好一鍋海鮮火鍋專門店 (已結業)

茶實呢度book位係點運作㗎呢？book左七點半，七點黎到等位，個帶位話唔撘枱要等，一等就等到八點半，再睇睇周圍，後過我黎無book啲人都入左，問下帶位，佢話人地肯撘枱，你地唔肯撘枱係要等㗎啦，但個問題係無book唔撘枱都入左座喎，個帶位話係咩無理由喎，八四對眼望住都有錯咩，我知你係熟客入先，咁book位黎做乜？？等到九點先有枱，就係覺得等左個半鐘無理由唔等先繼續，痴線㗎，由食早場等到食宵夜，態度極差，入到去乜都唔黎，唔知賣哂定咩，枱又勁污蔑，碟又唔收，啲牛肉無論寫一碟兩碟定十碟都係得三片，有無咁矜貴？？咁唔想比人任食唔好拎出黎吖笨，非常失望，咁多間任食火鍋得呢間食唔飽，仲要一肚氣！！！

星期日 7:30食到10點，2.5 鐘，158 加1叫左雙併煲，麻辣加莞西皮蛋湯底。 湯底方面，其實都幾濃既，但只係比左半煲大。 煮左1 round就有人黎自動加水。。。 可想言知，得一半濃湯，被溝淡一半。即刻無哂味。野食方面，其實種類都幾多，但漏單漏到傻，落左3次d菜先黎。要追好多次，先同我地講，d單全部唔見哂。員工話今日好忙。而睇下個場，又真係唔係好夠員工做野，4-5個人踩哂issue成個場。稍為投訴之後，大約1/3野終於到達，但有好多無叫又黎。 真係好失望。 而響鈴叫3次都依然失蹤。到中段，我同同行朋友講，我已經對呢間無期望。總之就係好失望

Yesterday, I went to this restaurant with my friends because my friend wished to eat hot pot.When I came the entrance of this restaurant I saw a lot of people were waiting here. So I went to other floor competed which restaurant were faster.Actually, I was waiting for 20mins. The waitress said if I did not mind same table with other people I could in so I did.My friend and I are good appetites, this restaurant foods are delicious, I saw the beef was good. So we upgraded the plan,from $138 to $

同朋友放工黎打邊邊，是晚試下新野來了好一鍋，繁忙時段$158一位，任飲任食無醬料費之類，仲要有2.5小時，確實係好吸引，唔怪得一上到黎咁多人等位，企滿成個口呀打住機咁等，唔覺唔覺又等左個半鐘，哈哈，香港文化就係排隊等位。好不容易有枱了，拿拿淋點野食寫湯底啦，店員送上調味㗎同豉油，一般常見醬料都有，不過豉油同醬都係漏哂出邊邊位，碰個陣要小心啲。湯底選了冬蔭功湯同鯊魚骨猴頭菇湯，呢兩款少見啲嘛。冬蔭功湯酸酸辣新好惹味，可能冬蔭功太濃，相對起黎鯊魚骨湯完全無味，哈哈，太大對比了。飲品去雪櫃自助，有一般汽水，烏龍茶，同店家自制飲品，啤酒另外收費。試了餐紙上寫的檸檬薏米水，但飲落原來係竹蔗茅根黎，好有驚喜呀哈哈，完全唔甜幾好飲。蔬菜同烏冬居然有油炸鬼茶樹菇好新鮮，仲有泥㗎，哈哈，放落湯底洗洗佢無問題。牛肉，豬肉，羊肉，無論寫幾多黎嘅份量都一樣，都好嘅，免得眼濶肚窄浪費掉。蝦同魚，是晚的蝦不太新鮮，有點失望。哈哈，鵪鶉蛋都有，又幾搞鬼喎。再來第二round，食物都幾快到。菜新鮮食飽飽又點少得甜品，去乳酪自助bar到整番杯先，酸酸的好味。食物幾好味，湯底都ok，不過服務同衛生有待改善，枱實在有點髒

香港人無論冬天定夏天都中意打邊爐，夏天可以開住冷氣打，相反冬天都可以開住冷氣打，得左！而本身係窮豬既朕最愛打邊爐放題，都係覺得好一鍋比較正，原因係牛肉比較高質，每次比既份量都較多，朕一個人可以至少可以食 10 碟，帶身邊既牛魔王黎一流 🤤🤤🤤另一原因呢到個湯底係的確係濃底足料，好歡喜呢到既湯底 🤘🏿 而且仲有 10 款湯底可以揀，有泰式冬陰功鍋、秘製沙爹鍋、鮮茄薯仔豬軟骨鍋、椰子雞湯鍋、香茜皮蛋鍋、四川麻辣鍋，胡椒咸菜豬肚鍋、木瓜魚尾湯鍋、鯊魚骨猴頭菇鍋、龍利葉雪梨豬骨鍋，可以揀雙拼湯底，當中既 #四川麻辣鍋 同 #胡椒咸菜豬肚鍋 係高度推介，絕對冇得輸又足料 🤤而配料果方面有成 88 款咁多，由於時間既關係，我都係打出黎，有手切肥牛、美國肥牛、五香牛根腩、滑牛肉、豬生腸、滋補花膠、是日推介海鮮、三寶丸、手打墨魚丸、手打豬肉丸、手打鯪魚球、墨汁墨魚滑、紫菜鯪魚滑、黑椒牛丸、生猛海蝦、脆鯇魚腩、脆鯇魚片、新鮮魚雲、鮮鯇魚腩、鮮鯇魚片、白鱔片、豬頸肉柳、羊肉片、西班牙白豚肉、鮮雞片、滑雞柳、爽脆豬膶、豬肚片、牛骨髓、牛柏葉、九肚魚、鵝腸、雞公子、香蔥雪魚腐、鵪鶉蛋、鮮蝦雲吞、韭菜豬肉餃、芝

If you don’t mind waiting for more than 1.5 hours even WITH A BOOKING, then come here. Majorly overbooked and they don’t care.

They stupidly overbook so that when you turn up there are major queues, 7:30 reservation and by 8:30 there are still 5 tables in front of us.The receptionist is rude and inconsiderate.Would highly recommend not coming here.

我同朋友二人夜晚18:40到問有無枱，因為我們無訂枱，門口帶位問我哋20:30還枱有無問題我們都話無問題，帶我們入座途中，仲未坐低就即刻改口問我們20:15還枱得唔得，我們都話無問題，到19:30就有個黑衫侍應攞張單嚟叫我們埋單先，19:58就有侍應話我們夠鐘叫我們起身還枱，枱上仲有三碟未煮的火鍋料，20:05就有個侍應話幫我們倒哂所有火鍋料落個鍋度就唔洗慢慢淥，本身枱邊有張細枱仔可放食物又中途收走，食物唔夠放枱面，就碟踏食物再踏碟再踏食物，全部都兩碟三碟踏住哂食物比我們，侍應服務差，態度差，未夠鐘就開聲趕客走。

呢間野醬料算正常地多, 味道好~ 價錢都唔貴,重要既係有yogurt 食!牛肉係靚野黎~ 肉味濃, 份量多, 口感都係爽口, 絕對可以一試, 不過要再加錢~湯底正常, 我地叫左2個湯方便for唔同人既需要, 湯底都有多種可以選擇我比較中意食沙爹咁解..呢到既芝士丸比較奇怪d 同普通白色街市買到個d唔同, 味道都好食, 芝士味比較濃,外皮都比普通個d較脆小小.最重要重要,值得加分既係有yogurt食,佢有部機可以自由整!我超中意, 因為yogurt成本貴,唔係間間餐廳都有,好少見打邊爐有得食!!我會再去呢間餐廳 絕對係因為呢樣野!服務正常, 地方比較大, 服務員辛苦d 難以照顧晒全部既~

朋友相約去食飯， 佐敦一定諗起光速餐， 不過今日唔可以，因為要同朋友慢慢傾慢慢食， 不二之選一定係任食打邊爐。我地5點左右到達，入面人數夠晒少，2個人都可以坐卡位。食物種類夠晒多，嗌多左碟安格斯肥牛。 安格斯肥牛出色， 肥瘦均勻完全唔會有多餘嘅嘢最重要夠曬大碟， 畫紙落幾多， 真係嚟足幾多碟，份量完全同我地入紙既一模一樣。話明任飲任食，我地一定係飲可口可樂，貪佢夠晒多氣。最後，明明2個小時既任飲任食行，我地坐到成8點先走，鋪頭都無吹我地。值得加分。

好食但係職員嘅態度非常之差 ,本身係任食兩個半鐘但未到兩個鐘,職員就趕我哋走 仲要態度串到乜咁 ,所以特登開過帳戶鬧你哋 檢討下自己態度好冇? 做員工做到啲態度咁差! 不如唔好做.

上星期去左佐敦出名多樓上食肆的莊士敦廣場，選擇左間任食火鍋，因為無book枱，但好多 彩時間尚早6:15pm，搭枱仲有位， 拗曬頭打邊爐圓枱點搭枱，原來圓枱都有兩個爐😅因為成層，地方大有卡位，一般的任食火鍋殺場不是賣環境，但坐得都寬敞的，未到7:30pm已爆場，湯底有好多款，還可以選鴛鴦鍋， 汽水多款是自助形式，在雪櫃自己攞，食物質素以這收費，真係物超所值…總結，坐得頗為舒服，食材可以，還有自助式乳酪機，雖然乳酪唔係特別好食，但整體係值得再光顧。

今晚約左個大胃王食飯，諗諗下都係食放題著數d，大胃王好鐘意食肉，呢度火鍋放題咁抵食，$158任食兩個半鐘，帶佢黎食就最岩！一坐低侍應就放低一jar檸檬薏米水另外雪櫃仲有韓國罐裝同汽水可以自取任飲添醬料就係呢碟比你任溝溝完就收走，炸蒜超級正！我落左好多！湯底我地揀左椰子雞湯同泰式冬陰公湯，冬陰公湯仲有兩隻蝦。火鍋料黎喇！我地樣樣都點d推介手打丸（超彈牙！）、自家即製雲吞（唔係超市急凍貨色）、是日海鮮（日日唔同，今晚係大蜆，大隻無沙又新鮮）、當然仲有火鍋必食嘅肥牛啦！喺呢個時候朋友見到隔離枱嘅安格斯極品肥牛表示心動，我見幾大碟又唔貴，就加左碟啦（另加$128一碟）未食已經流口水啦！食食下外面越來越多人等位喇，估唔到夏天都咁多人鐘意打邊爐，打邊爐已經變左四季活動，一班人柴娃娃黎打，都幾開心架

環境方面都幾好， 首先坐得舒服，冷氣溫度ok， 湯底選擇都幾多 食物嘅選擇多好，牛肉就已經有分手切牛肉同埋美國牛肉 ，仲有一啲手打肉丸都唔錯 ，仲有花膠， 而且有時候仲會有佢哋餐廳自己整嘅一啲特別嘅嘢飲， 例如薏米水，竹蔗茅根。 其他飲品嘅選擇都好多，有汽水，檸檬茶 ，忌廉溝鮮奶， 飲品都較齊全。 而且仲有食物嘅種類都有好多選擇海鮮都有好多種 ，仲有菌類，蔬菜類， 魚類，都有好多選擇。 除咗食物種類選擇多食物質素都係唔錯嘅 ，比起其他嘅火鍋店呢間嘅質素都係比較高嘅。

第一次嘗試好一鍋，就這個價錢而言，食物質素OK有驚喜，種類尚算多及非常新鮮。甜品方面有韓國乳酪任食，下單後上傳食物的速度也頗快且份量適宜，實在大滿足唯當晚門口的職員態度頗為惡劣，及另一位帶位侍應態度囂張無禮，令入座的時候發生了一些不愉快的小插曲，令我們有意即時離開。幸好其他所有職員服務態度非常良好，最終才決定留下來繼續用膳，環境方便裝修感覺舒適，座位尚算寛敞不擠迫。總括來說，朋友聚會，也值得大家一試