天鳥居酒屋

营业中

休息中

喺頌富周圍行搵食，見到北翼2樓有間居酒屋，門面好大，望下個餐牌，午市套餐百零蚊又免加一咁抵，即刻入去！入到去坐低侍應問要唔要口罩袋，非常貼心！午市餐牌同主餐牌各一份，睇啱就tick點餐紙，勁方便！揭開餐牌原來超多餐多款揀，對於選擇困難症嘅我，都要花d時間睇睇。午市時間超多人，但侍應都無催我落單，俾我慢慢考慮，真係要俾個讚👍🏻Order咗個海膽吞拿魚七色丼，跟餐有湯、沙律、蒸蛋同甜品，加多$7有汽水都係$123，抵！作為大胃王嘅我仲追加多個木糠布甸同主餐牌嘅鵝肝多士埋單都唔洗$200，正👍🏻先上前菜甜品，新鮮熱辣，個蒸蛋蓋非常燙手，侍應上菜時已提醒小心熱！七色丼非常豐富，刺身厚切鮮甜，份量充足，性價比高！鵝肝多士又係熱辣辣，鵝肝煎到外脆內軟，加埋烘到脆身嘅多士，口感十足追加嘅木糠布甸可揀原味/oreo味，我揀咗oreo味，以甜品作結，非常幸福的一天！

今日去咗天水圍食飯，去咗試一間新開嘅居酒屋😛。我自己未食過居酒屋，今次係我第一次食，我覺得好好食呀😍😍。係居酒屋就梗係要叫啲串燒食啦😍。叫咗好多串燒同埋叫咗一個店員推薦叫磯燒鮑魚同刺身。磯燒鮑魚同刺身（$118）好正。嗰個醬係用鮑魚嘅內臟整出嚟嘅，一片鮑魚再加嗰個醬會食到好重嘅鮑魚鮮味，好好食，嗰刺身切得好厚同埋都食得出好新鮮👍🏻。串燒叫咗好多，我自己最鍾意就係串燒免治雞肉😍。依個免治雞肉係有啲紫菜係面，入邊就梗係有免治雞肉啦😂，免治雞肉入邊重食到少少軟骨，好有口感👍🏻。調味都非常好，真係好好食😍。除此之外，日本串燒甜番薯我相信係係居酒屋必叫㗎喇，所以依到都叫咗幾串，真係好正，甜甜地👍🏻。串燒雞皮都係居酒屋必叫㗎喇，依到啲雞皮燒到好脆，好香，調味都做得好好，終於明點解啲人咁鍾意叫燒雞皮嚟食😍。依個銀雪魚西京燒都非常有驚喜，醃得好入味，好香😍。食落去覺得好滑，重要係啖啖肉㗎😍。真係好正😍😍。我覺得依間鋪嘅location都幾方便，同埋裝修都幾重日本feel。店員服務態度都好好👍🏻

星期六返半日工之後收工梗係要去食好嘢，慰勞吓自己啦，今次嚟到屋企附近餐廳搵嘢食，雖然係附近 ，但係都係第一次嚟食呢間天鳥居酒屋，星期六都算多人，餐廳門口已經好有日本風因為晏晝時段都有好多唔同嘅lunch set揀，有唔同類別，樣樣都好吸引店舖入邊嘅裝修都好特別，進餐嘅時候都可以坐得好舒服佢哋呢度係同普通日本餐廳都一樣自助點餐嘅，有唔同嘅點餐紙自己寫呢度嗌嘅所有lunch set都會配埋茶碗蒸、沙律、甜品比較特別嘅係佢嘅茶碗蒸，入邊有粟米、冬菇同埋少少肉，蛋都蒸得好滑身，食落去有唔同嘅口感因為落雨天氣都涼涼地，都想食啲熱食，就叫咗一個九州拉麵，都係廚師推介㗎！佢個麵係屬於比較硬身彈牙少少嘅，咬落佢有啲口感，叉燒嘅份量都足夠，咬落啖啖肉，佢嘅湯都算係濃郁，又帶少少清甜嘅感覺我都係鍾意食雞軟骨嘅人，雞軟骨嘅份量好足夠，點埋沙律醬口感好清新，佢呢度仲有辣粉可以比自己加，多一層口感，新鮮炸起嘅雞軟骨好爽脆仲有就係廚師推介嘅鹽燒雞翼，係切開咗燒既開邊雞翼，食落去好方便，雞肉個肉質都好滑身，燒既時間岩岩好今次係一個食得比較飽嘅午餐，不過如果想食朋友要留意啦，因為佢哋星期六日4點就會落場，六點先開番

第一次去居酒屋🏮，居酒屋食物種類豐富，但又豐有日本特色，每一種都好正宗嘅感覺，超吸引🤤今次我地主打食串燒、飲啤酒🍻店員服務態度好好，會好勤力幫你收枱面食完嘅一碟碟串燒，仲極力推介左我地試磯煮鮑魚刺身(90g)($88)，話係師父自己研發嘅，用鮑魚嘅肝研製嘅醬，加$30仲有三文魚刺身同帶子刺身(二切）😋中意食鮑魚同刺身嘅當然唔放過呢個機會🤤果然冇令人失望。鮑魚超鮮甜爽口，陣鮮味慢慢滲出黎，點埋鮑魚肝醬原來可以咁夾，醬有啲似蟹膏再鮮味啲，好食😋鮑魚刺身切好晒一片片，好方便食，完全物超所值👍三文魚刺身都係好肥美新鮮，絕對冇偷工減料😋帶子帶啲檸檬香，好fresh。串燒叫左好多，食到超飽，有雞皮、免治雞肉串、燒蕃薯🍠、燒菠蘿🍍、燒茄子🍆、西京燒、雞軟骨.....當中最出色我覺得係西京燒、雞皮同免治雞肉串😋👍西京燒超入味，魚肉薄薄地但啖啖肉好香口，醬汁做得好好，幾正宗。雞皮超香脆，雞油爆汁超正。免治雞肉串點蛋漿，咬入去有啲軟骨好爽口，調味好好。本身啲串燒都好入味，如果想有另一番滋味仲可以加七味粉或者辣油，都好正😛

如果係大西北食日本野，9成9都會去元朗食，不過朋友話佢屋企附近都有檔唔錯，於是就跟佢去試下鋪頭位置好方便，輕鐵站落車，行入商場入面就係，門面睇落唔算好大間，但係入到去先發現原來別有洞天好多食肆都會因為疫情而整左唔同款式既口罩袋，呢款設計得幾有特別午市menu黎講都幾多選擇，價錢就比普通食肆高少少。最後朋友決定叫個雞扒定食，我就叫左個壽司盛配迷你牛肉烏冬，另外就叫多一份餃子麵豉湯同平時日本餐廳飲到既差唔多茶碗蒸入面好足料，同埋d蛋好滑之後黎左個迷你牛肉烏冬，其實一d都唔迷你😱牛肉幾靚，偏瘦多肉少脂肪，好重肉味。烏冬同平時超市買pack好左既一包份量差唔多，好足料，味道都唔錯😂真係同人講個餐主菜係呢碗烏冬都有人信👍🏻呢個壽司盛先係主菜，賣相都幾好，當中最鐘意就係帶子壽司，大大隻放入口鮮甜到爆😍如果左上角換埋做牡丹蝦就好啦之後到朋友個雞扒定食，望落就冇我份壽司盛配烏冬咁吸引，但係食落其實都唔差，雞扒超級juicy又大塊，不過碗飯太大碗，如果細返d就好好多餃子亦都相當大份😂唔步係包到好大舊，入面d配料都真係塞到好滿，食完真係好滿足😂唯一問題係舊餃子太大舊，好難點到個汁

係天水圍好難得有一間可以同朋友飲野既居酒屋坐低望一望，成間居酒屋都幾有氣氛最好玩既係，最近做緊一個推廣只要擲骰擲中孖骰，就可以免費飲一杯啤酒如果擲中單數，就可以半價。而我就非常黑仔咁擲中咗雙數，即係要俾雙倍錢！不過好在，待應姐姐同我講，其實總共會俾兩杯啤酒嚟～因為今次主要係嚟食晚飯，所以無去試啲佐酒小食見到咁多佐酒小食，下次認真要嚟吹水飲野先得不過為咗送酒，我都點咗款 芝士辣肉醬燒原條茄子芝士香濃，同辣肉醬好夾，個味調得幾好茄子燒得岩岩好，唔會水旺旺，但又唔會乾淨淨送酒唔錯係居酒屋食刺身往往係一個指標從刺身是否新鮮，用料如何，已經知道餐廳是否有水準叫咗一個北海丼一嚟到已經覺得非常吸引，顏色鮮艷第一啖試一試個蟹膏，不得了非常之濃郁既蟹味，好似落咗海入面游水咁甘香係口腔入面化開比起平時出去食有微苦既蟹膏，真係物超所值另一個必吃既係鮟鱇魚肝（唔記得影相），亦是非常之濃郁感覺有點似食鵝肝平時好少有得食既子持魷魚好特別既口感，有啲似食希靈魚除了刺身飯外，亦試了咖喱豬扒烏冬好靚既溫泉蛋為成個烏冬加了好多分炸豬扒炸得好鬆脆，薄薄既一層炸漿豬扒本身豬味都幾濃烏冬都幾煙韌，掛起哂啲咖喱汁

今晚等埋朋友放工翻到黎天水圍先食晚餐，聽講天水圍頌富商場開左一間唔錯既日本餐廳，而且食物種類，選擇多，任君選擇，無論你中意食生既定熟既，都可以滿足到你啊！呢度有日式既刺身類食物，而亦都可以打邊爐，各款拉麵飯類套餐都有得選擇。但中意食壽司刺身既我最後都係簡左呢度廚師推介既天鳥特選大大粒魚生飯。呢個魚生飯名副其實啊！d魚生又大粒，種類又多，又夠新鮮，有 雜錦魚生，三文魚子，馬糞海膽，碎蔥拖羅，實在係好豐富，好滿足啊!

遠征天水圍，揀左間唔錯又方便的日本餐廳，輕鐵頌富站行入T town都唔難搵週末lunch hour出面冇人排，唔洗等位就入到去，店員幫我地量個體溫消個毒就入得去，原來入面都幾大，可以座到好多枱，而且入面其實係幾乎滿座。環境都幾乾淨，而且佈置幾靚入門口Cashier 有得拎口罩袋呢張係過左lunch hour啲人走哂先影，佈置得好靚囉，同埋好似做緊promotion，好多燈燈掛喺上面好有氣氛有lunch set同散叫menu..超多野可以揀...前菜壽司串燒炸物鍋物甜品飲品酒類乜都有，睇到眼花花，樣樣都好吸引小家嘅我見到散叫餐牌要加一，問店員得知原來午市時間全部免加一，GoodLunch set - 芝士漢堡扒咖喱飯73蚊唔算平亦唔算貴，但份量完全係超值很大份，有如中式碟頭飯份量，如果唔大食，兩個女仔食一個飯都絕對夠飽，大食嘅應該好滿足，係日式咖喱汁，甜甜的咖喱加芝士冇得輸，汁都足夠，唔會食到最尾唔夠汁，飯係珍珠米，唔會焗到好乾身，有三塊厚身漢堡扒，漢堡扒𥚃有洋蔥粒，有咬口另跟四寶野菜沙律、日式茶碗蒸蛋(超滑有蛋香，好似食緊布甸)、麵豉湯、甜品（朱古力雪米磁）串燒走地雞胸三角軟骨雞肉嫩，

蒲燒鰻魚飯套餐 ～$86鰻魚新鮮，鰻魚汁可以再落多啲， 飯的份量偏多套餐包埋沙律，蒸蛋，麵豉湯，朱古力糯米糍朱古力糯米糍好食，裏面啲朱古力醬好足夠，而出面嗰層皮就好煙韌九州叉燒拉麵 ～ $76我揀咗豚骨魚介湯， 拉麵係屬於彈牙有咬口嗰隻，叉燒就有六塊大大塊， 每一塊都有啲瘦嘅肉同埋肥嘅肉， 叉燒份量比一般嘅拉麵店多啲加七蚊可以有一個雪糕球，今次有香芋同埋豆腐味選擇，我就揀咗豆腐味，比較清新啲呢度糸日式裝修，如果可以坐卡位就更加好， 呢間餐廳嘅人流都幾多，我星期六十二點半左右去到，都爆場呀

同朋友係天水圍踏完單車就係附近搵左間日本野食Tentori Izakaya 天鳥居酒屋🏮其實你見佢既門面係好有居酒屋feelI like this feel傾計食野一流😬😬😬餐廳好好俾埋一次性口罩袋俾我用岩晒我尼啲咁鬼lazy既人抵讚Lunch既套餐都會跟沙律、日式茶、甜品同埋玄米綠茶🌐醬油漬牛舌拉麵 $76湯底好濃味佢既牛脷好嫩好滑不過尼個擺得太耐尼拉麵好幾lum建議要趁熱食啦🌐牛肉火鍋（壽喜燒湯底） $93叫左個牛肉火鍋一齊食你見佢勁鬼大兜啲牛一層一層咁鋪滿左個鍋底下仲有好多配料有菜有菇仲有粉絲好好食佢索晒啲壽喜燒湯底好jeng推推推佢仲會跟碗飯不過叫佢上半碗都好飽認真🌐自家製木糠布甸（oreo) $18最尾跟左個甜品食左咁多野人均消費$100都唔洗抵！

呢間餐廳喺屋企樓下新開張冇耐裝修都幾靚決定要試下午餐都幾多選擇熟食同埋生嘅都有要咗個吉列豬扒飯套餐套餐已經包咗個茶碗蒸蛋甜品同埋麵豉湯 前菜沙律醬汁開胃 蒸蛋非常之嫩滑 吉列豬扒炸得非常唔錯 外脆內嫩而且份量都幾多 朋友就叫咗個醬油漬牛舌拉麵餐牛舌讀多個魚介湯底都幾好味而且價錢都幾實惠跟住就點咗職員介紹嘅串燒雞腿筋燒得好香入面嘅雞肉仲係好嫩好多汁 有啲筋咬下幾有口感 呢個配啤酒真係唔錯再叫咗四件嘅牛油果軟殼蟹卷佢唔會好多飯但係材料十足 牛油果新鮮 推介餐廳裏面佈置好靚好有特色 佢哋搞緊一個啤酒祭都幾新鮮個概念 佢哋會同客嗌啤酒嘅客人猜骰仔有機會可以免費得到杯啤酒或者係半價

呢度應該新開，見佢門口招牌都有張紙未撕開，同老婆行開就試吓啦，見佢都幾旺場，店內環境同香港開嘅日本居酒屋差唔多，但係都幾乾淨企理嘅，夠新淨，帶咗兩個串燒，分別係燒菠蘿，同埋燒杏鮑菇，特別想講下個杏鮑菇，首先係幾好食嘅，食落口感都幾有真肉feel ，同埋呢間居酒屋嘅串燒款都幾多素食揀，素食朋友可以嚟試下，之後就帶咗一個牛肉刷刷鍋，都幾多了，牛肉下便都好多菜，可惜自己燒耐左😂，下次控制返先，我帶多咗個芝士咖喱漢堡扒飯，呢個幾濃味，又夠飽肚，埋單兩位$240 ，性價比都算唔錯，職員服務都幾好，食之前又有比一個一次性嘅口罩袋俾我哋，呢度有一個幾有趣嘅遊戲，我見幾多人玩，就係擲骰仔遊戲，如果贏咗嘅話有梅酒送

位於天水圍天town的呢一間日式居酒屋《天鳥 居酒屋》經常都坐滿人客原因係呢一間日式餐廳主打街坊客生意價錢抵而且食物質素高上次去開天水圍探朋友就送到去嗰度食晚餐餐廳嘅裝修都幾有日本feel暖黃嘅燈光令人感覺到非常舒服加上播放住音樂背景令人食得更加舒暢呢排推出咗啤酒祭 擲骰仔遊戲有機會可以免費得到啤酒一杯講返呢度嘅食物 水準甚高而且食物款式層出不窮刺身 壽司 串燒 前菜 鍋物 麵飯總會揀到你所想吃的呢一個絹豆腐櫻花蝦半熟蛋壽司有營養而且健康好味絹豆腐同櫻花蝦含有大量優質蛋白以及鈣質日本的絹豆腐豆味香濃除咗水嫩之外 亦吃得出豆渣的質感櫻花蝦用白鑊炒香提升了整個沙律嘅香氣配上咗芝麻醬汁 食起嚟完全冇「寡」的感覺壽司方面亦同樣高質素壽司飯食得出有壽司醋嘅微酸強烈推介呢度嘅火炙壽司火炙左口魚背壽司用上咗相當肥美的左口魚邊經過猛烈嘅火槍火炙之後澎湃嘅油脂滲出嚟左口魚喺口腔裏面融化味道相當回甘至於火炙黑松露油甘魚壽司黑松露嘅香氣配合埋油甘魚嘅油香令人印象難忘香氣喺口腔裏面徘徊 久久不散鮮帶子壽司 採用嘅帶子刺身相當肥美帶子肉又厚又鮮甜而且價錢亦非常公道壽司項目 令人非常滿意串燒方面就叫咗串燒秋葵以及

朋友介紹 T Town 呢間新開嘅日本餐廳俾我，佢話呢度 CP 值超高，今日過開嚟呢頭就入嚟試吓。絹豆腐櫻花蝦溫泉玉子沙律，絹豆腐嘅豆味同平時食開嗰啲豆腐確實有好大分別，絹豆腐豆味更濃，口感更加滑身，配埋本身都好滑溜嘅溫泉蛋，再加上櫻花蝦嘅吊味，一整個就係超級正。土佐豆腐，土佐豆腐炸得外皮酥脆，上枱嘅時候仲要攤凍一陣先可以擺到入口，真正嘅即叫即製，昆布醬油汁裏面竟然有為數唔少嘅冬菇片，亦令整個食感更上一層樓。特大海赤蝦壽司，特大赤海蝦幾乎有我隻手板咁長，用料新鮮口感自然爽口彈牙，赤海蝦上面嘅黑魚子更加係畫龍點睛，帶出咗赤海蝦嘅鮮甜味道。雙重芝士海鮮大蝦反卷，大蝦蘸上薄薄嘅一層炸漿之後以猛火油炸，即使被飯粒包覆住同食都仍然能夠感受到佢個脆度，雙重芝士加沙律醬後被輕輕火炙，更添香味。串燒免治雞肉，免治雞肉口感嫩滑，夠哂入味，最欣賞佢裏面有好多軟骨，喺嫩滑中更見咬口，我好鐘意呢個脆卜卜嘅口感，配合搗攔嘅日本蛋蛋漿一齊食味道更豐。臨走發現餐廳宜家搞緊個啤酒祭骰子遊戲，擲兩粒骰，單數享有半價優惠；雙數都無蝕底可以用原價嗌多一杯；而擲到兩粒點數一樣嗰杯啤酒就免費架喇，下次無揸開車一於過嚟玩吓。

新冠肺炎疫情得到控制，大家都開心返，開始見返D朋友，如果唔係就來冇乜朋友啦。今日約咗二位住喺天水圍嘅朋友見面，佢哋一致推介呢間新開冇耐的日式居酒屋～天鳥。下邊係3人共同的選擇，大家吃得好開心，亦因為早來到先至有位，如遲多15分鐘就要等下一輪，因為已full哂。首先嗌咗份『三文魚刺身』，96蚊有12片，燈光下清楚見D紋路好靚，超抵吃。亦當佢係前菜，通常呢D出得快，咁大家一邊吃一邊傾偈好寫意。另嗌咗一個『海膽吞拿魚7色丼』同埋一個『二人套餐』。『7色丼』有海膽同吞拿魚之外，仲有三文魚，吞拿魚蓉，甜蝦，帶子同另一款魚刺身，吞拿魚入口即溶，唔錯。『二人套餐』的芥辣八爪魚小食，帶芥辣的八爪魚仔微辣我超鍾意，朋友話辣，咁我可以吃多D。『鹽燒三文魚腩骨』燒到脆卜卜，好香口，大家都好喜歡。自選壽司4款有車海老、希靈魚、黄金魷魚及醋鯖魚都唔錯;『和風燒牛肉』亦係好味之選，仲跟有椰菜沙律。甜品『抹茶蕨餅』，有口感有彈性，强力推介必吃。