大飯糖甜品小食屋

营业中

休息中

今日放假冇野做，落街食左個下午茶，但又唔想食茶記，行過甜品舖發現原來有下午茶飯餐同小食！見到個鹽酥四寶有牛展，平時煮牛展就食得多，鹽酥又真係未試過！雖然50蚊下午茶黎講係貴左d，但聽落幾吸引！四寶黎啦，左至右係燒賣，牛展，水餃同雞排。就順序食啦！燒賣唔會炸得太老，外脆內Q，好味！重頭戲黎啦，牛展好夠林，仲林過人地炆既，仲有陣陣牛肉味，果然冇令我失望 但水餃就麻麻地，入面d餡唔係咁新鮮，塊水餃皮好林。雞排炸得唔會老又夠味！裝飾好簡潔乾淨，甜品睇落款式特別又大碗，下次試下先。 另類下午茶，值得試試！好味

吃完日本菜就馬上轉場，去了吃港式甜品， 這家店除了甜點外，還有不少小食熟食， 小編雖說來吃甜點，最後也忍不住叫了些小食。 先說甜點吧，這個是榴槤山，有榴槤味雪花冰、榴槤味雪糕、水晶和小丸子， 榴槤味頗重的，喜歡榴槤的人應該會喜歡這個！ 這個是芒果椰椰，故名思義這是結合了鮮芒果和椰皇， 雪糕是香草味軟雪糕，椰皇內充滿了椰果，令人感覺很滿足。 這個超級三兄弟份量很大的， 而且一次過能夠三個願望， 緊記不要食太飽過來吃甜點， 喜歡朱古力的朋友絕對不要錯過。 Baileys綿綿冰 雪花冰是咖啡味的，和Baileys的味道互相映襯，可以一試！ 木瓜奶，想睡得好一點，不坊點一個木瓜奶。 我也喜歡吃傳統的中式糖水， 這裡的杏仁茶也很不錯， 很細滑而且價錢相宜。 Lucas這一次和一大班朋友來到， 他們想試一下這麼的小吃， 就點了這兩個，味道不俗，不過我實在吃不下了XDD

收工同男朋友食宵夜唔知食甜品定熟食好一於最後就揀左食大飯糖貪佢咩都有得食吖嘛！呢到環境好寬敞幾舒服見到個menu 好多野食揀睇到眼花撩亂好多名都好特別tim 我揀左紫霞仙子🧚‍♀️入面有芋頭雪糕🍦椰汁西米露同小丸子我覺得幾好食加上呢個配撘我好中意😂🤤男友就食芒果涼粉加小丸子佢就話一般啦我地仲點食呢個小食！男友特別中意食呢個酥炸燒賣配埋甜甜地汁我都覺幾好食有成10粒都幾抵又夠脆會下次再泥呢間食正餐先！

晚上放工，冇乜心水。又唔知食乜好，見糖水店有得食牛肉麵咁得意。一於試試佢。鋪面好光猛。人唔太多。但坐下來的都是在食飯或麵。都不是食糖水。麵來到時，我麵嚇一跳。份糧都幾多下。牛肉超級淋同埋入味。麵質軟硬適中，凍奶茶都好飲。要讚的是糖水是自己落。甜度自己控制。我喜歡。唯一不好的是蘿白不夠淋。不夠入味

因為見到某fb page介紹依度既甜品幾吸引 所以趁今個weekend得閒 就專登入黎大圍試下本身以為餐廳會位於係屋邨商場入面 但原來佢係冬菇亭鋪位 好有特式 始終香港冬菇亭愈來愈賣少見少 望住個menu既甜品 樣樣都好吸引 可惜佢3間分店對於九龍人既我地都好遠 所以一次過叫左幾個甜品試下咖哩拼盤好足料 有魷魚豬皮廚師腸魚蛋蘿蔔 份量都幾多 咖喱味夠重 但對唔食得辣既人黎講 可能會覺得有d辣 蘿蔔好甜同埋好林 但略有少少渣" 豬皮幾入味但每塊都有少少豬毛 雖然知道係難d避免 但始終都會對食慾有少少影響鹽酥雞扒面我揀左蘿蔔湯底 個湯唔覺有蘿蔔既清甜味 個人認為似腩汁多d 面質好硬 有d似係未煮熟咁 對本身鍾意食硬面既我都覺得有d唔係太接受到 雞扒方面唔係太食到鹽酥雞既味道 可能係調味粉落得比較少 似普通炸雞扒多d 不過都炸粉夠薄 整體黎講都還可以 3.6牛乳雪糕配椰王果凍呢個係跟餐+$16 本身以為係成個椰皇上 不過咁樣拆開都幾好 食得方便d 雪糕好重奶味同夠哂軟滑 最鍾意個椰王果凍 好清甜 真係似純椰青水整而無溝水既果凍魔鬼3兄弟心太軟即叫即整 制作時間大概10分鐘左右心太軟一打開

Saturday 去左大圍探朋友，要搵餐廳食lunch，見到間糖水鋪有麵食咁有新意就入左去，間鋪都算新裝修，環境幾舒服，唔會坐得迫又唔會限時趕人走叫左碗牛展麵，牛骨湯底，個湯幾濃，牛展唔會”un”, 同d麵都有台灣既口味，not too saltynice野飲叫左杯黑牛，好耐冇飲因爲唔係好多地方有得飲，成個餐加分見到隔離台d dessert 都幾大碟本來想試下，但太飽留返下次先整體價錢同食物都above average, 會再去encore

美林新開了幾間特別既食店今日我同朋友去左試大飯糖店鋪好大好光猛，一眼就望到今次我係去食晚飯台灣麵但要9:00前食雞扒芝麻湯拉麵，雞扒好大塊，味道唔錯重飲了杯奶茶，好大杯好凍，但甜左啲重叫了咖哩拼盤，都幾辡去到緊係食埋甜品啦榴槤班cake,好多榴槤好好味

同朋友食完飯之後想繼續傾計，咁就係附近轉場搵糖水鋪食下糖水傾下計，因為我地都成9個人，平時糖水鋪都難以容納咁多人或姐有排得... 不過呢間位於冬菇亭既鋪位，非常多位置同舒適。除左我地想食既糖水，佢另外都有熱食好似小食同麵類，不過琴日去既時候佢都提一提麵類8點半左右會截單，唔知道係咪每日都係呢🤔甜品既款式同種類都幾多，花多眼亂，樣樣都想試。（$60）楊枝金露綿綿冰，裡面有芒果綿綿冰西米露金柚同芒果汁，本身其實仲有雪糕但我唔想食所以叫佢走雪糕比多少少冰，佢地話可以。芒果肉都比幾多相比外面糖水鋪同埋果肉又唔會好酸。（$42）芒果小丸子撈配西米（$42）芒果小丸子撈配水晶芒果汁底好濃幾好食，一樣芒果肉好多又唔酸。（$60）榴槤山，裡面有榴槤味綿綿冰榴槤雪糕水晶同小丸子。榴槤綿綿冰超級濃好似啖啖食緊榴槤肉咁既味，做得幾好。榴槤雪糕都有榴槤口感唔錯，不過水晶無咩特別無咩味比較普通。（$63）超級三兄弟，裡面有心太軟朱古力奶凍同朱古力雪糕。心太軟即叫即焗大約10分鐘都要，送到黎熱辣辣軟心鉛心焗得岩岩好，好濃好好味又唔會太甜。相比之下奶凍就啖少少感覺一般，軟雪糕都好濃，唔錯。

最近美林邨開了幾間冬菇亭的食店，其中一間是甜品店，之前午飯時間試過其中一間日本料理，想飯後吃埋甜品，但這間鋪原來平日開下午四點，所以無緣試食。今日專登等到四點才去，估唔到假日係開十二點，OPENRICE的資料真係要更正一下！入到去沒什麼人，可以任選位置，四個人選了四人枱，環境因為新裝修緣故，非常乾淨又整齊！每人叫了一款甜品同埋咖喱魷魚雜錦。甜品有朱古力三兄弟，即係心太軟黑色果件、朱古力布丁同埋雪糕，仲有朱古力森林，即係朱古力綿花冰、另外仲有菠蘿綿綿冰同埋彩虹橋。彩虹橋係用杯裝，最上層係雪糕，中間係什果，最下層係白色布丁之類，但這款係三款入面最難吃！阿女食完其他款對住佢自己叫這款甜品擰晒頭，所以真係咪試！兩款朱古力口味的甜品的朱古力味不太重，如果鍾意吃重口味這款可能會淡一點！但心太軟部分堅係好好食，所以下次可以叫有心太軟配搭的甜品款式！而最值得推介係款菠蘿綿綿冰，個冰係菠蘿打出嚟真係好好味道比朱古力森林那個朱古力味綿綿冰，這個新鮮口味多些，配合新鮮菠蘿啱啱好！而個咖喱魷魚拼盤味道都唔錯！

跟朋友在旁邊的冬菇亭吃完晚餐，晚餐後當然要來一份甜品來做個 Sweet Ending!發現原來旁邊的不是餐廳，是甜品店，所以來試試咯而這邊的冬菇亭很有特色，因為他們保留了原有冬菇亭的格局，所以 頭往上看，就可以感受到冬菇亭的原有的風味。由於經營模式跟以前那種不一樣了，裝潢都豪華了，所以不能 expect 東西像以前那麼便宜，所以東西的都是 $30 以上來起跳一進來餐廳員工給我們介紹了今天的特價產品，而且也剛剛好我朋友喜歡，所以就點了， 那是 雜果小丸子撈涼粉，原價 $43 , 減了 $6裡面水果都很足料！有芒果，菠蘿，西瓜，木瓜，火龍果。還算不錯！而我呢看中了他們 3.6雪糕，其實我也不知道什麼是 3.6 但是就是比較滑，比較軟的意思咯對不起，吃了才記得拍照。

大飯糖既總店喺洪水橋個間我成日都會去食，因為佢個3.6牛乳軟雪糕實在太好味啦，聽聞大圍開咗分店今日又去開沙田所以就帶朋友去試下啦！美林村分店比起洪水橋靚好多，座位亦較舒適👍🏻👍🏻真菠蘿綿綿冰我通常都係食呢個，但今次比過往失準，菠蘿唔甜，軟雪糕未上檯已經開始溶😔下次都係去返洪水橋

早上來這邊吃早餐, 經過發現隔離的冬菇亭是一間大大的甜品屋, 於是辦理完事情後就再來吃個甜品吧. 這裡裝潢很新很舒適, 地方十分闊落, 冷氣也十分大. 餐牌上選擇也不少, 價錢不算便宜的, 普通一碗西米露也要二十多. 我看了一會兒後便決定點一個"左配右搭", 選擇比較彈性, $35有3.6牛奶軟雪糕配朱古力奶凍, 這款價錢還可以. 3.6牛奶軟雪糕都頗大個, 味道蠻香, 口感也挺軟滑的. 可惜朱古力奶凍就真的是選錯了, 朱古力味不夠香濃, 味道有點怪怪的, 口感也不濟, 吃的時候覺得有點像吃豬紅的感覺. 另外有一些伴碟的可可粟米片, 那朱古力味比奶凍還要好呢. 下次如果來這裡吃的話一定不會點奶凍.

知道美林冬菇亭新開左糖水鋪, 一直都想去試, 今日終於的起心肝行過去試下！一入到鋪頭, 感覺好寬敞乾淨(真係好少香港糖水鋪唔駛背對背咁坐!!), 同朋友黎傾下計食下糖水就最正!! (可惜今日得我自己一個)甜品方面真係花多眼亂, 又有中式, 又有西式(心太軟呀～ 木槺布甸呀～), 綿綿冰, 軟雪糕....... 真係要幾分鐘先揀到食乜由於最近心火盛, 所以叫左小丸子綠豆沙涼粉下一下火!! 雖然綠豆沙自己都煲到, 但一試就知呢間鋪係唔係用心去整。唔好講笑, 堅係真材實料。食到有好香臭草味, 可能係個人喜好原因, 勁like 出面啲糖水鋪真係唔多有咁傳統呢風味!! 而且啲綠豆煲到綿晒, 好有媽媽煲既感覺聞到隔離枱食咖哩野好香, 又叫碟咖哩魷魚拼盤試下。一食真係停唔到口 啲咖哩唔止聞香, 食都好香!! 好濃咖哩味, 但又唔會好辣。蘿蔔無根又好甜, 魷魚又夠爽口, 仲有魚旦, 豬皮, 腸仔。真係買返屋企做餸配白飯都得!!!食完真係大滿足 下次要同啲friends黎試埋其他野先!!

唔講唔知，屋企附近原來開左間甜品店，聽講仲要係有水準既。朋友話想試下喎，咁岩啦，反正都未食過，就睇下佢係咩料啦😆原來果晚有promotion, 其中兩個甜品有特價，咁就叫左其中一個試下喇雪糕既口感幾綿，似係用自家雪糕機整。紅豆偏大粒，幾有咬感，至於Baileys味就集中喺河粉度，唔算太濃酒味。啲可可脆片係特別版黎喎, so cute!呢個芒果之城，睇落無咩特別，但其實內有乾坤食落去裡面原來有星星架！係啫喱黎，呢個位可以稍微加分！有樣野不得不提，就係上菜既速度真心快！唔使一分鐘已經黎齊哂，好開心丫！同行既朋友都好滿足！

本來對大飯糖冇乜興趣，因為大圍果邊都有唔少糖水鋪，但質素真係麻麻，所以都冇諗住去試。點知見到張傳單，入面啲款式多到目不暇給，決定今晚一戰！間店好大又光猛，唔似其他甜品店咁逼逼夾夾，又要搭枱坐到周身唔舒服，食完就俾人趕走，呢度坐位闊落又多位，就算食甜品都可以慢慢坐，食得舒服啲！佢起碼有五十樣甜品揀，大有大食，細有細食。我最欣賞佢有得自選甜品添！唔使吓吓俾人set死哂要你食咩款就咩款，又可以因應自己既食量叫，好貼心！我地食量細，叫咗個3.6牛奶軟雪糕拚焦糖燉蛋，同埋自選甜品蛋糕加原味奶凍。個軟雪糕好實，好有奶味同埋唔易溶，奶凍同燉蛋都唔太甜，感覺幾健康。總之食得舒服，開心，食甜品都係想咁！大飯糖真係令我驚喜，希望佢保持水準，繼續包羅萬有，我就繼續支持！