大記攦粉糕點專門店 (已搬遷) 新店位置

20080503若非為了大記，不熟九龍的我怎麼也不會知道砵蘭街原來還有這一段……除糕點外，全店只賣一物：新鮮即造瀨粉，謂之攦粉。試了據說是招牌的醬醋骨湯攦粉。粉底還是可以的，頗有傳統風味，軟軟滑滑，幾入味，跟粉的生菜也多，整體感覺蠻清爽。醬醋骨有五六件吧，另碟端上，拌著些調味的辣椒洋蔥等物，像是花了時間心思的誠意出品，不過比我想像之中肉量為多，又不夠嫩，不嗜肉者如我，吃的就頗辛苦，最終都要放棄一部分。總的來說，也不過是普通一碗粉，若非瀨粉超級fans也未必需要跋涉至此，當然了，一定要吃傳統那一味的，倒也想不出另一處。最後說說糕點，眉豆、馬豆、芝麻、桂花、芋頭、蘿蔔、鹹甜茶果……4元一件，名單很長，也多人贊，我卻沒試出好處，可能點的不對吧，下次有機會經過，或許會再給它一次機會。

4月17日下午茶 & 4月22日中午.這次我同我的好朋友都是第一次食攦粉的, 大家都吾知道什麼叫攦粉, 睇一睇個menu先知攦粉原來係等於新鮮即造的瀨粉. 哦…那麼我們點了, 香茅豬扒攦粉, 墨魚卷攦粉和豬面肉攦粉. 首先, 下午茶來說, 只雖要$15元在旺角來說已經算便宜了. 而中午時間去, 一個攦粉都只是大約$24-28元左右, 價格合理.至於味道, 真的不錯. 個湯底好好味, 好正. 而攦粉個質感都不錯, 比起一般的米粉之類的粉麵, 我會比較喜歡攦粉. 而配料方面. 我會推薦墨魚卷和豬面肉, 特別是那個墨魚卷, 真的十分好味, 口感很好. 不過很可惜是這次沒有試這裏的桂花糕, 蘿蔔糕和茶果等糕點. 但是下一次, 會再來試過.

二人晚餐來試試:香茅朱扒湯攦粉($26)---香茅朱扒炸起時好香,香茅味好勁. 但食落就乾左D;攦粉一般啦, 我都係喜歡米線或賴粉多D. 湯底都係一般啦,都ok,冇乜味精,又有D炸菜吊下味咁.跟凍菜蜜(+$7)---好有菜味的蜜糖飲品, 不錯!見其他人叫一支支的桂花蜜, 有機會試下先鴨胸湯攦粉($26)跟熱菜蜜(+$7)---友人話一般啦蜆介鯪魚球($25)---這個不錯;絕對唔差過中環羅富記的! 好!多春魚($25)---粉好厚; 多春魚好多春不過好多苦味. 不好.食剩.灼西生菜($10樓下)---沒有選擇的; 得西生菜一款臨走外賣1件桂花糕&1件眉豆糕($4@)---糕底幾好; 可惜桂花唔香; 眉豆糕好食D不算好多人; 冷氣好勁; 芋環境一般啦.

間中駕车经過, 都係買糕点外賣係车食, 所有糕都食過, 皆好味且品質穩定, 帮趁多幾次或同D 員工/老板傾兩句, 服务好好多架, 同埋价錢好鬼抵... 明天真係要試下主打: 攦粉

過年梗係要食籮匐糕,路經太子順便買番底過年.去到要排大隊,好彩都買到,$45一底,排前面個阿嬸話佢訂個時只係$40.價錢貴但D料似乎仲少.重有D籮匐糕由$8兩件加到$5件,都幾誇張,因為唔憂賣.

買了兩件蘿蔔糕同兩件菜粿(即蘿蔔粿)。蘿蔔糕好香，雖然料唔算多，但味道好濃，又唔會過咸，能保持水準；食到有蘿蔔絲，口感唔錯。菜粿，餡有蘿蔔絲、蝦米同d肉碎。味道係唔錯，不過個皮好厚，唔夠晶瑩，加上厚皮令口感扣了不少分，個皮厚亦令餡減少。所以呢樣麻麻。仲要俾我食食吓發現一粒不知明物體，係硬嘅，好似海鮮d殼，咁到得?要扣分喇！

今日去左太子花墟買過年年花，之後去左大記食個下午茶，叫左煎蘿蔔糕($12)煎芋頭糕($12)各一件。蘿蔔糕:真材實料，蘿蔔糕內佈滿蘿蔔絲，食得出蘿蔔味，煎後相當香口，果然高水準。比起坊間好多店舖都要好。芋頭糕:又係好多料，一舊糕入面有好多芋頭粒，芋頭又夠粉又夠香。好吃!!食完之後我都忍唔住買左底細蘿蔔糕($18)返去比屋企人試下。仲訂左蘿蔔糕2底($80)同芋頭糕2底($80)過年食。睇我禁瘋狂就知呢度d糕有幾好食啦!!

今次專誠過去訂糕過年，順便食個lunch...食過蘿蔔糕，覺得佢哋D糕夠足料。有咗信心，決定訂D嚟試下...今次坐低叫咗件煎蘿蔔糕，發覺都係蒸嘅好食D，因為佢哋嘅糕嘅質感較軟，蘿蔔絲份量亦足，所以煎起上嚟就會比較淰pat pat，冇咗口感...再試佢哋嘅招牌攦粉。先喝一口湯，有D過鹹；再吃一口攦粉，質感冇從前嘅煙韌，只覺食緊一條條粗粗嘅米線，可幸仍然有米香，未致於一無是處...來個醬醋骨墨魚卷雙併。醬醋骨一半份量炆得不夠淰，亦不夠入味，一嚼即吐，另一半則還可以，可見水準不穩定；墨魚卷除了啄碎墨魚外還有蝦，新鮮現炸，口感彈牙，食唔出有溝過粉漿，確實真材實料...睇嚟佢哋應該要改名，淨係叫"大記糕點專門店"先啱...

上課前搜集資料, 結果選擇這裡作為第一試.我們三位同學仔都揀了炸墨魚條攦粉和支裝桂花蜜糖水.炸墨魚條內有粒粒墨魚, 香口彈牙, 惟炸得比較油. 攦粉看似粗米線, 但口感較粉, 不及米線爽口彈牙.桂花蜜糖水喝不出桂花味, 也清淡, 但另外兩位同學仔就覺得夠甜, 可能我當天口淡淡.

一個字"正"同鄉下那些攦粉一無一樣!攦粉口感一流. 真係好懷念呀嫲煮的攦粉哦!

好有homemade feel的蘿蔔糕,真材實料冇味精.下次再試其他甜糕.

以前己經試過,今日經過又要再試真啲,剛好是下午茶時間,只賣十五元一碗,有幾個選擇:有雞翼,豬扖等,要了燒鴨攦粉和咖啡.五分鐘有得食,因為客人不多,只見賣相不錯,但仔細看郤見主角的燒鴨只有四小件,像尾指般大,二片生菜和小許柞菜,切片草菇兩三片,攦粉的份量郤不少,湯底味道味精不多,ok.要彈的是主角的攦粉,賣相似米綫,質感郤不似,滑則滑矣,郤不爽,是淋的,吸收湯液的能力不強.食落甚寡.吃了那四小片鴨之後,已經沒甚好吃的了.甚為掃興.於是剩下半碗粉.由於泠氣不足,已經滿頭大汗,再加上熱咖啡,更加不得了,急急埋單走人.

今日LUNCH 同老公再次去這裡食.因為上個月同老公出街, 咁岩架車泊左係門口, 就是是但但入左去試, 點知一試就覺得好ok!!! 所以再黎幫襯, 最like佢\d蘿蔔糕, 其次係芋頭糕, 仲有佢\d麵都好好味!!! 蘿蔔糕係真材實料, 好似屋企整果d, 有一條條c, 質地好軟, 唔係只有粉果d~超正! 芋頭糕就有勁多一粒粒芋頭, 食完會好飽. 今次仲特登買左兩盒外賣裝, 即係圓形就咁蒸左果d, 大size$20, 細size$15, 佢\係放係門口果個雪櫃道既, 我地買比奶奶試, 因為太好味! 糕點每件$4.-, 即煎!!!!

上次試過這裡的蘿蔔糕，已讚不絕口，往往經常太子時都心思思想再幫襯，今次經開這裡，就過來幫襯這裡的蘿蔔糕及桂花糕，再加上一瓶蜂蜜桂花茶。阿姐問明蘿蔔糕要煎的還是蒸的，當然是後者，食味依然，大大條的蘿蔔絲是美味的泉源；而另一掛頭牌的桂花糕，清清甜甜，淡淡的桂花香味，加上是凍吃的，很有清新感覺，跟先頭濃味的蘿蔔糕與及一冷一熱，成一明顯的對比。冰凍的桂花茶味道可說是跟桂花糕同味的，但甜度略輕，喝下淡淡的桂花及蜂蜜味道，在炎夏來一瓶可以說是消暑極品！

中秋節提前下班,突然想起這裡的糕點,趁機走到太子買些回家嘗試一下。穿過排隊買燒肉的人龍,這裡空無一人,向店員叔叔購買蘿蔔糕、桂花糕、芝麻糕各一,叔叔多取了一盒紅豆糕來,照買無誤。紅豆糕糕身頗軟,紅豆大大粒煮得軟熟,配合不太甜的糕身,味道不俗但不是自己所好。桂花糕桂花份量不少,連糕面也有點點乾桂花作點綴,理應桂花味道會頗強烈,但聞起來或吃進口也不覺有太重桂花味,不過糕身也頗軟滑,以味道來說這款糕相對之下較為失色。芝麻糕很濃芝麻香味,黑漆漆的糕身也是同樣軟滑,甜度也剛好,雖沒有逐層撕開來吃那種樂趣,個人認為與坤記的芝麻糕同樣出色,推介!