天后串燒餐廳

营业中

休息中

一直在天后這條食街覓食，以為每一間餐廳都應該正常/有水準。碰巧我們想去的餐廳在這天休息了，就膽粗粗走進這間貼滿明星相的串燒店。怎知道，一切都是伏。坐下來的時候，看見旁邊的客人都吃了少許就停手，就心血來潮上openrice看看。結果⋯⋯但因為太餓的關係就打算給它一個機會，但原來我們錯了。我們點了幾串平凡和相對上比較便宜的串燒，但結果如圖所示。蟹子丸每一顆都燒焦了（背面比圖示的更燶）。豬頸肉只有肥的部份。翠玉瓜和茄子是正常。另外點了芝麻雞翼。一上碟，就看到大概一茶匙的油在碟上。有見及此，嘗試把外皮拆出部份，結果內裡像是白烚和不新鮮的肉質。幸好的是我們只點了一個主食，豚肉生薑燒飯。不出所料，豚肉又是非常的肥膩，醬汁很少，味道偏甜而沒有半點薑味。飲品方面，我們點了一罐可樂($12)和一杯檸檬可樂($25)。檸樂的價錢是一罐可樂的一倍，在正常預期下和一般餐廳的做法，本應是一杯檸檬加冰再加一罐可樂。怎知道，送上來的時候卻是斟好的。喝下去非常甜，感覺就是汽水機斟出來罷了。另外，值得一提的是它的服務。因為串燒餐牌和點菜咭的數量有誤導成份（餐牌標示的是一串的價錢，而點菜紙的串燒是兩串起）。店員一開始都有

事情非常簡單我地10個大人2個小朋友分別3歲同4歲非常肚餓入去開餐。叫咗嘢食同糖水後，老闆娘趕我地走去隔離原因如下：1. 我地叫糖水應該係隔離個糖水鋪，大前提係佢個餐牌有曬熟食同糖水。落單時亦無規定不能叫糖水/一定要叫串燒/熟食。2. 佢有一檯9個熟客來咗無位坐，就叫我地走。3. 佢一檯熟客叫既串燒錢多過我地10大2小。4. 我地如果唔去隔離鋪佢就唔做我地生意。與此同時問老闆娘隔離係咪有位，佢講既說話係「你自己去睇啦！」如果唔係有小朋友，我相信男人們已經拍檯鬧人。你有權揀客，客亦有權就受到既對待評論你。

之前食過呢間餐廳嘅午市同晚市定食，覺得普普通通，適逢情人節兼行年宵市場高峰期，周圍啲餐廳都好多人排隊，呢間相對少人等，未食過呢間啲串燒，諗住hea食，點知有驚喜！最好食係厚切牛脷，要encore多次，五花腩、雞腎同雞軟骨普通，煙肉車厘茄有爆汁效果，金菇肥牛卷普通，蔬菜類嘅雞髀菇、洋蔥同韮菜都好好食好juicy，甜品類夾餅棉花糖有驚喜！半溶嘅棉花糖好正，略為甜左少少，鴛鴦湯丸係芝麻同花生餡，個樣好似墨魚丸，無乜特別，焦糖菠蘿都好正，表面層焦糖燒到脆脆地好好食。魷魚鬚同芝麻雞翼好香脆，枝豆無乜特別。

其實好難得係openice搵到一間負皮多過正評的店，搞到我都忍不住講講呢間野。情人節的晚上，諗住同最愛街維園年宵所以去左天后食野，誤打誤撞入左呢間，入到黎先知咁多負評，所以冇抱一個希望，亦都因為咁，我們冇話刻意叫貴野、靚野去試，食的都係普通野。講講食物質素，分數：6-7分/10分整體黎講唔係唔好食，但亦唔係好食，感覺其實都幾放題feel,即係你係一間專食串燒的店食緊放題質素的串燒。粟米有兩舊，不過我食左一舊先記得影相。其實佢淨咁燒，如果加牛油會好食好多。燒三文魚鮫，呢個係好食，亦係今晚入面最好食的，因為燒得就香口，魚油香。呢個係墨魚丸👍🏼唔係花枝丸燒韮菜好老，唔爽口，唔好食，芝士腸呢d大路野，就唔會出事的（4粒芝士腸為一串）另外仲叫左燒雞翼，不過冇影相，其實本身想叫牛脷，但貴，最緊要係對呢間野信心唔大，所以放棄左😂另外仲叫左魚生飯，6-7/10分呢個魚生飯不過不失啦！不過都幾少飯，可以多飯d就更好......講完食物質素就講服務，分數：5/10分其實待應冇咩得罪我地，對我地都算係咁，仲同我地講情人節快樂，不過我見到隔離木台一家人叫左盤壽司，好耐都未上，催左好幾次，侍應幾次都敷衍，同埋有

價錢又貴，份量又少，味道一般，侍應愛理不理，叫先俾水你，飲完又唔會幫斟茶遞水，本身諗住俾多次機會，而家無下次，中晒伏。環境舊餐牌舊唔緊要，但餐牌又難睇，枝筆又難寫。無 下 次 !!!

宵夜時候來過幾次， 來的原因無他， 皆因此店的收鋪時間比較夜 😆 menu 選擇頗多， 老闆真的很賣力， 可惜串燒質素平平。😅這次點嚟午市套餐s ， 飯嘅分量多，賣相差， 滑蛋吉列豬扒飯~ 明明係寫滑蛋㗎嘛， 點解可以鞋成咁 😂😂 雖然係加咗高湯，但係有必要整到個樣咁衰嗎😂😂😂？ 味道係正常嘅， 吉列豬扒 偏乾不鬆脆。蒜蓉燒蠔~ 燒過龍，所以唔Juicy 😆明明是燒烤店, 更加唔應該叫拉麵 😅 豬骨精嘅湯底, 你就飲多兩杯水啦~ 😆😆😆桂花糖蕃茄~ 這個賣相算是最好的 ？！😆😆， 但是這個番茄好生， 沒有去皮， 有啲草青味，跟桂花糖不太搭其實食物味道正常 ，但要加埋姨姨喺度大大聲教個侍應，好似教仔咁 「 哎呀都話唔係咁咁咁…… x3」 「 教咗你咁多次都係咁咁咁…… x3」 姨姨 你放過我啦~ Give me a break 😂😂😂飢Point : 2/10#hungermarch #飢詩 #非飢詩

員工放錯串燒蔬菜，首次幫襯食客以為是跟餐小食，只食了一條秋葵被老闆娘罵，並係未知會食客下將餘下的秋葵放碟放回枱上，至埋單時才發現被多收了那碟食客無 order 的秋葵。對質時老闆娘又惡地罵人「放錯你枱你就食，俾隻蟹你們又食呀！」若是 main course 食物梗知是店家放錯，可是蔬菜小食，你放錯在先，加上餐牌並無列明跟餐炸物沙拉等是什麼食材，卻去怪人，要收秋葵錢，都應通知聲食客，讓人決定是否要，講真已order 左三個套餐加兩款小食，又唔係幫襯得你少或貪小便宜，老闆娘的無禮態度，為那$30碟只4條手指咁細的秋葵，屈客、兼趕客，極蠢，真係無下次！PS: 我老公比我遲來，聽我話去這間已話佢貴，佢上次同客三個人食少少野都成千蚊，我若不是坐底落左 order, 肯定會即撇唔使收氣😡😡😡😡若不是系統最少要比一粒星，我肯定會比負佢羅

嘢食好貴又細碟又唔好食，餐牌唔清楚，服務員淨係坐喺度，都唔知呢間野解可以生存到。啲清酒有冇酒味，燒茄子大到我都唔知有冇食到，雞翼冇雞味牛扒無牛味，可以話係全港最差串燒

豆腐硬及沒有味道茄子好像生吃似的五花腩硬得放棄了丸及牛類亦放棄了Order紙有誤導之嫌價格與食物絕不相附聰明食客請三思

一入到餐廳氣氛是怪怪的, 一坐低, 侍應一副愛理不理的樣子,  無聲無色地放低一疊MENU, 我們看著ORDER紙沒有價錢, 數量與價錢牌又唔一樣! 問侍應點計, 佢就有氣冇氣咁答左我地!   睇餐廳個勢, 我地都唔敢叫生食, 淨係叫了熱食, 好似較為穩陣,   薑汁豚肉飯還可以, 串燒較咸,  但絕對再冇下一次 !!!  

同家姐收工去食飯，諗住銅鑼灣實多人，咪過天后食囉，行過見到有幾間日本串燒既鋪，見呢間價錢都ok，就入去食啦。我們叫左一客加拿大海膽三文魚腩劍魚腩飯，串燒要左雞翼，五花腩，安格斯牛肉，厚切牛舌，芝士年糕，燒冬菇，燒秋葵和要左一支可樂。食物質素麻麻，刺身飯話有劍魚腩，但是食落發現都唔係腩黎既，而且啲串燒勁咸，啲燒秋葵真情係咸到覺得苦 呢度既點餐紙係無標價錢既，要另外睇價錢既file, 裡面標示係一串既價錢，但是張點餐紙上又括住2串，我們實在太天真，完全理解唔到原來佢既意思係最少要2串，我們咪每樣寫"1"，到上菜時，見佢每樣黎2串，都覺得有啲古怪，但我們都唔為意，直到埋單見到要$716，仔細睇張單發現所有串燒計2串，至如夢初醒。。。真心覺得我要食700幾蚊嘢，唔洗係呢間食啦，所以唔會再幫襯囉。

星期日諗住訓夠先去搵食，初初諗住去天后附近幾間好食嘅餐廳但係全部都3:00pm就閂門。自己遲咗就冇得怨啦。跟住心大心細，但係老公又淨係鍾意食日本野唔肯陪我食新開嘅燒鵝飯。於是我哋經過一間日本餐廳（門口有大量明星相），連最近最紅嘅唐詩詠都有。跟住我哋就入咗去依間餐廳食啦。惡夢於是就開始啦⋯⋯首先我老公叫咗個火炙劍魚腩飯而我就叫咗個咖喱雞扒飯仲加左＄3加湯同沙律我哋仲另外帶咗碟厚燒牛脷（餐牌上面寫住兩串$48😒😒；另外叫咗個小丸子）好啦食物送到來。問要一杯茶，個譚仔姐姐侍應話「舞茶得Shui」最後乜都冇來😡😡😡跟住見到個火炙劍魚腩簡直想問一句係咪燒鰻魚飯（盛惠$98）比wasabi完全唔知用來做乜囉, 因為個劍魚腩係100percent全熟!😪😪我個雞扒飯嚟啦！同明星好熟嗰個婆婆就話係「豬扒」。算吧啦，食咗落肚之後好明顯個咖喱係759即食咖喱包加熱嘅咖喱。燒牛脷完全普通到不得了，冇味道的。經典嘅時刻來啦！自問其實我係幾疏爽架。睇張單我總共食咗三百幾蚊🙈🙈呢個唔係問題。最大嘅問題係個牛脷原來要＄96！（難食過南蠻亭但係貴過南蠻亭）但係佢個餐牌寫住兩寸＄48！再嚟open vice睇知發現原來

晚餐在天后搵串燒食，見到呢間門囗貼左d明星相，心諗應該吾錯的。入到去，職員服務一般，似d茶餐廳阿姐服務，職員比左一個餐牌and點菜紙比我地click, 餐牌上價錢是一件價錢，但點菜紙有d串燒寫住（2串），冇寫價錢。食物質素一般，不太新鮮，冇特別。埋單$750-（2人）埋單先知到中伏，原來某d串燒要double計，在點菜紙上寫1字係會收2串價錢，係冇1串order的，1代表1份有2串，收2串價錢的😣其他食客中途都吾明白，有問職員點計價錢,價格上有取巧😭今次食到嬲嬲地🔥🔥只怪自己冇睇清楚先order😡😡😡😡Blacklist 價格vs 食物質素不相乎價錢取巧，好易中招😣😣😣

1. 串燒味道超咸，所有野都得一鼓死咸味！牛雞羊好，都係同一個味！食完個咀唇會好飲老'巢'皮咁！2. 價錢極道唔清唔楚，價目表寫一串價錢，落單又括住兩份（傅你嗌多）。外賣加2，係每串加二，我差d以為佢每串都獨立包裝。3. 服務態度其差。冇禮貌，黑口黑面。 唔係話比錢做客食飯大曬，但佢咁既價錢咁既質素同服務真係完全不成正比！有時夜收工附近冇咩大太選擇，比機會佢食左兩次。第二次已經係冇期望去，點知都係好谷氣咁走。

行經天后, 本來打算食法國菜, 因太夜差不多關門, 路過這日式小店, 見門口貼著和很多名星的合照, 相信差不到那裡, 便一試......點知, 中伏,北海魚生飯：海膽有怪味, 帶子明顯有雪味, 而且薄, 蝦沒有驚喜, 三文魚海膽：三文魚除了肥還是肥, 沒有香甜,心想可能主打串燒所以d魚生唔係好得, 但....d燒蠔：過哂火, 已變成蠔豉,其他串燒食完要有洗腎的準備, 咸得很, 食物差價錢貴, 但很多人光顧, 我想是明星效應, 而且服務態度亦非常茶記