妙法齋

营业中

休息中

「妙法齋」，就在巴倫紐戲院旁邊，相當就腳。店子裝修簡約，有點似大排擋風格，周六日晚上就經常爆場，等了很久才有位子。至於齋菜菜式，每天約有十款小菜選擇，但別以為是青菜、瓜湯等變化不大的菜式，其實是創意素菜，如以雜果及鮮竹做材料；用麵筋及腐皮捲着雜菜等等。當然，大路的菜式一樣有，如脆炸春卷、羅漢上素及冬菇時蔬等等。我今次點了大路菜式「妙法冰梅骨」麺筋沾上了冰梅醬，酸酸甜甜，廚子大豆纖維製成品或麵筋等一眾可製成貌似肉類的食材。麵筋外表與真排骨無異, 冰梅黏甜開胃, 不過一咬下大豆纖維製成品就知道她們跟排骨質感與味道是不盡相同的。 大豆製成品是沉甸甸, 少了份彈性, 但這冰梅骨做到此效果是假可亂真, 我已經收貨，而且廚子炒時夠鑊氣，波蘿碎也多汁，配料也惹味，真是十全九美。「炸鮮腐皮卷」餡料足夠，廚子將豐富的冬菇菜絲讓入其中，而這次腐皮炸得脆囗，外層酥脆，呈金黃色，薄且滑的皮包著已調味的餡料，仍保留適當韌度，配菜的西籣花味也可口，十分滿足。

其實我好鐘意食素，由其是傳統的素菜，雖然沒有宗教信仰，但實在很喜歡到廟宇吃素，很奇怪了吧! 也試過邀請同樣愛吃素的友人回家打素火鍋，吃了大量的蔬菜、菇菌，減少吃肉，對身體、對大自然的好處也很多呢!對於現在流行的新派素食料理，個人就不太欣賞，但現在傳統素菜店已經買少見少，於屯門居住後，發現住家附近有一間老式素菜店，找了個周末前去一會.下午三時多，已經過了午市繁忙時間了，店內客人不多. 店內面積不大，只有5-6張枱，有三數張大圓枱，4人餐桌只有近門口的2張，所以繁忙時間，搭枱實在在所難免的了.幸運地於非繁忙時間入坐，2人可免卻搭枱呢! 我們選了一款午市碟頭飯及羅漢齋炒麵共享. 茗茶早、午市每位$4，另收加一.上海黃金素鴨菜飯 $42下單時店員說素鴨已賣清光了，換了另一款不知名的素腐卷，但同樣配菜飯的，她說素卷很好吃的. 那我也照要可也. 素腐卷是即炸的且油份不多，內裡是爽脆的雜菜絲，沾上喼汁很味. 要一讚的是菜飯做得很好，飯粒乾身有咬口，加上爽甜的菜粒，健康又美味.羅漢齋炒麵 $46素菜很多，包括大大隻的冬菇、粟米芯、木耳及草菇等，舖滿整碟香脆的炒麵，不過獻汁略嫌太大，不過傳統素菜就是這樣

今日突然想食齋菜~見到妙法齋評語唔錯就決定試一試環境幾乾淨，只係座位有啲窄窄地呢個咕嚕肉味道一般…炒雜菜冇咩特別香荔酥卷係3樣之中最好食既既鬆脆，又酸酸甜甜咁2個人，3個小菜已經好夠飽！早知唔叫飯值得一讚既係，服務真係想當唔錯，侍應好細心同有禮貌！

有人喜歡素食, 喜歡它清淡的味道和健康的用料; 有人郤不喜歡, 兼它款款用料相若, 味道一致且毫無特色; 有人亦認為何必將素菜扮成肉類和家禽類, 令它們變得虛假, 但我們卻自找樂趣, 不但吃得開懷, 亦樂在其中。今次走入屯門又帶兩老覓食, 本應第一次是一起去, 但老爸竟突然爽我約, 嬲嬲地之下便自行帶老媽去, 激一激他, 但還是心軟, 再帶他一起去第二次, 所以共訪了小店兩次。店子門面不算大, 設有一處外賣位, 客人可在此外賣點心, 挺方便。一走進內裏, 左邊是擺放點心區, 除放了一個個點心籠外, 還有一個透明的食物箱, 放了多款的滷水齋品、包點、煎炸物等, 一覽無遺。小店共有兩層, 但方便起見, 兩次均坐下層, 故不知上層的環境。全店以綠色為主調, 不論招牌名字、菜譜、桌子、椅子, 連店員的制服均是綠色。內裏設有數張大大小小的圓枱, 可坐五至八人, 地方不算大, 枱與枱之間頗狹窄, 坐得不太舒適, 而且多數需要搭枱。到訪日期: 28/12/2014一安坐後, 便馬上看看早餐的菜牌, 一頁是點心類, 另一頁是西式早餐, 老媽還是喜愛中式, 故一口氣挑選了幾款點心一試。等待其間再細閱那本

原本只想外賣一些餃子和甜點的綠茶糕，大概是下午二時多，入門口收銀員叔叔叫去對面廚窗位自己同內面講，叫我自己問埋總數多少錢，裏面有一男一女，態度一般地問，「你要乜吖？」說完了幫我放入白膠袋，一句也沒有留下，比完錢出店子後看看竟然油淋淋的餃子和甜點放在一起，試問誰人想吃有油的綠茶糕？老店子，有架子，雖然我買的東西很少、但這樣服務客人，真的不能接受，所以其他客人想買外賣，不要咸的和甜的一起買。

很久很久沒吃過齋，大概至少有4-5年吧！對於我黎講，食齋太沉悶，款式唔多，味道又大多清淡，而我比較愛濃味的菜式！果日忽然有朋友叫我去食齋，心諗“是旦啦，反正好耐未食過”！入到去感覺坐位少又坐得唔太舒服，但d服務都ok！我地兩個人叫左3個餸：1） 枝竹羊腩煲～好好味，雖然口感唔似羊腩，但d味道都有幾分羊騷味，好神奇！2）紅燒豆腐～好正，勁多配料，味道又好好！3）古法蒸石班～條魚個樣一d都唔似石班，但勁似左口魚，所以應該改名叫“古法蒸左口魚”，不過口感同味道都勁似魚，好好味。3個餸之中我最喜歡呢個！兩個女仔食晒3個餸，臨尾仲有芋頭西米露送，超飽！

星期六，比平時早到了屯門，目的就是要去行行新開的商場。而在屯門區，要找素食館子，的確是方便至極，在屯門墟內，就有一間《妙法齋》，提供素食，而且是我們喜歡的素點心類素食。位置算是方便，不過不在大街，也不在大巷的店，不打開手機的地圗，又不是區內居民，找她，的確是要花上少少時間。在手機地圖的幫助下，我們在其中一條行街專用街找到了，我們單是看門面，就知道這是傳統型的齋鋪，也感覺同荃灣的《妙法齋》一模一樣，感覺信心一增。一入門口，就是開放式的點心製作部，有什麼點心製作好，有什麼點心準備好，一目了然，當中，一定會獅一些做定，放涼了也沒有問題的素點心，如素肉批，素粉果，咸水角等等。而我們就點下了素火腿批。因為是預先做好，放涼了方便客人外賣，堂食即食，就立即翻熱奉上。我們要的素火腿批，焗熱之後絕對是香味充足，素肉餡夠豐富，是不錯的一個西式批，味道不比馳名中環及馳名大埔的差。素粉果，內裡的花生粒夠香，亦夠脆，很正常的素粉果。素牛肉球，山竹再加上菜，做得比同區的另一家素食館更似，不過質感上沒有那麼結實，而素肉球中帶有菇粒，感覺是更好食的，但我們吃慣另一家的味道，這個感覺不一樣的肉球，入口不慣但一樣覺得好，

今天，屋企人同我提早慶祝生日。早前，屋企人問我想去邊度食飯慶祝，我思前想後，決定去食齋。屯門區素食館以大力齋廚最有名，但係今次想試下另一間素食館，於是就決定去位於新墟的妙法齋。其實，呢間舖頭開左好多年，我細細個就食過。唔知係咪星期六中午，唔洗等位，呢樣野好過大力。服務員態度好殷勤，不斷介紹我地食呢樣食嗰樣，但係就過份殷勤左少少，因為我比較鍾意慢慢睇、慢慢揀。我地總共有5個人，所以可以叫多d食物。點心方面，我地叫左：雞扎、蘿蔔糕、鹹水角、豬肚、素鴨另外，我地叫左：芋頭魚、羅漢齋炒麵、xx鮮魷時蔬(唔記得左個名)、味菜豬大腸我本來想要芋頭糕，點知賣曬，唯有叫蘿蔔糕，味道ok。鹹水角同普通酒樓食無乜分別。雞扎同豬肚就分別較大，不過都係用類似豆干之類的用料，口感好似。食完點心後，我地叫左個小菜套餐，包括左芋頭魚、xx鮮魷同埋味菜豬大腸。豬大腸同鮮魷都係用豆干，所以食唔出有乜野分別，而且d味菜好鹹。至於芋頭魚就好好食，始終即叫即製，外皮夠脆，內裏夠熱。羅漢齋炒麵就令我有d失望，雖然賣相好靚，但係d麵淋左。我食炒麵都係想食脆口麵啫，點知第一次夾就已經淋左……其實我仲有好多野食想試，好似馬拉糕、雞球

久不久都會同女友來呢度食飯, 今日大約中午一點半左右到, 無需等候, 環境都算乾淨, 由於此食店只有很少的細檯, 我地差不多每次都好似去左食堂咁, 好多唔同的人搭埋一張十二人檯, 如果去呢度食野就要有心理準備, 不過呢度侍應好好禮貌, 反應又快!腐皮卷 - 上檯時仲係好熱架, 個皮脆戈卜卜, 個餡有蘿蔔, 荀, 菜等, 都幾爽口惹味鍋貼 - 餡係以白菜為主, 味道不錯, 不過個皮就不敢恭維, 好厚好厚, 加上又唔係好熱羅漢齋炆伊麵 - 味淡, 個"獻"太"杰"....麻麻地想久不久食清d都可以去試下的

荷葉食好大,好好食,3人分會好,但唔食蛋的人記得叫走蛋本餐要$1122個人完全食唔哂,建議三個人食好點..............................

佛慈齋一直都係至愛!而家試左喱間之後妙法齋而家變左第二愛而且仲近我住既地方~Good!馬拉糕`好食.好鬆軟!下次一定會再食!~粟米魚餅`好吾掂...我覺得好難食~點都吾會再嗌! 一咬就散哂.仲有味道好怪雞包`好好食呀!好多餡~有飽足感!咸水角`又係好吾得!淋哂!好吾得~荷葉飯`好大個又正!抵梅菜肉飯`有好多梅菜- -!不過整體黎講都好食既~不過有d吾抵!實在太多梅菜~

妙法齋是我和朋友於年青時代在對面讀緊私校時,中午放飯常來的食店.雖然食物和味道的印象已經好模糊,但情景我們都沒忘記.很難得和朋友睇場戲,順勢在這裡午飯,說起來還是第一次和朋友飲齋茶呢兩個人可以擦碟麵,其實我猴住羅漢齋炒麵好耐了即叫即炒等了十五分鐘,麵的份量比預期的少呢!麵底雖炸過但食入口不油膩,相信與厚厚的獻汁整淋左有關,材料有木耳,雪耳,馬蹄,竹荀,鮑魚菇,蘑菇,冬菇,菜心,芽菜等等,用料則相當足!每樣食材都應爽則爽,應甜則甜.整體上不錯.至於點心款式就沒有早上那麼多樣化,餘下的只有蒸飯,包點,粉果等等.我們點了素粉果,粟米魚餅和馬拉糕.煎魚餅一直都是朋友鐘愛,在齋店也不忘幫她點粟米粒相當多,魚肉較為散,只有微溫關係感覺硬是差一點.至於馬拉糕是看到隔雜枱食緊我才知道有此品.馬拉糕一籠兩大件,雖然是翻蒸,但出來仍保持香氣四溢糕身充滿大大氣孔,不鬆軟就假了,充滿蛋香味之餘,其甜味又剛好,非常好食.新春關係,小點加到十元,埋單亦要加一.不過~至少無酒樓咁吸水十幾年的時光,飛咁快地過了.縱使生活上各有不同,尤幸大家仍是開心快活人

近來到妙法齋飲早茶,多數吃炒米加白粥,原因又平又飽肚~!首先說炒米$7>$8,份量次次都一樣:好多!約半大湯碗,米粉不是什麼銀絲米,只是平時東莞米粉,夠爽夠咬口,米粉之間都炒得好均勻,甚少出現一舊舊,材料雖然只有粗條椰菜絲和幼條紅蘿蔔絲,不過下的份量都不少呢,味道除了從椰菜吃到的清甜味外,米粉出來的味道真係好清淡,不過!這樣簡簡單單我覺得好味又足夠炒粉麵絕對是肥野食品,但由於這個炒米粉用的油份算是少,起碼入口沒有油淋淋感覺,以及食完碗底沒有反光的,所以我較安心食用(大家去一轉海皇粥店食個炒米就明白)早排食過一次炒麵,配料都是菜絲,但覺得此味比較油膩,不排除我先入為主,因為知道做蛋麵的材料是包括膽固醇極高的鴨蛋黃另外白粥$5>$6的份量都是一大碗,阿姐更裝到滿滿到碗頂的看到就高興了.白粥用米量相當多,質地夠哂厚傑,我食白粥是不下鹽,輕易到吃出一陣白米香.白粥是低卡健康又飽肚之物,以及腸道也很有益處.鼓勵多吃^^十一月份開始,店方將每樣點心都加了價,平均每款加一蚊,加價同時亦加了一些新款點心,雖然未有興趣試(因為都是甜點及煎點),但趁此篇幅都一提.順便寫埋在八月時食過的大包

突然好想同老公出去食餐晚飯，於是下畫就搵下有ｄ咩好野食，揀選左咖哩屋同食齋，但最終都係去左食齋，有ｄ失望咁囉．個碗飯又硬又有飯蕉，人地有甜湯送我地無，就算有都未必好食，以喱間野既質素，唔會有下次．１．桂花翅：有ｄ辣辣地，好好味，豆乾，金菇絲，素翅，加左ｄ胡椒粉，正．２．乳豬件：大家睇下係咪炸到好燶呢？極之唔好食，作為伴碟既蝦片更加唔駛講係難食到嘔．３．西芹腰果蝦碌：普普通通得黎又無咩味道可言，ｄ蝦可假，假到唔知點去形容．

前話不多說了,今日有時間和'好耐'無去齋鋪飲茶,所以又來一轉.現在喜歡坐收銀隔離個張四人檯,一來搭位最多三人,成圍檯搭十人八人感覺很焗促呢.二來對正點心透明檯,可邊看邊想今餐食什麼先?因為昨晚游完水,早上餓到發荒了,最緊要食包!上回叉燒包個包身鞋恰恰,這裡無什麼包點選,再大膽點雞包仔吧.等左陣先有,原來雞包仔有三個架,每個拳頭大小,飽身無濕滋滋好似無翻蒸的感覺,拿拿聲食個先,唔~包身好軟熟!可能幸運地遇著剛出爐的貨色.餡味道好似真雞包,勁似勁似~明明只有冬菇,素雞,紅蘿蔔,還有應該是甜菜的物體,咸咸香香再有微微薑味,食多兩啖真是有'雞包仔'味架...~~~可能跨了少少,不過真是好好食!!推介之.上次吃粉果又是差到不得了,層皮厚過我塊面=.=今次在點心櫃裝了幾次,仲問阿姐素粉果和羅漢齋粉果即是哪樣子?阿姐拿了兩碟給我看,一看就知龍與鳳呢!後者的皮好厚身呀!!前者的皮是半晶瑩剔透狀於是就要一碟,因是翻熱貨,層皮口感仍是厚了點點啦,還接受到.餡最多是馬踹,好爽甜清脆,仲有少少莞茜,好清香.不過要趁暖吃呀,凍了層皮又開始硬了~食友說佩服我返工前都可以去飲早茶,一來自己好鐘意飲茶,二來早茶平很多