太爺雞 (已結業)

前排受疫情影響，太爺雞無開一排，今日行過見重開，即刻上去食番餐。上到去無咩人，所以可以自己坐一張4人台，店舖內所有野都一樣，但店舖內的員工好似轉左，而且太爺雞亦沒有排出來，心裡已經有點古怪。既來之則安了，我也照樣叫了雞飯，先上例湯和餐飲，但等了好耐，還未有主菜？見店內人客不多，但不知道點解要咁耐....照理斬雞好快.....等了差不多15分鐘，終於知道點解，原來碟雞一早斬定，什至是昨天賣不出去的，所以應該於了入雪櫃，之後有客叫就去番蒸，上碟時隻碟好熱，冇任何色澤的光芒，而且乾爭爭，碟上又冇豉油汁.....和之前相比爭了很多倍。希望下次再嚟，店主可以改善，寶變回之前的招牌菜

第一次來呢間，本來想食豬手的，但見到有椒鹽肉餅。佢話係新出品，所以揀左呢個來試下。同事叫有腩仔拼太爺雞，50蚊勁大份量，好抵食不過呢度唔好的係要搭枱。我的椒鹽肉餅兩大塊肉餅淋上椒鹽汁。有啲辣肉餅好淋，無口感。可能係淋左汁的關係，炸左的肉餅係唔脆的。如果有外脆內軟的口感就好喇飯量好多。呢度真係大件夾抵食。有送例湯，加錢有飲品。熱飲加兩蚊，凍飲加三蚊。見到餐牌有呢啲套餐，下次可以叫一大班同事一齊來試下

<久違既太爺雞>太爺雞喺好幾年前新開張時試過 印象中佢既中菜唔錯 今日甘啱經過觀塘分店又想食下雞肉就入左去試下😂 呢間觀塘店係工廈入面 環境同茶記一樣 lunch時間會有好多人搭枱 仲有圓枱 卡位 lunch有 set夜晚應該啱人多食中菜🍴太爺雞飯🐤44 蚊首先 lunch有例湯送 青紅蘿蔔煲豬骨 味道算清甜 算係甘🥕 太爺雞同飯分開上 雞肉個皮有 d似油雞 但佢係用左滷水汁 個皮幾香 雖然係雪雞 但都整得十分嫩滑 個汁幾香甜同入味🐤如果唔夠味 仲可以點薑蓉 連埋飯一齊食 44 蚊 就算加埋凍飲都係47 蚊 算係甘 👍🏻🍴乾炒牛河 44 蚊🐂芝麻 香葱 芽菜 大葱一齊炒令到牛河好香 牛肉用左滑牛大大件都幾有咬口 河粉既醬汁未到好入味 濃度適中 夠煙靭彈牙 如果炒得再乾身 d更佳👍🏻 再點埋 d類似豆板醬加辣醬 撈埋食🌶更加惹味 44 蚊有呢個質素 十分抵食#太爺雞 #乾炒牛河 #雞肉 #滷水 #中菜Score 平均分 <7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value

🐹肥老鼠被即興約左觀塘晚飯小聚，七點到還有很多位，不過到接近八時就愈來愈多人。冬瓜盅（$198）被夥計推薦冬瓜盅，除了初上台時幫我們分，一路食飯時都在留意要幫我們裝湯，服務態度好冬瓜盅清甜消暑，四個人裝到每人兩碗湯連瓜肉，還剩下兩三碗肉可食。太爺雞半隻（$90）太爺雞即是豉油雞，雞件肥美，肉質嫩滑，豉油味不會過咸。椒鹽鮮魷（$85）賣相十分好椒鹽不會太咸，炸得很好，魷魚爽口這碟很快就被食清。啫啫排骨煲（$62）相當香口惹味，而且有我最愛的豬潤豬潤爽口，火喉十足洋蔥配合醬汁好味，排骨夠滑。家鄉釀涼瓜（$78）鼠友爸爸好叻煮菜，家裡會弄釀涼瓜，所以叫了個對比一番涼瓜微甘，炆得淋又入味，底下的黃豆很好食肥老鼠自己清完下面的黃豆。🐹溫馨提示早到大把位適合大夥人啤一啤

Loved their signature chicken and we also ordered prawn w/ broccoli & minced meat so yummy and price was reasonable too!portion was more than enough for two people! Chicken was moist and flavorful, same as the prawn in moyo dish ! We loved it and cannot wait to come back with more people next time!

好重味精！食完超口渴！同屋企人食晚飯，食完返屋企飲咗一公升水都重係渴，救命！😫叫咗三樣餸，招牌菜太爺雞，肉嫩，不過冇雞味 (香港地，呢個要求好似高咗啲！)，汁咸，送飯可以的！茄子斑腩煲，斑腩食唔到魚肉，炸粉團一舊，唯一可取的，佢未多油到浸住個菜。雜菜煲，估計係呢個出事，食嘅時候發現好咸，但係又好甜，以為調味重手咗，原來係味精作怪，食完嗰晚好痛苦！😩

朋友約我食觀塘嘅一間太爺雞，我初初都覺得比較遠，但係都照去啦，啲朋友話好好食，我哋嗰日叫咗好多個餸，每一樣餸都係我想像中好嘅，雖然佢嘅裝修唔係啲乜嘢金碧輝煌，但係食物真係令我刮目相看，首先試一試佢最出名嘅太爺雞，味道非常之夠，肉質非常嫩滑，一個涷食嘅豬手，入口爽，叫咗個鯪魚球食，都好耐未試過食炸鯪魚球，足料，最好味就係個點鯪魚球嘅蜆介醬，做得非常好，跟住叫多個鍋貼小棠菜，又係一啲功夫菜式，入口鬆脆，裏面啲蝦膠做得非常細滑，一個黑椒汁炒茄子牛仔骨，入口夠味道又不會太鹹，仲有冇味精嘅例湯飲，價錢亦相當便宜，每位大約$200！

平時間唔中都會同一班朋友仔過去觀塘工業區太爺雞食飯 雖然店面唔係冠冕堂皇 但係啲嘢食有質素 又唔貴 所以成日都會過嚟食當然大家最鍾意食就係太爺雞啦雞肉够滑夠味10分惹味 有啲人以為似係豉油雞其實就唔係係用特製嘅植物去整汁最高峰時期試過一個人食一隻嗰晚五個人所以嗌咗五個餸黑椒牛仔骨成日都食但係同埋茄子一齊炒就真係未試過 茄子十分之入味好食！送返100分！😍通菜買得好好 一啲都唔老 亦都唔會唔夠味！次次嚟都會食！身邊幾位朋友都好鍾意食呢度菜 因為真係唔係好多地方有得食 加上係功夫餸有得食都未必啱食 佢整到好鬆又唔油膩 呢個都係平時我哋成日叫但唔係周圍都整得好食嘅菜式 重點係佢個醬汁 加埋彈口嘅鯪魚球 真係好似食彈彈牛丸咁 值得推介！最後我最鍾意嘅就係佢哋嘅例湯真係一啲味精都冇 次次都足料到飲完一盅有一盅！但係成日都唔記得影相

觀塘區多食點，想食雞飯，據我所知，喺成業街有兩處！今日特地而來，先來試一下太爺雞。乘港鐵到觀塘站，步行大概5分鐘，行到一工廠大廈叫做成運工業大廈，再上樓梯，行至盡頭，入口在右手邊，一入到去像舊式茶樓格局，一張張圓檯哪款，懷舊feel，但座位算舒適，不太逼。咁去呢度當然係order招牌菜太爺雞啦！一個lunch set有湯、有飯、有嘢飲，成惠$42蚊免加一，算非常抵！招呼都很熱誠，出餐效率高。好嘞！回到正題，隻太爺雞好滑，幾好食！但係啲飯就好粗，如果您想試下咩叫做難以吞嚥，來這裡order個飯試下。所以，建議大家，雞可以照order，但不要跟飯！P.S.至於個清餐湯，可以用淡而無味來形容，just forget it！

🐓太爺雞是我同親友飯局常來聚🦶點,坐於官塘工廈區,店內一般舊式飯店🏢。不得不讚👉🏻主角😌太爺雞🐓每次來吃都保持到水準😋用了它店內獨門特色汁醬浸熟🐓這味道在其他地方食不到雞肉好滑柔軟入味雞皮亦很滑不算肥。其他小菜亦有鑊氣有一定水準還有其他推介👉🏻鍋貼小棠菜脆醬做得很薄入口鬆化脆口,怕熱氣的我亦忍不住要吃還有太爺麻辣豬手🐖餐前小吃必吃之選,少少麻少少酸味道開胃醒神一口豬手件細細件,食得好方便喔🙃豬皮爽滑亦不肥,每次來到都必食架

係1月18日原本去觀塘想食海南雞飯，可惜只做午市，但又好想食雞，所以最後就揀咗嚟食太爺雞。今次點咗3樣野食：太爺豬手、太爺雞（半隻）、籠仔蒸蝦飯太爺豬手（$45）太爺豬手係凍食嚟，所以諗住叫一碟嚟食，當開胃菜。豬手嘅大細切得好適中，可以一口一粒，方便食同啜骨。個汁方面個人覺得比較辣，如果平時食開微辣嘅fd可能會覺得嗆喉。太爺雞（半隻$85）呢養飯嘅主角係太爺雞，由於只係自己食所以叫半隻雞就夠了。雞肉好嫩口，雞皮好香醬油味，唔會太咸，味道適中。個汁頭好好味，食得出係有自己調較過嘅。籠仔蒸蝦飯（$78）呢籠飯當時俾到我嘅感覺係「嘩！正wo」。上枱果陣已經好香蝦油味，食落口又係勁香蝦油味，可能天氣凍嘅關係，覺得愈食愈好食。d蝦無咩特別，因為重點係d飯道。但最後食多2碗後發現其實個飯都好油膩下，因為好快覺得滯，呢一籠應該夠2-3個人食。最重要係，呢道無收加一服務費！所以食得開心。

認識太爺雞呢個字號始於筲箕灣東大街，不過每次晚飯時間經過門口時都排滿人龍等候、一席難求，最近偶然發現觀塘工業區商廈內開咗分店，打電話留位又話無問題，一於試一試。～ 太爺豬手屬於前菜凍食，豬手做到爽口彈牙唔肥膩，配合小小麻、小小辣嘅醬汁唔錯，非常適合配上阿爾薩斯區嘅白葡萄酒。～ 鎮店太爺雞從網絡上查知太爺雞始創自清末，先以滷水浸熟， 再以江蘇煙燻之法製作豉油雞。半隻太爺雞份量十足無欺場，浸雞師傅功力十足，雞胸肉能做到剛剛熟仍然可以保留肉汁和鷄味，外皮帶小小醬油滷甜香和煙燻味。靈魂嘅豉油滷汁有層次，用嚟送飯一流。～ 椒鹽鮮魷鮮魷新鮮夠肉厚，油溫控制得宜，整體配合得好好唔油膩，配白葡萄酒妙品。要挑剔的話如果能小炸一分鐘嘅鮮魷會更鬆化。~ 豉汁蒸鱔合格，鱔魚非常新鮮肥美，豉汁唔會話死咸果隻。要挑剔的話鱔魚如果能厚切一些入口會更好，不過大大碟賣 $108 真心無投訴，為有下次叫多些朋友一起幫襯時可以叫一整條厚切。~ 咕咾肉合格，肉排肥瘦均勻，新鮮熱辣辣炸起配合甜酸汁非常醒胃。～ 瑤柱金菇扒豆苗合格，生炒熱辣辣大大碟非常低食。要挑剔的話瑤柱同豆苗都係用下價貨，不過賣 $88 就真心覺得合格。～ 白

觀塘大家應該都知道附近嘅茶餐廳都唔平，一般來講都要$50左右，今日行過見到這間太爺雞，我俾佢門口幅相吸引左。呢度嘅午餐都係$40至到$45左右，而且選擇算多元化，由於之前我已經食過佢太爺雞，所以我今次叫梅菜扣肉飯分量唔算太多，但正常人應該夠食，由於佢直接把梅菜扣肉放在飯上，我最怕搞左成啲飯都很多油，但是今次他沒有這個感覺。扣肉肥瘦適中， 而且有大量的梅菜，10分好下飯，午餐仲有一個例湯同埋一杯飲品，加埋都係$43，我相信觀塘佢真係平霸，如果唔知食乜嘢嘅話我覺得依家係一個選擇。

咁啱經過，上網搵吓附近有邊間出名食雞，又咁啱大廈喺我隔離。三點去到，冇人。唔入都入咗，好彩員工又幾好禮貌。我食嘢講求原味，食白切雞多。但見太爺鷄先係signature dish, 決定give it a try。返到屋企一打開... 嘩! 如圖所見，成盒都係髀、翼、翼髀，而且飯量適中。（女仔可能食唔晒）菜唔止兩條，係一堆，但就淡口咗啲，冇咩味。蓮藕湯唔算濃，但至少足料，飲完唔怕口渴。太爺鷄即係豉油雞，皮薄脂肪少，豉油微甜。肉質鮮嫩滑溜，雞味好濃郁，冇被豉油蓋過，掂喎！燒味飯嚟講$42(+$1盒)價錢中等啦，但外賣通常得雞頭雞尾，今次有咁嘅質量真係好驚喜。有機會去觀塘嘅話一定會試埋貴妃雞！

轉左去觀塘區返工之後，最大好處就係lunch多左好多選擇。🤩—第一日返工，同事就話去食呢間「太爺雞」。睇個名，藍妹諗佢應該都係雞出名（？）🤔—藍妹冇仔細睇menu，求其揀左樣就算。後來見到好多同事都叫「太爺雞飯」，先知佢原來有自己出名既雞飯，不過算啦，錯過左。🤐咸魚雞粒炒飯熱辣辣上枱，肚餓既時候覺得特別香。整體味道幾好既，不過飯粒略嫌炒得唔夠乾身。咸魚味就好夠啦，不過雞就冇味既，變相成個飯變到好怪，好似又咸又淡咁。😣—見同事啲太爺雞好似冇乜特別，只係普通既豉油雞咁。有機會可以試一次睇下好冇食，暫時藍妹感覺呢間野唔係特別值得回頭。🤨