好一鍋海鮮火鍋專門店 (已結業)

莊士倫敦廣場一向係打邊爐嘅聖地，啱曬一年四季都話要打邊爐嘅男朋友！ 今日佢話帶我嚟一間又平又抵食嘅火鍋，食飯黃金時間任食任飲2.5小時，都係158蚊一個人😱真係幾貼地！！early dinner 同宵夜時段仲要減到138~~~一坐低 服務員即刻送咗渣竹蔗茅根比我哋，外面仲可以自己出去雪櫃拎飲品~ 點餐紙選擇都幾多 而且仲見到唔少較為貴價嘅食品，好似時令海鮮 大蝦同白鱔片等，好少任食火鍋會見到~ 由於湯底太多選擇，我哋揀咗鴛鴦湯底椰子雞同埋 淮山蘋果雪梨鍋！🤭湯底都幾足料， 蘋果雪梨鍋，滋潤椰子雞鍋清甜， 我哋一開頭就先落咗蔬菜，吸收曬湯嘅精華，非常好味！😋海鮮方面都幾新鮮 大蝦肉質鮮味 ，口感彈牙，蜆肉好肥美，帶著淡淡嘅海水味， 因住嗌完一碟又一碟！😍丸類方面我最鍾意佢嘅芝士豆腐，一咬開係爆漿嘅芝士 而其中流心粟米球 都幾特別，好似粟米濃湯咁嘅味道🤭我哋另外加咗碟安格斯極品肥牛同埋 挪威三文魚，三文魚肉幾鮮甜肥美，而安格斯極品肥牛 脂肪分佈比例平均， 好香嘅牛味，口感嫩滑！而任叫任食嘅美國肥牛同埋手切肥牛其實質素都唔差，算係水準之上 👍🏻最後我哋仲diy咗個 乳酪雪糕做甜品，非常滿足嘅

由入座開始，哩位員工已經係黑面，盒紙巾係掟低，唔係放低，跟住一路食野，佢行埋黎拎單，執野，都不停係度口噏噏，問佢講咩，仲要啤住你，之後，隔離枱走，哩位員工去執枱，我身邊有一個放送既枱仔，佢一腳踢埋去張枱仔度，張枱仔，就直接撞埋我隻腳度，我已經即時同個位員工阿姐講，你整到我，但佢一啲反應都冇， 唔好意思，對唔住，都冇講一句，繼續喺度發脾氣執碗，仲要呯呤嘭唥咁張啲碗放入個盤度，(佢好明顯係度發緊脾氣)，但我唔知佢咩事咁噪底，我係拎幫襯，唔係黎收氣，你位員工，如果係做得唔開心既，點解唔同上司溝通一下， 反而對住客人大發脾氣?食物係好食，環境都唔錯，但哩位員工態度， 非常非常非常非常非常之差，更好食都唔會再幫襯。

昨晚打算同朋友上去吃火鍋，去到又見不是太多人喎，接待員姐姐仲話 : 「巧快，等下一張枱。」咁我地咪等下......十零分鐘後就叫我地入坐。😍果然巧快喎......入到去，張枱已經细啦，仲要扮卡位咁坐。張枱仲要喺🛁門口既路口位，D人出出入入都冇所謂啦......但我地幾個人都身型龐大，根本坐唔到。夾硬坐都要塞住條路😖。我咪走去同接待員姐姐講，可唔可以轉第張(其實當時仲有好幾張吉枱架)。出到門口，見個男经理同接待員耳語中，咪直接問男經理可否換枱？結果他縐著眉答我 : 「冇架啦，得呢張，一係你等到9點後囉.....」我說 : 「我可以等下一張，都會有人走架？」他又說 : 「冇架啦，你慢慢等到9點」之後男經理即轉身走返入去餐廳入面😤.......哈.....乜依家仲有D咁出眾既「趕客服務態度」既咩？唔怪得我星期五晚7點幾上到去，都仲有位啦，真係有原因........😂😂😂

♨️好一鍋♨️身處三十幾度夏天既香港人，識食梗係打邊爐啦閒日放工7點45到達，地鐵一出前行2分鐘即到，上到去無訂坐都可以即刻有位，環境唔錯又幾新淨既，亦夠涼同唔會好嘈，能見度合理服務員：幾位？我：兩個服務員：有位但要搭枱我：打邊爐搭枱？（係咪鴦鴛鍋一枱一邊）原來係大枱2+2+2，都算ok既不過當然唔係最理想啦，3-4人就有大卡位坐混醬時刻，大路既蒜葱茜麻XO都有湯底同野食都算好多款而好多樣都睇落好想叫，而佢好在會跟人頭俾既，即係水餃2人有4隻，蝦你寫個10字係隔離都係人頭數，所以你可以試到好多唔同既火鍋料好多個湯底都好似好正，我揀左龍蝦海鮮麻辣湯，嗌完先見到其實係可以雙拼，豬左湯底到左就知原來係小龍蝦，望落唔錯亦好香，之後食落就無咩辣味唔夠爽，小龍蝦就當然淨係負責視覺享受啦叫野飲環節，薏米水個類就任叫一壺壺拎俾你既，韓式飲品同汽水就隨你自己揀+拎，啤酒無任飲但個價錢飲到反胃都唔肉痛既，（藍冰$10/5罐9點半後$5/5罐，水一樣既價錢，水一樣既享受）收費啤酒叫完30秒就拎俾你set埋冰桶，Yeah我食左手切肥牛、美國肥牛、滑牛肉、花膠、黑松露墨魚滑、海蝦、脆鯇魚腩、白鱔片、滑雞柳、牛栢葉、

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！同女友去完灣仔婚展，行去碼頭坐船吹下海風過尖沙咀食飯，原本book左一間係諾士佛台任飲任食嘅清bar，點知上到去一個客都無，即刻調頭走。係尖沙咀遊蕩左半個鐘，間間唔係要等位就係唔啱食，諗諗下不如直接行過去莊士倫敦廣場，貪佢多野食呀嘛！先上蒲頭島，點知我地想食個餐賣哂，唯有下次啦，所以就直飛落8樓食好一鍋！我之前已經寫過旺角好一鍋食評，所以對呢度都好有信心！搭正八點呢d時間真係坐滿人，如果唔搭檯就要等，但我地太餓了，搭檯就搭檯啦！一張大圓檯本應坐8個，宜家對面坐兩個，我地又兩個，所以都算好鬆動舒適！醬油架任你混醬！order紙同旺角店一樣，都係多元化，選擇多！先講肥牛！呢度d牛真係好高質！有兩款，分別係美國肥牛同手切肥牛，美國肥牛油脂較多，油香重！手切肥牛

本來經理派飛比我飛27號，之後到我果時個帶位嘅話寫錯號碼 由7點50等到8點45等咗差唔多成個鐘。遲過我嚟嘅都食緊，如果唔係12樓大窩口冇位都唔會嚟等嘢食又等好耐，上菜又上錯嘢

如果食慣大鍋口任食打邊爐，可以試吃這間，以這個價食材都好好吃，如：蝦（超好吃）、鮮牛肉、手打墨魚滑、炸魚腐、芝士丸（朋友說跟平時吃到質感不到）、年糕等不能盡錄😂😂😂😝圖中牛肉是加128一碟吃的，雖然都不錯，但個人覺得不知道為什麼任吃鮮牛肉比較好吃，所以下次不會加😂😋而且湯底不是純湯底有料的說，但不推薦冬蔭公湯底，見網上推鯊魚頭咩咩湯底😂😂大家可試試.🍔🍔🍔雖一缺點是卜左位不等於你可以直接進去吃，而是卜位是要到場再排隊，我們7位等了大約30-45分鐘，勸各位要挑閒日去😂或是是9-10點後.我見網上人說那裡服務很差，但我又不覺得，出單也算快。又說雖然是吃兩個半小時，但是最後半小時已收爐、不給吃，但我自己親身經歷是本來卜左7:00，但大約等到7:45分吃，吃到10:00有人收錢，10:12-13分就收爐，剛好😂😂😂我們買單加埋碟牛，大概每人$200左右😍

宵夜好去處。之前其實未黎過依一間 - 好一鍋。佢同樓上有一間火鍋店好相似。連火鍋火物種類都相似到9成921:30後入座，$138一位包任飲任食。限時2.5小時，其實一定有足夠時間吃。我們一行6人，職員安排了一張8人枱。座位舒適闊落。隨即放下一個調味架。內有辣椒、蒜蓉、青蔥、沙茶醬、花生醬⋯按自己喜好而調製一個醬汁。一坐下店員就來問我們需要那一個湯底，最後我們揀選了木瓜魚尾湯底，雖然完全沒有魚味，但配上木瓜很清甜食物上菜速度尚可，但每次來的份量都不多。要多落幾張紙😂有點不夠環保♻️另外有一部雪糕機，都是包括在任飲任食內。但味道不太討好⋯

全棟有很多火鍋店，千揀萬揀，揀了好一鍋。8點去到，經理已經話要等到9點(雖則只是排第三張二人枱), 等位期間，入了四～五張大枱，即來即有位，亦未輪到我們。果然最後真係等足一小時，甚有期望。入席後，枱底先係一大堆濕左的紙巾恭候，衛生其差，叫先肯掃掃。奉上的食物，亦是碟搭碟，即是牛肉上有整個碟底印，我明白位置有限而且反正都要滾一滾，但胃口真係大減。湯底極有味精，過了7小時仍很口渴。沒有薏米水但有竹蔗水，自助去取。叫了幾次"每日海鮮" ，都沒有到，相信是冇貨。蝦是全餐最好的，爽口彈牙。飲品及醬料選擇都可以滿足。其餘質素不算太好，湯底的猴頭菇及紅蘿蔔都是"縮味" 的。很奇怪為何可以得到那麼多？簡直是伏！進食期間還有員工和員工大聲撩架打還有身體碰撞食後感，一個字，伏！

再食"好一煱”食物新鮮多選擇 今次有漏單 再點有上番服務算好 有對話嘅冇臭寸 有問有答任飲汽水 可以飲熱茶 冇咁頂胃啤酒另付款是日海鮮 係 ”中虾" &”貝" 有大中細 都新鮮肥牛肉 點1碟嚟2碟 叫退番係可以嘅菜類好多揀…新鮮菜 乾淨 芥蘭苗 菜心苗 茶樹菇都有 "冇冬瓜"手打丸 很一般 比較結實 上枱仲結冰2人都可以揀"湯底双併” 冇揀12樓嗰間 雖然食物相似 但 湯底双併要加$48 唔……好一煱 早場5點2 已坐滿卡位 ……侍應畀咗張8人枱(2位)近窗邊 唔使搭枱 大豪客咁但7:30 入座嘅 就 不敢恭維樓下排大隊坐 lift … 單双數 分滿……眼見 8人枱 要坐3對互不相識嘅客人 食物要放枱邊嘅枱仔……咁嘅安排 小妹真真接受唔倒……星期日 & 閒日都一樣價錢 抵食 會再食……

“好一鍋“佐敦8樓 任飲任食放題$158唔包啤酒 7:30pm離場優惠$20去到莊士敦樓下 唔使排隊坐電梯食夠$500 有 免費泊車2小時 好好時間尚早 ..... 我哋係第2枱進場侍應帶位 3位都畀張6人枱卡位 重任我哋揀坐邊張 呢個場地都好新淨 抽氣好 冷氣開夠大 火煱唔會焗親幾個男侍應有問有答 有禮貌點咗湯底 點埋食物 很快到...... 美國肥牛~ 油香肉質都嫩手切肥牛~ 瘦 肉嚡 ...1碟就夠啦響鈴 雞子 土尤 午餐肉 都係必食花膠 ~上枱似豬皮 灼咗就充滿骨膠元鱔片~ 好鮮 油香滑 是日推介海鮮~ 大蜆 虾 好新鮮 可能因應人數 每次上幾粒 叫咗3轉都上齊帆立貝~比較細粒 鮮味 有腸要清理吓菲菜豬肉餃 點咗2次 冇嚟 冇通知自助攞罐裝汽水／茶都有熱茶供應 侍應經常幫加水

唔可以用支付寶囉，有少少貨不對辦，希望及時更新信息囉乳酪雪糕超好味脆肉鯇魚時脆時不脆一份肥牛上左四份菜點左無又唔通知兩個人可以點鴛鴦鍋，幾好蝦好新鮮，整體感覺都幾好嘅

莊士敦廣場每晚條隊都長長長， 今晚我都排埋一份上去打邊邊。朋友推介呢間任食打邊邊，首推介肉丸全部都係手打， 質素極高。可能星期五關係， 全院滿座， 有點擠擁， 空間感不足。先來調味醬一張menu睇哂可以選擇的食物。先來一個醉雞鍋湯底內裡應該有兩至三件雞件的， 醉雞香味濃，但飲落淡淡的， 明顯用料不足。肥牛當然是必選，任食價錢也沒有期望太高呢！丸子確實手打的，滑滑海鮮點了蜆和蝦， 每樣也是上四件， 但其中一隻蜆是破的薄薄的鱔片但新鮮推介稻庭烏冬，響鈴。芝心丸內的芝士極juicy呢！雲吞卻普普通通掛住食，卻忘記影我們點了最多的午餐肉啊！還有任取飲品， 有可口可樂， 康師傅各樣果汁，也有韓國品牌的飲料，包羅萬有。以每人大概 $180 價錢 來一餐任食打邊邊，是可接受的。如果追求質素或者坐得舒服一點， 這間就未必適合了。

9人行來到好一鍋，齊齊吃今年第一次的打邊爐，食客多之餘，相對枱子與坐椅之間都十分擠迫，令人坐得十分不舒服，大家坐得密不透風，枱面細難擺太多食物，依賴附加的小茶几擺疊食物，阻礙出入，變得不方便，枱面細飲品容易翻倒，弄髒身上衣物及隨身物品餐單打邊爐食物及蔬菜的選擇尚算多，質素還不錯及新鮮，所點選食物漏單情況，算是可在接受範圍內，只可惜奉送的竹蔗飲料，不飲也不覺可惜，只有勁甜糖水味道而沒有竹蔗的清甜，雪糕太多冰沙，食後感覺太冰冷及質感有點稀，似沒太有味的雪葩，不像雪糕的口感其次不知是否客人太多，侍應人手不足的原故，員工服務態度差，笑容欠奉之餘，客人的要求，都不太願意理睬，爐具火力有問題，都是草草解決，處理後問題都依然沒有改善，還有一事，就是不理會客人鍋內是否有食物，沒提醒客人要添加湯底，須要讓出少許位置與小心湯水，就這樣出其不意攝位由高處倒下加添湯底於鍋內，而湯水濺出鍋邊以外地方，令爐面濕漉漉，感覺有點骯髒希望有機會再來聚餐時，這些問題都有所改善！

今晚倒數諗住喺佐敦店睇住無線倒數打邊爐啦。首先我兩個星期前訂咗4個人嘅9:30枱，我地冇遲到，但佢地要我地等咗8個字先俾到枱我 (我去過一次都係咁，訂咗枱都要等多過半粒鐘先有枱俾我) , 非常混亂！坐低之後，佢地嗰陣個電視開緊viuTV架。到11:50分我問其中一個經理可唔可以轉無線睇倒數，佢話公司唔俾轉台。之後我問第二個經理，我已經好聲好氣話倒數可唔可以轉台。點知佢特登轉去明珠台，仲要雪花多到睇唔到。最後要食客自己下載app去搖控你地個電視。d經理態度差成咁，你叫人點再黎幫襯？係就係抵食，但係成棟莊士敦廣場都有得打邊爐，而且都係咁上下價錢。咁嘅服務態度，我下次唔會再去