奇華茶室

营业中

休息中

聽聞奇華茶室不錯所以昨晚星期六去嘗試首先order 咗蝦多士及雪糕紅豆冰及一壼菊茶檸蜜茶一定要食🦐蝦大隻多士又脆口又唔肥膩👍其他焗豬扒飯就好失望😞仲差過大家樂-首先就冇汁飯好硬、好乾、飯不是炒底，蛋焗得太熟硬乾，應該最後埔上半熟的太陽蛋👎另外order 洋蔥煎牛脷就不錯霖身好味😋

很差，入境时候香港旅游局送的200块无门槛代金券都不想用的地方。都是一副“我不赚你钱无所谓”的样子，很讨人嫌弃，烂单爆，一分钱都不想消费，浪费了两张代金券，最后去其他地方吃的午饭。

奇華茶室，絕對唔會再食 喺附近返工，諗住搵間寬敞啲嘅餐廳同朋友食飯，當我到達時，有員工指示我去冇人既位置坐低，我就同朋友講已經有位，可以過嚟食飯。坐咗一陣，另一個員工態度惡劣指責我話我插隊，要求我離開座位並重新排隊。個下真係呆咗，係你哋員工叫我過嚟呢個位坐而家話我打尖？佢仲話啱啱已經問咗我係咪有人叫我入嚟坐，我頭先話係，係因為真係有人叫我入去坐。我問佢而家點樣解決，我已經叫咗朋友過嚟，佢就好大聲繼續鬧我，話而家冇辦法㗎喇返去排隊啦。當我繼續解釋話啱啱係有員工指示我過嚟，其實叫我排隊冇問題，但講到我係打尖咁嘅樣，佢仲要話，咁佢新來㗎嘛，咩都唔識，你快啲返去排隊啦，之後仲走咗去。呢位員工既態度、溝通方式真係令人大開眼界。各位，我真心建議，如果有得揀，就選擇其他更好的選擇

係銅鑼灣返完學，見出開來港島~忽然醒起呢度，見好耐冇來幫襯，就同朋友來了😎奇華茶室係囍帖街一幢三級歷史建築物入面~地下係餅舖，二樓係茶室，三樓係工作坊，教人整下餅咁~茶室佈置雅緻，感覺好舒服😚出面露台有D位，幾有氣氛，入面相對光猛，有卡位梳化~餐廳會播舊歌，細細聲咁，有D估唔到😂一入來，staff就招呼我地坐卡位👍睇左睇晚餐menu，都係西餐据扒個D，價錢都唔太化算🤦‍♀️所以叫左兩個飯就算了~🐔無骨海南雞飯 ($115)呢個係呢度必點😎🐔雞肉好滑，而且算大份😍🍚油飯乾身~鹹蛋冬瓜湯解暑，朋友話好好飲😋三隻醬料都俾得好多，唔洗驚唔夠點雞撈飯👍可惜係🥕酸蘿蔔只有三小條😢🐟粟米燴石斑飯 ($115)呢個對比🐔海雞飯，略嫌失色😢🐟石斑三大塊，幾厚肉，味道幾好，唔會好鹹👍🌽粟米汁同平時出面食開唔同，食得出白酒同忌廉味，汁多好送飯😋個飯係炒飯底，不過份量多返少少就好啦😣另外有兩片🥒瓜同🍅蕃茄仔，見佢都有煎過嘅~但擺盤上，唔知點解硬係覺得差D野咁……最後兩位埋單 $253，有加一~🍴食物方面，整體高質，如果唔係都唔會來完又來😂💁‍♀️服務都唔錯，餐廳本身會請老年同殘疾人士，feel到佢地好有禮貌~斟水

慕名而來，果然閒日下午茶時間坐得舒服，坐在露台位置更感開陽。餐廳佈置特色，很適合朋友小聚或獨自放空休息。服務亦合格，服務員有禮和懂得待客人吃完鹹點才送上甜點，👍。不過以$88 tea set, 再加10%服務費，接近$100才吃到一碗迷李的撈丁麵（茶餐廳正常份量嘅三份一），加一個蛋撻同埋一杯凍奶茶，性價比是低。食物味道質素其實只是正常茶餐廳嘅水準加較好的上桌擺盆。是否用多$40-$50吃環境自己考慮。

今(11-2-2023 Sat)朝同老公帶爸爸去灣仔行,我諗起可以帶佢嚟我哋喺2020年嚟過嘅呢間食晏(食評係2020年10月19日刊登嘅呢篇:https://www.openrice.com/zh/hongkong/review/blue-%E5%AF%AB%E6%84%8F%E6%85%A2%E5%9A%90%E6%96%BC%E6%B4%BB%E5%8C%96%E8%88%8A%E5%BB%BA%E7%AF%89-e3838525),我哋嚟到時應該係開始lunch hour,不過幸好仍有一張卡位坐,我哋睇完menu,就要:1. $115.00嘅無骨海南雞飯成set嘢好齊,有晒三種醬料同一碗湯.湯係冬瓜湯,唔太鹹.ok 嘅.油飯好香好夠味,飯又夠腍,好味.無骨海南雞肉滑,都唔錯.味道:4.33分4. $45.00嘅潤喉陳皮鹹柑桔呢個我只飲到鹹柑桔嘅味道,原來有兩個鹹柑桔,陳皮就只有一塊仔.味道:1分5. $45.00嘅薑蜜蘋果龍井呢個我飲到蘋果嘅酸,薑蜜味較搶,令我飲到龍井茶味.味道:1.5分3. $51.00嘅烤洋蔥叉燒餐包其實上次都食過,今次係俾爸爸試,賣相都同次一樣.餐包有被

裝修美觀又很有特色、地方及座位舒服、伙計親切友善、只是外賣星咖啡或珍奶的價錢但換來講究茶具又可慢慢嘆，很讚。晚間休閒或傾偈，最好之選。七星連珠西多士- 不要被誤導，絕對不只七件。因為將西多士切細了，令好吃的邊邊多了幾倍，另外亦不需因切開時的擠壓而影響了鬆軟感，很好的造法，好味又可口。蜂蜜菊花茶- 整壺上，不錯。鮮磨杏仁茶- 整壺上又濃味，居然只係$40，真係好驚喜。菠蘿冰梳打- 雪糕好味但味道淡淡越南滴滴咖啡- 很濃越南咖啡的味，香港餐廳不多有賣，冷熱都好味。

新年流流周圍嘅茶餐廳都要排隊，縱然佢要加錢。行吓行吓，行咗去奇華樓上嘅茶室，都好名正言順啦，整好嘅餅食/蛋撻等等最好就即場熱辣辣配返杯奶茶啦！正值下午茶時間就試吓佢個下午茶餐，佢嘅裝修古雅，人哋去半島hightea，我就嚟依度食下午茶，其實可能仲好食啲😅下午茶餐$88揀一個鹹點一個甜點再加一杯茶。我哋兩個人分別要蟹餅撈丁+蘋果批配熱奶茶。朋友要咗叉燒撈丁+酥皮蛋撻配熱奶茶。估唔到賣相精緻（+2分）雖然旁人眼中呢碗撈丁好似超迷你，應該得半個公仔麵，不過對於我來講我就覺得Perfect。份量唔需要好多，最緊要好味就夠啦😇仲有我最鍾意食嘅蟹餅 （+2分），蘋果批又唔係Hea 整嘅蘋果批,仲要配埋雪糕（+2分）朋友叫嘅叉燒撈丁都好吸引（+2分）雖然叉燒唔係窿邊，不過都熱辣辣㗎。另外酥皮蛋撻仲熱到辣嘴添v good 👍🏻 (+2分）見到人哋台台都食蝦多士，朋友又唔執輸，果然係名不虛傳應該都係呢度嘅名物，同出邊茶樓食嗰啲爭好遠，熱辣辣又新鮮。（+2分）

假日行行下又行到去灣仔，途經奇華茶室，成日經過但未幫襯過及只想起冥冥之中的取景，咁啱係下午茶時段又攰攰地，一於去坐下嘆個TEA，茶室位於一座歷史建築物內，三幢相連陽台長廊式唐樓，為三級歷史建築物，懷舊之感。茶室內堂裝潢復古，假日的下午茶時段好少人。3點3 High Tea餐牌，自選一款咸點 + 自選一款甜點 + 冷熱咖啡或茶，$88。我們3人，叫了3 Set，share食。迷你蝦喇沙，配料有一隻蝦及幾塊魚片，個粉似係炒絲來，喇沙湯底味道椰味濃少少辣味，味道普通。馬來沙嗲串，肉質有點硬。木瓜柚子雞沙律，因為係下午茶，每樣野都好迷你，沙律味道清新。玉桂蘋果撻，撻口感尚算酥脆，強烈玉桂粉味，正常水準。迷你香蕉船，純粹想懷舊叫左，但賣相比想像中有少少出入，雲呢拿雪糕味道普通，個蝴蝶酥幾好食。芒果班戟，個皮嘅色水都差點同冇乜味，芒果唔係好甜但正常。熱奶茶。熱咖啡，正常水準。下午茶食物味道普通，係食景多打下卡，因為人少之下感覺幾free嘅。有感而發:灣仔最近好多老店都結業，快樂餅店、大榮華、樂景都係做下年...，不禁覺得可惜..情懷承受不起風化。呢幾年各方面因素，令到不論環境、人和事都在變，雖然變

朋友係旅發局賞賞你活動拎到奇華茶室消費滿250元減100元嘅優惠券，呢間餐廳裝修走懷舊路綫，餐廳要上一層，樓梯有啲嫁娶意頭嘅繪畫。今天中午一行三人嚟試下佢嘅午餐，等在十分鐘左右便可入座，入座後隨即被告知午市套餐只剩海南雞飯，係無可選擇下唯有食海南雞飯。套餐唔需要10分鐘已經到咗，望落去都算唔錯，先試下碗冬瓜粒湯，飲到有啲鹹蛋黃味，湯都好清甜，個油飯就只係一般，至於主角嘅雞就皮滑肉嫩，有水準，跟餐叫了杯凍奶茶（凍飲竟然冇加錢！）有茶味，算唔錯！

行開去灣仔。上咗樓上舖間奇華茶室。上到去發覺間舖好似五六十年代，葉問時代個茶室。間舖係翻新舖。以前係唐樓出身。點咗個蓮蓉西米焗布甸。個布甸好熱，入口即溶。微甜又易入口。冬天食好暖身。我個人誠意推介，如果有三五知己想揾個蛇穴，依度最適合不過。

❣️奇華茶室經典懷舊風味❣️同小公主整新年糕點期間因為要等出爐所以我哋就去咗樓下一樓嘅奇華茶室邊食邊等💗呢度嘅裝修極具懷舊特色！露台雅座已經冇晒位所以我哋坐咗室內😆一睇到個餐牌真係超級驚喜因為有市面買少見少嘅蓮蓉西米焗布甸😍呢個真係超級經典！以前細細個媽咪成日帶我去食💗不過大個咗之後已經好難再食返呢一個味道…因為周圍都搵唔到..因為我哋大概半個鐘時間所以就簡簡單單叫咗啲小食😋同埋飲品🌟九星連珠西多士一碟有九件！每一件西多士上面都有牛油🧈最鍾意就係佢個size一啖一個啱啱好！外脆內軟加埋糖漿超級好食！🐝🍎蜂蜜水果茶食完西多士加返個水果茶簡直就係Perfect match！裏面有士多啤梨🍓蘋果🍎橙🍊等等水果超級足料！酸酸甜甜好醒神😍💗蓮蓉西米焗布甸呢個真係必食推介！晶瑩香糯，口感煙韌！甜而不膩😍最重要就係可以食到經典回憶！

嗰日我同另一半只需返半日，但無田午飯時間灣仔好多人，但係我哋又想搵一個地方可以慢慢坐下飲吓嘢，平時就會去咖啡廳，今日反而去咗中式嘅地方飲下中國茶。由於我哋想飲下中國茶，所以我哋就去咗呢間餐廳，我哋叫咗個炒蘿蔔糕，好彩佢唔太油膩，所以連埋龍井茶一齊飲幫我解油膩啱啱好，食少少嘢然後慢慢嘆住茶同另一半傾吓計午飯時間都唔係好多人，而且環境都尚算舒服可以慢慢錯，如果喺灣仔午餐時間唔想同其他打工仔的可以考慮吓呢間

中秋節快到，月餅開始宣傳。講到月餅，呢個品牌係香港人眼中依然有地位，原來佢哋係灣仔亦有茶室，品茶之餘亦設膳食，今日經開灣仔，就上嚟試試。【懷舊感】上一層樓層，打開舊式木門可到餐廳，光猛格局與懷舊窗台出奇地相襯，格仔地磚保留得得宜，搶眼又有味道。【午餐】午市套餐只得圖中三個選擇，宏觀四周，三個都平均有客人點選，如果唔啱食就可以打開餐牌單點，但以小食、甜品為主，眼前客人清一色點套餐。【海南雞飯】雞已去骨，啖啖肉，雞味一般，但口感可以，起碼唔太韌冬瓜湯，清甜，味精味唔濃（唔期望係零），起碼唔會太咸油飯，普通雞油飯，少少咸，比相像中好食，飯粒彈牙，幸好不是東南亞風味，無椰香是優點（小編不好椰油飯）【蒸鯛魚柳什菌汁】上枱先發現係配白飯，無預計過要食飯，幸好飯量不多。魚沾粉後煎香，淋上什菌汁，粉漿比我預期中有落差，而什菌汁…. 似牛油加檸檬汁混合，但又帶唔出好味感覺，蔥碎就更加夾唔埋…….最後全「自助去皮」式進食。去皮隔汁後魚肉keep到鮮滑，普通嘅魚柳味囉！值得讚係配菜車厘茄與翠肉瓜，煎得香又不過火，上碟仲保持熱度。【餐飲】套餐包冷熱飲品，奶茶咖啡檸茶檸水，凍飲未有附加收費，但又未能加錢轉餐牌上

Embarked on a little journey back to the traditional Hong Kong style tearoom. With their retail point on G/F, the Kee Wah Tearoom is situated on 1/F. As you walk up the risers, you’ll see the mural wall painting that reminds you of the traces of the old HK, including the wooden details, patterned floor tiles and ceiling fans.⁣⁣We were instantly captivated by the looks of the shrimp toast at the table next to us. We also went for the old-fashioned beef stroganoff, and their pan-fried turnip cake.