大門橫丁串燒手打烏龍麵店 (已結業)

一心好有期望咁諗住試糖心蛋拉麵~因為上次係曼谷食過一間好正中既日本拉麵店,試過人地既糖心蛋,簡直係極品~點知黎到超失望~我叫左個大門糖心蛋手打烏冬,係豬骨湯底,有叉燒~本來重點,最好味既就應該係隻糖心蛋,同埋豬骨湯~唉~點知全部都係得個樣,金玉其外，敗絮其中.....真係虛有其表，實質極為平凡而無價值.....個樣都唔差架,但係豬骨湯,完全冇豬骨湯果種味...又唔濃.好失敗~糖心蛋....真係糖心蛋,個樣都算靚,好有期望咁咬第一啖,一咬就覺難食到食唔落~隻蛋又凍,又冇味........上網專登搵下香港邊度有得食糖心蛋既拉麵,搵到呢間野,有得食....專程黎試..........唉~果種失落,真係又天跌到落谷底咁~呢間野既糖心蛋已經難食,不在話下,仲要一D蛋味都冇~碗麵,仲要加左好普通既栗米粒,日本魚旦,同"甜豆"~真係冇誠意,"甜豆"同D麵一D都唔夾味~連筍都冇條,又冇木耳~劣品~!!!!!唯一可以讚既係,佢既手打烏冬算幾好食~串燒牛舌,OK~如果為左食糖心蛋而黎,就咪試啦~

一行三人路經此地，點了糖心烏冬，橫丁烏冬，生蠔烏冬，因生蠔不新鮮所以改橫丁烏冬（加辣），串燒八爪魚鬚，牛舌，胡麻沙律。串燒份量少，沙律份量多，味道不錯。老婆的糖心烏冬賣相不錯，烏冬亦有嚼勁，（因兩碗橫丁烏冬先後調亂了次序，所以吃了些糖心烏冬），到了我的橫丁烏冬，湯底香濃，烏冬不錯，牛肉尚可，但餃子和糖心蛋卻涼了些。整體水準不錯，鐵鍋奉上加分不少！服務水準雖然多甩漏，但誠懇跟進卻更重要，值得一讚。

上星期日十一點係mk搵食, 見到呢間未收就入去試一試, 而且招牌菜係手打烏冬, 很期待. order了一客蕃茄湯底烏冬+一客地獄湯底烏冬+串燒尤魚, 之後店員很有禮貌問我會否覺得蕃茄湯底很酸 (因為我order時問過蕃茄湯底會否很酸), 個湯係有少少酸, 但唔係只得一個酸字, 而係有番茄味係入面; 而烏冬好煙韌, 唔會太林, 而且好入味, 我同團友都覺得拍得住日本烏冬, 再加上用鍋盛住d烏冬, 令全程都keep住好夠熱, good~反而串燒尤魚就味道普通, 有少少燒得over 左

今次係第二次食呢間野啦第一次就食晚餐,除左食左佢d烏冬之外, 仲有串燒(雞軟骨, 雞, 年糕) 同雪葩(果日剩係食左3個, 檸檬,橙,南瓜)我覺得三個雪葩之中,除左橙之外, 其他兩個我都覺得唔抵食相反串燒好好食!***最好食其實係隻雞蛋!! d黃真係好正...今日食下午茶, 食左個雞柳濃湯蕃茄仲叫左個芝士牛油薯仔...(寫左晌塊板上面)呢個芝士牛油薯仔真係幾好食...雖然舊薯仔係細...但勝在芝士唔係好溜..好香架d湯底好好飲, 特別係蓄茄湯底, 好濃好好味但下午茶係冇蛋....有點失望

之前女朋友話想去試呢間餐廳 結果前晚終於試o左夜晚九點度去到 去到都幾多人 要等位 呢個都唔係問題 問題係個waitress問完我o地幾位姓咩 但之後又唔係mark低俾飛我o地 果刻都幾尷尬 -_-不過 等o左都唔係太耐就有位 可能都算夜啦一入去即刻點個鎮店之寶 點之個waiter話賣晒好! 唔緊要! 點過第二個!之後阿waiter哥哥又話所有雞扒賣晒 ...... 由於佢一句雞扒賣晒 好多o野我o地都唔洗點 好無奈正想叫第二樣o野之際 廚房又同個waiter講雞扒有番 個waiter話收到之後但又冇同我o地講番 搞到我o地究竟係有定冇 -_-結果成晚叫o左七樣o野1.青瓜沙律overall都幾好食 d料好甜 個麻醬好正! 聽阿經理講個醬係日本空運到港所以食呢個salad唔好可以將d醬倒落個salad到攬埋食 要點o黎食2.鹽燒雞扒肉質唔算太好 但個皮好脆! 好似燒肉皮咁! 但鹹o左少少 不過真係唔錯!3.蕃茄辛辣烏東加兩隻餃子 溏心蛋辣味同蕃茄味配合得唔錯 d辣係個喉嚨辣起o黎 令你成日都好想咳出o黎 但又唔係話係太辣隻餃子d料算幾好 溏心蛋質感都唔錯!4.燒雞皮都係果句 好似燒肉皮

一個月去左兩次了第一次買完魚見佢新開就入去試下個男服務真係幾好, 都幾用心介紹佢有咩野食 !!! 佢留左咭片(劉生)俾我地, 我地有個朋友剛果日生問佢有冇野送下, 佢諗左一陣都送張優惠劵我地, super good !!!!我地4個人食左好多野, 食左蟹烏冬, 蠔烏冬, 豬軟骨烏冬, 好多既串燒, 所有野都幾好冇投訴 !d 烏冬會有糖心蛋送, 我係一個唔太食蛋黃既人都覺得幾好食 !!! 一定要試下 !!!第二次上次位劉生唔係度, 係個女仔同我落單, 雖唔多人但都等得幾耐, 重出錯單, 我黎先叫一口蠔竟格離剛黎既上先, 唔係呀之後問個唔同衫可能高級d 既女人, 我hi 佢兩次都唔理我, 真係有d 火, 我問佢蠔既事, 佢就應都唔應行左去廚房指住我既枱, 好多謝肯跟我單但都要應下我至得架 !!!

話說果晚小弟同朋友行完金魚街打算求其搵間食店填肚。行至呢間見到日本菜黎喎身為悲哀既香港人自不然停低望下咁有位身穿深色制服既男士出黎問：先生幾多位呀?試下我地d野食丫順水推舟，又好，試下你就試下你入到去無乜吉位，小弟需要同第台人搭台，咁坐下不久(茶都未有時)眼見有一台人走左留下兩個吉位，就自然走去果度坐啦點知有位著淺色制服既女人(當時得佢一位著呢種制服，其他人既都係深色既)好大聲，但又唔係對住我地講：咁點算呀?佢搞亂晒d野喎!!得唔得架???小弟雖非達官貴人但閒時出入數間香港有名既餐廳倒也未受過此等閒氣一時之間倒也無可奈何正打算既然唔歡迎小弟何不一走了之之際在門口招呼小弟入來果位男士走過來問：先生，我地今晚有味特色烏冬喎，係原隻水蟹煲湯底再加一隻肉蟹唔知點點點...(氣在頭上，無聽清楚真請見諒也)小弟素唔食蟹，但見該男士笑容滿面，怒氣平息左一點，就同友人各自點菜了小弟點左番茄湯底既烏冬味道竟然有驚喜，烏冬滑韌有致，並帶麵粉香番茄湯底濃郁鮮味，好正食完野，埋單走人時，有禮貌男士竟然主動問：先生，好唔好食呀?如果好食下次歡迎再光臨喎!野食實在唔差，服務又實在唔差，除左個女人之外------咩

小妹平時唔多鐘意食拉麵烏冬，因為好多時都係湯稀餸又少，一係就連個麵或烏冬本身都難食．尤其是最怕一咬就變粉狀那種即食烏冬．有朋友介紹我試下呢間店，佢話串燒同拉麵都唔錯，而且價錢ok．於是就試下啦．一試之下原來ｄ食物真係幾ok，一個月內去左四五次．試過星期六下晝去都有set lunch．有一次晚市老闆o係度，係咁介紹一ｄ menu上冇既野，見客人食完又會問下有咩feedback，好有heart．我食過溏心蛋蕃茄海鮮烏冬，沙爹吉列豬排拉麵，地獄肥牛烏冬， 燒牛舌，燒鰻魚粒，燒雞心．湯低：老闆話個蕃茄湯低係落足料自家製，的而且確係好多茄肉，唔會溶哂冇野趙．沙爹幾香花生味，地獄湯就真係辣，我係辣得之人都出汗．拉麵烏冬：鍾意個烏冬夠煙un彈牙，雖然之前有食評話見到係超市烏冬，但我覺得好好質感，甚至好過citxxxper foodcourt o個d賣六七十蚊既日本手打烏冬．不過拉麵就硬左少少，或者下次叫佢煮耐ｄ．配料：隻蛋真係溏心，海鮮其實就一般，豬排炸得有點硬，反而肥牛幾好冇渣 ．值得一提係碗碗都有一大匙粟米，令愛粟米既我唔駛因為要叫粟米拉麵而要食素．串燒：三様都係老闆推介．牛舌最好食，爽口入味，

29/8(五) 7:30pm這一年來所流的血汗於今天流盡,肩膀上的擔子終可放低,身心釋懷!晚上時份,到旺角搜羅旅行裝備;事前到太子尋溫飽.又是捷足先登的時段.鄰近的"八方雲集"水泄不通,見此店尚有餘額,要吃趁早!環境異常狹隘,坐於走廊的吧臺,點了溏心蛋沙嗲鳥冬$58,野菜豬骨稻庭鳥冬$38及魚翅沙律$22.溏心蛋沙嗲鳥冬--溏心蛋果真做到蛋液盪漾的美態,入口還帶煙燻香!而晶瑩剔透的鳥冬細膩滑溜;此外,沙嗲湯底含花生香,薄皮餃子也煎得脆身餡足,水準之上的湯烏冬!野菜豬骨稻庭鳥冬--豬骨鳥冬豬骨湯底味道濃郁,還混雜著出前一丁這師傅!小棠菜,鮮菇,粟米粒,竹輪及鳥冬水準皆頭頭是道!魚翅沙律--烏冬上桌後約半小時才姍姍來遲的沙律,扁豆切絲混入素翅口味單調非常,行貨的沙律一碟!食物合格有餘,無奈環境之擠迫及服務之惡劣令我倆足以卻步,還硬付加一服務費,實在回頭太難...

好耐之前經過，打算一試，幾個月後就試下佢地以手打烏冬做口號，點知入到去就有1張6人枱、1張4人枱只坐左1個人，同近厠所既吧台位有2個位，佢地既枱係可以搭枱既，但個仕應就叫指左入去，但我見個位係厠所門口，我即時問厠所門口呀？佢竟然冇反應，其實有位何必叫人坐厠所呢？扣晒分，如果話怕突然有6人黎食而冇無，我相信做呢種食肆仲要金魚街好難會有6個人，佢咁樣反而得失d客，我以後都唔會黎。講完服務就到品質，我食左個手打冷麵，我女友叫左個拉麵，個冷麵真係太過細了，收咁既價錢我覺得唔係好值，一黎味道我只係覺得個汁(鼓油)仲好味，二黎佢太碎了，三就係佢話手打，但每條都做得好平均，似機制多過手打，認真差，到另一個唔記得乜名，只係知道係辣同得3-4小塊肥牛，味道因為只係辣，所以好難評分，但我自己只係覺得個拉麵唔夠爽口，唔知點解感覺到個湯底有蕃茄味，另外叫左2種燒物，串燒雞翼同串燒春旦，雞翼入面冇味同汁，只係得佢面上的調味料，春旦就一般啦，相就有五粒，送上枱就得四粒，不過好似真係用炭爐燒，但總括黎講，不去乜擺

附近開了一間"手打烏冬"的店子。由於家父曾在日本和北京居住﹐對麵食尤其鐘愛﹐所以我也喜歡以麵代飯。光顧這店時時期新開張不夠的一個下午﹐由於當時需要減磅以應付每年一次的體能測試﹐所以一天只會吃一餐﹐也不希望浪費配額。但那天﹐我浪費了。叫了一個蕃茄湯底的豬軟骨雞蛋烏東。湯是溫溫吞吞的﹐不熱也不冷。烏冬的口感與一般超市的分別不大。叉燒像臘肉一樣﹐既乾且硬。雞蛋不錯是溏沁的﹐但是凍冰冰的﹐與麵格格不入。這間店說串燒也是招牌貨﹐但那一天後﹐招牌已拆了半塊。因為烏冬比連鎖式的壽司店更不如。

與朋友在網上看到大門橫丁的網評不俗，晚上便到這用膳．這裡員工和老板的服務甚佳，在門口接到一張優惠卷是贈送汽水一枝，在落單時，老板時多贈一枝給我們．我們點了燒冬菇，還有老板推介的兩款拉麵和他們的自信作：燒蟹．燒冬菇味道適中，不會太咸，香口．兩款拉麵都不俗啦，就是沒有太大驚喜．燒蟹是不錯的，想不到價值４０多元的蟹會有那麼多膏．可惜的是因沒有拆蟹的工具，使不太懂吃蟹的我倆，吃剩一少部份，結帳時那侍應緊張地說：是不是那隻蟹有問題？這使我和朋友因沒吃下整隻蟹而有一點內疚呢但總之，他們的服務真是超好．

見所有食評都係好於是今日拉埋老公一齊去試下先 !遲人一步要坐 bar 台，都幾逼下 .......叫左個登別湯底拉麵同地獄湯底烏龍麵其實拉麵我都只係第三次食，但好好味呀 lee 到 d 拉麵個湯底果然好特別，望落係好淡咁但其實好有味 !連平時唔鍾意淡野既老公都偷多幾啖黎飲不過個地獄湯底我就冇咁 prefer 了同我想像既味道唔同，冇我想像既好味，但都幾辣下另外叫左個麻辣雞軟骨，兩碗麵都食晒先黎 ...............一 d 都唔辣既 ..........不過我為左想食雞軟骨既爽佢係做到既但 $10 我有更好既選擇 !唔鍾意佢已經加一後找錢時仲整散個 $10 !希望只係咁岩冇晒還原版 $10 啦

是日到旺角辦點事, 在雲南米線及魚粥中, 選了第三者, 只因其街上的易拉架寫著"手打烏冬專賣店", 而我對手打烏冬是極熱衷的。二時多, 店內都仲好爆。 我被領去bar檯的位置。 實話: 在bar檯看有實力的師傅工作是趣味, 而點點當的半桶水店呢... open kitchen絕對是倒米的。 此店個人覺得是後者... 完全不enjoy! "午市免收加一, 仲有飲品送架喎!...." 門口的waitress不斷重覆以上說話。 可是午市套餐完全不吸引, 只order了一客月見烏冬。 就是在那open kitchen, 見到師傅拆開那超市包裝手打烏冬............ 哦, 原來是超市"手打"烏冬專門店。師傅是先將煮好的一桶桶的湯, 盛上一隻小煲上, 用電爐燒熱(其實我對電爐有一定程度反感的)。 再在另一鍋把烚好的烏冬盛到碗內, 再兩者合併。 其實以我所見, 他每一隻"乾淨"碗都有水倒出... 感覺不好..... 這碗烏冬一上桌, 我差點想問"月見在哪?" 原來有半隻蛋瑟縮在一角。那蛋是半熟的, 冰冰的, 不討好。 喝口湯, 入口都叫濃, 可是愈喝是喝口乾... 救命。 那手煮烏冬是超

咁啱前幾日陪朋友買金魚,先知通菜街新開咗間手打烏冬店,見佢o的烏冬相片,影到o的烏冬好似好好味咁!又落雨喎!咪入去試吓。但意料唔倒咁好味，o的烏冬夠彈牙之餘,最特別係個湯底，我選o個隻湯底係蕃茄湯，我第一次食手打烏冬配蕃茄湯來吃，平時食都係配清湯或豬骨湯，但哩次新嘗試帶比我一種新的感受!真係好好味，下次要再黎試埋其他湯底及食物!