天天海南雞飯 (Fashion Walk)

营业中

休息中

上次去新加坡諗住排隊食海南雞，係hawker centre 又熱，同埋人地勁早已經賣哂，最後食唔到。咁返黎香港就突然諗起可以食下。我地叫左兩個湯，因為平時係屋企唔識煲湯所以出行食中菜都鐘意叫湯滋潤下。.呢個係排骨椰子湯。另外呢個係花膠牛奶湯，岩哂女仔飲。前菜就叫左黑松露蝦多士，原隻蝦勁好食，中間同表面都有黑松露醬。同埋叫番係新加坡酒樓我地食過覺得勁好食嘅黃金蝦，即係鹹蛋黃炒蝦。個人勁鐘意食蝦頭，蝦膏加埋鹹蛋黃係超好食，超邪惡。最後加個菜平衡返。

本身都好鍾意食雞肉 今次終於有機會嚟食呢間米芝蓮推介嘅天天海南雞飯 試吓係咪真係咁好食餐廳環境好大 有室外同室內座位依家天氣咁唔穩定 所以我哋二話不說都揀左坐室內天天燒雞 & 雞油飯除左天天海南雞之外 天天燒雞原來都係佢哋嘅招牌菜！燒雞份量十足 肉質好滑好嫩 果然名不虛傳雞油飯一啲都唔油膩 配埋燒雞一齊食就十分夾斑斕汁椰奶鱈魚一口size嘅鱈魚外皮金黃酥脆 外脆內軟 正！醬汁斑斕香味撲鼻 風味十足50年代凍奶茶奶味香濃 茶底濃厚 奶同茶嘅味好平衡

每次去完新加坡🇸🇬返嚟就會好掛住啲海南雞飯、黑胡椒蟹同肉骨茶。所以今日同朋友揀咗銅鑼灣呢間「天天海南雞飯間」，回味一下🤣入到去打開個menu真係好多選擇，亦都好多嘢想食..我哋揀左：♦️新加坡天天無骨海南雞飯（中份）+雞油飯（碗）我係一個好鍾意食海南雞嘅人，所以對海南雞都有要求。第一、賣相，佢嚟到擺碟都好靚仔，啲雞唔會散哂，旁邊仲有青瓜伴碟。第二、味道，好感動嘅係佢同新加坡本店嘅味道一樣，雞嫩皮薄而爽，並無帶住一丁點脂肪。第三、醬汁，薑蓉、酸辣汁同黑醬油可以適當地帶出雞嘅味道，當你想轉換味道時，旁邊仲有，非常清新，絕對要試👍🏻食海南雞點可以無油飯？油飯好出色，粒粒分明飽滿，入口帶出淡淡雞油香，真係好正❤️不過多人嘅建議雞油飯可以叫一煲，比較抵🥰♦️砂鍋新加坡黑胡椒羅氏蝦粉絲啲蝦超大隻，好多膏😍另外，道餸個黑胡椒汁剛好，所以啲粉絲唔會好似平時出面食咁，放底一陣就會太乾！而且師傅好聰明，佢放咗啲葱、洋葱擺砂鍋底，咁粉絲就唔會黐底👍🏻呢道菜好推介！♦️小籠包四隻超得意，第一次睇到啲醋係用細吱吱裝住，你食嗰陣可以直接唧入去小籠包，個人好鐘意呢個設計，真係好方便，又可以裝住啲汁！♦️咖央醬炸饅頭第一次食唔

♥️鍾意我嘅食評記得follow/關注我♥️新加坡米芝蓮推介餐廳🤩呢間餐廳主打海南雞飯 同埋新加坡融合菜式 米芝蓮果然名不虛傳🥢天天海南雞飯 $169 中份海南雞超級嫩滑 最出色嘅位係 無論係雞髀定係雞胸 都係咁嫩滑唔怪得新加坡日日排隊配上三種醬汁 分別係海南雞甜豉油、辣醬同蒜蓉醬回味無窮😋🥢豆豉醬牛筋牛腩 $149呢個煲仔菜非常有鑊氣嚟到出晒煙 溫度處理得非常好牛筋牛腩，非常入味牛腩牛筋軟腍 醬汁超級送飯👍🏻🥢蠔仔蛋餅 $99呢個真係最推薦👍🏻😍蠔仔份量超多 蛋餅超級香脆一切落去 卜卜脆嘅聲音出晒嚟蛋香融合埋蠔仔嘅鮮甜廚師手藝，真係好好👍🏻🥢肉碎豆腐水晶粉 $88水晶粉好煙韌炒香咗嘅肉碎同埋豆腐味道完美，融入咗水晶粉入面令水晶粉仲有少少掛汁又係一鑊氣之選😆-推薦指數:🌟🌟🌟🌟/5-📍天天海南雞飯 (Fashion Walk) (銅鑼灣)🔎銅鑼灣京士頓街9號Fashion Walk地下H2號舖

天天海南雞飯 Tian Tian Hainanese Chicken Rice📍銅鑼灣京士頓街9號Fashion Walk地下H2號舖我今年同朋友都暫時未有打算出遠門，正正因為咁，我哋都好有興趣發掘一下香港嘅異國特色料理，感受一下去旅行食好嘢嘅滋味。有一日我同佢提起新加坡美食，先發現完來佢未食過人氣爆燈嘅天天海南雞飯，於是我摷返幾年前去新加坡，專誠拜訪當地food centre排隊食嘅海南雞飯比佢睇。睇相已經好吸引，再加埋喺旁邊加多兩錢肉緊，佢最終忍唔住，話要去香港分店食一食，過過口癮。 💰$109迷迭香火焰黑金叉燒 🥓廚師特意選用西班牙豬腩肉製成叉燒，先將其煎香，再以特製醬汁慢煮9個字，達致外香內嫩。叉燒肥瘦分明，燒香過後嘅油脂唔會太油膩，上菜時店員會即場淋上玫瑰露，然後用火槍燒香叉燒同旁邊嘅迷迭香、桂皮等配料，場面非常吸睛，同時有陣陣香氣溢出。叉燒肥肉部份入口即化，瘦肉唔會過乾過老，醬汁濃郁、香甜味十足，非常好食。 💰$169/中份新加坡天天無骨海南雞 🐓我個人認為判斷海南雞好食與否，有三大條件考慮。一、雞皮，雞皮能夠做到皮爽不膩，絕非易事。二、雞肉，雞肉去骨後唔會「甩皮甩骨」，賣

都有一段好長時間沒有來過銅鑼灣的天天海南雞，餐廳佈置及餐牌上亦有少少變動，門口位置更改了，亦加添了一些室外的位置，相信到了秋天冬天的時間會更為適合。雖然餐牌上有少少變動，但是正宗海南雞味道質素仍然不變，海南雞肉相當嫩滑，味道濃郁，份量亦多，二人剛剛好。油飯感覺相當好，飯粒分明不會太過油膩。強烈推薦黑胡椒粉絲蝦煲，新加坡特色菜，蝦肉彈牙新鮮，味道微辣，粉絲完全吸收晒黑胡椒味道，絕對並不是配菜咁簡單。椒鹽豆腐脆卜卜熱辣辣，更配有餐廳自製醬汁好食。

同朋友好耐冇見，想揀間坐得舒服嘅餐廳食飯傾偈，揀左想試好耐嘅天天海南雞。兩個人都可以坐四人枱，坐得舒服。除左海南雞，仲有好多特色新加坡菜。天天無骨海南雞 + 油飯海南雞做到皮薄肉質嫩滑，即使全份都係雞胸部份，都絕對唔會嚡口。非常欣賞。雞皮與雞肉之間保持一層啫喱，好好味。三款醬料都非常高質，平時唔食辣嘅我都點完又點。油飯粒粒分明有雞油香，但又唔會過分油膩。豆漿海南雜菜鍋練習火鍋都好有驚喜，非常足料，粉絲同黃芽白浸喺豆漿索哂汁，好香濃。裏面仲有雞腎、大蝦乾、西蘭花苗同椰菜花。火焰石燒沙爹串串燒雞肉、牛肉同豬肉各兩串，職員會即場用火槍火炙，好香。即使唔點沙嗲醬都已經好夠味，點完更加惹味。估唔到除咗海南雞高質之外，其他菜式都相當唔錯，而且好適合同朋友坐喺度慢慢傾偈。

今晚要去銅鑼灣上堂，上堂之前突然間好想食海南雞飯，又咁啱search到附近有呢間嘢就去同朋友去咗食~餐廳整體行高級路線，有室外或者室內座位，不過室外座位喺大馬路隔離，所以都係室內感覺良好啲，餐廳啲碗碟同埋餐巾都係黑色的，好型當然一定要嗌海南雞，另外加左咗一碗油飯，一份中size嘅雞其實都夠兩個女仔食😆可以留肚試吓其他嘢，個雞口感非常滑嫩，一啲都唔會覺得好嚡，而且都冇乜多餘脂肪，都好放心食埋塊皮。海南雞跟咗三個佢哋餐廳自家製嘅醬，個人最鍾意都係食中間嗰隻辣椒，酸酸甜甜咁好開胃🤤另外叫咗個火焰石燒魷魚鬚，估唔到上枱嘅時候真係即場喺面前燒，燒咗啲迷迭香令魷魚鬚有煙熏嘅感覺，開頭都驚咁樣燒會令魷魚好乾好難咬，驚喜地魷魚冇過熟，咬落去啱啱好。配咗兩個醬一個係沙嗲芥末，另一個係青檸香茅，個人覺得炸啲芥末醬好有趣，夾埋魷魚唔會太漏🥰叫左個海底椰排骨燉湯，打開真係有原條排骨好足料，不過整體感覺偏鹹，可能下次都唔會再叫。見到佢有啲好特別嘅飲品，包括奶茶豆花咖啡豆花同美祿豆花，因為係晚餐嘅關係，驚飲奶茶咖啡瞓唔着於是叫咗美祿🤣上到嚟杯嘢勁多美祿粉，好似美祿恐龍咁，個底配咗豆腐花，令成杯嘢多咗豆香同埋整體滑

在銅鑼灣行街，行到銅鑼灣的另一端，近維園是較靜的一邊。以前是咖啡店的拍戲勝地已成為了雞飯店。在新加坡拿到車軚人榮譽的海南雞當然要點。跟想像中有點不同，雞上面淋了一個啡色的汁，無骨的雞，肉嫩滑，不錯。但更要推介的是其肉骨茶，這裡的肉骨茶可選牛或豬肉，我們點了豬肉的，以小火鍋型式上枱的肉骨茶，超好味，淡淡的藥材味，連不喜歡藥膳的朋友也接受到，內裡有豆卜吸收哂湯的美味。更附上一碟米粉和芽菜，米粉也吸收了肉骨茶的精華，大愛！因為這個湯太好味，我們問了店員才知道，原來可以免費加湯一次！另外我們加點了一個勝瓜上湯魚腐，不過不失。店的面積不大，但也坐了九成客人，是信心的保證。

同事出trip去完新加坡, 嘆息錯過了當地海南雞飯, 今晚相約dinner, 就帶咗佢黎呢間新加坡過江龍兼獲米之蓮頒發嘅「天天海南雞飯」。食過後, 佢都讚口不絕!餐廳地方闊落企理, 環境舒適, 食物款式多, 其中當然點了餐廳招牌海南雞啦!【新加坡天天無骨海南雞】HK$169海南雞肉質超嫩滑, 沒有多餘皮下脂肪, 無骨啖啖肉, 配上三款自家製醬汁, 鮮味更加突出。【黑松露醬酥炸大生蠔】HK$69生蠔都幾大隻, 炸皮炸得金黃透薄, 酥脆而不油, 生蠔多汁鮮味, 沾少少黑松露醬食, 正得令人回味。【黑松露鳳尾蝦多士】HK$129薄脆多士夾住黑松露, 再疊上開邊鳳尾蝦, 一咬酥脆有層次, 再沾上黑松露醬, 香口惹味。【50年代豆花美祿】HK$39大大杯好抵飲。美祿甜度剛剛好, 加上滑得入口即化嘅豆花, 當甜品亦得!【芒果沙冰】HK$49沙冰打得幼細, 香甜芒果味濃郁, 整體唔會太甜, 飲落好fresh。

黎到天天海南雞一定要叫佢招牌無骨海南雞，我地2個人叫左中份，份量都好多。一上台已經覺得好驚艷，佢擺碟靚之餘，仲見到D雞皮有有啫喱，好晶瑩剔透。雞肉食落好滑。有3款醬提供，個人最鐘意配黑醬油，完全將雞肉味道昇華左。怕食膩仲可以食旁邊嘅青瓜，好清新。食海南雞一定要叫油飯，油飯粒粒分明，好香！豬頸肉好有誠意，底放左8角同木，仲有啲花，跟住staff先即時係你面前燒。 所以燒先係好香，食嘅時候仲會食到頭先底部材料燒出黎嘅味。跟住仲有沙嗲醬，好香濃嘅花生味，同豬頸肉都好夾。豬頸肉咬落唔會柴，仲有甜甜嘅蜜香甜品叫左芒果糯米飯，芒果好甜，糯米飯唔會太硬。熱美綠恐龍都好濃郁，好飲！

今次去到銅鑼灣食新加坡過江龍海南雞飯，餐廳座位分爲室內及室外，晚上坐室外chill下都係一個不錯嘅選擇，可惜當日落雨就唯有坐室內，室內空間感十足，座位寬敞舒適。天天海南雞拼燒雞有啲貪心想一次過食曬海南雞同埋燒雞，所以就叫咗個雙拼，雞肉已去骨，入口嫩滑多汁，皮薄爽滑，雞味濃郁，海南雞配上自家製醬汁，味道甜甜地，燒雞食落就多了一份香口，並配有三種調味料，秘製辣椒醬、薑蓉同埋鹽，加埋個油飯就完美！老街坊黑磨豉醬炆豬手豬手炆得軟腍入味，好容易就能骨肉分離，調味恰到好處，不會太鹹，滿滿的骨膠原。

過江龍星馬菜🙆🏻‍♀️火焰石燒沙嗲串串串燒都大份，最鐘意豬肉串，夠大件香口！迷迭香火焰叉燒上枱用火槍一燒，香味油脂爆曬出嚟，大大舊半肥瘦叉燒🙌🏻天天海南雞（中份）有雞腿雞胸肉，整體幾滑唔柴，加上天天海南雞獨特嘅醬汁，甜豉油&辣醬配埋油飯一流！雞油飯之前叫話成鍋份量太大，所以今次叫一碗兩個人分就可以食多啲餸啦；）豆花奶茶順滑，啖啖豆花～豆花恐龍美祿本身怕會好甜，意外地咁多美祿粉甜度都唔死甜。

天天海南雞飯係新加坡好出名，但係仲未有機會去新加坡，所以就試下香港呢間先啦招牌海南雞上到黎覺得份量好似有啲少，但食落就發現雞肉皮薄得黎冇肥膏所以肉既比例好多，而且肉質真係食過既海南雞中最嫩滑，肉帶微微既粉紅色，熟得啱啱好，點埋豉油撈個雞油飯食，正配菜既青瓜都比得好多下，啱哂我呢啲食飯唔可以唔食菜既人呢個新加坡黑胡椒蟹肉粉絲煲都係上到黎冇想像中咁大份，但入面啲蟹肉非常足料，有2隻蟹鉗仔，黑椒味香濃，雖然未食過正宗新加坡既黑椒蟹比較唔到佢係咪正宗，但都係送飯一流，推薦送雞油飯會正過送白飯其實個menu有好多飲品同湯都好吸引，好多好有創意既飲品例如豆花美碌，本來想試個50年代豆花咖啡但係驚夜晚飲啡訓唔着，唯有下次再試啦呢到價錢雖然就貴過新加坡，但係環境一定好過果邊因為佢地係新加坡係熟食中心入面，有啲戶外既座位感覺都幾chill架，如果想以優惠啲既價錢試下呢間米芝蓮海南雞都可以食佢地lunch set

勁難食，唔知點拎米芝蓮。大家樂都好過佢。唔好食性價比低。用APP叫外賣，99蚊海南雞飯，得四片老雞胸。同價位既海南雞都跑贏佢9條街，米芝蓮呢個名號果然係浪得虛名。最難食既海南雞沒有之一。