大記攦粉糕點專門店 (已搬遷) 新店位置

今晚叫左1. 茶果湯 ($12) - 湯好好味, 好多蝦仔, 如果d湯熱d沖好. 湯既味道跟大家樂既家鄉銀針粉一樣架, 當然大記就多料d啦. 2. 雞攦粉 ($18) - d粉好q, 好好食, d雞及湯就麻麻地啦. 如果用茶果湯上就正啦3. 墨魚卷 ($20) - 好好食, 即叫即炸. 真係食到定唔到口.4. 桂花茶 ($5) - 十粒星推介, 好香桂花及蜜糖味.雖然以上個野食好似細細碗, 不過好飽肚. ps 原來有好多野食, 向menu入面無架, 你要向入口個時睇下poster才知架 ...

尋日睇到d食評, 放工就即刻走去試試, 因本人對所有中西糕點都十分熱愛~~~ 同朋友仔食o左以下堂食:蘿蔔糕 : 煎食好香, 好多料, 又有蘿蔔絲!!!!! 好好味牛丸攦粉 : 牛丸, 都ok (哈~ 但當然不及安利), 攦粉 比米線粗d, 本人都好喜歡個口感, 要了清湯底, 不太咸, 加上中芹同香菜... 好好味~~~ 食完又唔會口乾~~ 豆苗餃: 都有豆苗味, 有湯汁~~~ 不過相信韮菜餃會好食d.~~ 下次試下!!外賣糕點 ($10 三件)芝麻糕 : 好似芝麻糊桂花糕 : 好香桂花味, 又不會太笨桂圓糕, : ok 啦~~桂圓味~~ 不太合我 lu…杏仁糕 : 有原粒杏仁架~~ 好味道芋頭糕 : 好多料, 煎香食好好好好味呀!!!!紅棗雪耳糕: d雪耳好爽口, 不過唔夠紅棗~~~芋頭糕, 蘿蔔糕 仲可以一底底買, 下次買底返去煎… 正呀!!

去開花墟就走去呢間鋪仔買馳名的糕點.落雨濕濕,好在地點唔難搵,又冇人排隊.糕點四蚊件,十蚊三件,花多眼亂,買咗兩塊芝麻,另外雪耳杞子,南瓜,紅豆,桂花各一塊,朋友住响附近,上去佢屋企避雨,俾啲細路轉眼食哂,我只能搶到一塊雪耳杞子.哇真係好味,呢塊明顯比其他硬身,有雪耳的咬口,唔甜.唔得,返屋企之前再去多轉,買俾老公食,但雪耳杞子已經售罄,只買了芝麻,南瓜及桂花.老公的commect係頭兩款勁好味,但桂花就淡咗啲.下次一定要試埋佢啲攦粉餃子.

早前來過附近一次，難得經過這店，一於入內試食。叫了一個雞翼攦粉和蔡潺(只貪得意，絕非貶意)推介過的蘿蔔糕。雞翼和攦粉分開上，兩者都是熱熱的。雞翼香口而且不鹹，但也只是普通而且，沒甚特別。攦粉有「米」味，質地很滑很淋，很難形容，沒有類近的相似食物與之相比。(攦粉是將米漿由容器底的圓孔擠壓出來的「粗米線」，即時跌落熱水內煮熟，蠻得意，可在廚房外欣賞。)蘿蔔糕比較失色，味道非常鹹，比一般的鹹，但蘿蔔絲很多很粗，糕做得軟身，不會是死硬多粉的一類，但鹹得致命。(是否一時失手勢呢？)很多糕都想食，奈何沒時間，沒胃納，可惜地等下次吧。

前晚, 朋友同我慶祝生日, 吃完飯後, 原來仲有得食 ......朋友知我喜歡吃糕點, 原來早在大記買了六件糕點, 放了在私家車的冰箱裡, 在送我回家途中才給我, 當時感到驚喜萬分!回到家, 與家姐一同分享這六件糕點, 六件都是不同口味: 有椰汁糕、芒果布丁糕、杏仁糕、芝麻糕、紅豆糕和馬豆糕。我全部都有試食過, 評語如下:椰汁糕-- 椰汁味不足, 是六件糕中最差的一種。芒果布丁糕-- 有芒果肉, 芒果味頗濃, 唔錯。杏仁糕-- 杏仁味濃郁, 加上有原粒杏仁, 很有口感!芝麻糕-- 都好有黑芝麻味, 一直是我的至愛。紅豆糕-- 有原粒紅豆, 但我嫌紅豆太少。馬豆糕-- 很好味, 馬豆不會太焾亦不會太硬, 清清地, GOOD!全部糕點都不會太甜, 很合我的口胃, 抵讚! 真的很多謝朋友的細心啊!

19-3-2009「收工」後到太子一轉, 有點肚餓, 避開一眾茶記冰室, 0黎到呢間糕品店搞掂.先0黎熱桂花茶 ($10), 香得令人精神為之一振 飲落桂花味一樣香, 清清甜甜, 正! 檯上 newspaper cutting 仲話呢味「化痰止咳」, 對我呢個病鬼0黎講, 絕對有用. 值得試試! 再0黎兩件煎蘿白糕 ($8)... 餡料有蝦米, 瑤柱, 臘肉之類的 standard 0野; 聽聞大記的蘿白糕好多蘿白絲, 不過呢日食到的就麻麻, 粉比較多, 加上煎得唔夠脆, 食落幾油膩又幾糊口, 有少少失望.下次試試芝麻糕及攦粉吧 -- 其實攦粉係咩0黎?P.S. 味道 4 分係俾桂花茶的

經早兩天覓尋攦粉不果(其實只是沒有記着地址)，今次繼續出發，誓要吃到攦粉。由男友帶路，果然很容易找到呢。店子外表和一般港式粉麵店相似，只是在外面有雪櫃放着糕點售賣。仔細端詳一會，便決定好「粉」後甜品，昂然入內。向男友介紹了這裡的食品後，我們點了牛肉攦粉、豆苗淨餃子及墨魚卷。肥牛攦粉($18)﹕店員落錯了單，牛肉變了肥牛，亦由$15變了$18。肥牛太韌兼沒有牛肉味，差。攦粉份量不少，口感如粗身了的米線，愛米線薯粉者必然喜歡。湯底選了中辣的酸辣湯，少酸不辣，不對我的口味。豆苗淨餃子($15)﹕小小的餃子大概有六、七隻。豆苗尚算份量足夠，可惜沒有豆苗的香味。墨魚卷($20)﹕即炸的當然好吃，內裡竟然有蝦粒呢。吃罷三菜，我們已經很飽，沒辦法立即吃甜點，唯有外賣吧。最後經過一番掙扎後，買了芝麻糕、紅棗雪耳糕及桂花桂圓糕。三大件才$10，抵。芝麻糕﹕略硬身，芝麻味濃得像芝麻糊。紅棗雪耳糕﹕很多雪耳，所以糕身非常爽口，略嫌紅棗太少。桂花桂圓糕﹕男友很愛這款。淡淡的桂花味，同樣都是桂圓太少。全部糕點都不太甜，下次再encore呢。小插曲﹕點好菜後，男友突然醒起忘了替我的攦粉「走青」，才小聲對我說了，後

於新元朗中心擺推廣車仔,之前一直都想買佢地既糕點~奈何好少行開太子呢頭~$18/5件~仲有得試食~可以試岩先買~實在太好喇~有好多款選擇~我買了鮮奶南瓜糕 x2, 芝麻糕 x 2, 綠豆糕, 雪耳紅棗糕…因為到我俾錢時~再同我講係$20/6件~嘩~~好似抵左好多喎…原價係$4/件.鮮奶南瓜糕:入面有粒粒南瓜~奶同南瓜既比例幾好, 有南瓜味但唔係好濃. 糕既質感幾滑~芝麻糕: 好好好濃芝麻味~好鍾意~綠豆糕: 清甜~好多豆~仲有d起左沙既感覺~比起紅豆糕更好食~雪耳紅棗糕: 好有口感, 因為好多雪耳~食落呢隻糕質感較其他爽…整體所有糕都好食~因為全部都唔會太甜, 岩晒我呢d怕甜既人~同埋好足料~6件糕都幾重~試食時,原本想買埋杏仁糕: 好得意架~食到有一塊塊南杏~…但費事一次過買咁多~唯有等下次經過太子店先買啦~

這個星期六, 又跟專兄吃個麻甩 lunch. 難得我在油尖旺附近, 便提議糕品小吃也出名的大記攦粉.芝麻糕很濃香芝麻味道, 要試; 桂花糕去到之時已沒有, 下次要再返來試; 墨魚卷是即炸之物, 很香脆好味; 韮菜餃子十五塊有六七隻也抵食的, 味道也實在有韮菜香的.攦粉嘛, 我覺得有點像米線, 都不錯的, 難得經濟實惠又一餐嘛! 要注意的是, 繁忙時間人多, 不用說店內, 門口賣糕點的也人頭湧湧.

尋日兩公婆特登嚟到依度食野，叫左一碗肥牛欐粉，一碟鯪鱼球，一碟小炒，一件蘿蔔糕、一件芋頭糕、一件馬蹄糕 、一件芝麻榚。肥牛攦粉嚟到，覺得都幾靚。個湯幾夠味 ，Ｄ攦粉好煙靱，但係冇嘜味，肥牛都幾好食，仲有Ｄ雜菜。不過試過就算，ｂ攦粉唔啱我口味。個鯪鱼球都過得去，唔會死實，但鱼味唔夠。蘿蔔糕好味，有甜味又夠化，正！！芋頭糕冇咁好味。馬蹄糕 最差，又唔夠甜又冇馬蹄味。芝麻糕最正，有好重芝麻味。 又香又甜，超正！！！食完之後仲買咗幾件芝麻糕、紅豆糕、眉豆榚返屋企。紅豆榚冇嘜特別，眉豆糕仲差，淨係得過甜字，又係冇味。以後唔會特登再嚟，最多係外賣幾件芝麻榚。 每次蔡瀾介紹Ｄ食肆，十間有九間都唔好食，都係信唔過。

下午路經附近, 遠遠已見到好多人圍在門口, 有成10人呢. 忍不住又想去幫襯, 因已食了飯所以只買了一件芝麻糕, 在我前面的太太一次買了10幾件糕, 真係好嘢.第一次食它的芝麻糕, 原來已雪凍的, 一件都幾重手下, 食落好香芝麻味, 而且又夠煙煙韌韌,不似一般舖頭的"希"糕, 這間的糕點真是好有誠意, 夠味道夠質素, 有機會再試其他款式.

二月二十二日 (星期日)老公仔每逢農曆新年,都會隨父母到中山過年而每一次,他都會不斷地吃當地特有的中山攦粉如今,終於不用一年只吃得一次了,因為有了你!大記!今天,老公仔指定Urgent,無論如何都要吃大記,就去了來到,看到門面有很多糕點,看見有芝麻糕,必定要試罷明查暗訪,終於知道攦粉的製作過程,與大家分享:先用白米磨成米漿,放入一個釘滿圓孔的鐵鍋內跟着掛在煮滾的熱水鍋上,再用木條放入鐵筒內然後將米漿沿着原先設定粗幼的圓孔擠壓出一條一條的米線米線即時會放落熱水鍋內煮熟,然後撈起,再過冷水便成了攦粉牛肉攦粉老公仔毫不猶豫點了這個攦粉是中山市三鄉特產,老公仔每年才可吃一次,是比米線還粗一點的粉很滑,有點稔但又彈牙,湯底是清湯,加上雜菜絲牛肉是新鮮肥牛,很煙韌,配上攦粉簡直是一流的配搭椰菜餃子攦粉我倒是第一次吃中山攦粉原以為是粗一點的"瀨粉"罷,卻變成了粗一點的米線真的很滑,煙煙韌韌,配上清湯,完全領略到攦粉的美味而且份量不少,十五元一碗的攦粉,好像吃極都未吃完至於椰菜餃子都不錯,很鮮的豬肉,加上爽口的椰菜不過只得三粒,不太夠芝麻糕很黑的芝麻糕芝麻味香但不是太重又是煙煙韌韌的,不會太膩原來攦粉

芒果布甸糕看起來已經很吸引，因為有很多粒粒芒果肉舖滿整件布甸糕內，當我咬到芒果肉的時侯，有很多的芒果汁舖滿在口裹，真是很鮮甜和好味!簡直是極品，價錢相宜，值得一試。

大記的確係有心機有手藝之作糕點每種都試過, 杞子, 雪耳戈件最美味雞酒欐粉湯汁香濃無味精, 最為有特色出品對得起價錢有餘, 絕不是將貨就價貨色建議食友們選用原裝原汁原味清湯, 比起其他口味見得最為出色

有日大少買o左個外賣返o黎, 話係新o野, 於是試下.一打開, 見到材料都幾豐富, 清湯面有紫菜,蔥等配料, 上面有幾件炸卷. 似蝦卷, 味道ok. 夾起個粉睇下, 原本唔似一般o既米線, 佢比較粗身, 咬落好煙韌, 又索o左清湯o既味, 唔錯. 大少話叫攦炒喎.大少仲買o左十蚊三件o既糕點做甜品: 黑芝麻, 椰汁糕同眉豆糕. 黑芝麻味濃, 不過糕o既質地唔夠挺; 椰汁糕對我黎講太甜; 眉豆糕質地夠挺, 豆又多, 我最鍾意!大少話下次試下堂食. 見琴日得閒, 就走去試. 見個餐牌, 選擇唔算多, 主打攦粉, 但價錢相宜, 唔駛廿蚊就可以填肚, 好抵喎. 問個阿姐, 咩叫攦粉, 佢話即係瀨粉, 不過同香港食開o個o的有少少分別. 心諗:” 嘩, 擺明係兩樣o野喎. 平時食o既瀨粉幼o的, 煮完半透明, 咬落質地又唔到”. 無理佢, 叫o左個海鮮湯烏冬 ($12咋!), 酸辣攦粉同小食鯪魚球. 等o個陣無聊, 又研究個餐牌. 原來上次大少買o個個唔係蝦卷,而係墨魚卷. 嘩, 一o的都無墨魚味都無喎, 無墨魚粒, 唔爽口, 係咪肥豬肉放太多掩蓋哂o的味呢? 終於等齊, 個攦粉索o左酸