大記攦粉糕點專門店 (已搬遷) 新店位置

睇食評知道太子的大記糕點好出名,,所以特地從旺角走到泥大記買番幾舊糕點試下~10蚊有3件,,選左紅豆糕,馬蹄糕同芝麻糕~紅豆糕 : 口感較坤記煙韌,,味道冇坤記咁甜 但紅豆粒不多,食唔到紅豆粒,,冇咩紅豆味~ 勝在味道較坤記清甜!芝麻糕 : 口感煙韌 ,,有芝麻香,,不太甜!馬蹄糕 : 3件中係最好既~~ 馬蹄粒幾多,,爽口清甜~不如預期中的那麼好吃...

大記攦粉所謂攦粉即係粗身d 既米粉, 食落口時都幾爽口下, 去得呢間野記得要試炸墨魚卷, 上碟時仲係剛剛炸起, 脆口, 正!今次食左$20 - 炸墨魚卷$15 - 九菜餃攦粉, D 餃好夠味, 正$15 - 雞酒攦粉, 有小小醉雞feel, 不過唔夠酒味, 比較普通食得多雲吞面/米粉轉下口味都唔錯, 鋪頭細細有時要等位, 鋪面就雲吞面鋪格局

睇見大記咁多笑，去試下囉！因為想食清ｄ，叫左冬菇粉，ｄ冬菇大大隻，又入味，配料芽菜鮮甜，唔錯唔錯！我見隔黎台叫左鯪魚球粉，見佢咬完一啖之後，就話「唔～好好味呀！」搞到我又好想試～但又唔想食炸野～最後都冇叫到～另外，不得不提就係桂花茶，香甜，正～飲完感覺好fresh粉面只需加$5一杯(正價$10)~糕點方面亦好出色~本人較喜愛芝麻糕﹑馬豆糕，馬蹄糕﹑紅豆糕略甜～今日去時，有記者採訪！！唔知係咪咁，ｄ招呼都好好！！

和爸爸兩條友搵食，　共叫了：－　墨魚卷攦粉 $25　＝＝＝　炸得好香口－　金菇卷攦粉 $18　（麻辣湯底）　＝＝＝　辣得好香　唔會辣到入唔到口－　生菜　＝＝＝　蠔油分開上　好細心－　芝麻糕　+ 紅豆糕 （$4/each） ＝＝＝　又係好香 唔會過甜

2009年04月24日，21:40見新聯豐牛筋有水準，便先在該店吃碗腩麵。再到鴨記買插頭，繼續在黃金一帶遊蕩至所有商場關門。最後到大記補給，夜市人多，近滿座。細看餐牌，花式多了，價錢平了。見月鯪魚球攦粉祇賣HK$18.-，超值去馬！阿姐問是否要炸的？我隨意答"是"。結果中獎了魚球和攦粉分開上。鯪魚球：金黃色賣相好。即炸香噴噴，外脆內軟滑，魚味濃；蜆蚧醬：鮮味、惹味，蜆仔鹹香。攦粉：湯底輕清，芽菜清甜爽脆；個人覺得攦粉口感勝烏冬，因她有雙重口感，外內香滑。日後會再試小炒攦和茶果湯。

大記最初開之時，我去過一次，當時價錢比依家貴，覺得唔抵食，所以之後一直沒有再去過。但上星期見到大記的糕點有好多好評，昨天經過終於買了三件糕回家，包括芝麻糕，馬蹄糕同紅豆糕，果然真材實料，全部都好食，不過我個人最喜歡係紅豆糕，但如果再多ｄ紅豆就仲好．．

好"leung"咁問咗阿姐一句, 呢個字點讀呀?(我廢事嗌錯仲瘀), 原來都係讀"麗"音墨丸攦粉$15 攦粉真係好似粗版米線咁, 放面有好多芽菜, 夾埋一齊食最好, 唔洗加錢叫咗佢湯底要小麻辣, 真係少少, 冇呃人, 食到dd麻辣, 唔會嗆喉, 墨丸較淋, 一般貨仔啦什錦攦粉$15 原來什錦全部都係菜, 好似切開一半嘅豆角(估喳)同芽菜酸菜, 配埋個少酸辣湯底, 配搭得唔錯播又, 什至我覺得好過我嗰碗, 不過就dry咗d, 下次可以叫呢個配多個小食就好喇桂花茶+5 跟粉可半價叫飲品, 我們當然叫呢度專做嘅桂花茶啦, 又係好香桂花, 不過略為甜咗d, 不過如果飲咖啡奶茶, 我都係會擦拪搽揀返桂花茶桂花糕 好味呀!!!好重桂花香又清甜南瓜糕 食到南瓜肉但係食唔出d味, 反而好重忌廉奶味, 幾濃下 杏仁糕 一食落去好似飲咗杯杏霜咁, 仲冇好多杏仁咬添糕點$10 有三件P.S. 咁嘅價錢食落都唔太差唧, 又大碗, total $50 兩個人, 抵到爛, 實有下次!!!!

見到呢度咁多笑面都想知道有幾值.未去之前仲驚住好難搵亦怕會好似譚仔X咁滿場,點知好驚喜係無乜人仲有阿姐喺門口SELL客.一心諗住試下呢度勁多人推介0既炸墨魚卷...OHHHHHH...NOOOOOO...賣哂.見好多攦粉都係十五蚊起唔貴呀咁就叫左個椰菜餃粉$15同金菇牛肉卷粉$18.睇落碗粉細細碗,起初仲想叫多碗兩個人分平均都係廿幾蚊,但原來食哂都幾飽肚,好鍾意佢有D配菜幫碗粉增哂值,咁樣0既價錢相比南X真係好好好多啦.因為無得食墨魚卷,留左D吉位就叫左兩件糕品$8,問左阿姐可以兩件唔同味道就叫左桂花糕同南瓜糕.其實$4件唔覺得平,食落OK味道都唔錯,就當係酒樓食個小點做甜品呢.整體黎講真係平靚正.遲下有機會一定再黎食!唔該留返客炸墨魚卷過我睇睇有幾厲害啦!

同媽行街又特登去左大記買番d糕番屋企當宵夜媽媽平時自己一個果陣都好鍾意黎依度食攦粉=)又平又好食!今次媽一買就買左30蚊(9件)佢話20蚊邊夠你地幾個大食鬼食.........芝麻糕 一如既往 又香又滑紅豆糕 好多紅豆 起沙 正綠豆糕 清甜 不過我個人愛紅豆多d南瓜糕 重奶味 我個人唔太愛 但家人愛....... 今次仲有1-2粒南瓜粒係個糕度 有野咬下哈哈

叫左個餃子攦粉, 因唔夠餃既關係, 佢俾左2隻韮菜, 1隻椰菜 餃子, 最好食都係椰菜餃, 韮菜d味有少少怪, 但d攦粉好特別, 湯底好墨魚卷好好, 炸得唔錯, 都幾足料, 抵食服務: d阿姐都幾輕鬆, 輕鬆到訓左, 收錢既時候要人叫醒佢先識收錢

14/3/2009 約1430教完水,趕著陣間去球場,食碗粉最快知道這裡出名攦粉,也預先找定來這裡的路線,也容易找坐下快快的要墨魚丸攦粉(清湯底),也很快有得吃食攦粉,睇落有點似米線,食落比米線粗,又煙煙靱靱的,唔錯墨丸也ok,而且除了墨丸外也有頗多的配菜,很夾臨走拿了張咭片,遲下黎買糕點,反正平時練波這裡也很近…

<椰菜餃攦粉>d粉又幾好食喎~食落好似米線, 但係粗d, 好咬d~ <香炸墨魚卷>好味! 炸得好脆, 仲有蝦係入面, 但係衰在冇汁點黎食

哈, 終於試左.. 呢排既焦點都係落喺大記攦粉糕點!咁多種糕點之中, 我最愛始終係桂花糕, 味道清香, 有少少似玫瑰既味道, 食落少少甜, 甜得嚟香, 真係幾好食!另外紅豆糕都好好食, 買左六件, 一家大細一齊食, 滋味無窮!

好野,今日bb終於買左糕點俾我食了一盒20蚊有六件買左兩件紅豆糕,一件南瓜,一件馬蹄,一件桂花,一件椰汁馬豆好可惜無芝麻糕賣呀紅豆糕好少紅豆但味道ok啦跟住馬豆糕比我想像中好味,佢好似將d綠豆磨成蓉,好味南瓜感覺特別,都ok呀桂花糕都有桂花香味,整體都ok啦,下次再試其他啦,哈哈哈哈哈

今日睇咁多人推介呢間鋪…就特登自己落左太子到食…點知食到一肚氣…首先講下d野食先…我食左個茶果湯($12)、2件蘿蔔糕($8)個茶果湯…其實d料ok…但我唔知佢係失手定係點啦…個湯真係咸到爆…搞到我要喪飲水…都食唔哂食碗-.-至於個蘿蔔糕，只係普通，雖然食得出好多蘿蔔絲，但以味道黎講唔值得話特登去食囉，又或者其實係我對佢期望太高啦…但令我最唔滿意係果度個阿姐o既服務態度話說果日我去到揀左張2人枱坐低…落完單後個阿姐無神神自己坐o係我對面見到廚房出野食先行過去拎拎完之後又坐番o係我對面我真係未試過會有餐廳容許自己d伙計咁做囉Even我d野食到哂後…佢仲依然唔覺得有問題咁坐o係我對面全程望住我食野咁，搞到真係冇哂胃口，淨係呢樣野都已經足夠我俾個喊面呀仲要果日個場其實有其他位，佢想抖下係咪都應該坐去d冇人坐緊o既枱而唔係若無其事咁滋擾個客食野呢?????