好滾得 (已結業)

係第一日推出去過已經好多爆點,諗住近近地比多次機會就去~13:25入到去,等左一陣見重未落單,不斷叫佢幫我落單,女侍應話幫我落左,等左三個字唔對路最基本既單都未到,再問再叫問齊哂全場既員工終於差不多13:52終於比我叫到張單出黎👏👏期間對面幾位都等到燥哂,因為落單黎半個鐘都無雞翼到,半個鐘落單半個鐘等第一碟到(未食到第一碟係唔會比你叫下一碟),一個鐘頭任食變一個鐘任等,又要等咁耐又唔比人叫住先,未見過一間餐廳入面係全陪客都黑面,最後我等到食飯時間過哂一隻雞翼都無食到咁走!!!🔥如果想平你要有大量時間,如果你黎要預左係自己拎黎衰,可能係我貪平我唔岩,呢間野可一不可再。

如果冇佛系嘅心去等, 請你唔好幫襯是咁的, 冇book到位都walk-in到只係噩夢中嘅僥倖坐低後先送上各一款共八隻雞翼 味道唔錯但加單極有難度、極講求運氣見你揚手先當你隱形, 後開拖樣咁問人叫d咩各口味一份只有兩隻 一行幾個人食加一次單覺得唔夠 好快就再補單過左十五分鐘先黎第一轉 再等另一轉佛系嘅心已經香消玉殞 試諗下呆坐二十分鐘 附近差唔多時間嘅訂單都黎齊曬係我地嗰張漏L左 嗰下係幾咁嬲呢...問帶位姐姐佢話補鐘我地唔係無限lunch time所以加黎冇意思然後問侍應 佢話"我一定有落到 廚房整緊" 咁講一定係廚房特登唔做我地訂單啦係咪～結果嗰廿分鐘空氣就黎左 人就食唔飽如果唔係開頭嗰八隻雞翼 只係食左兩隻某專頁話食到十八隻 毒自食一定冇難度架加一次單各口味一份就已經廿四隻所以下次最好幾條友單拖去 單獨叫就最著數

60分鐘45都係坐食得十幾隻雞翼48蚊十幾隻唔值囖 催埋都唔黎 得三條友仔 黎嗰d又唔齊喎 味道我不作評論48蚊素質自己諗下點 重要既系明明少黎左好幾份仲叫我地食住先得返3分鐘食條鐵？

哂氣 一坐低就講明60分鐘 唔可以食剩 合理 之後點完要放題同加十蚊要飯同菜 就好快黎左第一碟 得8款 每款一隻 飯就平時酒樓既一碗仔 菜個碗就更細 同片完全唔同 雞翼係唔差既 但我地食到一半 食左4隻已經加單 10分鐘唔洗食哂8隻 但坐左30分鐘第2輪仲未黎 一唔追單都無後應 旁邊剛黎到坐低個一輪就突別快到 最後就黎夠鐘追多次 老闆娘同伙記示意唔好追 最後要埋單走人 各位勇士加油

完全唔掂， 從來唔寫食評的我，特登開account寫劣評未講味道前，可以俾你嘅份量唔會俾你飽所謂放題，係可以俾你Order,但唔比你食你一問，只係同你講"已經吹咗好快"， 但等咗半個鐘都未有嘢食，絕對唔推介， 想中伏可以一戰因為有個呀姐準備好同你爆態度惡劣佢哋要你全程齋坐，唯一一讚的係冷氣， 天氣熱不妨上去嘆冷氣但對於下雨天的今日，係凍到黐肺所以味道係唔入味，唔夠味最後.....未食飽，心存著仲有希望個waiter行黎話：夠鐘唔該埋單果一刻就上返openrice 睇下有咩好食同埋香港人都係好有耐性同愛心咁繼續去中大伏

呢度48蚊嘅雞翼放題有13款，應該暫時全港最抵味道ok，性價比高 佢可能整得太多款，同時低估左某啲口味嘅受歡迎程度，所以我地到嘅時候好多款都無左。 另外落單混亂，叫完好似無左回事咁，亦都查唔返，店入面嘅落單apps係廢左，建議用放題點單紙，又或者加強員工培訓，唔好口講入廚房(廚房應該俾佢地玩死)，要寫單，又或者俾我地自己寫都得 如果想試，大家記得襯早幫襯，2點後好多都會無座位：6/10⭐️ 尚算舒適，唔會太逼環境：5.5/10⭐️ 中中亭亭，無咩特式，尚算寬敞味道：6.5/10⭐️雞翼尚算入味，用料足夠，可惜大多味當天都沒有供應員工： 5/10⭐️員工態度不一，有親切，亦有不太禮貌，睇你好唔好彩

在旺角逛完街都已經有點累，正正走到譽發廣場看看有甚麼可以食，我和友人異口同聲不如火鍋吧，便到了樓上的好滾得，餐廳裝修雅緻，充滿地道中式風情，環境坐位舒適。多款火鍋選擇,有味淡有味濃，有辣有唔辣，我們選了大石砸死蟹蟹肉晶瑩剔透，新鮮肥美，下鍋一會變色就可以，爽口彈牙，蟹味十足。接著火鍋時候的牛肉色澤漂亮，花紋肥瘦都很平均，肉質特別鮮嫩，牛味香濃，很不錯。愛芫茜的我一定不能錯過，這裡的招牌火鍋內加入了芫茜，又有特色又好味。這些食材相信是在比較價的火鍋店才吃到，見到咁特別當然要試下，店員說下鍋很短時間便可以，十分爽口有口感。半透的鱔片很大片，睇落十分新鮮，，鱔味香濃，爽嫩有口感。這兒的魚肉比一般的更肥美飽滿，久煮亦不會散掉，口感和味道依然還在。火鍋的生蠔真的熟透才可以吃，否則便會拉肚子,這兒的蠔真的一試難忘，富有口感之余，蠔味香濃而不膩。

我們6點半來到,可能是星期6的關係,已經有一定客人在此坐下後很快便下單了,選了一個火鍋,是蟹煲才對.湯底送來再稍為煮滾一下下，香氣撲鼻。 連忙把蟹煮熟，蟹肉質細嫩，久煮不韌，吸收了湯底味道的蟹肉，溫潤的口感，肉香留在唇齒間。之後火鍋叫了2條魚一起烤,那樣比較豐富,魚肉的味道也不錯,可能是湯底的味道吸引吧響鈴大小相若但形狀不規則，入口爽口彈牙，湯的甜味溢出，能吃出內裡的紫菜味。極品肥牛肉質是軟糯肥美，香味濃郁至極,煮熟後，吸盡湯汁，質感彈牙，外滑內軟，吸盡湯汁，麻辣飄香。餐廳濃溢著火鍋的香氣,是晚用餐十分高興

睇食評而試嘅海鮮鍋，原本想試大石砸死蟹鍋，但無特價而且湯底有d辣，正價要$498但一行七人又唔夠食，便試咗個特價嘅龍蝦花甲鍋$298龍蝦新鮮共有兩隻開邊，花甲都算多約有一斤但欠鮮味，湯底無咩味道，有d失望😭原本想試牛封柳但無貨，唯有試咗一碟大嘅牛肩胛，可惜味道一般，又失望😭手打新鮮嘅芫荽墨魚丸幾大粒，幾彈牙👍但魚香茄子豬肉丸就麻麻地，可能成粒都係豬肉，口感相比下麻麻地，好似食緊粒好大嘅豬肉丸而己👎 。黑松露鮮蝦餃幾特別，其他火鍋店好少見，可以一試👍。鮮炸紫菜響鈴都可以一試， 芋絲，豬皮， 皇帝菜，油麥菜份量一般，但花枝片 & 貴妃蚌都欠鮮味，每款嘅放置都算精緻。帶咗生日蛋糕去，但原來要收切餅費$50整體都覺得一般，因價錢比較貴咗少少，但又無想像中咁鮮味，有d失望! 而且仲只收現金👎

特別龍蝦蜆煲……湯底龍蝦也算ok...服務可以……其他食物算ok可一試……300元人均消費質素合挌……星期六人流仍小……但當日冷氣不足……房間客也要求打開趟門……因冷氣不大……份量部分细小……唔係平價hotpot...飲品貴……旺角今期930pm前無做蟹蜆湯底……………未試雞煲……價錢收每人300.可以去其他地方食蒸海鮮…………

辣辣既雞煲，果然夠哂spicy, 辣既程度非常 impressive, 好有特色，唔錯。staff既 service 亦好殷勤。其中牛肉最好，相對 value for money.

我friend去過一次重慶出job 就成日掛係口邊話重慶啲辣好食，辣中帶甜。今次同佢去呢間旺角打邊爐，試新野。首先上枱黎個蜆煲,擺盤不錯，有清淡，有微辣，我地選左微辣，仲有即席表演,火花四射,相當不錯。蜆肉開胃，微微先食幾口熱一熱身，學黎明話，唔好空肚食早餐，打邊爐都係。食過蜆肉煲後，火鍋湯上場。打邊爐最緊要係個爐，咁第二重要一定係個煲。個煲滾得好快，咁先係打邊爐架嘛。個湯已經吸收曬D鮮味,食食下先發現，愈食愈有味，辣湯愈食亦愈辣。因為材料全部愈煮愈出味。亦即係話，所有湯底係先有一個湯底，再按你要既材料加入去。丸類算得上新鮮，雖然非頂級新鮮好味精致,但味道特別,入口亦都彈牙香港的火鍋度係比較少用到好食既蔬菜,依之4既菜好甜,好新鮮.栗米亦都好多汁最後講一下環境企理，打邊爐另一High Light係打醬，各式醬料基本上齊備。包括陳醋，香菜粒，芹菜粒，味精，榨菜粒等等都有。係合理既中國式火鍋style。作為港式品味打邊爐，值得一讚

其實，女仔好中意MAN既人，最好就是既MAN且暖的暖男！而遇上細心又主動的英雄，點會唔傾心？今次我和美女不顧一切、深入敵陣結果令味蕾遇上了好滾得，質素之高令人極之傾心！ 先講裝修：傳統火鍋FEEL，坐得舒服混醬英雄：自助式混醬設計，隨便你自己配搭，連蠔油、陳醋、炒白芝麻都有，好混醬！大石砸死蟹鍋,名字犀飛利！味道確開胃！蟹肉同配菜都教人流口水湯底陣陣蟹香，的確是與眾不同蟹肉入湯即煮，就是煮過30分鐘仍是香嫩鮮滑可見選料用心，尤其是鍋中的湯料，啖啖鮮濃全都都是我喜愛的滋味建議先飲湯底，先從鮮氣入口，多種精華融入湯中 火鍋時就是更上一層樓的滋補味道,放什麼進去都好吃！象拔蚌和珊瑚蚌都是我喜歡的火鍋配料,入口味道新鮮,質感十足,配上湯底味道更好識英雄重英雄，愛湯者如我，在此見識了好滾得的實力！

滿心期待同朋友一齊去食卜卜蜆煲，環境幾好但冷氣凍到癲，問職員可唔可以調個冇咁凍嘅位，佢話中央冷氣全部都凍，最後都冇換位，見到卜卜蜆煲嚟啦，個人覺得蜆煲個份量少，2個女仔食都未必夠食，入邊有好多蜆都爆殼，個湯底好重蜆味 幾好，加埋鵝腸 好味，不過啲蜆食得好唔容易，整親嘴都唔知點算，有圖有真相，都唔係好明點解會爛到咁，所以都係冇下次㗎啦。

近呢幾日天氣熱左，不過依然唔阻我地打邊爐嘅決心，收工拿拿臨過黎閏角，近近地又可以食完去行街，哈哈。我地大約七點零鐘到，平日都幾多人，但因為店內地方夠大，位置相當多，所以都唔需要等位，但我估週末應該會多人啲，最好訂位。佢地有部分係卡位，有啲梳化位，好闊落袈，但因為我地冇預訂，就冇哂嚕，被安排坐左比較入嘅四人枱，好在都好闊落，完全唔逼。原來佢地仲有喺用屏風隔住嘅位，好佢地有部分係卡位，有啲梳化位，好闊落袈，但因為我地冇預訂，就冇哂嚕，被安排坐左比較入嘅四人枱，好在都好闊落，完全唔逼。湯底同配料選擇都好多，本來真係想試下佢地嘅麻辣湯底，但因為同行有朋友唔食得辣，我地只好下次黎再試。我地食左蟹煲,非常推介，尤其是呢個天氣，平時冇乜湯水嘅話，一流。蟹好大隻,亦都好多肉,配埋湯好好味.之後今次點左火鍋配料，呢度人均消費300以上，配料係海鮮、牛肉一類會貴啲，其他同一般火鍋店差不多。我地點嘅湯底同配料質素非常高！湯底好足料，完全唔會覺得有味精感，飲番幾碗先開始打邊爐，正。牛肉啖啖肉，即時淥耐左都唔會好韌或者好老。本地手切肥牛：牛肉點左小份嘅手切牛，份量不少，牛味相當濃郁；略嫌韌左少少，我地試過啅幾秒