女人街食飯公司

营业中

休息中

夜晚食飯想食大排擋又唔想無冷氣，依間位於女人街樓上餐廳就最好，店內裝修好靚，好有舊年代嘅感覺，涼住冷氣食飯。黑椒蜜餞茨仔牛柳粒，薯仔大大粒，牛肉好鬆軟，味道方面不錯砂煲臘味豬油撈飯 臘味飯唔算好鹹，有飯焦，臘腸好味八味脆豆腐 炸蒜配炸豆腐，口感柔軟又香脆，配酒一流

又有啲Old news, 旺角出哂名嘅排檔小菜，真係久仰大名，今日終於嚟試，食之前十分期待！🇭🇰論裝修、氣氛、環境都充滿港式風味，簡直一流，但食物味道同我印象中大排檔嘅味道則係兩回事😥〰️〰️〰️〰️〰️〰️〰️〰️〰️〰️〰️👌🏻黑松露蝦多士 $140/5件呢到炸嘢整得幾好，新鮮香口。蝦肉扎實彈牙，淡淡松露味，價錢偏貴吧（？）👌🏻鳳梨咕嚕肉$118咕嚕肉香脆嘅，菠蘿好酸，但個甜酸醬就無乜酸味，變咗就算掛汁都無嗰陣咕嚕甜酸汁味。👌🏻👌🏻黑椒牛柳粒 $168薯仔外脆內粉，粒粒有蜜餞，好食嘅。牛肉厚肉軟腍，稍微咸咗啲。👌🏻金瑤扒豆苗 $138正常發揮，嫌芡汁有啲厚，普通其他餸都係，但汁夠厚又唔濃汁㗎喎，吹脹，個口感好怪。👎🏻👎🏻 XO醬馬拉盞芥蘭煲 $98看似正常⋯但佢該有嘅味，都係無嘅。我係而家睇返先知係XO醬馬拉盞炒⋯⋯肉碎、乾蝦、芥蘭嘅味道各自為政，芥蘭無炒香味，唔爽脆，好似烚熟之後放落個煲咁。試咗嚿蝦乾，鬼死咁咸，但無出過個蝦乾味落個煲到。👎🏻 八味脆鮮魷 $108個八味喺邊到？唔香口唔厚肉，細細塊勁唔過癮，個味似就咁炸完淋啲炸蒜上面，唔夠香口惹味。個汁都唔好食，唔似醋又唔似喼汁👎🏻👎🏻 豉椒炒花甲 $

一直聽聞呢間懷舊大排檔，但一直都未的起心肝去試，直到近日咁岩經過，又見只係需要等三張枱就試下啦（平日，晚上約7點）等位時無野做睇下食評，見好多comment 話侍應態度差，野食一般，都有d 擔心，不過都嚟到門口，又試下你咩料啦🫢一入到去已經俾佢嘅裝修吸引咗，畢竟有歷史痕跡嘅地方已經買小見小，再望下，連汽水都係細支玻璃樽版😍😍自細已經覺得細支版係特別正。由於今次得兩個人食，所以唔敢叫太多，一個炒麵，一個杏汁豬肺湯，椒鹽粟米，咕嚕肉同一個菜已經係極限。好快d 餸已經上枱。先講個湯，真係不得了，份量超多（5,6個人飲都得）湯料亦好足，湯清甜，好香杏汁味，洗豬肺係好麻煩嘅事，無估到餐廳都會洗得咁乾淨，驚喜！椒鹽粟米炒得乾身，椒鹽味夠香，大排檔夠獲氣嘅水準。炒麵，用我自己個人比較中意嘅幼麵，乾身唔油，配埋辣椒醬，正～咕嚕肉同個菜就一般野，唔特別出色亦唔難食。最後d 野食唔曬要打包，啊姐態度非常好，仲主動提我包走湯料，話係好野喎😂😂整體價錢合理，下次經過會為左個湯再入嚟😝

去到叫完餸，我想要滾水洗一洗碗筷，搵第一個佢話依個咪水囉，我回覆我想要滾水，佢扮聽唔到行開，叫第二個都係扮聽唔到，叫第三個竟然同我講餐廳冇滾水，叫第四個呢位四眼哥哥先至同我講，我哋有我而家攞俾你😮‍💨。服務態度差到一個點。另外食物方面真係勁😂👍🏽 我叫嘅餸菜外表 都幾靚幾吸引真心，但一食味道就真係麻麻，我仲同女朋友講，呢間嘢勁👍🏽可以炒到個樣咁靚，但係個味道咁嘅嘢，個廚師好有料。我去嗰日仲要係假日紅日，出邊連隊都冇人排。總括:食物唔掂，態度勁差

生日幾個女仔食飯，諗住咁耐冇見，開開心心敘舊慶祝，點知一嚟到就已經不禮貌對待，侍應態度冇禮貌質疑話VIP冇你嘅朋友，係咪嚟錯舖頭？最後朋友竟然說話vip區要$8000最低消費，其實一間咁嘅大排檔餐廳，我聽到嚇一跳，之後差唔多食完朋友想叫外賣回家，已經同侍應講要外賣上，之後又有一個男侍應攞住一個砂煲黑口黑面咁擺低，我哋同佢講話係外賣，跟住佢就黑面一下就走咗，其實係廚房出錯問題，唔係客人嘅問題。仲發現外賣都要收+1服務費，令到我更加覺得貼錢買難受，之後諗住嗱嗱臨食埋個蛋糕走，個蛋糕嚟到已經有啲溶，好明顯係就咁求其擺咗喺唔知咩地方，跟住又收人哋切餅蛋糕費，呢間咁嘅餐廳？即使請都唔想再嚟浪費時間，影響食飯心情，其實整體上餐廳嘢食合格有餘，黑松露蝦多士真係幾好食，香脆即叫即整，蝦肉新鮮彈牙，但係員工服務態度真係頂唔順，好似生意多到唔憂做，尤其比較老嘅男侍應，直頭係對住客人黑面好冇禮貌大力咁擺低食物😞大家自己考慮吓仲食唔食得去？😌

星期一去開旺角就同老公去食女人街食飯公司，可能因為大家都係處於Blue Monday嘅階段，條街都唔算好多人！我兩個人，18:45左右到可以即刻入店食嘢，唔使排隊😌😌😌兩個人可以點樣嘢食其實唔算多，我哋本身都比較大食，所以點咗一個炒飯+一個小炒王+一個肉+同埋湯，最後食唔晒要用食物盒拎走，聽日當晏晝食😂個豬肺湯真係好好飲，好濃味同埋煲到好creamy ，呢啲自己平時煮唔到真係要出街飲！另外個小炒王都幾出色，好足料！有好多蝦又有魷魚，啲蝦仲要係好爽口好大隻！不過略嫌佢油咗少少🥲蜜汁豬排骨：好似食緊叉燒，都唔錯嘅，不過下次想試吓其他肉！我覺得個炒飯係好好味，好有口感，真係有啲脆口嘅感覺！蟹籽亦都令到個視覺感受豐富咗好多！最後不得不提嘅係餐廳嘅侍應都好有禮貌，而且舖頭嘅裝修好有風格，坐得又唔算迫，整體嘅用餐感確十分良好！

✨砂煲臘味豬油撈飯 $88店員好細心咁提我地要蓋住一陣間，之後食落有驚喜，唔係一般就咁豬油撈飯，而食落發現會有少少飯焦！飯焦好脆而且唔硬，加上臘腸潤腸豉油豬油撈飯非常夾！基本上唔洗餸就咁都食到，豉油可以自己揀落幾多，我哋落哂覺得鹹左少少🤏✨八味脆豆腐 $62豆腐非常軟滑，入口即融。外層唔算非常脆，但可以接受。價錢合理，但份量唔算太多，4人或以上可能唔太夠。✨麻辣煎焗雞煲 $158喺open rice見到唔多人介紹，但食左發現好值得推薦！雞煲送嚟嘅時候非常有鑊氣，食落惹味又多汁，而且每舊都好滑嫩，連配菜都好入味，鐘意重口味嘅朋友值得一試✨服務: 星期日晚無book枱等左一個鐘先有，想食嘅朋友記得book好枱先嚟！入餐廳後等左半個鐘先上菜，催左一次好快就上菜，入面侍應服務態度都ok，但出面等位時服務就比較「港式」。

高級大排檔 位於旺角裝修復古又新潮 好似去佐80年代的香港長期門口都排長龍 都多遊客所有菜式味道都一流  大排檔食物偏濃味 適合佐酒傳菜速度十分快 真係快!靚!正唯一缺點係食飯限時還枱

好彩提早book位，book左8點半，去到門口仲係人山人海，之前試過walk in係排唔到。當晚去到杏汁豬肺湯已sold out職員提醒下次想試既話要book枱果陣可以預留定個湯先！環境係好懷舊既裝修，好岩黎打卡，野食又好味不錯！當晚比左張8人大枱，坐得舒服唔擠逼。因為仲係爆場感覺氣氛好好，好熱鬧，好適合一大班朋友gathering 。6人埋單$1254，嗌左7餸1湯加4枝啤酒，價錢合理既。特別推薦尖椒醬爆大腸，最惹味

叫咗4樣餸「金沙鮮魷」味道不錯但份量少「咸魚炒芥蘭」無咩咸魚味，普普通通「魚香茄子煲」又係無咩咸香味，味道偏淡，茄子唔夠入味「蜜椒薯仔牛柳粒」味道其實唔差，但薯仔係淋身，完全唔脆口，份量又細碟，都要$168，如果4人以上食就完全唔夠分上菜時間極耐，每碟分別都等咗15分鐘以上，間嘢上菜模式似係將所有枱嘅同一菜式一同煮好再分碟上碟出餐，而唔係睇落單先後次序煮，所以上菜比較慢叫咗4碟嘢2碗飯，一枝雪碧同一個青檸梳打水埋單$6xx值唔值你地自己衡量，我就覺得唔值😹

第一次寫報告，不吐不快6:30pm 入坐，話要8:15pm 還枱。食到7:15pm ，嘢食都未食完，係咁走過嚟要收走，同一碟餸，未食完，前後兩個員工過嚟收。最離譜仲要有個員工走過嚟揭張單，然後大大聲話：仲以為有嘢食未嚟添咁樣趕客，以後一定唔會再去自己第一次寫報告，因為真係食得好唔忿氣，俾錢出嚟食飯，咁樣催住你走，點樣食飯，食得好唔舒服，我都有俾錢食飯，咁趕唔好做生意。實在不吐不快，所以先打出嚟。食物質素真係好普通，食完好口渴走地雞 158$ 半隻 講真普通燒味店可能仲好食少少wasabi沙拉骨 128$就係排骨加左wasabi 同沙律醬，大家無謂試，你自己喺屋企都整到杏汁豬肺湯 168$呢個可以，因為好少地方有，但咁樣俾人催住飲，都係唔值得飲。金銀蛋浸時蔬 88$正常偏鹹。食到嬲，貼錢買難受。大家小心。生意難做，成本高，但個問題唔喺個客度。交唔起租唔好開餐廳。個客俾錢食飯仲要好似阻住你做生意。記住食緊飯同食飽飯個客都仲係你個客。依家就肯定你少咗幾個客。將心比心冇人鍾意俾人催住食飯。

經朋友介紹，所以Happy Friday就揀左呢間食晚飯，整體食物質素好味，叫左蒸聖子，黑松露蝦多士，金瑤扒時蔬，蜜餞薯仔牛柳粒，唯獨豉椒炒花甲唔夠入味，加上環境乾淨，裝修夠地道。

女人街大排檔 - Day 19一家人食慶生飯就搵左中菜館食飯，訂左頭圍1830，1800已經可以開門入去坐，原來都幾多人訂左位。餐廳安排咗我哋坐喺麗晶賓館下面，周圍環境都裝修得好有香港舊時風味。 叫左好多唔同嘅菜式，餐廳光速上菜，例如：黑松露蝦多士金沙鮮魷菠蘿生炒骨椒鹽粟米蜜椒燒白鱔蓮藕花枝餅鱈魚肉碎泡飯雜菜粉絲煲蝦醬蒸豬頸肉魚腸焗蛋鍋貼小棠菜啲餸菜都幾濃味，豬頸肉同埋粟米相當出色。每個餸菜啲食物就份量唔算好大，不過定價都唔係貴，如果大食啲嘅朋友就叫多幾款試多啲。🫵🏻 女人街食飯公司 Ladies Street Sik Faan Co. - 旺角通菜街1A-1L號威達商業大廈1樓B舖#hkig #foodie#foodblogger #foodndaily #foodbloger ##hongkongfood #hongkongfoodie #foodblogger #likesforlike #eatateeaten #comment #share #subscribe #旺角 #旺角美食 #旺角大排檔 #女人街食飯公司 #女人街 #中菜館

距離交枱仲有15分鐘，已經想收走晒枱上所有野，但好明顯未食完仲要兩分鐘內嚟兩次，到時有幾趕我又唔係坐到夠鐘都唔肯走，真係唔想做生意不如唔好開鋪🙄十有八九都開唔到既，開到個啲又冇味，要特登去點返個汁先有返少少味。好食，但配料多過肉，唔值百幾蚊一碟。最滿意係佢。正常，不過不失。又係肉少，配料多，但好食既。不過咁既服務，就唔會有下次囉。我去返傳統大排檔或去樓上個間食都冇咁嬲。起碼唔會好似比人催住走。用料都實在啲。

帶位嗰陣已經講咗要幾點交位，落單嗰陣又提，每次加單都提，感覺好似催我哋走咁。離交枱時間仲有20分鐘，有個夥計行埋嚟就問我哋要唔要打包，問到老人家唔耐煩，佢就好惡咁樣講咗一句問你使唔使打包啊？搞到好冇癮。講返最重要嘅食物，一入到去叫咗黃金鮮魷同咕嚕肉。黃金鮮魷唔好食，出面個炸皮同入邊嗰舊鮮魷一啲都唔夾，食咗一舊就唔係好想再食。咕嚕肉好普通。之後叫咗胡椒豬肚湯，味道亦都係好普通，杏汁味太重，又見到評語話啲菜唔係好熱，食落就覺得個湯都好夠熱，冷氣吹住嘅時候飲都幾舒服。之後叫咗幾個小食，包括咖喱水魷，麻辣牛柏葉，雞絲粉皮同埋椒鹽雞翼尖。味道都係好普通，雞絲粉皮嘅粉皮太厚，上面嘅雞絲都唔太好食。椒鹽雞翼尖冇乜椒鹽味，食得唔過癮。見啲評語話服務態度好差，公道講句，大部份夥計都好好人，好肯幫手，叫加單同加嘢飲都好快手，係最尾被嗰位夥計催到唔係好耐煩。建議訂位嗰陣提埋客人有時間限制，咁大家有晒心理準備唔使咁勞氣。總括嚟講，嘢食味道普通，員工態度有改善空間，試過一次未必會再試。