大飯糖甜品小食屋

营业中

休息中

今日去左大圍，見到車站隔離有幾間冬菇亭咁樣既餐廳，已經好耐無見過呢類餐廳，原來喺大圍呢度仲有。行過黎睇下，原來呢間叫大飯糖，有主食，又有甜品，於是一試。呢度既裝修都幾靚，夠光猛，天花又有藍天白雲，令人覺得好舒服。叫左一個三炆三焗牛展麵（$52連餐飲）牛展麵比我預期中出色！牛展係厚切粒狀，好大件，但超淋超入味！麵係用左類似中式拉麵，麵質爽滑彈牙，正個湯都好濃！無諗過可以喺大圍食到一碗咁高質既牛展麵。另外點左一個芒果小丸子撈河粉，是日特價$38有半個芒果喺面，仲有超多芒果汁浸滿左個河粉，河粉有椰汁味，撈埋芒果汁好夾呢間大飯糖好高質，下次一定再試其他野食！

陳醋酸辣拌麵配蜜汁豬頸肉 $50個麵的味幾特別，係第二到未食過，酸酸地配埋酸菜炸蒜，幾開胃，令人食唔停，而且個麵質好煙韌，掛麵一流。而且豬頸肉真是有好多好多，好抵食肉燥滷肉飯$44肉燥反而冇麥特別😂叫飯仲送野飲，可以選椰汁涼粉冰的特飲呢間舖仲有埋甜品架，一次過滿足兩個胃評分:6🐷

今次試左超級三兄弟 真係滿足左我三個願望！超級三兄弟其實都係朱古力既系列甜品分別有朱古力軟雪糕 心太軟同埋朱古力布甸款款都好吸引呀 真係食邊款先都諗左好耐😍朱古力軟雪糕有濃濃既朱古力味 非常軟滑 之後朱古力布甸我鐘意佢唔係太甜 而且滑得黎又好有口感 真係一啖又一啖咁食唔停 而且布甸滿上仲淋左朱古力醬 更加邪惡呀！最後到左重頭戲 亦係我最愛既心太軟 所以我都唔捨得食留到最後！心太軟好欣賞佢外皮幾脆 所以增加左個口感 然後我一切開 入面就流出滿滿好澎湃嘅朱古力醬 心太軟蛋糕入面係鬆軟既 當我點埋朱古力食真係超滿足💋另外我仲會將心太軟蛋糕點埋雪糕食 個種冰火交融既感覺係出奇地特別同夾！🍫🍫

今日放假就去大圍美林邨探吓朋友先經過見到以前d大排檔遙身一變，變成現在新式熟食檔就約朋友落來一路食一路吹，入到舖內有冷氣、有裝修、乾乾淨淨即刻睇吓餐牌有乜嘢食先除左飯、麵，還有好多小食和中西式甜品噤啱係下午茶時段，我就叫左個炸水餃拼燒賣，另外叫左個甜品：焦糖燉蛋配3.6軟雪糕炸水餃拼燒賣，水餃即叫即炸，外皮脆咯咯內裏餡料十足，燒賣食得多，但係炸未食過食落外皮脆內裏軟腍腍，感覺幾正至於跟餐個杯黑糖珍珠鮮奶，黑糖珍珠入囗甜甜地煙煙靱靭焦糖燉蛋配3.6軟雪糕，焦糖燉蛋表面脆內裏燉蛋香濃原來燉蛋係凍還加左雲呢拿籽，另佢更加香而3.6牛乳軟雪糕入口感覺嫩滑加左朱古力脆脆增加囗感估唔到現在屋邨都有d噤好既甜品店，下次得閒又可以去試吓其他食物

大圍甜品店多近鐵路站偏偏大飯糖入左d係美林由於地點關係，一路都無試過今次就巴士入到美林試下la點知。。。竟然有驚喜👍🏼甜品款式都幾多，中西式都有我地叫左超級三兄弟，芒果爺爺同餐牌上既相係一樣架份量十足心太軟上檯仲係脹卜卜好靚切開係流心架！亦唔會好甜3.6朱古力軟雪糕好大個仲好滑又濃朱古力味3款朱古力甜品啱曬朱古力愛好者如果心太軟有得揀黑朱古力就更好la芒果爺爺椰皇屬大個既size入面有椰皇水果凍再有芒果粒，上面有3.6軟雪糕椰皇果凍係椰水原味，感覺清新最欣賞係無太多糖水，唔會太甜👍🏼除左甜品🍮亦都有小食，麵飯我地見到有炸燒賣就忍唔住叫左份燒賣面脆口內軟，炸得啱啱好

冬菇亭已經係香港買少見少, 今次黎到美林搵食, 估唔到仲有幾間新淨的冬菇亭!我地揀左一間有地道香港小食及糖水店試試.店內裝修非常光猛, 地方乾淨又整齊, 一改舊有冬菇亭的風格!MENU上款色十分多, 有飯有麵, 重點係有地道香港小食!仲有2張MENU, 全部都係糖水甜品, 款色超多!店內準備左SPARE碗/水/匙等等, 方便客人自己羅!原來ORDER飯麵, 仲可以以特價ORDER指定甜品或飲品, 甜品有6個選擇, 抵喎!如果想要跟餐要飲品, 有一款黑糖珍珠奶係免費選擇添!黑糖味不濃, 珍珠有咬口, 夠曬凍, 抵呀!先來一客地道小食 - 咖喱魷魚拼盤內有魷魚, 魚蛋, 腸仔, 豬皮同蘿蔔咖喱汁夠曬味, 杰身, 唔辣, 掛汁OK!魷魚夠爽魚蛋幾彈牙蘿蔔仲好"林"!牛展食得多, 呢到有酥炸牛展!牛展好入味好林呀!外皮炸得好香, 超好食!!!!!肉燥鹽酥雞扒飯 - 大量的肉燥, 唔太咸鹽酥雞扒VERY GOOD, 皮炸得好脆呀, 亦都唔咸雞扒好滑仲有汁, 完全唔乾身, 十分好!最後一定要個HAPPY ENDING - 焦糖燉蛋配扭紋軟雪糕凍的焦糖燉蛋, 好滑亦好香蛋味, 底部好多雲呢拿籽, 真

等朋友O係附近OT收工, 成8點半. 佢都餓到扁左, 所以唔行咁遠, O係返美林邨食!記得附近有D翻新左既冬菇亭, 所以去望下.見到呢間大飯糖, 有好多選擇, 所以決定入去!入到去, 座位都算幾多. 而且餐廳既色tone令人好舒適~冬菇亭內的一片天, 真係想唱返句: 藍藍天空高掛我的夢XDD睇MENU見到有主食之外, 原來仲有好多甜品, 唔怪得叫大飯＂糖＂啦我地叫左一個主食, 同DＤ小食,最後加單嗌左2份甜品.呢度野食既價錢都算親民, 而且間中會有D是日特價item.入到去不妨可以望下個電視機睇下有冇岩食.跟餐仲有得配近期好hit既黑糖珍珠鮮奶添!陳醋酸辣拌麵配蜜汁豬頸肉先講個汁先啦, 我未食過陳醋酸辣, 估唔到咁夾!夏天食好開胃而豬頸肉都好入味, 最緊要係份量足 (醫得飽朋友OT後既肚)配餐飲: 黑糖薑茶 (夠哂薑味~養生之選)(唔洗加錢)酥炸水餃炸得好鬆脆, 入面既餡料都好飽滿!蜜脆雞翼炸粉唔會好厚, 雞翼都keep到juicy, 唔會太dry, 咬落仲係脆既TIM.帶D蜜糖既甜味, 好正~朱古力木糠布甸配3.6軟雪糕呢個配搭好特別!朱古力軟雪糕好濃味, 而且好滑~木糠布甸甜度OK

今天朋友帶了我去一個秘密花園，裡面有好多屋邨特色小食，而今次就揀左呢間。環境寬敞，而且設計簡約，即使單人都不怕搭枱，絕對係單身人士的福音呀！點了一份二人餐，先來是蘿蔔湯浸生菜。湯底有少少蒜香味，味道好清甜小食是蜜汁豬頸肉，蜜汁的味道唔會好甜好黏，而豬頸肉亦不是烤得好油好焦，拌飯一流。咖喱魷魚拼盤都非常大份，拼盤包括魷魚、豬皮、蘿蔔、魚蛋、腸仔。咖哩汁入味，唔算太辣，蘿蔔都好甜好淋。另一小食是炸水餃拼蜜脆雞翼。雖然水餃皮是炸過，但都不會感覺好乾，相反外脆內嫩的感覺好特別。咬了一口已經感受到好多餡料，絕無欺場。主食點了一份肉躁飯，雖然肉躁唔係好多，不過味道好好，唔會太咸，反而飯同汁的濕度都剛剛好。另一份主食點了豬骨湯麵，麵質是日本拉麵，軟硬度中等，而湯底十分濃味，不過略嫌有少少咸。經典飲品白牛都有呀！白牛即雪糕配雪碧，唔係每間餐廳都有嫁😍真心好正呀！

今日去開好友大圍屋企玩，夜晚肚餓了問佢有冇咩就近又唔頹嘅餐廳去食餐飯～於是佢帶左我去佢家附近有間餐廳，有得食飯同甜品唔洗食完飯又走去搵糖水鋪啦～都幾大幾乾淨，侍應係有禮貌嘅後生仔女～至少坐得叫舒服野食方面都唔少野揀，揀食咩飯嘅同時，已經睇定食咩甜品咖哩魷魚拼盤$38呢個見到好多人食!!$38又唔貴就試下，真係好豐富下，好足料咖哩辣中帶微甜，正蘿蔔勁甜又冇渣估唔到屋村小店都咁勁豬皮、魷魚彈牙腸仔、魚旦正常，不過有呢個汁，都有野都好味香菇肉燥飯$38（包飲品）都幾大碗，冬菇肉燥入味估唔到嘅係伴菜蘿蔔都好甜，就咁食都已經好味朋友跟餐送熱台式奶茶，我就飲凍台式奶茶（+$3）好搞笑，係用湯碗仔後裝住，份量夠飲，仲好香濃凍奶茶會俾埋支糖水你加，其實唔加都好好味，茶底夠靚夠濃仲有碎冰喺奶茶內，唔會溝淡奶茶都幾細心喎不過最重要係佢個茶真係好飲芒雪奇緣$60雖然佢一站式有飯有甜品，但樣樣都做得幾好包括呢個甜品～芒果新鮮，棉花冰清甜芒果味，雪糕係3.6牛奶軟雪糕丸子唔甜，好好咬，加埋呢個組合balance得好好總括而言，我明朋友點解帶我黎食啦～呢間野嘅cp值好高如果市區都有我都會想去～

今日跟朋友踩完單車，身為居民的他，介紹了這間貼地餐廳。一進去環境踩完單車好肚餓，我們立即點了個小食。魷魚拼盤🦑咖哩的味道不像平常吃的，有點像日式咖哩，有少許甜，但又不太辣，吃不到辣的人都一定食到。魷魚很爽口，一點也不un其他配料有腸仔，魚蛋和蘿蔔。魚蛋口感一般，不夠彈牙，蘿蔔就很甜，再配上咖哩汁產生令人上引的味道飯方面，朋友點了香菇肉操飯。份量很大！香菇很有味，再配一口肉操飯味道很夾而我則點了肉操滷肉飯。份量都很大！肉燥亦很多，反而滷肉略微有點肥，肥高的比例較多。但整體都很入味，肉燥汁很好食甜品方面，我們點了芒雪奇緣。份量亦很大雪糕是3.6牛奶雪糕，不會太甜，小丸子口感亦很彈牙，芒果很甜對比下，綿綿冰則不夠芒果味，可能被原本的芒果味蓋過。飲品方面，我們叫了 台式奶茶 (凍/熱)服務員將凍奶茶送上，會連同糖漿送上，而奶茶中亦有些沙冰融入，食客可自己控制甜度，這個做法很新穎呢茶味亦很濃郁，茶底不錯👍🏾而熱版亦不錯，茶味濃郁份量在視覺上亦很大

今日去左間屋邨小店食糖水🍨座位闊落，空間感好大，好舒服，好乾淨。店內有飲品糖水同小食。都幾多款式。所以本身諗住食糖水之外，都叫左啲小食👅🥘咖哩拼盤（$24）咖哩汁入味，唔太辣，豬皮配埋個汁好入味，仲有最值得讚真係個蘿蔔，好甜好林🍢鹽酥四寶（$52）雞扒肉嫩滑水餃炸到個皮好脆牛展好林，好嫩滑，有驚喜，好食過雞扒😍😍😍😍🍧超級三兄弟（$63）朱古力心太軟+3.6朱古力奶凍+朱古力軟雪糕熱辣辣既心太軟，個皮焗得岩岩好，入面有流心效果👍🏻👍🏻👍🏻，朱古力味道濃，唔會太甜。我覺得價錢比出面食既平啲同埋好食😍如果小店可以開起旺區就好啦職員態度好好💪🏼

不知道大家會否跟我一樣宵夜就是想吃熱的粉面或是飯？😂今天想要跟大圍的朋友們介紹介紹，（大圍其實也是夜宵重地，夜茶啊什麼的都很出名）在巴士站前的大飯糖，一次可滿足你兩個願望。這位店家很聰明，了解到大家吃宵夜其實也想吃飯的想法，有糖水有飯這理念真好。糖水是少不了的，大飯糖也是個盡責的店家，常會有推介或是特價的餐，可以留意一下。我光臨大飯糖已不止一次，吃過晚餐也吃過下午茶。最為讓我印象深刻的是這冬菇肉燥飯，可以叫迷你的，$18。（迷你的沒有冬菇）冬菇應該是用上蠔油慢慢炆的，而且是乾菇，店家在準備功夫方面沒偷懶。咬下濃濃的，又軟又入味，有自己在家裡煮的感覺。真的要好好讚揚一下它的冬菇。飯沒有特別，但肉燥算多，還有兩顆沒怎麼調味的白蘿蔔和紅蘿蔔🥕。雖沒怎調味但卻意外好吃，配上郁濃又重口味的肉燥是一絕。飲品方面晚餐是一個飯免費加的，如果深夜時間就沒有了。又是有白蘿蔔的菜，我真心覺得大飯糖的白蘿蔔用料真好，好多水也非常有蘿蔔味！這咖哩不錯，美中不足是好像不夠熱。這甜品是什麼名子我忘了😂😅因爲真的吃了很多次每次都吃不一樣的。這甜品我是有中伏的感覺，心太軟沒有問題、可是巧克力布丁卻有水果之果的味道⋯（榴

平時多數開車出去揾食，老婆呢日無啦啦玩從行吓，落大圍食上次叫過外賣嗰間大飯糖。行到熱辣辣跟餐加錢整返杯黑牛先，無諗到咁大杯，個朱古力雪糕好似唔洗錢咁，朱古力味幾濃，口感都幾軟滑，唔錯，加埋可樂，其實飲哂成杯都真係會飽。呢個係當日特價，平咗$4，咖喱味幾香，除咗香腸稔很得滯，魷魚、豬皮、蘿蔔同魚蛋都幾好食。肉燥鹽酥雞扒飯連我作為男人都覺得大碗，雞扒幾大塊，亦夠香脆，雞肉都嫩滑，俾係肉燥好似少咗啲，但整體係唔差嘅。呢個芒雪奇緣初頭見$60好似唔平咁，原來好大碗，3.6牛乳雪糕都幾軟滑，芒果都幾甜，綿綿冰重芒果味同口感好爽，丸子都幾煙韌好咬。老婆話會再去，我都覺得唔錯，算大圍區抵食又食得過嘅。

之前叫過這間外賣覺得還不錯，早陣子不想去太遠，但又想出門走走，便決定走路過去堂食。原來餐廳頗大，位置亦算寬敞，環境亦算整潔舒適。見到餐廳名會以為主要是甜品店，但其實有飯有麵有小食，選擇亦不算少呢。每日都會有單點精選，飯麵餐亦可以優惠價點指定甜品或飲品。咖喱魷魚拼盤 $38 (特價$34）拼盤包括魷魚、豬皮、蘿蔔、魚蛋、腸仔。肉燥鹽酥雞扒飯 $46飯對我而言是很大碗的，有少量肉燥，一大塊雞扒，紅白蘿蔔也很稔很甜，整體味道不錯。雞扒算大件，炸得夠酥脆，內裡的雞肉口感不會太乾硬。黑牛 跟餐加 $12原罐未開的可樂跟冰底上，朱古力軟雪糕有好幾圈，口感軟滑且朱古力味濃，但我會覺得略甜，不過這杯黑牛雪糕的份量真的誇張，絕對可以增加飽肚感。芒雪奇緣 $60雖然索價$60好像不便宜，但一上桌便可看到真的很大份，有4-5圈3.6牛奶軟雪糕、一大份芒果、厚厚綿綿冰底、大量小丸子和星星，建議2人共享。軟雪糕入口啖啖奶香，口感很軟滑，味道不算太甜；芒果的熟成度剛好，味道香甜；綿綿冰不算綿，但口感尚算順滑，芒果味十足，入口清爽不會太甜。相信這裡會成為我們外賣或留在大圍覓食時的一個經常選擇。

記得當初大飯糖試業果陣黎個一次，當時可以點既糖水甜品有限。呢排散開步見佢多左好多野食就諗住同男友試下啦。大飯糖座落美林邨，美林邨邨內真係無甜品店，所以得知呢頭有間甜品店都好開心，因為又多左個食甜品既好地方。入面坐都好舒服，又寬敞。地方都好乾淨衛生。價錢都唔貴，依家仲有埋小食同晚餐，係真係好多元化呀！呢度好既地方就係好多由3.6牛奶製作而成既甜品。岩曬我呢個「奶精」。所以我一口氣點左「芒果楊枝甘露加3.6軟雪糕」同埋「3.6牛奶奶昔」。芒果楊枝甘露加3.6軟雪糕：芒果分量好足，而且都幾甜幾新鮮。楊枝甘露酸酸甜甜，加埋西米露。椰香十足，再撈埋芒果同芒果汁一齊食真係好好味。而3.6軟雪糕真係好正，好重奶香味而且好滑，我就鐘意一口雪糕再一口楊枝甘露，將奶香和椰香兩隻味mix埋一齊品嚐！只食甜品有少少美中不足，所以小妹就點埋3.6牛奶奶昔。呢個真係要推薦，雖然簡簡單單，但奶香味濃郁，滿口都係3.6濃濃既奶味，真係好正！配埋個3.6軟雪糕咁食真係一流！大飯糖既甜品整得唔錯，而且價錢又唔貴，仲可以任坐，地方又舒服，值得再試。👍🏻