太陽軒飯店

营业中

休息中

今次黎呢間係由同事食過介紹，午時有特價套餐，我地選擇散叫幾樣，皆因特別想食韮菜豬紅 -名字係豬紅，但侍應介紹時話係鵝紅，講真係唔知點分得出，都尚算幾滑又唔會一夾即散開!  調味都可以，一客份量算多!滷水鵝片 - 黎食潮州嘢必叫之一，鵝片片得幾厚薄適中，唔肥肉唔會嚡口，點蒜醋汁食好味; 底下有豆腐，滷得幾入味!煎蠔烙 - 有幾款組合，有蝦/青瓜，食返最傳統果隻，煎得香口，蠔仔一D都唔腥，配魚露再加少少胡椒粉調味，趁熱食又係好味!可能知你午餐趕時間，食物上枱速度都幾快，侍應反應快，食物水準唔錯!

地方夠大，酒樓格局；服務普通，有些姊姊黑口黑面，服務平平有套餐又有貴價野食！有茶選擇又有前茶菜！酸咸菜好好味道！唔會太咸！軟軟口感鹵水鵝掌鵝掌好香又野味！都幾大碟、入味鵝掌、肉香；鹵水豆腐好入味、吸收了鹵水汁；蠔仔肉碎粥本來以為好稀，但原來唔係！好多材料（肉碎、冬菇、蠔仔、飯）口感好好，好野味蠔仔都幾飽滿！乾淨又美味，無沙魚蛋湯河粉河粉好滑又唔碎、魚蛋好爽口又唔鯹；湯唔咸食完唔會口渴；配上香蔥、脆脆肉乾的，好香好味道，可以配上酸咸菜！

中秋提早做節食潮州菜，朋友介紹話好好食，就來一試。香竽酥鴨一定要試，好食，個個讚不絕口。胡椒豬肚湯有啲失望，咸菜未煮夠，好咸。蠔仔粥好香嘅大地魚味，好好食呀~朝陽梅羔骨必定要試， 啲肉好淋一啲都唔硬，好正古法涼瓜好好食。涼瓜唔係太苦，下面有五花腩，好特別，好好食。其他仲叫咗川椒雞、 潮州炒飯、反沙芋、芋泥、鹵水拼盤、鹵水鵝肝等等。仲有紅豆沙送添。服務員很好，服務好又有禮貌。嘢又好食，服務又好，值得一試。

我的好友，好老師鄧生今年卒之榮休了。近來不少舊友，舊學生都相約他食飯或茶聚。小弟最近都參與了一兩次，敬陪末席，以顯示對這位好老師的尊敬....他最喜歡食潮菜。過往都不定期跟他出去，化身成"潮人"到各處去食潮嘢。今天的其中一場惜別宴，就在這一間有不少好評的潮菜店舉行....人少少連埋我得四個。本來叫套餐是最實惠，但細閱底下卻又覺餐內不是每道菜都啱我們心水，所以最後還是決定叫 a la carte....蠻欣賞這一小碟醃酸菜，味醃得剛好，不太鹹亦不過酸還帶丁點甜，十分讓人開胃....和鄧sir吃潮菜，有幾味通常是一定要點的。首先登場的，便是一大條馬友魚飯....當然少不了的，是用來伴魚飯完的普寧豆醬....魚肉甚嫩，味濃沒見腥氣。不過論肥美程度就有點不及上一次小弟在旺角另一間潮菜店吃到的高。記得上趟的那條，是超晒油的....另一味鄧生的至愛，是這個煎蠔烙....這裡的oyster cake，有蛋香；蠔仔漲卜卜又大隻，一咬底下甜汁四溢於口腔內，弄成滿嘴鮮美；而且入口不油膩。比起那種港式的炸蠔餅，滋味當然要勝一籌....蘿蔔春菜煲稍嫌豬油下得太仁慈，菜吃起來不夠油水自然就不香；蘿蔔一睇就知未夠

本來訂了桌和家人吃晚飯，但一肚子氣！職員只顧賽馬沒有執枱，還有很多剩骨垃圾在桌上，到執好枱，風口位吹正老人家，希望換枱，女部長態度極差！每隻杯唔係有肥膩油漬，就是很多污漬！女部長訓導主任又衝過來說："換夠未？一係俾個洗碗兜你"~其實隻隻杯都污糟有漬又肥膩，俾洗碗兜洗得甩？！咩服務態度？！咩叫換夠未？！係未呀！因為無一隻乾淨！香港飲食業敗類！ 唔好中伏！利申:原本之前去過一次覺得可以再去才訂枱，上次已覺得有位女部長很地痞，但食物尚可。不過今次極失望！不再幫襯！

我地行完山，上完法式焗包堂後，行程密密就去食太陽軒食晚餐。我地點了雜錦鹵味拼盤、蠔粥、醋麵餅、蝦仁翠綠瓜及白菜魚頭湯。 個雜錦 鹵味拼盤……好食，唔咸，鹵味汁好入味……牛腩好霖，好易入口，牛.耳、好爽，好咬口……一定要點。蠔粥都唔錯，蠔仔新鮮入好味，熱辣辣，甘樣入口先覺得最好味。醋麵餅加醋特別開胃及好食，一點油膩都沒有。 最後，他們送上功夫茶，細細杯，好易入口，味甘，飲完仍有甘香在口中，好好飲另外，侍應們都好好招待及有禮貌，一家人或朋友聚餐的，都是一個唔錯的選擇。

幾個朋友決定食潮洲菜，想起‘’太陽軒‘’ ，於是就 book枱嚟食個飯。先嚟食嗰潮洲拼盤：鹵水汁很濃，豬耳，鵝肉夠淋又入味，併盤還有五花腩，墨魚，紅腸，鹵水蛋等非常豐富。個人尤愛五花腩，肥瘦適中，好好食。另有豆腐墊低。再嚟個鵝翼：鵝翼很有咬口，同樣鹵水汁濃，鵝翼入晒味，有豆腐墊底。香煎蠔仔烙：蠔仔幾新鮮，蛋味夠而且煎得香口，而且份量好足。蘿蔔春菜煲：喜歡食春菜，煮得好淋夠鮮嫩，白蘿蔔也很清甜。潮洲糖醋麵：煎得剛剛好，薄薄的煎麵，外面香口，中間還是濕度適中，不會過乾，加上糖和醋，好味道。黃金炒飯：飯夠乾身，炒得均勻，不油膩，飯面灑上櫻花蝦乾，稍嫌鹹蛋黃份量不足。杏仁蛋白茶：這個杏仁茶較稀，蛋白好少，有改善空間。

一早打電話訂左張7人枱 所以過到來唔洗等就可以直接入座雖然枱同枱之間既位置唔太多 有少少窄整體感覺都可以 可以同朋友更加親近上菜速度超快大概十分鐘左右價錢合理選擇多係朋友聚會既好地方甜品叫左反沙芋 即叫即整都係等左三四個字拎岀嚟個下熱到辣親條脷 所以大家要小心啲

姐和男友都不是潮洲人，但就非常鐘情吃潮州菜。碰巧男友其中一對夫婦朋友正是潮州人，這天跟他們到太陽軒吃飯。鹵水鵝腸這個當然是男友必點的菜式。鵝腸固然洗得乾淨無騷味。而且鹵水味道剛剛好不太鹹也不太甜、 鵝腸亦有彈性沒有渣。砂鍋老爺雞這道菜亦是男友點的，是意外驚喜好吃的。芡汁的味道調較得很精準、雞肉則算嫩滑但可惜鮮味略為不足。家鄉煎蠔烙不油膩而且蠔仔有多，蛋亦煎得剛剛好。整體口感算滑。令姐一個都吃了大半塊潮州糖醋麵這個麵不算乾身而且有點蛋香，外面香脆金黃，但裏頭的麵條還是軟滑而且有點甜醋味。方魚肉碎粥這個很好吃，魚肉口感不錯。而且鹹鹹的配上淡淡的白粥很開胃。反沙芋這甜品是姐必點! 雖然經已很飽但仍然想吃。外面鬆脆裡面則芋頭帶著甜香。潮州打冷一向給人很"佬"的感覺，但這裡裝潢企理舒適。是女子們打冷的好選擇。

很喜歡去佐敦揼骨，來這裡揼完通常會食個飯，今次和三位朋友揼完，沒有選擇麥文記，牛皇星又多人，於是和四位朋友吃打冷。選了個四人餐，五百幾，食都好飽，仲要乜野菜式都有，佐敦餐廳，原來可以咁平。餐廳名叫太陽軒，位置方便，枱又多，不用訂枱都有位置。欖菜炒四季豆作前菜，欖菜肉碎可以叫人送幾個飯，呢個真係好好食，又好潮式。淮杞燉螺湯，足料又好飲，想不到呢到會有咁好嘅湯，就好似中式菜館一樣。滷水拼盤，有紅腸，鵝片，豬耳，豆腐，腩肉，全部都係被滷水浸得透徹，每件都小巧精緻，同時吃到滷水的美味。家鄉煎蠔烙有大大隻蠔爽，十分香口蘿蔔春菜煲，蘿蔔浸得勁淋，非常爽，春菜喜歡不喜歡，看個人口味，我就很喜歡就是了。黃金炒飯大碟到不行，蝦又大隻，飯又炒得好，四個人都食唔哂。我覺得每個人吃到可以食唔哂打包都只係百幾，你還有什麼可以投訴，平時吃普通大排擋都唔只呢個價，對嗎？

喺香港住咗好多潮州人 所以通街都係潮州嘢食 有牛雜有牛丸 又有打冷 乜都有 我雖然唔係潮州人 但係我一樣好鍾意食潮州嘢食 有時候同埋朋友一齊去食就會係最開心 我條女知道我鍾意食潮州嘢 佢就話請我食氹我開心 有girl friend請我食飯我就梗係開心啦汕頭椒醬肉 $28 真係冇諗過28蚊會咁大碟 最初真係仲以為自己睇錯價錢 辣椒醬肉味道鹹鹹地又辣辣地 一邊食一邊送啤酒真係very good 唔係講笑真係好好食蔥花海蜇 $38 海蜇大大條 成條橡筋咁樣 又爽口又彈牙 食落呢煙煙靭靭 味遵就係好似有啲麻油味咁樣 加埋啲蔥花好好食 我以為我好鍾意食 但原來我個friend更加鍾意食鹵水五花肉 $88 我食過好多年打冷都未食過呢個鹵水五花肉嘅 今次係個侍應介紹話好食嘅 所以就叫嚟食 雖然五花肉係有啲肥豬肉咁樣 但其實瘦肉去多個肥肉㗎 呢個五花肉食落去好淋好入味 食落去唔會覺得好肥 不過食完會唔會肥咗幾磅就無從稽考 Hahaha 講下笑啫 冇咁嘅事 冇咁嘅事鮮茄九肚魚烙 $98 原先我係想食蠔餅嘅 不過條女好堅持咁樣都話要食呢一個鮮茄九肚魚烙 咁就叫嚟試下啦 原來味道好特別 喺蛋餅裏面食到有鮮

光頭友人約食飯，佢話想食潮州菜，我對潮州菜可說是又愛又恨，愛嘅係作為潮州人，自少都常吃潮州美食，對潮州菜有一份感情；恨的是出去食潮州菜，往往都失望而回，很多所謂的潮州菜館，其實食落都係加左份港味喺入面。最後都順從友人，去左呢間位於佐敦的潮州飯店，姑且一試當晚大家都唔想費神點菜，見到個$780的商務套餐幾唔錯，有我最想食的炒麵線同潮州翅，所以就點左呢個，加多個蠔烙。紅燒潮州翅，唔好以為係套餐就會揸流灘，呢個翅份量十足，翅身粗，湯頭夠味，讚鹵水双拼，我地揀左鹵水鵝同墨魚片，食得出個鹵水幾香，鵝片肉厚爽口，唔係出面啲咬落去又鬆又鞋的所謂打冷鵝片可比。咸菜白鱔片，其實我屋企一向都係用門鱔去做呢道菜，佢哋選用白鱔可能基於賣相的考量，但做出黎效果絶不遜色，白鱔咬口彈牙，肉質新鮮，鱔的鮮味亦被咸菜完全帶左出黎，係一味做得很出色的菜色成個Pizza咁的潮州蠔烙，首先蠔的大小同份量都交足功課，亦不會煎得過燶，同樣地看出廚房烹調的功力，唯一要挑剔嘅係今晚的蠔，鮮味比較淡了一點食潮州菜我自己一定會叫炒麵線，除左係自己喜歡的菜色外，其實呢味簡單的菜，可以食出呢間餐廳究竟係用心定hea做潮州菜。今晚呢個麵線係我

Happy Friday! 當然要同老友們聚聚日本野韓國野西餐都成日食今晚有人提議食潮州野 呢個提議又唔錯喎但係我又唔想打冷喎⋯結果搵黎呢間新開嘅潮州菜館 太陽軒！裝修唔錯 坐得好舒服 空間感一流我地叫左杞子燉螺頭 夠晒火喉 入口清甜 材料十足 啲雞腳好好味叫左一碟糯米炸大腸 好有特色嘅小菜未食過⋯聽朋友講唔係周圍有得食雖然係炸 但口感唔會太油 點少少甜醬食 好味滷水拼盤少不了 鵝肉好好食 重有豬耳仔紅腸 尤魚同滷水豆腐 味道唔會太咸 最尾加左個蘿白春菜煲 又係未食過嘅菜口感有啲似菜心 蘿白好甜 唔錯

佐敦的太陽軒, 上次去過一次覺得實在太太太好食了! 除了食物好味外, 服務又周到, 所以這天又再出動, 帶閨蜜好友來試試呢~ 太陽軒原來有二層,上次在下層, 今次因為太旺, 上了上層吃, 不過明顯下層裝潢得富麗堂煌, 而上層就較迫和沒有太多裝修, 所以如想坐舒服一點, 記住要早啲訂位了! 不過上層的服務員詩詩, 服務真的很周到, 席間還與我們介紹菜式和招呼客人, 令到我們能夠享受食物美味之餘, 更食得好開心呢~ 這裡雖然有二人套餐, 但食物都太多, 女生二人驚食唔晒, 所以都係散叫吧! 點了幾個小菜:反沙芋 香 酥芋茸鴨 蠔仔肉碎粥 豆醬炒春菜 酥芋茸鴨 - 好好好味!!! 剛炸好立即上桌!!! 熱呼呼太好食了! 外表炸得酥脆, 內裡的芋茸好好吃! 口感似芋角, 但這個明顯比酥軟, 很香脆很有口感! 豆醬炒春菜 - 口感清新!! 菜不會太老, 食落夠味又唔咸, 幾好味~ 蠔仔肉碎粥 - 來太陽軒就係要食佢!!! 呢個係必食推介! 入面啲蠔仔勁大粒, 粒粒肥嘟嘟,咬落去好鮮好香! 肉碎又夠多又夠大粒,米粒都大大粒架~ 湯底都好清甜,夾埋一齊食,又鮮又甜,大滿足呢~

這一間位於 佐敦 的 太陽軒飯店 , 乃是潮州滷水專門店 ,  已成為一眾城中名人和 foodies 的朝聖之地 , 喜好美食的我們 , 又怎會不到此一嚐究竟 ~Menu ~味道甜酸又帶鹹的 潮州鹹菜 , 是百吃不厭 ~滷水鵝片 $ 168/例 : 到任何潮州店 , 我都必點這道菜式的 , 滷過的鵝肉滿是滷水香 , 最正斗的是鵝肉滷至有皮無脂 , 而鵝味依然濃香 , 滷水味道香濃醇厚 , 沒有使人嗅到滷水料後頭痛的症狀 ; 墊底的豆腐亦出色 , 很有水準 ~滷水墨魚 $ 108/例 : 墨魚滷得夠入味 , 吃落彈牙煙韌且夠鮮味 , 很久沒吃過如此美味的滷水墨魚 ~杏汁豬肺湯 $ 150 ; 細喝一口湯 , 便知道此湯甚夠火路 , 杏味濃香 , 愈飲愈覺滋潤 , 實在是鮮甜得使人欲罷不能 , 因為本人是不吃豬肺的所以不知其味 , 但聽長女所說 , 豬肺有如海綿般的細滑 ~家鄉煎蠔烙 $ 98/例 : 有蛋香而且非常鬆化 , 油份少 , 內餡有不少蠔仔 , 蠔仔肥美飽滿又鮮味 , 實在不俗 ~ 總括來說 : 食物高水準 , 服務一流 ~本篇完 ~