大飯糖甜品小食屋

营业中

休息中

自從中學畢業之後很難約朋友吃飯了，難得她搵了日空閒約我到她附近吃糖水也滿足。一到了大圍她就帶我到美林邨內的一間餐廳食甜品話果度的甜品好好味...坐下來，我看了看餐牌感覺幾好，但未食過，所以交由朋友挑選最後朋友叫了一碗紅豆沙和幫我叫了一個心太軟超級流心，心太軟朱古力醬味濃，蛋糕層很薄，而且最重要係甜度適中，很適合我的口味....紅豆沙夠熱和粒粒都好大粒，應該係用左優質紅豆...佢話望落去好似顏色幾平均，食落唔會好稀

朋友住係美林村， 係佢屋企打完機肚餓就緊係去搵好野食啦 附近既選擇唔算太多， 見到呢間都唔錯，一於試一試佢！！！而度有甜品，小食，飯類都有架我地見到甜品之後超想食啊放棄正餐 ，食甜品當晚餐心太軟配榴連雪糕好好好正一定要試啊！ 心太軟一切流哂出黎好吸引唷~連埋雪糕一齊一凍一熱芝士豬頸肉完全係因為超級想食芝士 hahaha 芝士控嘛！ 佢而個仲有d粟米粒， 不過佢而個有d似粟米濃湯既feel ~蕃薯糖水+紅豆沙~好溫暖啊 凍冰冰既天氣岩哂啦

因為呢間野性價比夠晒高而且又成日行開大圍呢頭所以成日黎食今個月當然都唔例外啦==============================首先依然都係我既鐵膽：心太軟今次就配雪糕球心太軟朱古力味依然好香濃而且甜度岩岩好，唔會太甜流心效果一流熟度岩岩好令佢唔會似食蛋糕，又唔會似食朱古力醬咁至係心太軟呀嘛雪糕球朱古力味都好香濃一熱一凍，冰火交融真係至高享受配埋脆脆簡直一流另外仲叫左個腐竹薏米糖水今次食豪ｄ，加左份湯圓同小丸子糖水部分偏甜，而且腐竹少左ｄ不過薏米方面就好足料，岩晒我呢ｄ需要清熱去濕既人小丸子煙煙韌韌，好好咬口湯圓有３粒芝麻湯圓芝麻味好香濃但如果有得比客人揀芝麻或者花生味就更好啦

踩完單車又係時候充充電，今日去既哩間小店，除左甜品小食，仲有快餐飯麵類，非常多元化，一次過滿足哂各人口味。去到岩岩好係下午茶時段，部份飯麵小食奉送餐飲，我地就叫左個三重起司粟米豬頸肉飯加柚子蜜。哩個飯真係好邪惡，上面除左芝士粉之外，下面仲有塊芝士溶左係白汁裡面，芝士味濃。食落又有啲粟米湯味道。豬頸肉好淋，唔錯👍🏼。因為經典香腸牌就黎停產，依家要食多啲腸仔先得🤤，加左咖哩既腸仔都一樣咁好味。哩到既心太軟真係好掂😍，蛋糕焗到岩岩好，唔會好乾身。蛋糕裡面既朱古力醬仲好流心。雪糕球雪到好冰硬，可以邊食邊傾計，雪糕球都唔會好快溶哂。魔鬼三兄弟，就多左個3.6朱古力奶凍。一次過嚐盡三種唔同既朱古力製品，朱古力控一定要試🤤！奶凍好滑，好香奶味。食既時候建議先食奶凍後食心太軟，因為心太軟朱古力味濃，會蓋過奶凍味道。

自從減肥之後，好久沒跟吃過甜品囉！今天肚子空空又不想吃正餐，正好附近有間甜品屋，價錢也不貴，去試一試吧！天氣有點冷，先點了一個冷熱交雜的焦糖燉蛋＋朱古力軟雪糕，法式焦糖燉蛋沒想到做得那麼正宗，上面脆脆的焦糖片非常薄，下面的燉蛋入口即溶又不會太甜，朱古力軟雪糕是令人好懷念的小時候的味道！把軟雪糕加燉蛋加上朱古力脆脆，口感有稔有爽脆，好有趣～吃了糖水還是有點餓，又點了一個鮮雜果小丸子撈配河粉，煙韌的小丸子加上爽滑的腸粉，超有口感！裡面的雜果除了芒果，還有西瓜香蕉跟木瓜，吃下去甜甜的又健康，裡面帶點芒果味（汁底是芒果），加起來很複雜卻又很配合～這樣下來就飽飽了，$30+$43兩個人，是很平民的價錢了～

窮遊香港-大圍高cp值糖水.今次講既呢間糖水 份量偏大⭐️而且糖水既溫度方面做得幾好 特別係冰方面（下集講下一間呢2樣都做唔好既）.呢日食左3樣野⭐️超級榴槤山$76👍🏻份量偏大 如果食完晚餐打底基本上可以2個人分一個黎食👍🏻雪花冰夠凍 但一樣夠棉 加分👍🏻你唔會有果種 死啦佢溶啦 食快d先既感覺 加分我敢講 放係枱10分鐘 佢淨係溶左個表面姐.⭐️d24榴槤班戟$37相比起雪花冰 呢個 榴槤味濃d👍🏻班戟都比滿記大 1.5倍？（印像中 差唔多啦）👍🏻入面都多榴槤蓉 同cream正.⭐️芒果之城$41先講講個芒果雪糕👍🏻佢係凍到連旁邊既蘭香子都硬埋 加分（睇圖可以見到雪糕仲結緊霜）👍🏻佢雪糕凍得黎 唔冰硬 加分👍🏻一樣唔洗驚佢溶 可以慢慢食🤔係偏甜偏濃味既芒果雪糕食完再食上2個榴槤會變淡味👍🏻芒果肉 係芒果汁底 一樣份量夠👍🏻同埋芒果夠甜仲有d百香果味星星係面整體幾好既配搭.#大飯糖地址：大圍美田路30號美林邨熟食亭5-8號舖.⭐️評分：味道：4/5環境：4/5服務：3/5 基本服務啦衛生：4/5抵食：4.5/5

今日朋友帶我黎到大圍食飯最初見到呢度叫大飯糖，仲諗緊點解未食飯就食甜品點知朋友原來推介係我食呢度既牛展麵！朋友話呢度既三炆三焗牛展麵好食，所以我就點左一份。三炆三焗牛展麵$52一碗跟餐飲，期間限定可以免費轉腐竹糖水同埋大熱既黑糖珍珠鮮奶！（凍飲加$3)咁我就當然揀轉飲黑糖珍珠鮮奶啦！外面買一杯通常都要成$2x!!朋友果然無介紹錯，牛展麵用左牛骨湯底，牛味好濃！另外仲有啲蒜蓉同酸菜，令個湯更加有層次，味道更豐富。牛展焗到好淋，入哂味！絕對推介！朋友試新野，肉燥雞排飯，佢話味道唔錯！仲有好多優惠！甜品有好多選擇

美林既糖品鋪真係好少。其中大飯糖就係一個幾唔錯既選擇。最近仲做日日有優惠，每一日都有唔同既糖果或小食優惠，真係幾抵。好多都幾平，好多款都平差唔多十蚊。不過就要睇岩邊日黎啦。而餐廳有好多套餐，仲可以加錢配甜品。我同媽媽兩人黎試左芒果爺爺，呢個係餐廳既推薦，之前見到有客人點過。睇落好似好正咁，所有我地都試下。份量真係好足。上面係3.6牛乳雪糕，中層係芒果粒，最底層就係椰青水製作既啫喱。3.6牛乳好香濃好正，而且仲有好多，可以配搭上大大粒又甜既芒果粒，一齊食真係好好味。睇落去入面係滿滿既芒果肉。估唔到最下面既椰青啫喱真係好清甜又清新。將啫喱配上芒果粒與雪糕一齊食一次過食到唔同既層次。真係好唔錯既選擇。最好食既係椰青啫喱，入面成個椰子都係滿滿既椰青啫喱！食落涼爽又清新，濃濃既椰青水味。整個芒果爺爺分量都好足，而且所選既配搭都係受歡迎既食品。好值得大家一試！我地仲點了渣咋。熱熱地又甜甜地，渣咋仲好足料。大大碗可以慢慢品嚐。大飯糖既選擇真係好多，下次會再黎試其他糖品。正！

自從黎呢到食過一次之後就返唔到轉頭依家每個月都起碼要食返一兩次先安落但今次試下食埋甜品以外既野又幾有驚喜喎==============================都唔少人幫襯轉左新MENU喎幾簡潔舒服次次都食甜品，都未食過咸食今次叫左個肉燥鹽酥雞扒飯鹽酥雞扒大大塊炸得非常之唔錯外層炸到好吸引既金黃色而且好香脆入面又保持到嫩滑真正外脆內嫩肉燥都好正調味剛好，唔會太咸或淡而且食到好香既肉燥味用黎送飯一流今日既甜品就叫左渣咋一個用料非常足既渣咋入面既紅豆綠豆等等既各種豆類份量都好足夠夠晒良心！而且食到好香既豆味之餘，味道唔會太甜，岩岩好

朋友帶我到大飯糖甜品小食屋， 開頭我以為佢同我食甜品宵夜，原來這間大飯糖有很多不同種類的食物。 真係唔好睇少呢啲新式的熟食檔， 竟然向入面搵到驚喜！ 本身淨係諗住食甜品， 但係看見餐牌上的食物真是花多眼亂，樣樣都想試下嘅我，立即變得選擇困難症！見到有一個三炆三焗牛展麵 $52，好似好好味， 一於叫番個大家share食。再點了一個超級三兄弟 $64， 還有跟餐的一杯熱黑糖薑水和椰皇水$20。熱黑糖薑水 ~ 呢一杯真心推介畀喜歡薑味濃的朋友，熱辣辣夠曬暖胃，冬天飲更加一流！椰皇水 ~ 一飲已經知道係用新鮮椰皇， 甜甜的椰皇味道，又清新又解渴！三炆三焗牛展麵 ~ 前排去台灣食咗很多台灣牛肉麵， 其實我哋香港嘅牛展麵都做得唔錯，尤其是今次這一碗！ 香濃的牛肉湯，牛展炆得又夠林！超級三兄弟 ~ 真係超級無敵好食!! 一個朱古力 心太軟，朱古力奶凍和朱古力雪糕， 三樣加埋真係滿足曬我食甜品嘅願望！ 估唔到響呢度可以食到一個流心的心太軟，還有香濃的朱古力雪糕 和香滑的朱古力奶凍，我食完呢個甜品心情特別靚！點了四樣埋單只是$136，這間餐廳地方闊落， 環境光猛簡潔， 食物種類真是很多應有盡有， 住響大

以前住在大围，那时候可能还没有这家店，前几天看到，又有得吃还有甜品，那一定要去试试啦，于是放工就去了，确实不近，味道还可以，鸡扒味道不错，点了榴莲甜品，那个d24榴莲球一般

裝修幾得意，外觀係一間寫意木屋，臨近巴士總站，貪佢方便，食完外面就有車搭。同朋友兩個黎食甜品傾心事，都不失為一件美事，內裡有大長台，亦有私人空間既小卡位，我同朋友就選擇隱閉一點。點了一份小食，咖哩拼盤，有魚蛋魷魚豬肚蘿甸，咖哩醬不過不失，咖哩味濃淡適中，小食煮得好淋，應該KEEP住煲左好耐，尚算入味。重點係２樣甜品，一見榴槤就心心眼，所以我揀左榴槤球心太軟，好有心思，畫左做一隻小惡魔，打卡一流，心太軟超流心，又濃朱古力香，配埋食岩岩好中和蛋糕既乾，好食，榴槤球即係榴槤雪糕，好有榴槤味，又甜又好香奶味，正。朋友點左彩虹，原來係鮮雜果配雪糕同布甸，雪糕軟滑有奶味，雜果亦好新鮮，有菠蘿，全部都唔會HEA爆既罐頭料，好新鮮～

之前去開洪水橋個間食 後尾知道大圍開左 所以就唔洗走咁遠 我之所以鐘意食哩間係因為佢個心太軟真係整得幾好食先介紹我最鐘意既超級三兄弟有朱古力雪糕 奶凍 同心太軟 可以一次過滿足哂3種口感 雪糕朱古力味濃郁 而且唔係容易被溶個隻雪糕奶凍好滑 朱古力都夠 心太軟唔洗講 真係幾好食 完講佢size係正常 唔似其他糖水鋪咁 個心太軟變細左 其次佢真係流心既 蛋糕同流心既比例使做得唔錯之後到超級榴槤山一黎就已經聞到好香榴槤味佢個榴槤雪糕整得幾出色 連平是少食榴槤都覺得佢幾好食 佢個雪糕榴槤味做得濃郁 而雪花冰都係榴槤味 不過係清淡既口感 所以幾清新 另外小丸子啲都幾彈牙唔錯

以前中學成日去美林邨打波，都一定會四圍搵野食，最近放工之後同女友經開美林，發現左呢間熟食亭的餐廳～K9牛展二人晚餐二人晚餐平靚正，四個餸兩個飯或麵，一向鐘意貪小便宜的女朋友見咁多餸又抵食，當然好快就話想試下～哈哈牛展牛展係我地呢餐最愛，牛展的質素我相當滿意，腌得好入味之餘，用入口即溶來形容絕不過分，鹽酥雞扒脆炸的外層包著嫩滑的雞肉，以外脆內嫩來形容我想是再適合不過了。蜜汁魷魚鬚甜甜的蜜汁與魷魚鬚配合得相當完美，令人食指大動～我同女友叫左一飯一麵，迷你肉燥飯，牛骨湯麵個湯頭最抵讚，一齊開心Share，唔洗爭~特別一提是這裡的凍奶茶，用一個杯口較大的杯盛著，別於一般的台式奶茶，有另一番風味～

正所謂念念不忘，必有迴響。自從上次於大飯糖吃過榴槤綿綿冰，見到餐牌還有Baileys綿綿冰都想吃所以特意前來順道探朋友一家三口。這裡提供 BB 櫈，最合適一家人來晚饍。雖則為甜品而來，但總不能只吃甜品當正餐。於是 L 點了一個晚餐香菇肉燥飯，起初沒有期望的但卻有驚喜!上桌時老實說論賣相真的沒有期望，畢竟只是晚餐但隨肉燥飯附上的大冬菇、白蘿蔔及紅蘿蔔都很大塊，而且很腍! 頓時令整個飯變得很健康，而肉燥本身亦不算，未知是否太肚餓瞬間就吃光了。但更重要的是這個可稱為糧尾恩物的晚餐只是36蚊，不選餐飲的話有腐竹糖水送!!!!! 這個糖水本身都不是省油的燈，真材實料。未知是這晚餐太豐富😜打消了 L 吃綿綿冰的念頭但卻無損吃到 Baileys 甜品的誠意，於是轉戰吃了 Baileys 河粉配 3.6 軟雪糕。白雪雪的賣相雖未能很吸睛，但河粉及雪糕確實很幼滑。唯獨未知是否酒精份量不能超出某標準，Baileys 的濃度不太夠，希望店主能稍後直接引進 Baileys 雪糕，相信會更出色!似乎為了Baileys 綿綿冰， L 要再幫襯了 !