大隻佬手工餃子專門店

营业中

休息中

話說今日收咗工去深水埗剪髮之後，冇咩想法食咩好，就不如搵下新嘢食發掘下福華街附近啲食市，發現最近其實深水埗都開咗好多新嘢食，行到去靜少少黃金對面，發現福華街有見新鋪頭，原來係大隻佬手工餃子呀💪，個老細真係好大件，成個健身教練咁不過好好傾，佢介紹第一次可以食招牌花膠湯底，好我就試下招牌菜，原來真係有用花膠熬豬骨湯，叫咗一份豬肉韭菜湯餃子，一個字正！花膠湯夠濃，已經喺個湯底度見到3-4隻花膠，而餃子味道係傳統上海餃子風味，好耐冇食到呢種味道喇，爽呀！然後再叫咗個鹹蛋黃煎餃，都真係做出真功夫，邊夠脆而且充滿鹹蛋香味，香港依家冇呢啲正餃子食喇，支持手工用心製作！

有朋友介紹這間店，叫我過來嘗試一下，一試難忘，食物新鮮,養生湯底鮮甜，唔咸唔油，完全無味精，餃子唔薄唔厚，正餃子食時很多水，點了韭菜鮮蝦，鮮蝦亦沒有變味和彈牙，簡直一流！還會再過來光顧！

湯餃再選花膠湯要加$8 但非常之值 仲有幾款唔洗加錢嘅選擇 但因為網上推介花膠湯 就完全無留意其他選擇係乜 而花膠湯除咗兩片花膠之外 裡面仲有用豬同雞去煲 非常足料夠味係我香港餃子店飲過最好味嘅湯可惜嘅係餃子店嘅主角餃子相對平庸 呢款係白菜鮮蝦餃子瘦肉比例較多 口感比較鞋 當然我知肥豬肉cheap啲 但都需要比例均衡先好食嘅鮮蝦細隻又無蝦味 令人覺得有冇蝦好似都冇分別 8隻入面仲有1隻是無蝦的白菜有小部分已變黃 無咩菜味 可能不夠新鮮店員服務態度親切 店裡望落都算乾淨 為咗碗湯都值得一試

11月26日食晚飯，兩個人食一個叫湯餃加花膠湯一個叫煎餃加花膠湯，睇住隔離枱遲過我地落單，食物比隔離枱先，然後隔離枱話送錯。舖頭收返果碟隔1，2分鐘就送返一啲我嗌嘅過嚟。即係將原本人地果碟送嚟我果枱，餃子上面仲有個窿。問職員呢啲係咪隔離嗰啲佢話唔係，但係碟餃子係凍嘅（平時正常煎餃都要等20分鐘）幫襯咗幾次，估唔到只係為賺錢，對食物冇要求。湯係好飲，湯餃煎餃都好食，但好食係好食，唔會再食下次。🥲🥲

尋日同朋友去開深水埗想食餃子但係又唔想又去食同一間所以好無意中就搵到大隻佬餃子😃因為唔係foody又冇食野影相習慣（所以啲相真係影得好差，其實佢上枱既時候靚仔好多架😆）， 食到一半先醒起其實佢值得更加多人黎食， 因為除左好味性價比仲好高，所以先決定寫食評同嗱嗱聲影返啲相🤣佢既餃子隻隻大大粒，仲有碗真材實料既湯真心驚喜👍🏻我個人鐘意食湯餃，佢個皮厚薄適中又夠滑朋友就覺得煎餃好食，因為大大隻爆涵又脆皮大家都好滿足🤤我覺得如有有空間改善就係其中有個湯唔夠熱（ 我鐘意飲好熱既湯） 再熱啲就好啦😉

去SMP 買嘢有啲肚餓去食D野！四圍附近嗰啲店搵下，意外發現這間咁特別嘅餃子店😂大隻佬手工餃子，果然冇欺騙觀眾，哈哈原來老闆真係超級筋肉人，仲好nice🥱幾特別嘅家庭式小店👍🏼湯底仲好足料今次試咗個蕃茄豬潤湯加煎餃子❤️黐線㗎好好味！啲湯全部飲晒😂下次要試埋另外靚仔大隻佬介紹嘅花膠湯， 見後邊啲姨姨個個都叫應該冇得輸。I will be back🫰🏻👍🏼

我最喜歡食餃子架喇，最近行經深水埗一帶終於揾到一間新開家庭式好好味嘅餃子店，原來這間店係堅持每日用新鮮食材包嘅餃子，所以係特別好味道嘅，同埋餃子嘅款式又豐富又健康又美味，好味到極，值得一提嘅係，店內有提供6款養生湯，每款湯都好好味架，我就特別喜歡蟲草花甘笋粟米豬骨湯，又好味又可以養生，一舉兩得，仲有佢哋有用猫猫碟上菜，又夠可愛，食完都會有更好嘅心情，店舖內嘅環境同服務都好好，每位店員都好專業同好用心去服務每一位客人，末試嘅真係要快D黎試吓啦.. .

今日經過深水埗黃金商場附近見到一間大隻佬手工餃子專門店入去試吓，叫咗一個花膠雞湯和韭菜鮮蝦鮮肉餃子，好有驚喜，花膠非常黏口，花膠仲大過粒餃子👍餃子煎得口味適中，十分好味，😋最重要真係有個大隻佬送啲餸過來🤭下次一定會返來再幫襯😊

小弟餐廳用餐就多，餃子通常食開荃豐大排長龍個間餃子店。 今天出開老家深水埗買SIM卡，經過呢間新開餃子店，我地喜歡飲湯，被養生湯底吸引，下午茶時間裡邊都空無一人，OPEN RICE 又冇食評，猶豫之際， 有位中年男士客人入內， 我地決定膽粗粗試下試下最低要求: 湯無味精及一定夠熱， 落單即煎餃， 湯就一直煲住， 個湯來到， 好濃好足料， 花膠湯好黏口 蟲草花豬骨又係另一味道最後叫多碗外買俾爸媽試下， 都係加＄８ 食花膠！老細爸爸都叫我地食完俾下意見！湯底無得輸， 餃子尚有進步空間。大家經過都可以試下試下

深水埗餃子店，見店面乾淨企理就試一試，點知有驚喜喎❤️唔記得咩餃子，配花膠雞湯超濃嘅湯底，勁有呀媽煲嘅湯感覺大大舊花膠大大舊雞，勁足料👍🏻餃子大小厚薄適中，有質感另外仲叫左個莞莤湯同咸蛋黃餃子🤤🤤第一次食咸蛋黃餃子，真係一試難忘🤤🤤🤤煎餃煎得岩岩好脆口再配蛋黃，香口到不得了一隻接一接秒速KO一碟出左門口先發現可以單隻追加$7一隻，老公話早知要追加餃子多幾隻咸蛋黃餃子唔駛爭🙈

路過附近搵野食，見到有咸蛋黃餃子，無期望之下買外賣嚟試，勁有驚喜！餃子：好飽滿，咸蛋黃真係有流沙感，最驚喜係個餃子皮就算外賣咬落都唔會好硬/ 好淋，有少少煙靭，厚薄適中湯底：花膠湯底超甜超濃，濃到好似老火湯，有花膠同湯渣；芫荽湯底都好好飲，但相對之下比較清淡～兩個湯其實單獨飲都好開心😂下次會想試吓堂食煎餃😋