味，因為我忍唔住將佢同我阿媽整o既鎮江骨比，算佢不幸。除咗骨外，仲有生菜同菇做陪襯。湯底比ｄ骨整到甜甜地，我ｏｋ，但阿媽唔慣，佢話早知叫佢分開比。試埋炸鯪魚球，剛炸起，熱到辣口，幾彈牙，附蜆蚧一小碟，都ｏｋ。仲叫蘿蔔、芋頭、桂花糕，每件四皮。諗唔到，阿姐拎嚟，鹹還鹹一碟，甜o既分開嚟。喜見蘿蔔絲又多又大條，粉相對少比，啱我哋，如果少ｄ胡椒粉會仲啱口味；芋頭粒多，硬硬地；桂花糕香甜，也ｏｋ。不過有ｄ奇，糕同碟都熱熱地，但係糕面唔油膩，唔通番叮嚟？