天天海南雞飯 (ELEMENTS圓方)

营业中

休息中

圓方確實是旅遊區，見天天裝潢不錯，就試下吧，一進來，就說90分鐘用餐🙄，場不滿，時間都已經過了2點，價錢是貴的，不明白為何要限時，果然就是香港餐飲業為何做不起的地方，認真要改善，如客人固然坐得久又滿場，是行限時的方法，但當時真是不滿，可能是趕落場呱，令人不想再來，因為很多其他選擇，坐下時，要問茶才送上，其實只要水，但原來$20一位茶位，如沒水就不應送茶，但我不知是否一定要收茶錢，如果不是，就應該跟客人說明，送餐侍應就好似普通茶餐廳就咁放低，無講任何野，因為野食保熱關係，會有蠟燭保熱，但其實會燒的太熱會痴底，我要成日攪住盤野食，應該要跟客說明可以要或不要蠟燭，價錢跟服務不符，食物選擇亦不太經濟，不會再幫襯

🐔 天天海南鸡 — 新加坡米其林招牌，滑嫩爽口，每一口都是幸福的味道🌟 与秘制酱料完美搭配，肉质滑嫩，每一口都是对经典味道的珍视与重现。🥘 温馨煲煲系列 — 温暖你的冬季时光🦀冬季虾蟹煲：精选新鲜海鲜，热腾腾的海鲜煲带来冬天的温暖。🦐虾头膏金汤蚊豆腐：浓厚的汤底与嫩滑的豆腐相融合，每一口都是冬日里的温情。

做完嘢匆匆忙忙趕到去圓方食飯，因為朋友請客，唔好意思遲到，去到見到係天天海南雞飯，我真係大鄉里，以為點解特登要約我出嚟請我食海南雞飯。前菜先嚟咗個南洋醬汁醃花甲，成件事出嚟已經好靚，食落去嘅味道有種似食拍黃瓜嗰種味道嘅感覺，而佢個杯底本身就係有啲黃瓜喺度。仲有個班蘭汁椰香鱈魚，炸鱈魚本身都可以嘅，不過加咗班蘭椰汁又真係別有一番風味嘅。另外仲叫咗一個迷迭香火焰黑金叉燒，又係點完火打卡係一流嘅，基本上佢係用咗五花腩去做叉燒，所以又夠肥又夠香，同埋個叉燒汁係好甜嘅，送飯會更好。另外仲叫咗兩款湯，一款係鳳梨涼瓜干貝燉龍骨，味道都幾好，同埋幾特別。另外一款係木瓜花膠燉湯，重點又係點着過椰子殼又可以影相， 湯料好足夠，問題係其中一個椰子殼燒咗好耐都未熄，要搵人嚟幫手整熄佢。煮食方面，就叫咗個龍蝦湯炸米，呢個啲炸米幾時落就完全係個人口味問題，重點係好好味。另外仲叫咗一部雞油飯加埋呢個龍蝦湯一齊食更加好味。另外叫咗兩款雞嘅拼盤，水準都還可以，但係相對起嚟冇乜記憶點。牛方面就叫咗個新加坡咖喱原牛肋條配鹹煎餅，啲牛肉真係好嫩，不過份量唔算好多。甜品就叫咗個椰奶炸龜苓膏，都幾有驚喜，食落去有一種似曾相識嘅感

黑松露墨魚蝦多士 必點 推介❤️望圖片覺得好靚，忍唔住嗌咗。 上邊嘅黑松露醬配合埋裏面嘅蝦滑同埋墨魚滑，成個餸好花心思好有層次。 裏面分別有脆卜卜多士，仲夾雜着墨魚滑同埋蝦。 墨魚滑同蝦都好新鮮，調味亦唔會太過濃郁。 所以配合左上面嘅黑松露醬汁，啱啱好！ 側邊仲有個炸蝦頭可以食！ 天天海南雞（中份）雖然係中份，但係好大份。見佢講話天天海南雞同普通海南雞嘅分別就係佢哋係用雞汁淋落去整熟佢，所以食落去都食得出海南雞嘅肉比較嫩滑，而且雞唔會好肥。 佢本身亦都有啲雞汁調味，再配合埋本身有三個醬料。 佢嘅薑蓉醬唔係中式嘅薑蓉。 佢嘅味冇咁鹹比較係清清地嘅薑味。 中間嗰個辣醬就比較特別，又唔係泰式嘅辣醬可能係新加坡特產！🤣👍🏻食落去酸酸辣辣少少香茅味，三個醬汁，我最鍾意呢個！雞油飯（細）本身見佢油飯要$39覺得有啲貴，原來好大碗嘅！ 起碼係三到四個平時酒樓嘅碗！ 佢嘅油飯好香，少少香茅青檸嘅配料味，食落去口感好滑。 再加埋海南雞肉嘅鮮甜同埋嗰啲酸辣醬汁。 同個油飯配合得好好。酸湯石班魚味道同出邊嘅酸菜魚差唔多，但係食得出佢味精唔係好多。食落去清清地嘅酸辣味，老人家小朋友都可以食！ 石斑塊新鮮，有啲

今次又來這裡吃晚飯，因為剛剛在西九見過客人，於是便相約朋友到來。已經有一段日子沒有來，這裡的菜式跟我上次的，有點不同。多了很多不同的新菜式，而且價錢比以前感覺便宜。性價比更高。斑蘭汁椰奶炸鱈魚～這個鱈魚炸得十分鬆脆，而且可以點椰奶一起吃，是不錯的菜式。💗💗💗肉骨茶🌟🌟🌟~中藥味不太濃，肉骨還能保持鮮滑，不會太硬，而且份量充足。十分抵食。椰奶炸龜靈膏🌟🌟🌟🌟～這個菜式好有創意，我都是第一次食，相信出面其他餐廳都很難可以食到。外面脆裡面軟，又不甜，值得讚。👍👍👍💖💖💖蝦頭膏飽魚金湯炆豆腐～這個豆腐很滑，也有其他海鮮配料，可試。性價比算高，相信往後將來，也會到來食飯的。

賣海南雞都可以拎到米芝蓮？？海南雞係香港周圍都有得食，但就好少可聽到可以有米芝蓮。😛我地就決定去element呢間海南雞一試究竟。一打開menu就見到有好多唔同既菜式。😀 但係waiter就話海南雞已經賣曬，咁睇黎海南雞真係好受歡迎！🙈🔥雖然無曬最出名既海南雞，但係其他菜都好似好吸引。🤩我地就決定試呢幾樣：😆1）迷迭香火焰黑金叉燒 （$129）店員一上菜就先點火🔥，認真大陣仗。😎不過用黎打卡就一流！食落同平時叉燒唔同。個汁有d似食東波肉。🤓d肉質好軟熟，味道相當唔錯👍🏼。2）街坊沙鍋銀針粉（$129）銀針粉面頭有好多配料，😎🤩仲配埋個沙鍋熱住d銀針粉，有少少辣椒🌶️吊味，都幾惹味架～😍3）50年代咖啡蒜香豬肋骨🐷 （$129）一上碟香味已經噗鼻而黎。豬肋骨炸得十分香口，面頭佈滿炸蒜，超正！😚😚估唔到新加坡菜有咁多選擇，😌下次一定要試埋海南雞😤😤

天天海南雞飯是一家位於element的餐廳，以提供正宗的海南雞飯聞名。首先，讓我來談談老街坊牛筋牛腩。這道菜以牛筋和牛腩為主要配料，經過炆煮的過程，肉質變得軟嫩多汁，入口即化。牛筋和牛腩的燉煮時間長，使得肉質更加入味，搭配著豐富的湯汁接下來是火焰椰子八寶燉雞。這道菜以椰子為容器，內部裝滿了八寶食材和燉雞湯。椰子的香氣融入湯汁中，賦予了整道菜品獨特的風味。八寶食材包括了蓮子、百合、紅棗等，它們和燉雞湯一起經過慢火燉煮，使得湯汁濃郁而鮮美。燉雞肉質鮮嫩，與湯汁的滋味相互融合，帶來了一種濃濃的滋味。斑斕汁椰香鱈魚是另一道令人印象深刻的菜品。鱈魚是一種優質的魚類，它的肉質細嫩，口感鮮美。這道菜以椰汁為基底，給整道菜品增添了豐富的層次感和風味。椰汁的香氣和鱈魚的鮮美相互融合，帶來一種迷人的味道，外表脆炸至金黃色最後，我要提到食神魚籽菠蘿海鮮炒雞油飯。這道菜以炒飯為主，搭配了魚籽、菠蘿和海鮮，營造出一種豐富的口感和風味。炒飯的米粒飽滿，經過炒煮後散發出濃郁的雞油香氣。魚籽和海鮮的加入增添了菜品的豐富度，菠蘿的甜味和酸味為整道菜品帶來了一種新鮮的風味。總的來說，天天海南雞飯在尖沙咀提供的菜品給人留下

前幾個月食過一次炒蟹，今晚又係同一個朋友話想再食多次，搵咗最近嘅分店就係係圓方，呢間分店環境好似大過銅鑼灣，去到6點半都開始有人入座，時間算早所以安排4人坐位，如果繁忙時間就可能要同人搭檯了—————————————————————📍 天天海南雞飯 (ELEMENTS圓方)地址: 尖沙咀柯士甸道西1號ELEMENTS圓方水區1樓1050A號舖✍🏻/食評/◍ 古法咖哩炒肉蟹配咸煎餅今次擺盤同上次唔同，係一個沙窩咁樣，咖喱甜甜地唔辣！今次嘅鹹煎餅一樣都係熱辣辣，食多次都覺得口感好似油炸鬼😂點咖喱好夾！不過今次蟹肉略為遜色，可能唔係當造，蟹味好足有鮮味但蟹肉唔太多🥹但咖喱配雞油飯係一流～◍ 火焰椰子八寶燉雞呢個湯真係會encore，飲得出係燉咗好耐好夠味，而且眼見都已經好足料，雞肉,瘦肉,准山都齊晒🫡二人分啱啱好😍咁啱捕捉到被火 陷包圍住嘅椰子殼🤣

今日去圓方行街，朋友推介星加坡米芝蓮餐廳天天海南雞，話環境唔錯之餘又坐得舒服。兩個人叫了三道菜：～南洋青咖喱雜菜青咖喱雜菜放在沙煲上枱，煲底有火燒住，菜㷛一直熱騰騰，傳來陣陣咖喱香味。青咖喱有濃濃椰子味又唔辣，好味份量足，性價比很高。如果喜歡食肉嘅人亦可以挑選其他肉類配搭青咖喱或黃咖喱。～ 羅勒街頭小食拼盤 拼盤一共有五種食物，包括脆皮香腸、炸蝦片、雞牛豬串燒各一、炸蝦餅和炸春卷，小食味道各有特色，一句講晒好味！～ 龍蝦湯炸雞油鍋巴這一道菜未上枱已經好期待，送上嚟時龍蝦湯是用砂煲上的，另外鍋巴、龍蝦肉、帶子和鮮蝦分開上。砂煲底下是有火燒住，確保龍蝦湯上枱時還是熱到出煙的。最有趣的是有一個龍蝦尾殼也一齊送上來，賣相相當吸引。熱騰騰的龍蝦湯加上泡米冇得輸，有點令我想起潮州泡飯。推介推介 👍🏻👍🏻總括來說來，星加坡米芝蓮餐廳過江龍到香港開業絕對有水準。雖然見到很多人吃海南雞和雞油飯，但真的有很多其他選擇，但下次有機會再約多幾個朋友再來試試。

黎到圓方就諗起好耐都未食過天天啦! 有d掛住佢個海南雞😋必勝組合=天天海南雞拼燒雞+雞油飯✅一次過食哂兩款signature雞，海南雞d肉真係好幼嫩，連d皮都又薄又滑😋燒雞都做到皮脆肉嫩，點埋准鹽更惹味。好中意佢個砂鍋油飯，keep到溫度，粒粒分明啖啖雞油香，叫個細既已夠哂兩人食。幾特別既小食🤙🏻斑斕汁椰香鱈魚🐟賣相精緻。鱈魚脆卜卜，醬汁椰香突出再帶點斑斕香唔會過甜👍🏻超級水果茶大大杯，有幾款鮮果係入面，熱情果令成杯野酸酸甜甜開胃解膩。最後仲叫左碗豆腐花做甜品😆

今日非常高興去咗九龍站嘅天天海南雞飯食晚餐，估唔到好大驚喜，位置於尖沙咀圓方分店，裏面嘅裝修環境好舒服，最出名就係佢哋嘅海南雞飯，令人百吃不厭，好受客人嘅歡迎，呢度嘅環境衛生好企理，好乾淨，服務一流，所以喺度食飯有賓至如歸的感覺，首先呢度我會推介有一個係鳳梨涼瓜乾貝燉龍骨，打開蓋，你就會聞到好香嘅味道，湯好清甜，仲有涼瓜鳳梨配合，口感好軟綿綿，同埋個湯水都好滋潤，我哋仲叫咗個海南雜菜煲，裏面有好多粉絲，好多唔同嘅蔬菜，好新鮮，第陳頌配有訓示真係好入味啊，仲有呢度有海鮮喇沙，配埋咖喱同埋20張，香濃胃口，仲有海鮮正，真係好啱一家大細，呢度嘅海南雞飯，即是好細飯都夠三個人食，所以價錢經濟實惠，每一粒飯都好鬆軟，日未生返住雞油嘅香味，真係味道一流

係圓方睇完戲之後同朋友去食天天海南雞之前食過其他分店一直想再encore茶位每位10蚊招牌菜樣樣都吸引天天海南雞拼燒雞$289天天海南雞肉質鮮嫩多汁無骨得嚟雞肉保持住原汁原味 口感細膩清淡唔油膩得嚟配埋特製嘅辣椒醬一齊食超好味燒雞味道比較濃郁外皮香脆有脂香肉質燒完都好嫰滑多汁一味餸可以滿足晒兩個願望！雞油飯(細)$39雞油飲一打開香氣四溢入口散發出濃郁嘅香味口感鬆軟而不黏食起上嚟非常順口同海南雞一齊食簡直perfect match海南雜菜煲 $109雜菜煲湯底非常鮮甜吸收曬蔬菜嘅精華蔬菜都好多種類仲有菇類、雞腎同蝦米提鮮黑松露墨魚蝦多士 $129黑松露墨魚蝦多士結合左黑松露嘅香氣、墨魚嘅鮮味、蝦嘅甜美和多士嘅酥脆味道豐富而多層次呢餐晚餐令人揾到係新加坡嘅感覺！

香港嘅新加坡菜唔多，好食嘅更加係少之又少，當中天天海南飯就係其中一間我好鍾意食米芝蓮星級飯店放工之後去咗圓方行街，行到攰就去咗天天海南雞飯食由於今日都幾肚餓，所以叫咗好多嘢：天天燒雞雞油飯街坊砂鍋銀針粉南洋咖喱雜菜油柑香水檸檬所有嘢都非常出色，天天燒雞非常入味，雞皮燒得好香脆，不過又唔會過分油膩，每一件雞味道都恰到好處街坊砂鍋銀針粉雖然係一道平民料理，不過亦都非常之考功夫，依度菜簡單得來又非常之有特色，我每次嚟多一定會叫由於我唔係太食得辣，所以叫咗黃咖喱雜菜，依間餐廳嘅黃咖喱比其他地方濃稠，再配上大量嘅雜菜，撈落個雞油飯度真係令人垂涎三尺食咗咁多嘢未嘢之後有少少頸渴，所以就嗌咗油柑香水檸檬茶，為呢餐飯畫上咗一個完美嘅句號圓方入面充斥着好多貴價嘅餐廳，如果想食得相對經濟實惠，天天海南雞飯確實係一個性價比極高嘅選擇#天天海南雞飯

工作日晚上的圆方人气并不高，餐厅除外，这家快8点了都还要排队。·主打的是新派南洋菜，食材、味道和份量都挺好的，环境宽敞，带点摩登小酒馆的风格更是加分项，但性价比真的不高。·平日里一个Lunch Set加茶位和服务费都要人均200，硬是把鸡饭这种街头美食吃出了高级感。·【天天海南鸡拼烧鸡】不是那么本格做法的海南鸡和烧鸡，鸡的品种似乎也不同。吃起来细腻嫩滑，皮下脂肪也完全不肥，我很喜欢。感觉鸡味比一般海南鸡清淡，不过这里的调味很出彩。·海南鸡没有黄澄澄的鸡皮，而是冰冰凉凉的鸡肉上淋着咸中带甜的酱汁。烧鸡鸡皮的口感介于豉油鸡和脆皮鸡之间，搭配的三种蘸料都挺正，不过不用蘸都很有味了。·【鸡油饭】在吃过了这么多家海南鸡之后，这是目前全香港最对我胃口的鸡油饭！米粒不仅嚼劲十足，还带着恰到好处的黏糯感。·鸡油和米饭完全融为一体，飘出的香气里都很难区分谁是谁。米饭颗颗泛着饱满莹润的光泽，但又不会渗出多余的油分。当天连没吃完的米饭都忍不住打包了回去，第二天吃也很棒！·【老街坊牛筋牛腩】端上来热气腾腾，牛筋牛腩都毫不吝惜地切得超大块。酱汁服服帖帖地一裹，每一口都是咸香浓郁的滋味。入味和嚼劲都很好，但可以炖

今日好開心，終於約到一個好耐冇見嘅朋友食飯，原來佢搬咗嚟西九呢邊，咁就順便喺樓下ELEMENTS食飯。但朋友唔想食肉，叫咗少少哋幾樣餸：「金不換和牛碎生菜包」、「蟹肉蛋白西蘭花」、「火焰椰子八寶燉雞」再加個油飯。如果講新加坡菜梗係食海南雞飯同肉骨茶啦，但今日朋友又話唔想食得咁油膩，所以今日叫嘅都係啲特別啲嘅菜式佢推薦嘅係「金不換和牛碎生菜包」，我一開始以為只係普通嘅炒辣肉碎，點知食落真係唔同啲，香口得黎配埋好多粒粒彩椒口感好正，金不換個味亦都係好出，最重要係夠多生菜包得哂啲肉碎呢個大推「火焰椰子八寶燉雞」真係着晒火嘅椰子咁上攤凍一陣就可以飲，入邊真係非常足料。雖然應該落咗唔少嘅湯料，個湯飲落仍然超甜，亦都有椰子味。如果平時屋企少湯水嘅真係可以叫一個嚟潤一潤另外我哋仲因為好想食賽螃蟹，叫咗個「蟹肉蛋白西蘭花」蛋白超滑，蟹肉亦都好香，配埋魚子同黑魚子絕對係畫龍點睛兩個人食啱啱好再送埋飯一流另外我哋每人叫咗杯飲品：「手打香檸檬茶 」超大杯，我覺得仲好飲過出邊所謂嘅手打檸檬茶專門店「油柑香水檸檬」我本身都聽過香水檸檬係香啲，而飲落真係會多咗一陣香草味，同一般嘅檸檬茶好唔同，但飲落一樣咁好味，未